هانا اوبا;11882976:
ميكو انا جبت شفاط بالببرونة من دلمارب 5 7جنية ماركة كاميرا
شكرا ياكتكوتة انتى والبرج اليسر
قصدك صيدلية دلمار اللي في عباس؟
جربتيه ولا لسه طيب وشعورك ايه بقي معاه.
حبيبه مادو;11883348:
انتى جبتيها منين؟؟
ومبروووووووك اللوووووب يا عم يا عم هههههههههههه
احكيلى بقى كل حاااجه عن موضوع تركيب اللوب ده عملتى ايه بالظبط وحسيتى بايه وايه النظام فيه؟؟ انا سمعت انه بعد تركيبه المفروض مش يبقى فى علاقه زوجيه بعد 6 ايام من تركيبه ؟؟
وهو يعنى بيوجع ولا ايه ويعنى قوليلى كل حاجه عنننه لانى قلقانه من الموضوع ده اوى لدرجه بفكر اوف اى حاجه تانيه يعنى قوليلى كل التفاصيل بقى .....؟؟؟وحد يعرف حاجه عن الكبسوله اللى تحت الجلد دى؟؟
انا جبتها من راية وكارت الميموري من راديو شاك.
اللوب فعلا الدكتورة قالتلي اسبوع مفيش سيكو سيكو لن السائل المنوي بيبقي فيه مادة بتعمل تقلص للرحم فقمت انا مكملة بقي وبرد عليها بقولها يعني ممكن مثلا يقوم طارد اللوب بقي، قالتلي اه، فنستني اسبوع مفيش وواحدة صاحبتي كانت دكتورتها قالتلها 3 ايام وهما استعجلوا ومستنوش يومين علي بعضهم :085::085::085::085:
صاحبتي دي محستش بأي حاجة خالص في تركيبه بس انا حسيت شوية بصراحة هي شكلهات بتختلف من حد للتاني لأن حماتي استغربت اوي لما قلتلها كده، هو اللي تعبني اكتر البتاعة اللي بتحطها جوا عشان تفتح بيها الرحم وتشوف وكده مكنتش مستحملاها خالص بس ماخدش وقت نهائي وادتني دوا وقف النزيف عشان لو نزل دم وفعلا لما روحت نزل دم عليا بس ساعتها مفيش دم خالص.
m@hy;11884390:
مبروك يا ايمى عاللوب انا هروح اعملة اخر الشهر
بس انا مكنتش مفكراة غالى كدا:(
تصدقي اني كنت هسألك اساسا الموديل بتاعها ايه وعدستها نوعها ايه وحاجة كمان وكده عشان ادخل اقارنها بمواصفات بتاعتي ونشوف فرق السعر ده ليه قمتي انتي سبقتيني وحطيتي صورتها اهو بنت حلال، بصي يا ستي انا دخلت دلوقتي علي موقع سوني وشفت مواصفات الاتنين
دي بتاعتك:
http://go.3roos.com/5lyzQMl9CvR
ودي بتاعتي:
http://go.3roos.com/pPxfbOZChTt
بصي هي مش بتتاخد بمسألة البيكسل وبس ، لن هناك بردو شفت بيكسل اقل مثلا واغلي وحاجات كده، بس بتكون فيها اختلاف في حاجة تانية فدي بتشيل دي فهمتيني، المهم فعلا دخلت لقيت اختلافات بس بسيطة وانا عندي شوية حاجات مش موجودة في بتاعتك بس نسيت هي ايه دلوقتي لأني لسه ملحقتش استخدمها اوي واحفظ كل اللي فيها، انتي ادخلي كده وبصي علي كل الموصفات وركزي، بس الحق يتقال بقي انا عارفة ان راية اصلا غالية عن برا وحراميين بس تاخدي حاجة وانتي مطمنة بردو وغير كده مكنش قدامنا غير اننا نجيبها من راية او راديو شاك وبس عشان احنا مقسطنها تبع كارت معانا كده وهما دول المحلات اللي فيها الحاجات دي ومشتركة في نفس الكارت بس دي الفكرة لكن لو من بره راية كان هاتبقي ارخص من كده بس مش بكتير اوي بردو، والكارت اللي جبته بقي 8 جيجا بس مش سوني لقينا مش متوفر كتير ، الماركة اللي جبناها ليكسار.
crazy ananas;11884398:
بس على فكره المحل ده حلو جدا وحتى يعتبر اغلى واحد فى عين شمس بس حاجاته تستاهل بس انا قصدى اللى فالنعام مش اللى فشارع عين شمس ده وحش
وبرحتك حطى التقرير فالوقت اللى ينفعك
اما اللوب ركبت الحمد لله من زمان بس كنت عوزه اعرف بكام
انتى عارفه انا ركبته بكام ب 400ج حضرتك هو بيمنع 5 سنين ان شاء الله وهو المانى بلاتينى وانتى بتاعك نوعه ايه على فكره فى ناس بتركب بارخص من كدا بس انا مردتش اغير الدكتوره بتعتى لانى بثق فيها وبرتاح ليها قوى وبخاف اجرب حد فالحاجات ديه
وربنا يجعله بفايده
على فكره 8 ميجا ده كبير قوى يا كتكت انا الميمورى بتاع الكامير 2 ميجا وبيكفى كتيررررررررررررر قوى فوق ال300 صوره
وعوزه اقولك حاجه مفيش حاجه اسمها اوفر اصلا هما بيضحكوا علينا بالكلمه ديه والكلام ده
اه طبعا انا عارفة كنت لسه بقول كده امبارح احنا بنفرح بالكلمة بس لو ركزنا هنلاقي هما اللي كسبانين بردو ومفيش تخفيض ولا حاجة إلا نادرااااااا.
والمحل ده حلو اوي فعلا بتاع النعام اللي اقصده اه مش التاني، فتحتي نفسي والله طيب انا عايزة بقي منه دلوقتي :037::037::037:
انتي كاميرتك موديلها كام؟
انا جبت الكارت الكبير عشان متنسيش ان فيه صور هحب احتفظ بيها ممكن في الكاميرا ومش كله همسحه حتي لو نزلته علي الكمبيوتر بردو وكمان عشان اضيق الظروف افرضي مسافرين مثلا كذا يوم وكده يبقي معانا بردو المساحة الكافية ، دي لو خليتالتصوير بنفس ال 12 بيكسل هاتبقي عندي 1660 صورة باين والفيديو 24 ساعة حاجة كده.
انا بردو عملت اللوب عند دكتورتي نفسها عشان خلاص عرفتها ومستريحة معاها وعارفة حالتي وكده، والجهاز اللي بتفتح به انا شفته وخليتها ورتني اللوب واتكلمت معاها وسألتها بيعمل كده ازاي وكده، المهم هو مش جهاز دي انبوبة رفيعة خالص كده طوييييلة عاملة زي الشاليموه مثلا وفيها دايرة كده اللي هي بتتحكم فيها تقريبا عشان تخلي المكان مفتوح وكده وبعدين تقوم لفاها وتشيله فيتقفل تاني.
Eng. BoB;11888019:
ايمى مبروك يا قمر :) تعالى احكيلنا كل التفاصيل
انا خايفة منه قوى عشان كان ليا تجربة سيئة مع الجهاز اللى بيفتح المكان ده :(
معاكى حق انا جربت كده فعلا من يومين بس حطيت لبن عشان الشعر اللى فى وشها :) وفعلا الحبوب خفت بس ماجاش فى بالى انه من اللبن :)
وكان فى كمان كاريكوت شكله حلوو قوى احلى من الحاجات العادية فى باقى المحلات للى بيحبوا الكاريكوت
انا فعلا شفت الكريكوت والبيبي كاريير والحاجات دي حلوة اوي هناك واشكال مختلفة وجميلة.
الله يبارك فيكي يا بيبو :085::085: قبالك انتي هتروحي امتي مفروض ميعادك؟
بصي انا بردو كانت اغلس حاجة بجد الجهاز دي :02::02::02::02::02: ضايقني اووووي بجد، وبعد كده بقي كان عندي وجع البريود بتاع اول يوم بالظبط بتاع البطن وجعها وتقلصها كده وكمان قطمة الوسط والظهر دي.
قوليلي بقي اللبن ده عمل نتيجة فعلا وقلل الشعر ولا لسه مبانش، اصل قريبة جوزي بردو قالتلي المعلومة دي بس هي مش متأكدة منها سمعتها وبس.
crazy ananas;11888338:
بس يا بيبو تقيل ان شهد هيلبسوا كات ونص وكم وسالوبيت بكم ده كتير
كفايه قوى كم ونص وسالوبيت بكم متنسيش انه هيكون ملفوف فى حاجه
لأ يا انوسة هي مش قصدها تلبس 3 قطع لأ هي بتقولها يا اما كت يا اما نص وفوقها واحدة تانية وبس كم، يعني قطعتين بس.
