تجهيزات واستفسارات حوامل وامهات مصر... بارت 2

السلام عليكم ورحمه الله وبركاته


بقلكم هو ان شاء الله لما ينزل لبن الحمد لله بوقف اعشاب سيكم لادرار اللبن وحالبه وكدا ولا ايه ان شاء الله
وكمان سؤال اعشاب بيبى درينك بحسها مش عارفه بتعمل اسهال ولا بتهيئلى هل حد لاحظ دا ان شاء الله
ودكتور الاطفال ابدأ اروحله من امتى ان شاء الله

مستشفى تبارك الى بتتكلموا عنها هل ليها فروع اصل فى مستشفى ققدام التوحيد والنور بعد مركز سوزان مبارك فى كوبرى القبه فهل هى فرع هى جديده وللاطفال بس برده ان شاء الله

اناسه تسلميلي يا حبيبتي كنت مسافره واعدت شهر ومكنش فيه نت ازي نور واخبارك ايه دلوقتي
بنات انا بجدمفيش نوع بيعجبني في الوايبس اد ديتول بجد تحسيها غرقانه كريم ومطهره في نفس الوقت
جبت وايبس فايني معجبنيش حسته ناشف كده ومفهوش سائل
وياريت يا بنات معلش اللي معاه الليسته بتاعت المشتريات ينزلها لحسن مشترتش ولا حاجه وملبوخه اخر حاجه

مورو انا جربت الحلبه زمان لما ولدت ندي وكنت يعني لما بحس ان لبني قليل بشربها
وخصوصا في الشهر الرابع قل خالص فاعدت اشرب كتير منها والحمدلله اتظبط

يعنى افضل اشرب حلبه ان شاء الله

لا ي مورو مش دايما يعني
انت بس داومي علي اللبن والعصايروان شاءالله مش هيقل

صوت العيون;11705990:
السلام عليكم ورحمه الله وبركاته


بقلكم هو ان شاء الله لما ينزل لبن الحمد لله بوقف اعشاب سيكم لادرار اللبن وحالبه وكدا ولا ايه ان شاء الله
وكمان سؤال اعشاب بيبى درينك بحسها مش عارفه بتعمل اسهال ولا بتهيئلى هل حد لاحظ دا ان شاء الله
ودكتور الاطفال ابدأ اروحله من امتى ان شاء الله

مستشفى تبارك الى بتتكلموا عنها هل ليها فروع اصل فى مستشفى ققدام التوحيد والنور بعد مركز سوزان مبارك فى كوبرى القبه فهل هى فرع هى جديده وللاطفال بس برده ان شاء الله

بصي انا بدو حسيت زيك كده بس لما بدقق في الكيكي بلاقيه مش اسهال بس هو لونه اغمق سنة عشان لون الاعشاب ويمكن انعم بسيط لكن مش اسهال يخوف يعني.
والدكتور ابتدأي من دلوقتي اول ما تقدري تنزلي بيها بس طبعا مع حد من اول اسبوع يعني عشان المتابعة وكده اول شهر بتبقي كل اسبوع او اتنين عشان الوزن والقياسات المعروفة دي وتنظيم الرضاعة لو هتقدري عليه والحاجات الاساسية اللي هتمشي عليها معاها بقي عالطول.
وبالنسبة للحلبة افضلي اشربيها اه ومش هي بس حاجات تانية كتيرة مشكلة مي شرط هي بس يعني، بصي الدكتور كان قايلي 2.5 لتر سوايل تشربيها في اليوم عشان اللبن، منوعة بين عصاير فرش ومعلبة لو حبيت ولبن وشوربة ومية، يعني لتر مية ونص لبن والباقي بقي متقسم علي الشوربة والعصاير والاعشاب هو قاللي كده.
تبارك ليها فروع كتيررررررررررررررررررة جدا بس مش كلهم حلوين ومش كل الدكاترة اللي فيها بردو حلوين بس الموضوع ده هايحتاج منك تجربي الاول معلش دكتور او اتنين وتشوفي هتستريحي لمين فيهم او تسألي حد ساكن قربك شوفي بيتعامل مع مين وممكن حظك يجي من اول دكتور ويبقي تمام ان شاء الله.


بس اكيد اللي عندك ده غالبا تبقي حلوة ان شاء الله وخصوصا بتقولي جديدة يعني هاتبقي نضيفة والعناية كويسة يارب.

طعمتيها ولا لسه وعملتي الشهادة؟

hoba555;11706057:
مورو انا جربت الحلبه زمان لما ولدت ندي وكنت يعني لما بحس ان لبني قليل بشربها
وخصوصا في الشهر الرابع قل خالص فاعدت اشرب كتير منها والحمدلله اتظبط

هوبااااااااااااااااااااااااااااااااااااااااااااااااااااا وحشتينا اوي اوي اوي يا بنتي كل ده سفر اخص عليكي ليه كده وعملتوا ايه في الشقة.

شوق وحنين للجنة;11704943:
ربنا يكرمك يا كتكوتة يارب
وإن شاء الله آجى معاكم الشات قريب بس ألاحق بس على صفحاته الكتييييييييييير
إنتم كلكم زي العسل ما شاء الله
كنت عايزة أعرف إنتي جبتي بادز فارلين دى منين ?
وبوسيلي جودى وربنا يباركلك فيها

خلاص فوتي اللي فاتك وادخلي علي الصفحة الجديدة عالطول معلش.

بصي انا جبتهم من صيدلية في مساكن شيراتون جنب الصياد هناك بس تقريبا شوفتهم بردو في لفلي ودولا اللي بيتغسلوا مش اللي بيترموا، وهبوسهالك حاضر بوسة كبيرة بس لما تصحي احسن ابوسها من هنا وتقلق من هنا وانا ما صدقت انها نايمة عشان انام انا كمان :085::085::085:

صوت العيون;11705990:
السلام عليكم ورحمه الله وبركاته


بقلكم هو ان شاء الله لما ينزل لبن الحمد لله بوقف اعشاب سيكم لادرار اللبن وحالبه وكدا ولا ايه ان شاء الله
وكمان سؤال اعشاب بيبى درينك بحسها مش عارفه بتعمل اسهال ولا بتهيئلى هل حد لاحظ دا ان شاء الله
ودكتور الاطفال ابدأ اروحله من امتى ان شاء الله

لا يا توتا بلاش توقفى دا بيساعد ان اللبن يكتر استمرى علية شوية و بعدين وقفى و لما تحسي ان اللبن قل و البيبي بيعيط على صدرك مثلا اشربي تانى
انا بدأت اشرب تانى دلوقتى

البيبي اول شهر مثلا ممكن يعمل بوبو 8 مرات ف اليوم و بيكون سايل دا عاتى يا كميلة

الدكتورة بتاع دودو وقفتلى البيبي درينك قالتى بيعمل مغص و قالتى الميلوبا و فى اعشاب تانى المانى كدا بس مش معايا الروشتة دلوقتى هبقى اقولك علية و كمان فى نوع اسمو ميلودى

hoba555;11706013:
اناسه تسلميلي يا حبيبتي كنت مسافره واعدت شهر ومكنش فيه نت ازي نور واخبارك ايه دلوقتي
بنات انا بجدمفيش نوع بيعجبني في الوايبس اد ديتول بجد تحسيها غرقانه كريم ومطهره في نفس الوقت
جبت وايبس فايني معجبنيش حسته ناشف كده ومفهوش سائل
وياريت يا بنات معلش اللي معاه الليسته بتاعت المشتريات ينزلها لحسن مشترتش ولا حاجه وملبوخه اخر حاجه

هبهوووب وحشاني اوي ياقمر فينك من زمان وازاي النونو ونودي ؟؟ على فكره انا كمان معاكي وايبس ديتول روعه بستخدمها على طول لو كنت بره وبمسح بيها ايد محمد دايما بس بخاف امسحله من تحت بيها تعمله حساسيه اوي كده فبستعمله وايبس سانوسان حلوة ومش معطره ..كمان وايبس بامبرز مش وحشه

والليسته هادورلك عليها ياقمر حاضر

هوبا اللينك ده بتاع هدى شوفيه :

http://forums.3roos.com/showthread.php?t=451108

بنات انا لما اجيب ببرونه للاعشاب اجيبها ماركة نضيفه يعنى شيكو او ايفنت ولا اى حاجه
والكاريكوت والشنطة في ماركات معينه معروفه اجيبها او انواع حلوة ممكن اجيبها ولا لا والكوفيرتات بردو لو فيه انواع كويسه واجيب كام كوفرته واجيب لحاف فايبر ولا لا للبيبي وانا كده كده هجيب بطانيه انا تقريبا هدور على البيبي ميراج دى
وتخفيضات ماذر كير امتى انا سمعت انها بدات ولا ده ف الخليج بس
معلش طولت عليكوا باسئلتى ومحدش رد عليا على الحديد اللى اسمه فيروسانول ديودينال ده طب انتوا اه الانواع اللي بتاخدوها ومعروف انها كويسه عشان اخلى الدكتور يكتبهالى بجد اعذرونى انا عارفه انى رخمة وبتقل عليكوا جااامد

شوية حاجات جبتها النهارده للنونو ادعولى ربنا يقومنى بالسلامة يااارب

دى بجامة

دى بردو بجامة

انا عايزة اروح محل لافلي بس فيه ناس بيقوللو غالي ع الفاضي مش عارفه بقى اروح ولا ايه انا ممكن اجيب حاجات غاليه عادى بس مش عايزة الاقي نفس الحاجه ارخص برا عشان الواحد بيزعل
فيه محل اسمه love&care حد يعرفه وايه نظامه

شوق وحنين للجنة;11704571:
ألف مبروك يا مورو على سندس وربنا يجعلها ذرية صالحة
وما شاء الله عليكى يا كتكوتة انتى واناناسة استفدت اوى من حوار الدكاترة ده
ودكتور كرم ده قريب اوى من بيت حماتي وبنعدي على الشارع ده كتير
حلو ان الواحد ياخد فكرة عن الدكاترة من دلوقتى عشان ما يدوخش بعدين
أنا في السادس ادعولى كتير وأنا حامل في بنوتة الحمد لله
طيب ممكن يا كتكوتة اذا تعرفي بيبي جوى مقاس واحد بيتباع فين
يعنى اذا جبتيه من النعام او عين شمس ياريت تقوليلى لانى بعدى عليهم كتير
وجزاكي الله خيرا

بفرح قوى لما حد بيستفاد من كلامنا ربنا يكملك على خير يارب
بصى لو تعرفى زلط اللى فالنعام هتلاقى شارع قصاده على نصيته بتاع كبده هتلاقى بعده بشويه صغننه محل بتاع مناديل وصابون وكدا هتلاقى عنده بيبى جوى بس هتلاقى من مقاس 2 اى نوع
وعموما انتى هتعرفى مقاس النونو وانتى فالشهر التامن لو هو اكتر من 3ك اواقل وان شاء الله يكون وزنه كويس وربنا يجبهالك بالسلامه يارب

اميرة مصرية;11705331:
ازيكو يا امهات يا قمرات:083: انا حبيت ارد على الشاركة بتاعتك دي بخصوص حاجات سبينس انا سمعت و الله اعلم ان المنتجات اللي بيعملوها باسمهم وحشة جدا جدا جدا و بتكون موصفاتها مش قد كده.. ده انا كنت جبت صابون مواعين سبينس و مش عايزة اقولك كان سيء قد ايه:091: فمابالك بحاجات الاطفال؟؟
علشان مشاركتي ماتبقاش مخالفة انا كنت عايزة اعرف اجيب سالوبيتات صيفي للبيت حلوة منين؟ و مش عايزاها تكون غالية اوي علشان دي للبيت؟ و هو ينفع البيبي على شهرين كده يلبس نص كم اول كت؟

ربنا يكرمك يا اميره انتى قلقتينى انا مجبتهاش غير لما لاقيت ناس هنا مجربنها وقالو حلوه عموما انا مش بستخدمها كتير الويبس وربنا يستر
وجزاكى الله كل خير عالتنبيه
ولو عوزه حاجات سعرها كويس عندك التوحيد والنور فى حاجات حلوه واسعارها حلوه
وقولى انتى منين ويمكن حد يعرف محلات قريبه منك
هو البيبى اول شهر يفضل يليس كله بكم حتى ولو تحته حاجه بنص او كات لانهم لسه صغننين

بنت من الزمن ده;11707347:
بنات انا لما اجيب ببرونه للاعشاب اجيبها ماركة نضيفه يعنى شيكو او ايفنت ولا اى حاجه
والكاريكوت والشنطة في ماركات معينه معروفه اجيبها او انواع حلوة ممكن اجيبها ولا لا والكوفيرتات بردو لو فيه انواع كويسه واجيب كام كوفرته واجيب لحاف فايبر ولا لا للبيبي وانا كده كده هجيب بطانيه انا تقريبا هدور على البيبي ميراج دى
وتخفيضات ماذر كير امتى انا سمعت انها بدات ولا ده ف الخليج بس
معلش طولت عليكوا باسئلتى ومحدش رد عليا على الحديد اللى اسمه فيروسانول ديودينال ده طب انتوا اه الانواع اللي بتاخدوها ومعروف انها كويسه عشان اخلى الدكتور يكتبهالى بجد اعذرونى انا عارفه انى رخمة وبتقل عليكوا جااامد

بنت من الزمن ده;11707686:
انا عايزة اروح محل لافلي بس فيه ناس بيقوللو غالي ع الفاضي مش عارفه بقى اروح ولا ايه انا ممكن اجيب حاجات غاليه عادى بس مش عايزة الاقي نفس الحاجه ارخص برا عشان الواحد بيزعل
فيه محل اسمه love&care حد يعرفه وايه نظامه

حاجات النونو عسوله خالص ربنا يجبهولك بالسلامه يارب
الببرونه هاتى واحده تكون مش غاليه قوى بس تكون نوع كويس
الكوفيرتات هاتى 2 للبيت وواحده للخروج
اما لفلى هو الماركه بتعته كويسه ومفيش منها بره فسعرها واحد اما الماركات التانيه زى لومكس مش زى بره فرق مثلا 5ج تقريبا بس لو انتى مش بتحبى تلفى يبئا الفرق بدل اللف يعنى
محل لف اند كير انا كنت دخلته فى سيتى ستارز وحلو برضو
ومفيش حاجه اسمها تقلتى وله حاجه اللى بيعرف حاجه بجد بيرد عنها واكيد لو حد يعرف حاجه كانوا ردو عليكى فموضوع الحديد :083: وعلى فكره لو فضلتى تدورى وراء كل دوا بالشكل ده انتى هتتعبى سبيها عالله مدام واثقه فى الدكتوره بتعتك وانا كنت باخد حديد اسمه سيترون ده شراب عشان الكبسولات بتعمل امساك وانا مكنتش ناقصه وقتها والحمد لله
:083:

بنت من الزمن ده;11707347:
بنات انا لما اجيب ببرونه للاعشاب اجيبها ماركة نضيفه يعنى شيكو او ايفنت ولا اى حاجه
والكاريكوت والشنطة في ماركات معينه معروفه اجيبها او انواع حلوة ممكن اجيبها ولا لا والكوفيرتات بردو لو فيه انواع كويسه واجيب كام كوفرته واجيب لحاف فايبر ولا لا للبيبي وانا كده كده هجيب بطانيه انا تقريبا هدور على البيبي ميراج دى
وتخفيضات ماذر كير امتى انا سمعت انها بدات ولا ده ف الخليج بس
معلش طولت عليكوا باسئلتى ومحدش رد عليا على الحديد اللى اسمه فيروسانول ديودينال ده طب انتوا اه الانواع اللي بتاخدوها ومعروف انها كويسه عشان اخلى الدكتور يكتبهالى بجد اعذرونى انا عارفه انى رخمة وبتقل عليكوا جااامد

انا رديت عليكي قبل كده يا جميل و قلتلك اني باخد الحديد الفيروسانول ديودينال و هو نوع كويس وانا ماشية عليه لحد دلوقتي

بيبرونة الاعشاب خليكي في ماركة كويسة واهم حاجة النيبل تبقى صغيرة عشان البيبي ياخدها

بصي بالنسبة للكاريكوت في نوع اللي هو بتاع لفلي lovely baby دا حلو اوي و كبير وكمان فيه حزام امان

مزر كير تخفيضاته مع السيل العادي يعني خلصت دلوقتي

ازيكم يا انسات ما واحشتكومش الكلمه دى عاملين ايه وازاى اولادكم يا رب دايما يكونوا بخير اللهم امين
انا عايزة دكتور شاطر ويكون قريب من روض الفرج وعايزة اعرف ازى انزل صوره فى التوقيع
وعلى فاكرة اور كيدز فى حاجات حلوة اوى انا امبارح روحت اشتريت حاجات لجوجو من عمر 6 شهور الى 9 شهور حاجات شيك

انسااااااات ايه بقى ههههههههه

ما شاء الله حاجه نونو بتاعك جميله يا بنت من الزمن ده ربنا يتمملك بخير

هو احنا النونو لما بيجى فى الاول وهو لسه مولود يعنى مثلا لو هولد فى اول 7 او اخر 6 بنلبسه صيفى عادى كت او نص كم ولا لازم يلبس ايه ؟؟

m@hy;11705500:

هو بكااام ده وهو البامبرز احلى ولا بيبى جوى؟

اانا يا برنسيس برضو على فكره الكاريكوت بتاعى اللى جبته للبومبينه بتاعتى شبهه اللى انتى جبتيه بتاعك ده بالظبط تقريبا انتى جبتيه بكام؟؟