تجهيزات واستفسارات حوامل وامهات مصر... بارت 2

بنت من الزمن ده;11707686:
انا عايزة اروح محل لافلي بس فيه ناس بيقوللو غالي ع الفاضي مش عارفه بقى اروح ولا ايه انا ممكن اجيب حاجات غاليه عادى بس مش عايزة الاقي نفس الحاجه ارخص برا عشان الواحد بيزعل
فيه محل اسمه love&care حد يعرفه وايه نظامه

انا لسه كنت في لاف اند كير فرع عباس العقاد هو حلو اوي وفيه كل حاجة تقريبا بس انا متفرجتش فيه كله عشان دخلت قبل ما يقفلوا عالطول وكنت رايحة لهدف معين وخلاص بس يعتبر غالي بردو شوية زي لافلي كده بردو، يعني اه تلاقي فيهم كل حاجة وحاجات تلفت نظرك وتبقي هتتجني وتجيبيها بس السعر غالي

بنات كتروا اوي من فوط القشط هتحتاجوها فعلا اكتر حاجة عشان بيبقي فيه بهدلة جامدة اوي وهاتوها حجمها مش صغير اوي وتكون طبقة واحدة بس سميكة شوية وناعمة طبعا.

حبيبه مادو;11711652:
هو بكااام ده وهو البامبرز احلى ولا بيبى جوى؟

انا جربت الاتنين بالنسبالى بامبزر احلى كتير
بيبي جوى الصغير اللى فية جيب للبوبو سرب معايا
:01:

CuTie KaTkOoTa;11712744:
بنات كتروا اوي من فوط القشط هتحتاجوها فعلا اكتر حاجة عشان بيبقي فيه بهدلة جامدة اوي وهاتوها حجمها مش صغير اوي وتكون طبقة واحدة بس سميكة شوية وناعمة طبعا.

انا معاكى جدااااااا :ok:فى الموضوع دا و كمان ياريت تبقى خمات الفوط نطيفة عشان لو حتطيها و نام عليها عشان الكشط مش تعملو حمو النيل عشان الحر ف الصيف

m@hy;11713912:
انا جربت الاتنين بالنسبالى بامبزر احلى كتير
بيبي جوى الصغير اللى فية جيب للبوبو سرب معايا
:01:


انا معاكى جدااااااا :ok:فى الموضوع دا و كمان ياريت تبقى خمات الفوط نطيفة عشان لو حتطيها و نام عليها عشان الكشط مش تعملو حمو النيل عشان الحر ف الصيف

انا فعلا بقالي فترة بحطها تحتها عشان متبهدلش السرير ونفسها عشان الفوطة بتشرب

مرسي اوى يابنات انوسه وكتكوته وحبيبة مادو كلكوا بجد ربنا يكرمكوا ويفرحكوا يارب يارب وايت انجل يا جميله انا عارفه انك رديتى عليا ياقمر وبجد مرسي اوى ياحبيبتى على زوقكك واهتمامك بس انا كنت عايزة اسالك لانى قريت ف النشرة بتاعته وهى طبعا كلها بالانجلش صح انه مفيش ضرر معروف للحوامل والمرضعات فالكلمة دى قلقتنى منه بصراحه لانهم مش كاتبين انه save مش عارفه ليه فقلقت شويه منه مع انى بخده

حبيبة مادو ياقمر البيبي اول مابيتولد لمده شهر بيلبس كم بعد كده ممكن تخففي ويلبس نص او كت لو لسه في الصيف ده اللى انا عرفته من كلام البنات يعنى انا كمان هولد ف اخر 5 ممكن البسه كت او نص بقى على اول 7 كده ان شاء الله

ممم طيب ده انا مش جبت الا 2 بس سالوبيت بكم والباقى نص كم وكت

ايمى ميرسى يا قمر على معلومة حفظ اللبن ::)

حبيبه مادو;11711652:
هو بكااام ده وهو البامبرز احلى ولا بيبى جوى؟

من تجربة صحابى والناس اللى حواليا نوع الحفاظات بيفرق من بيبى لبيبى
انا جربت البيبى جوى وعاجبنى الحمد لله حتى الآن


هو كل كريمات التسلخات بتبقى تقيلة كده ومش بتتشرب كويس فى الجلد؟؟
انا جايبة سانوسان وجايبة نوع تانى اسمه بيبى كريم جوزى جابه لما كنا فى المستشفى والاتنين حساهم تقال على الجلد

hoobie;11706821:
هبهوووب وحشاني اوي ياقمر فينك من زمان وازاي النونو ونودي ؟؟ على فكره انا كمان معاكي وايبس ديتول روعه بستخدمها على طول لو كنت بره وبمسح بيها ايد محمد دايما بس بخاف امسحله من تحت بيها تعمله حساسيه اوي كده فبستعمله وايبس سانوسان حلوة ومش معطره ..كمان وايبس بامبرز مش وحشه

والليسته هادورلك عليها ياقمر حاضر

CuTie KaTkOoTa;11706277:
بصي انا بدو حسيت زيك كده بس لما بدقق في الكيكي بلاقيه مش اسهال بس هو لونه اغمق سنة عشان لون الاعشاب ويمكن انعم بسيط لكن مش اسهال يخوف يعني.
والدكتور ابتدأي من دلوقتي اول ما تقدري تنزلي بيها بس طبعا مع حد من اول اسبوع يعني عشان المتابعة وكده اول شهر بتبقي كل اسبوع او اتنين عشان الوزن والقياسات المعروفة دي وتنظيم الرضاعة لو هتقدري عليه والحاجات الاساسية اللي هتمشي عليها معاها بقي عالطول.
وبالنسبة للحلبة افضلي اشربيها اه ومش هي بس حاجات تانية كتيرة مشكلة مي شرط هي بس يعني، بصي الدكتور كان قايلي 2.5 لتر سوايل تشربيها في اليوم عشان اللبن، منوعة بين عصاير فرش ومعلبة لو حبيت ولبن وشوربة ومية، يعني لتر مية ونص لبن والباقي بقي متقسم علي الشوربة والعصاير والاعشاب هو قاللي كده.
تبارك ليها فروع كتيررررررررررررررررررة جدا بس مش كلهم حلوين ومش كل الدكاترة اللي فيها بردو حلوين بس الموضوع ده هايحتاج منك تجربي الاول معلش دكتور او اتنين وتشوفي هتستريحي لمين فيهم او تسألي حد ساكن قربك شوفي بيتعامل مع مين وممكن حظك يجي من اول دكتور ويبقي تمام ان شاء الله.


بس اكيد اللي عندك ده غالبا تبقي حلوة ان شاء الله وخصوصا بتقولي جديدة يعني هاتبقي نضيفة والعناية كويسة يارب.

طعمتيها ولا لسه وعملتي الشهادة؟



هوبااااااااااااااااااااااااااااااااااااااااااااااااااااا وحشتينا اوي اوي اوي يا بنتي كل ده سفر اخص عليكي ليه كده وعملتوا ايه في الشقة.

ربنا يكرمك يا هبه انتي وكتكوته انا خلاص في الشقه الديده بس لسه طبعا ناقص حاجات كتير
ربنايسهل ان شاء الله ازي جوجو
هوبي تسلميلي يا قمر علي الليسته بوسيلي محمد العسل
بنات حد هنا تبع نقابه الاطباء بليز لللي يعرف مستشبفي الندي تبع النقابه و لا يرد بليز

hoba555;11706013:
اناسه تسلميلي يا حبيبتي كنت مسافره واعدت شهر ومكنش فيه نت ازي نور واخبارك ايه دلوقتي
بنات انا بجدمفيش نوع بيعجبني في الوايبس اد ديتول بجد تحسيها غرقانه كريم ومطهره في نفس الوقت
جبت وايبس فايني معجبنيش حسته ناشف كده ومفهوش سائل
وياريت يا بنات معلش اللي معاه الليسته بتاعت المشتريات ينزلها لحسن مشترتش ولا حاجه وملبوخه اخر حاجه

حمدالله على سلامتك يا هوبا :)
ومبروك الشقة الجديدة ربنا يباركلكم فيها ان شاء الله

الليستة اهى:

6 شايات نص كم مقاس 0-3
6 شاايات كم مقاس 0-3
4 سالوبيت خروج
8 سالوبيت بيت
10 بافيتات
2 كوفرتة واحدة بيت وواحدة خروج
2 بطانية واحدة بيت وواحدة خروج
1 سالوبيت مبطن
بيبرونة
بامبرز
مشط
ترمومتر
تيتينة
10 فوط قشط
مريلة رضاعة
3 بشكير
مفرش تغيير بامبرز
بادز للصدر
بانيو
حلق
قصافة
مقص ضوافر
كرسى عربية
سرير
عربية
شيالة
شامبو
شاور جيل
كريم تغيير بامبرز ( زنك - فازلين )
بودرة تلك ( مش مهمة )
لوشن
زيت
كلونيا للبيبى
وايبس
صابون اطفال
5 كاب للراس
5 لكلوك
5 شرابات
ليفة
سفنجة تتفرش فى البانيو

مستلزمات المولود المنتظر من الألف الى الياء:

الملابس:
·6 فانلات داخلية على الأقل.
ويتوقف كون الأكمام قصيرة أو طويلة على الوقت الذى ستضعين فيه مولودك. ضاعفى عدد الفانلات التى تشترينها إذا كنت ستلدين فى فصل الشتاء وتفضلين إلباس المولود فانلتين.
6 أطقم للنوم (بيجامات أو سالوبيتات) يجب أن تغطى هذه الملابس القدمين فى فصل الشتاء، ولكن تكون مفتوحة من عند القدمين فى فصل الصيف.
· 6 بافتات أو أكثر.
· قبعة للصيف أو غطاء رأس صوف للشتاء.
· 3 أزواج من الشرابات.
· 2 جاكت صوف للشتاء.
· 3 أطقم خروج أو أكثر.
·حفاضات.
اشترى كمية من الحفاضات – مقاس الأطفال حديثى الولادة - لكن لا تشترى كمية كبيرة لأنك قد تجدين طفلك بعد فترة قصيرة يحتاج للمقاس الأكبر.

المفروشات:
·2 كوفرتة أو أكثر.
اختارى أنواع خفيفة يسهل لفها حول طفلك عند حمله.
· ملاءتان وغطاءان للسرير.
· مشمع لحماية المرتبة من أى بلل.
· بشكير للحمام.
البشاكير ذات غطاء الرأس تكون مفيدة.
· فوطتان صغيرتان أو أكثر.
لتنظيف فم الطفل إذا خرج من فمه بعض اللبن.


مستلزمات نظافة الطفل:
· كحول؛ لتنظيف سرة الطفل.
· صابونة وشامبو (الأنواع الخاصة بالأطفال حديثى الولادة). (صابون جلسرين طبي )
· كريم للوقاية من الالتهابات الجلدية التى تنتج من استخدام الحفاضة.
· قطن.
· المناديل المبللة الخاصة بتنظيف قاعدة الطفل.
يمكنك أخذها معك عند الخروج حتى لو كنت تفضلين استخدام القطن والماء عند التغيير لطفلك فى البيت.

كماليات:
· إسفنجة للحمام.
· فرشاة شعر ناعمة (خاصة بالأطفال حديثى الولادة).
·قصافة أو مقص أظافر (خاص بالأطفال حديثى الولادة).
·تتينة - إذا اخترت استخدامها.
· مشمع لاستخدامه عند التغيير لطفلك.
· ترمومتر.
· قطارة.
·ناموسية؛ هذه الشبكة تحفظ مولودك من الناموس ومن أى حشرات أخرى. لا تضعى الناموسية قريبة من طفلك، فعندما يبدأ طفلك فى مد يديه أو تحريك قدميه لأعلى، قد يشدها إليه أو تقع عليه وقد تتسبب فى اختناقه. · ببرونات
·لا تشترى ببرونات كثيرة حتى تعرفى إذا كان طفلك سيحتاج لاستخدامها أم لا.
·فرشاة تنظيف الببرونات.
·أدوات تعقيم الببرونات.

مشتريات كبيرة:
·سرير للطفل: أغلب الناس يفضلون اختيار سرير يصلح للطفل لأول عامين من عمره. عند شرائك للسرير ابحثى عن نوع له جوانب ويمكن رفع أو خفض ارتفاعه أو يمكن خفض أو رفع مرتبته لكى يلائم طفلك عندما يكبر.

· عربة أطفال.
· كرسى سيارة لطفلك.
هذا الكرسى ضرورى لأمان طفلك فى السيارة.
· سرير محمول لطفلك (كارى كوت).
· بانيو بلاستيك صغير.


مشتريات اختيارية:
· جهاز الاستماع عن بعد (مونيتر).
· منضدة تغيير.
· الحمالة التى ترتديها الأم لحمل الطفل.
· لعبة موسيقية من النوع الذى يتم تعليقه على السرير لتسلية الطفل وتحفيز حواسه.
· لعب؛ لن يحتاج مولودك الصغير للكثير من اللعب لكن لعبة طرية أو شخشيخة قد تبعث على تسلية وإسعاد الطفل حتى فى الأسابيع الأولى



سرير
ناموسية
العاب للسرير
عربية للبيبي
كرسي عربيه البيبي
دولاب صغير او حاجه زي الشيفونيرة لوضع هدوم البيبي فيها
لعب للبيبي
صندوق للعب
طاولة لتبديل ملابس البيبي او مشمع للغيار
جهاز مراقبة
ادوات حمايه للابواب والفيش
لمبة سهاري
بانيو
لعب بانيو
باسكت زبالة مخصوص للبمبرز
ملايات لسرير البيبي
مشمع لحماية المرتبة من البلل
شنطة البيبي
مخده صغيرة للستخدام عنما يكبر
2 كوفيرتة
2 بطانية
2 كيس نوم
2 بشكير للحموم بغطاء راس للبيبي
2 فوطة كبيرة
6 فوط صغيرة
4 فوط للرضاعة والتجشؤ
مريلة رضاعة
6 فانلات كت مقاس 0-3
6 فانلات كت مقاس 3-6
6 فانلات نص كم مقاس 0-3
6 فانلات نص كم مقاس 3-6
6 فانلة كم مقاس 0-3
6 بنطلونات باستك عند القدم
4 شرابات
3 قفازات علشان ميخربشش نفسه
3 قبعات للصيف
3 سلوبيت داخلي بكباسين جنب الرقبة مقاس 0-3
6زيهم بس مقاس 3-6 بيبقوا كت ومن غير رجلين علشان لو خفتي علي صدره وزيهم نص كم
ممكن كمان يبقى في 2 بكم وبرجلين مقاس 0-3
4 برضو زيهم مقاس 3-6
3 طقم خروج مقاس 0-3
6 طقم خروج مقاس 3-6
ادوات نظافة>
مقص بيكون مكان القص فيه صغير اقصر من المكان اللي بيتمسك منه
قصافة
فرشة شعر
مشط
قطن طبي
قطن ودان
مناديل معطرة
بامبرز
كحول
كريم لمنع التسلخات (( زنك))
ترمومتر رقمي احسن من الزئبقي
قطارة للدوا
شفاط للانف
شامبو
بيبي اويل
بيبي لوشن
سائل استحمام للبيبي
بافتات احجام مختلفة
كولونيا للبيبي مخصوصة ليه
بيبرونة متوسطة الحجم علشان الاعشاب
حافظة حرارة للبيبرونة
تتينة بالكلبس بتاعها
دبابيس خاصة بالبيبي
2 كوب للبيبي
3 طبق خاص بلبيبي
5 ملاعق للاطفال
3 وعاء لحفظ الطعام للبيبي
كوز للحموم
> > > حاجات متعلقة بالام> >
ملابس بزراير من الامام للرضاعة
برا للرضاعه او برا يكون مريح علشان ميضغطش على صدرك
ملابس داخلية قطنية
فوط صحية
breast pads علشان وقت الخروج او نوم البيبي اللبن ميبهدلكيش هدومك
كرسي الاكل
مرجيحه

Eng. BoB;11714737:
ايمى ميرسى يا قمر على معلومة حفظ اللبن ::)

من تجربة صحابى والناس اللى حواليا نوع الحفاظات بيفرق من بيبى لبيبى
انا جربت البيبى جوى وعاجبنى الحمد لله حتى الآن


هو كل كريمات التسلخات بتبقى تقيلة كده ومش بتتشرب كويس فى الجلد؟؟
انا جايبة سانوسان وجايبة نوع تانى اسمه بيبى كريم جوزى جابه لما كنا فى المستشفى والاتنين حساهم تقال على الجلد

بيبي جوي مقاس 1 اللي جربته بس وكان حلو اوي

حد كان قال بيبقي فيه كريم وفيه نوع تاني بدل كريم مثلا لوشن او زيت مش فاكرة حاجة كده بس قالوا الكريم افضل، انا حاسة انه كويس انه تقيل كده عشان يعمل طبقة عازلة بين جلدها وبين الكيكي.

بس انتي حطي حتة صغيرة وادهنيها كويس

السؤال:
اعاني احيانابنقص في لبن الرضاعة واحيانا يكون طبيعيا فما السبب وماذا افعل

الاجابة :
السلام عليكم ورحمة الله
اسباب نقص لبن الرضاعه كثيره و اهمها: قلة شرب السوائل
الحل : اكل السلطة الخضراء و الجرجير و الفجل و الخضراوات و شرب الحلبه بعسل النحل 3 مرات يوميا


ده من موقع الدكتور امير صالح، انا قابلني السؤال ده بالصدفة فقلت احطهلكم بردو

السؤال:
السلام عليكم
جزاكم الله كل خير عنا سؤالى هو ما النصائح لأختى الحامل فى أول حمل لها وهذا هو شهرها الثانى. من حيت التغلب على القئ الكثير دون تناول الأدوية وكذلك الإمساك وفى أى شهور الحمل يستحب لها الراحة وفى أيهايستحب لها المشى أو السلالم ؟وجزاكم الله خيرا
ملحوظة:أنا طالبه فى كليه العلاج الطبيعى وأدعوا لكم دائما بالنجاح والتوفيق


الاجابة :
بسم الله الرحمن الرحيم
مبارك الحمل و جعله الله قره عين لوالديه
أولا: يستحب الراحه فى الثلاث شهور الاولى من الحمل.
ثانيا: للتغلب على القئ ننصح باكل وجبات صغيره متفرقه تبدأ من وقت الفراش صباحا (توست جاف) و الجبن متوسط الملوحه و الزبادى بعسل النحل.
ثالثا: ننصح بالمشى فى الشهور الاخيره من الحمل.
و السلام عليكم و رحمه الله
د: أمير صالح

السؤال:
السلام عليكم و رحمة الله و بركاته

ما علاج جفاف اللبن لمرضع من أحد الثديين و الرضاعة من ثدي واحد ؟

الاجابة :
السلام عليكم و رحمة الله و بركاته
علاج جفاف اللبن كالاتى:
1- عمل كمادات ماء دافئ على الثدي لمده 20 دقيقه يوميا مساءا
2- تدليك الثدى بزيت اللوز الحلو لمده 5 دقائق يوميا
3- شرب السوائل المدره للبن مثل الحلبه و اللبن و الينسون
4- وضع الرضيع على الثدى 5 دقائق كل ثلاث ساعات
و الله الشافى

السؤال:
لقد كتب لنا الطبيب فيتامين د لطفلنا الرضيع عمره 5 أشهر . فهل تنصح بذلك أم أن هناك وسائل أخرى عوضا عن الدواء أو تساعد مع الدواء لحصول الطفل على فيتامين د

وجزاك الله خيرا

الاجابة :
السلام عليكم ورحمه الله وبركاته
ليس كل الاطفال يتناولون فيتامين د و لكن يمكن تعريض الرضيع لاشعه الشمس في الصباح الباكر و قبل الغروب للحصول علي الاشعه الفوق بنفسجيه النافعه و ننصح الام بتناول الاسماك البحريه و الالبان و منتجاتها و البيض لامداد الرضيع بفيتامين د مع الرضاعه الطبيعيه
والسلام عليكم ورحمه الله وبركاته

البنات اللى جايبين سانوسان bad&shampoo كنت عايزة اسألكوا على حاجة..انا روحت اشتريه بس لقيت لونه مش بينك زى كريم التسلخات و الوايبس و حاجات النيو بورن فخوفت يكون للكيدز مش لحديثى الولادة ... مش عارفة اجيبه ولا اية و لما جربتوه مع البيبي محستهوش حامى عليه؟؟ دى صورته

شامبو سانوسان بتاع البيبيز مش بيك البينك بتاع الكيدز يعني الاكبر من سنه يمكن او سنتين لكن اللبني بتاعت البيبيز وهو مش حامي خالص

على فكره يا بنات انا شفت شامبو شيكو من كام يوم في صيدليه جمبينا ..حد جربه ؟؟

انا دخلت على سايت سانوسان و فهمت الفرق بين الالوان هما كلهم للبيبيز و مكتوب عليهم baby سواء البينك او اللبنى او منتج مش موجود فى مصر لونه موف بس الفرق بقى فى اية؟ هما مقسمين كل لون على حسب نوعه يعنى هما عاملين منتجات النضافة كلها من شامبوهات و شاور جل و صابونة و هكذا يرمز لها باللون اللبنى و منتجات العناية بالبشرة زى اللوشن و كريم التسلخات و الباودر و كدة باللون البينك و تالت حاجة منتج كدة مش موجود هنا تقريبا هو لوشن مهدىء بيساعد على النوم يرمز له باللون الموف بس كلهم للبيبيز عادى مفيش منهم قلق و شكرا:041::041::041::094::094::094::094:

sweet_toota;11717268:
البنات اللى جايبين سانوسان bad&shampoo كنت عايزة اسألكوا على حاجة..انا روحت اشتريه بس لقيت لونه مش بينك زى كريم التسلخات و الوايبس و حاجات النيو بورن فخوفت يكون للكيدز مش لحديثى الولادة ... مش عارفة اجيبه ولا اية و لما جربتوه مع البيبي محستهوش حامى عليه؟؟ دى صورته

sweet_toota;11717640:
انا دخلت على سايت سانوسان و فهمت الفرق بين الالوان هما كلهم للبيبيز و مكتوب عليهم baby سواء البينك او اللبنى او منتج مش موجود فى مصر لونه موف بس الفرق بقى فى اية؟ هما مقسمين كل لون على حسب نوعه يعنى هما عاملين منتجات النضافة كلها من شامبوهات و شاور جل و صابونة و هكذا يرمز لها باللون اللبنى و منتجات العناية بالبشرة زى اللوشن و كريم التسلخات و الباودر و كدة باللون البينك و تالت حاجة منتج كدة مش موجود هنا تقريبا هو لوشن مهدىء بيساعد على النوم يرمز له باللون الموف بس كلهم للبيبيز عادى مفيش منهم قلق و شكرا:041::041::041::094::094::094::094:

هو كده فعلا بس بتاع الكيدز مش بينك ده ملون حاجات كتير وعليه رسومات كده وله فلافور بقي مختلفة كان يومها فيه بالفراولة وفيه بالموز.