تجهيزات واستفسارات حوامل وامهات مصر... بارت 2

sosiii-cat;11694899:
مبرووووووووووك يا مورو ايه المفاجأة الحلوة دي ؟؟؟
ربنا يباركلك فيها يا رب وماتقلقيش ان شاء الله اللبن هاينزل وكله يبقي تمام

قوليلي بقي البرشام دة اسمه هربان ولا هربانا ؟؟

فعلا يا جميله البرشام مش موجود كتير فى الصيدليات وجيبته من واحد قريبى الحمد لله
هى علبه فيها شرطين ب 17 ونص بس خدى بالك تخدى اتنين فى اليوم عشان لما يجى لبن ان شاء الله توقفيه على طول
لان اصلا فى الصحه بيدوكى واحده بس
ومكتوب انك تخدى 3 فى اليوم بس سيبك هما اتنين واحده الصبح وواحده باليل وان شاء الله يوم وخلاص ان شاء الله يارب يارب يارب وتوقفيه عشان الصدر لو اتملى لبن غلط عليكى وكمان هيوجعك
البرشام اسمه هيربانا

Princess_miro;11699866:
فى ناس بتفضله لما تيجى تشيل النونو

مش فاهمة السؤال

انا جبت بيبي جوى اللى فيه جيب البوبو و الرجل قالى ان اقل مقاس هو 2 مش عارفة بقى


المقاس الاول رقمه 2 و لا كم يا بيبو

يعنى انتى وجعك :(؟؟؟

ربنا يكملك يارب على خير و يجعلك ساعة سهلة بإذن الله

:033::033::033::033::033:
و ايه لزمته بقى اذا كنت هولد سيزريااان

الحمد لله مكشفتش نسا الحمد لله
عشان الدكتور لما عمل سونار ولقى النونو مش نزل الحوض الحمد لله والحبل السرى لافف
فمكنش له لزمه الحمد لله



تسلمى يا انناسه ويا هوبا على ردودكم ربنا يخليكم ليا يارب يارب يارب

ميرووووو
المقاس الاول من بيبى جوى مكتوب عليه 1 وهو عبوة صغيرة 20 واحدة مفيش منه كبير

ولو انتى مقررة انك تولدى سيزيريان يبقى خلاص مفيش كشف نسا

CuTie KaTkOoTa;11697948:
تصدقي كنت داخلة اقولكم علي الدكتورين اللي رحتلهم النهاردة اصلا، بصي اول واحد كبير وشاطر اوي اوي وفي نفس البرج اللي كانت فيه دكتورتي اللي فيه كادو في ميدان الاسماعيلية اسمه مجدي عبد العزيز بس عيبه انه شديد اوي، وبعدين بقي دلوقتي بتاعمل مع دكتور تاني شاب كده في مستشفي تبارك اللي جنب كنتاكي في شارع عين شمس، بس طيب ولذيذ وحنين كده وشاطر طبعا بردو.

انا برضو روحت مرتين عند دكتور هو شاطر بس مش مريح فالكلام وبيكلمنى اكنى المفروض دكتوره تحت التمرين او بيشرف على رساله الدكتوراه بتعتى مثلا ههههههههههه
وروحت يوم الاتنين اللى فات تبارك نفس الفرع بس الدكتور اللى كان موجود حسه انه كفته اسمه محمد فاروق وكان بيقولى ان نانو وزنها زايد رغم ان الدكتور اللى قابله كان قايلى ان وزنها عاوز يزيد شويه
انتى بتروحى عند مين ويوم ايه ياريت يكون فى حد كويس فيها عشان نفسى فى دكتور يكون قريب منى مش اروحله مخصوص وتبارك ديه قريبه قوى من ماما
معلش يا كتكت هتعبك معايا

*عروس حبيبى*;11698185:
ندى ياقمر انتى لما الدكتورة لقت عنق الرحم مفتوح زيى كده ولدتى بعدها بأدد ايه
وانا البيبى بدأ ينزل الحوض الحمدلله

طيب انتى كنتى بتتعبى فى كشف النسا؟انا مش بحب اقلق حد بس اصلى كنت خايفه ومن خوفى شديت نفسى فتعبت والدكتورة قالتلى ان محدش بيحس بالكشف بتاعها وانى خوافه اوى لأنى مكنتش مستحمله
انا بس عاوزة اعرف هو فعلا كشف النسا محدش بيحس بيه ولا بيصوت بجد؟

انا كشفت 3 مرات نسا رغم انى ولدت قيصرى فالاخر بس الحمد لله هو رخم بسمش بيوجع انتى ساعتها فكرى فى حاجه تانيه وهو مش بياخد اصلا اكتر من دقيقتين متخوفيش نفسك لان ده هو اللى بيتعبك وربنايقومك بالسلامه

*عروس حبيبى*;11697938:
السلام عليكم ورحمة الله وبركاته

ازيكم يابنات

انا عاوزاكم تدعولى انبارح كان ميعاد كشف النسا بتاعى والدكتورة لقت عنق الرحم مفتوح اقل من 2 سم حاجه بسيطه وهى متوقعه الولاده تكون فى خلال يومين تلاته

ادعولى عشان انا قلقانه خالص انا خوافة اوى

ياريت الماميهات اللى ولدوا طبيعى يقولولى وقت الولادة كانوا بيكشفوا كل شويه كشف النسا ده عشان يشوفوا الرحم فتح اد ايه وكانوا بيتوجعوا وللا لا؟

ربنا يكملك علي خير يا رب يا سونسون ومتقلقيش، مش هتحسي بحاجة ان شاء الله بس متفكريش فيها وسيبي نفسك وانتي بتكشفي.

Princess_miro;11699866:


المقاس الاول رقمه 2 و لا كم يا بيبو

لأ يا ميرو مقاس 1 وهو موجود قليل شوية فتلاقي الراجل قالك كده وخلاص عشان يبيع او فعلا مكنش عارف.

crazy ananas;11701731:
انا برضو روحت مرتين عند دكتور هو شاطر بس مش مريح فالكلام وبيكلمنى اكنى المفروض دكتوره تحت التمرين او بيشرف على رساله الدكتوراه بتعتى مثلا ههههههههههه
وروحت يوم الاتنين اللى فات تبارك نفس الفرع بس الدكتور اللى كان موجود حسه انه كفته اسمه محمد فاروق وكان بيقولى ان نانو وزنها زايد رغم ان الدكتور اللى قابله كان قايلى ان وزنها عاوز يزيد شويه
انتى بتروحى عند مين ويوم ايه ياريت يكون فى حد كويس فيها عشان نفسى فى دكتور يكون قريب منى مش اروحله مخصوص وتبارك ديه قريبه قوى من ماما
معلش يا كتكت هتعبك معايا

بجد والله روحتي نفس الفرع، طيب بصي اللي اعرفه انهم دكتورين بس هناك بتاعي اسمه كرم والتاني اسمه هشام مشوفتش خالص الاسم اللي بتقولي عليه ده غريبة اوي :057::057::057:

انا جربت بقي كرم ده عارفة بيسمي كده اول ما يكشف عليها او يعدلها مثلا ولو لقي حاجة كويسة فيها مثلا بيقول ما شاء الله وبيسيبك تسألي براحتك ومريح وطيب كده عكس الدكاترة التانيين الرخمين الكبار دول بيبقوا عصبيين واغبياء كده، وغير كده بيحب يوصف ادوية او حاجات غالية خالص إلا لو كانت فعلا مهمة ولازم منها وبيراعي جدا موضوع الاسعار الغالية وكده قصدي تحسيه كده مراعي ظروف الناس من غير ما حد يشتكيله من نفسه كده

اقتباس المشاركة الأساسية كتبها صوت العيون السلام عليكم ورحمه الله وبركاته


ازيكم

الحمد لله ولدت وجيبت سندس الحمد لله
بس ادعولى كتير الله يخليكم عشان معنديش لبن وشغاله اعشاب الحمد لله

الف الف مبرووووووك يا قمر وان شاء الله اللبن ينزل انا مش عندى خبره فى الموضوع ده هههههههه
لكن اسمع عن الحلبه بالعسل وكده كترى منها ولو الاعشاب دى المدره للبن ان شاء الله ينزل ومش تنسى تديلها علطول السرسوب لانه مفيد وبيرفع مناعه البيبى

بيبو صحيح سألت الدكتور علي شفط اللبن وطرق حفظه، المهم قاللي في التلاجة 8 ساعات وبره لأ، بس لما سألته تاني بقوله يعني لو لسه شفطاه الماكسيمام بتاعه يقعد اد ايه قاللي 3 ساعات وقلتله طيب والفريزر قاللي الفريزر لأ خالص لأنه بيغير حاجات في اللبن واحنا مش عايزين كده.

CuTie KaTkOoTa;11702897:

بجد والله روحتي نفس الفرع، طيب بصي اللي اعرفه انهم دكتورين بس هناك بتاعي اسمه كرم والتاني اسمه هشام مشوفتش خالص الاسم اللي بتقولي عليه ده غريبة اوي :057::057::057:

انا جربت بقي كرم ده عارفة بيسمي كده اول ما يكشف عليها او يعدلها مثلا ولو لقي حاجة كويسة فيها مثلا بيقول ما شاء الله وبيسيبك تسألي براحتك ومريح وطيب كده عكس الدكاترة التانيين الرخمين الكبار دول بيبقوا عصبيين واغبياء كده، وغير كده بيحب يوصف ادوية او حاجات غالية خالص إلا لو كانت فعلا مهمة ولازم منها وبيراعي جدا موضوع الاسعار الغالية وكده قصدي تحسيه كده مراعي ظروف الناس من غير ما حد يشتكيله من نفسه كده

سبحان الله ده اللى انا روحتله ده كان رخم ومش بيتكلم كتير ومخدناش غلوه معاه ونانو عيطت منه وله حصله اى حاجه وله عبرها اصلا وحسيت انى استخسرت الفلوس اللى دفعتها
وقولت ياريتى روحت لدكتور تانى ومكسلتش
طب كرم ده امتى بيكون يوم ايه والساعه كام

crazy ananas;11703689:
سبحان الله ده اللى انا روحتله ده كان رخم ومش بيتكلم كتير ومخدناش غلوه معاه ونانو عيطت منه وله حصله اى حاجه وله عبرها اصلا وحسيت انى استخسرت الفلوس اللى دفعتها
وقولت ياريتى روحت لدكتور تانى ومكسلتش
طب كرم ده امتى بيكون يوم ايه والساعه كام

مفهمتش يعني انتي رحتي لمجدي ولا هشام تقصدي ده اومال مين الاسم التاني اللي قلتي عليه ده في الاول؟

بصي كرم يوم السبت والتلات من 3 ل 7 والاربع والجمعة من 7 ل 10 بس الافضل انك تتصلي بردو قبل ما تروحي وتتأكدي انه موجود بدل ما تروحي مثلا وتلاقي اجازة او كده فهماني انا بعمل كده احتياطي كل مرة قبل ما البس ولما يجي ميعاده اتصل اقول دكتور كرم جه واخره الساعة كام.


عارفة الدكتور الاولاني بقي اللي هو مجدي عبد العزيز ده اللي فوق كادو شاطر وفاهم وكل حاجة بس سبته عشان عصبيته وعشان كمان دايما تعيط معاه وقلبه جامد كده ويسيبها تعيط عادي وتصرخ وهو واقف جنبها ويكمل محاضراته ليا وعادي جدا ولا بيتأثر وانا ببقي خلاص عايزة ازقه واخدها من تحت ايده او ازعق فيه واعيط علي عياطها، ولاحظت وانا مستنية دوري ان اي طفل بيدخله بيعيط جامد ليه مش عارفة حتي الكبار شوية في ابتدائي مثلا او حضانة متفهميش بيعملهم ايه، بس جوجو عشان كان بيضغط علي بطنها وهو بيكشف عشان يشوف موضوع الانتفاخ عندها ويوريني انها تعبانة منه وكده.

بس مجدي ده رغاي اوي وكلامه مش قليل خالص وبيعيد ويزيد علي النقط اللي بيقولها بس بيتكلم بسرعة شوية.

بس لو سألتيه علي حاجة بيرد بسرعة بردو لكن كرم بقي اخر مرة رحتله مثلا كان متاخر عن ميعاده من الزحمة اللي كانت عنده تخيلي جوزي بص في الكشف بتاع الناس اللي حجزت عنده يومها لقاهم 60 واحد ما شاء الله، المهم قلتله انا عندي اسئلة متحوشة كتير معلش قاللي ولا يهمك اسألين وكل ما يجاوب علي واحد يقولي ايه تاني وكده.

وكمان رقم موبايله متاح للناس يعني الحمدلله كويس اوي

CuTie KaTkOoTa;11703809:
مفهمتش يعني انتي رحتي لمجدي ولا هشام تقصدي ده اومال مين الاسم التاني اللي قلتي عليه ده في الاول؟

بصي كرم يوم السبت والتلات من 3 ل 7 والاربع والجمعة من 7 ل 10 بس الافضل انك تتصلي بردو قبل ما تروحي وتتأكدي انه موجود بدل ما تروحي مثلا وتلاقي اجازة او كده فهماني انا بعمل كده احتياطي كل مرة قبل ما البس ولما يجي ميعاده اتصل اقول دكتور كرم جه واخره الساعة كام.

عارفة الدكتور الاولاني بقي اللي هو مجدي عبد العزيز ده اللي فوق كادو شاطر وفاهم وكل حاجة بس سبته عشان عصبيته وعشان كمان دايما تعيط معاه وقلبه جامد كده ويسيبها تعيط عادي وتصرخ وهو واقف جنبها ويكمل محاضراته ليا وعادي جدا ولا بيتأثر وانا ببقي خلاص عايزة ازقه واخدها من تحت ايده او ازعق فيه واعيط علي عياطها، ولاحظت وانا مستنية دوري ان اي طفل بيدخله بيعيط جامد ليه مش عارفة حتي الكبار شوية في ابتدائي مثلا او حضانة متفهميش بيعملهم ايه، بس جوجو عشان كان بيضغط علي بطنها وهو بيكشف عشان يشوف موضوع الانتفاخ عندها ويوريني انها تعبانة منه وكده.

CuTie KaTkOoTa;11703826:
بس مجدي ده رغاي اوي وكلامه مش قليل خالص وبيعيد ويزيد علي النقط اللي بيقولها بس بيتكلم بسرعة شوية.

بس لو سألتيه علي حاجة بيرد بسرعة بردو لكن كرم بقي اخر مرة رحتله مثلا كان متاخر عن ميعاده من الزحمة اللي كانت عنده تخيلي جوزي بص في الكشف بتاع الناس اللي حجزت عنده يومها لقاهم 60 واحد ما شاء الله، المهم قلتله انا عندي اسئلة متحوشة كتير معلش قاللي ولا يهمك اسألين وكل ما يجاوب علي واحد يقولي ايه تاني وكده.

وكمان رقم موبايله متاح للناس يعني الحمدلله كويس اوي

انا اقصد محمد فاروق اللى روحتله هو كان يوم الاتنين بليل
انا اصلى نفسى اتابع نانو مع دكتور كويس ومريح عشان هروحله علطول ويكون متابع نانو علطول فنفسى يكون كويس ومريح وقريب برضو
انا اعرف واحد كويس برضو فى ميدان تريانف بس هنكسل عشان مش فى سكتنا خالص
فهجرب دكتور كرم اللى قولتيلى عليه ويارب يكون مريح وكويس واتابع معاه
ووصفك للدكتور الكبير اللى فالاسماعليه ذى الدكتور اللى روحتله قبل كدا هو كبير برضو وبيكشف ساعه كامله لى اول مره والاستشاره ربع ساعه لما الناس اللى بره بتنام وتصحى واول مره روحتله روحت الساعه 3 بليل والله لحد ماكنت هتجنن ونسيت انا جيه ليه

وربنا يكرمك يا كتكت ويباركلك فى جوجو يارب

crazy ananas;11703911:
انا اقصد محمد فاروق اللى روحتله هو كان يوم الاتنين بليل
انا اصلى نفسى اتابع نانو مع دكتور كويس ومريح عشان هروحله علطول ويكون متابع نانو علطول فنفسى يكون كويس ومريح وقريب برضو
انا اعرف واحد كويس برضو فى ميدان تريانف بس هنكسل عشان مش فى سكتنا خالص
فهجرب دكتور كرم اللى قولتيلى عليه ويارب يكون مريح وكويس واتابع معاه
ووصفك للدكتور الكبير اللى فالاسماعليه ذى الدكتور اللى روحتله قبل كدا هو كبير برضو وبيكشف ساعه كامله لى اول مره والاستشاره ربع ساعه لما الناس اللى بره بتنام وتصحى واول مره روحتله روحت الساعه 3 بليل والله لحد ماكنت هتجنن ونسيت انا جيه ليه

وربنا يكرمك يا كتكت ويباركلك فى جوجو يارب

تسلمي يا انوس، اه فعلا يظهر الدكاترة الكبار كلهم كده ولا ايه وكمان نسيت اقولك طبعا علي الفرق في الفلوس.

هو الكبير ده بردو بيطول اوي وكنت فعلا بنام وانا قاعدة وجوزي كمان وخصوصا اننا روحنا متاخر اصلا فاخدنا رقم متاخر خالص وكان يوم فظيع ودي كانت اخر مرة رحتله فيها.

كرم علي فكرة بعد ما بيوزنها بقي وحتي مش هو اللي بيشلها لأ احنا لما بيجي يشكف عليها بيلاعبها كده او يقول اي تعليق لذيذ وبيكشف بالراحة خالص مش بتحس به اصلا.

CuTie KaTkOoTa;11703950:
تسلمي يا انوس، اه فعلا يظهر الدكاترة الكبار كلهم كده ولا ايه وكمان نسيت اقولك طبعا علي الفرق في الفلوس.

هو الكبير ده بردو بيطول اوي وكنت فعلا بنام وانا قاعدة وجوزي كمان وخصوصا اننا روحنا متاخر اصلا فاخدنا رقم متاخر خالص وكان يوم فظيع ودي كانت اخر مرة رحتله فيها.

كرم علي فكرة بعد ما بيوزنها بقي وحتي مش هو اللي بيشلها لأ احنا لما بيجي يشكف عليها بيلاعبها كده او يقول اي تعليق لذيذ وبيكشف بالراحة خالص مش بتحس به اصلا.

ان شاء الله هروح لى كرم
وفرق الفلوس فعلا كبير يعنى فى تبارك ب 20 والدكتور اللى بره ب50 وانا مش كل محتاج اتابعها ادفع 50 يعنى وربنا يحفظ اولادنا من كل شر

معلش يا حوامل عملنا حوار امهاتى فالنص كدا ههههههههههههه

صحيح انا جبت امبارح من سبينس بيبى جوى كان على مقاس 3 و4 تخفيض مش فاكره الصراحه فالمقاسات الاقل فى تخفيض وله لا

وكمان جبت مناديل سبينس مبلله للاطفال 80واحد ب 9 هجربها واقولكم رائ

crazy ananas;11704028:
ان شاء الله هروح لى كرم
وفرق الفلوس فعلا كبير يعنى فى تبارك ب 20 والدكتور اللى بره ب50 وانا مش كل محتاج اتابعها ادفع 50 يعنى وربنا يحفظ اولادنا من كل شر

معلش يا حوامل عملنا حوار امهاتى فالنص كدا ههههههههههههه

لأ انا الدكتور التاني ب 75 بالاستشارة وفي تبارك فعلا 20 وبالاستشارة كمان يعني بجد تحفة فعلا.

ألف مبروك يا مورو على سندس وربنا يجعلها ذرية صالحة
وما شاء الله عليكى يا كتكوتة انتى واناناسة استفدت اوى من حوار الدكاترة ده
ودكتور كرم ده قريب اوى من بيت حماتي وبنعدي على الشارع ده كتير
حلو ان الواحد ياخد فكرة عن الدكاترة من دلوقتى عشان ما يدوخش بعدين
أنا في السادس ادعولى كتير وأنا حامل في بنوتة الحمد لله
طيب ممكن يا كتكوتة اذا تعرفي بيبي جوى مقاس واحد بيتباع فين
يعنى اذا جبتيه من النعام او عين شمس ياريت تقوليلى لانى بعدى عليهم كتير
وجزاكي الله خيرا

شوق وحنين للجنة;11704571:
ألف مبروك يا مورو على سندس وربنا يجعلها ذرية صالحة
وما شاء الله عليكى يا كتكوتة انتى واناناسة استفدت اوى من حوار الدكاترة ده
ودكتور كرم ده قريب اوى من بيت حماتي وبنعدي على الشارع ده كتير
حلو ان الواحد ياخد فكرة عن الدكاترة من دلوقتى عشان ما يدوخش بعدين
أنا في السادس ادعولى كتير وأنا حامل في بنوتة الحمد لله
طيب ممكن يا كتكوتة اذا تعرفي بيبي جوى مقاس واحد بيتباع فين
يعنى اذا جبتيه من النعام او عين شمس ياريت تقوليلى لانى بعدى عليهم كتير
وجزاكي الله خيرا

تسلمي يا قمراية بجد ربنا يخليكي، انتي ليه مش بتدخلي معانا في التشات ده انتي حتي اسمك في الليستة معانا اهو.


بصي انا للأسف لفيت علي بيبي جوي مقاس 1 ده كتير ومكنتش لقياه خالص وبلاقي الاكبر بردو، المهم في الاخر جبته من صيدلية سيف اللي عند نادي الشمس في شارع عبد الحميد بدوي واظن بيبو كانت جابته تقريبا من هايبر.

وفعلا موضوع الدكاترة ده مهم جدا وكنت حاملة همه قبل الولادة والله وعمالة افكر هاروح لمين وكده عشان كنت عايزة اتابع من اول وقت خالص عشان اي تعليمات او محاذير يقولي عليها وكده ومتابعة الوزن بردو وكل حاجة عشان اطمن عليها في اهم فترة في حياتها.

بصوا بقي انا قلت استني حبة كده عقبال ما اكون جربت البادز بتوعي كويس عشان اعرف احكم واقولكم مين اللي عجبني اكتر.

الفارلين عجبتني اوي ومرتاحة فيها الحمدلله ومش بتسرب غير مرة واحدة بس عملتها معايا لغاية دلوقتي عشان البريست كان مليان علي اخره الحمدلله لأن الهانم يومها فضلت نايمة فترة غير العادة وقبلها كمان مكنتش راضعة كويس وانا كنت نازلة ومستعجلة عشان عندي فرح فاشتغلت ونسيت اشفط شوية عشان افضيه، فطبعا عقبال ما وصلت البيت لقيته سرب واتملي علي الاخر وبقع الهدوم كمان والبريست متحجر جدا وواجعني.

التانية بقي بتاعة كوتون لاند كويسة شغالة يعني بس مش اوي بصراحة، انا بطلت احطها ومخلياني في الفارلين بس دلوقتي

ربنا يكرمك يا كتكوتة يارب
وإن شاء الله آجى معاكم الشات قريب بس ألاحق بس على صفحاته الكتييييييييييير
إنتم كلكم زي العسل ما شاء الله
كنت عايزة أعرف إنتي جبتي بادز فارلين دى منين ?
وبوسيلي جودى وربنا يباركلك فيها

crazy ananas;11704039:
صحيح انا جبت امبارح من سبينس بيبى جوى كان على مقاس 3 و4 تخفيض مش فاكره الصراحه فالمقاسات الاقل فى تخفيض وله لا

وكمان جبت مناديل سبينس مبلله للاطفال 80واحد ب 9 هجربها واقولكم رائ

ازيكو يا امهات يا قمرات:083: انا حبيت ارد على الشاركة بتاعتك دي بخصوص حاجات سبينس انا سمعت و الله اعلم ان المنتجات اللي بيعملوها باسمهم وحشة جدا جدا جدا و بتكون موصفاتها مش قد كده.. ده انا كنت جبت صابون مواعين سبينس و مش عايزة اقولك كان سيء قد ايه:091: فمابالك بحاجات الاطفال؟؟
علشان مشاركتي ماتبقاش مخالفة انا كنت عايزة اعرف اجيب سالوبيتات صيفي للبيت حلوة منين؟ و مش عايزاها تكون غالية اوي علشان دي للبيت؟ و هو ينفع البيبي على شهرين كده يلبس نص كم اول كت؟

sweet_toota;11689894:
ماهى ممكن اعرف انتى استعملتى مقاس 2 دة اول ما اتولد ولا جبتى 1 و بعدين اتنين؟؟؟ اصل مقاس واحد فى النوع دة من 2.5 ل 5 كيلو و مقاس اتنين من 3 ل 6 كيلو ..المفروض اجيب اية فيهم و معلش لو كنتى استعملتيه من الاول ممكن اعرف ابنك كان مولود وزنه اية عشان انا خايفة اجيب مقاس 2 و يطلع كبير فى الاول

ايوة استعملت 2 على طول و اصلا مكتوب علية نيو بيبي يعنى للمولود بيتهيئلى انة مافيش اصغر

صوت العيون;11693714:
السلام عليكم ورحمه الله وبركاته


ازيكم

الحمد لله ولدت وجيبت سندس الحمد لله
بس ادعولى كتير الله يخليكم عشان معنديش لبن وشغاله اعشاب الحمد لله

حمدلة على سلامتك يا مورو و الف مبروك
مش تقلقى من اللبن ان شاء الله هينزل و هيكون كتير انا كنت زيك كدا و كانت نفسيتى زفت خالث
لدرجة انى جربت النيبلز الصناعى عشان النيبلز بتاعتى كانت صغيرة شوية و بيها الحمد لله محمد قدر يشفط و اللبن نزل الحمد لله
بس انتى عليكى بالسيكم الاعشاب المدرة بالبن دى و الحلبة بالعسل الاسود
و ان شاء الله خيييييير



للبنوتة اللى طلبت صور البامبرز هصورهولها حالن