اللى عايزه تظبط مصروف البيت تتفضل بسرعه (الجزء التانى)

ميرسى يابسبس انا ممكن ازود السمك شوية وفكرة اللحمة متقسمة كذا نوع حتنفع وكمان البانية برضه حينفع
ربنا يحزيكى خير ياقمرو يخليلك ابنك يارب

لف واى انتى فعلا ممكن تعدلى على حسب حبكم للاكل ايه يعنى السمك لو مش محبوب اوى استبدلى كميته بحاجة تانية
وميرسى ليكم بجد كلكم ذوق

العفو ياقمر انتي تامري

ازيكم يا بنات
وحشتوني
عاملين ايه؟؟؟؟؟؟؟؟؟انا مش بدخل من فتره لاني مبقتش بمسك المصروف شويه كدا وابقي امسكه تاني.

بس انا شيفاكو بتتكلمو علي اللحمه عادي كدا.ههههههههههههه
هو مش في مصر مقطعين اللحمه؟؟؟
حولو تقللو منها شويه عبال ما ترخص...
وابقو شوفو الشيف شربيني بيعمل اكلات كتييييييييييييير بالفراخ بس.علشان يبقي عندكم افكار للتجديد

]

hoobie;11717644:
ازيكم يا بنات ..انا كل ما احتاس في مصروف الشهر اجي هنا اتواسى بيكم اغلبكم المصروف مغلبه برضه ههههههه

بصوا بقى مبدئيا كده انا صرفت مصروف الشهر ده من قبل مايبدأ الحمدلله ولسه مجبتش اللحوم والفراخ ..ماعلينا المهم كنت عاوزة اقولكم على حاجه اكتشفتها مش عارفه بقى المشكله عندي بس وللا حد لاحظها ..بالنسبه للرز اكتشفت احسن نوع هو الضحى لان بصراحه هو انضف نوع ومش بحتاج انقي فيه كل الانواع التانيه (زمزم والمرمر وشهي ....) كل ده مش نضيف ولازم انقيه شويه بيبقى فيه حاجات صغننه سودة كده عامله زي اكل العصافير وانا مليش خلق في موضوع تنقية الرز ده فهل حد لاحظ موضوع نظافة الرز وللا انا بس؟
الحاجه التانيه المكرونه برضه اكتشفت ان انضف نوع هو ريجينا الباقي كله بلاقي فيه حاجات عجيبه شعر على طوب على حتت بلاستيك لما قرفت خالص ..بس طبعا رجيبنا غاليه عن العادي النوع النضيف الوحيد التاني جنان ونفس سعر ريجينا حد يقولي نوع كويس واقل شويه (الملكه وستار اللي لاقيت فيهم الشعر و الطوب ..المصريه بتعجن معايا مش عارفه ليه)

لا انا بجيب رز فايز السوهاجي احلي من الضحي على فكره و نضيف اوى

كوباية مايه;11727082:
هقلكم على حاجات انا مش بشوف حد فيكم او معظمكم يعنى بيزكرها

بصوا لما نجيب فراخ بيبقى فيها كبد واوانص مش كدا

طيب ليه منعملهاش وجبه لوحدها؟؟؟

انا لما بجيب فراخ بجمع الكبد والقوانص بتاعتها وبعملها وجبه بتبقى روووووووووووعه

كمان السجق البلدى ليه مش بتجيبوه دا لما بيعمل بيرمى كتير جدا وبيشبع كمان ومش محتاج حاجه

الكبده العاديه بتاعتنا بردو قليل لما بشوف حد فيكم بيجيبها وكدا

حاولوا تفركوا كدا فى حاجات مش بنستخدمهاونجيبها عشان ربنا يباركلنا كدا ان شاء الله


انا بقى عايزه اقلكم الفاجعه بتاعتى

انا طبعا عشان يويو ممسكتش مصروف الشهر اللى فات وسيبته لجوزى :01:

المهم الشهر دا بقوله هات مصروف البيت بقى عشان اسنجفكم :093:

راح قالى مصروف البيت مين يا ماما داحنا صرفناه الشهر اللى فات :047::047::047:

لييييييييييه يا ابن الحلال :096:

قالى والله صرفناه انتى ليكى الشهر دا 300 جنيه بس باقى المصروف عشان احنا صرفنا من مصروف الشهر دا 800 جنيه :01:


طبعا انا اتصدمت صدمة عمرى

وعشان كدا انا ناويت انى اعمل ميزانيه بشعععععععععه ب 300 جنيه الشهر دا
هتقولولى ازاى


هقلكم ناويه اخلى معظم اكلنا قرديحى ولو عايز ياكل لحمه ينزل ياكلها عند مامته تحت :013:

ومفيش لحمه هنجيب فراخ بس الشهر دا

وياسين هرجعه بطنى تانى عشان ميستهلكش بامبرز ولا دوا ولا اى حاجه :042:

وهيبقى كل يوم فول وطعميه وطعميه وفول :066:

لغاية لما يستسلم ويدينى مصروف البيت كله :037:

ربنا معاكي يا بسبس اقرفيه في عيشته لحد ما يحس بغلطته و ندمه
بس انا جوزى مش بيحب الكبد و القوانص و انا بموت فيها لما بعملها بعمل معاها صنف لحوم تانى ليه
السجق بقي انا بجيب بتاع حلوانى جوزى بيحبه اوى بس بيحبه في العشا لكن الغدا لأ

دينا حمدى;11742475:
كمان والله العظيم زى جوزى
انتى عارفة لو فى اكل بايت بياكل الفراخ او اللحمة بس ويسيب الاكل البايت
بس انا لما لقيت الموضوع هيخرم
عارفة بعمل ايه
بفكره بالفلوس اللى علينا نفسه بتتسد على طول ههههههههههههه شريرة انا صح نياهااااااا
ربنا يعينا عليهم ويهديهم:094:

عااااااااااااااااااااااااااااااااااااااااااااااااااا انا كمان جوزى كده مدوخنى و لازم فراخ او لحمه كل يوم و في العشا يتعشي همبورجر او هوت دوج او فراخ مشويه اي حاجه من هذا القبيل معندناش اكل قرديحي خالص و كمان اللحمه لازم تكون كميه محترمه يعني في مره كنت عامله كفته بانيه عملت 4 قطع لكل واحد فضحنى و قعد يقلي بتعدي عليا الاكل جنني خلاص :098:

كوباية مايه;11745448:
يا بنتى دا الجزار اللى بيعمله وبيبقى سعره زى اللحمه العاديه وبتعمل بالطلب على فكره وحلو جدااااااااااا

بصى بقى الكيلو حسب اكلتك بس هو عشان بيتحط عليه فلفل وطماطم وبصل فا بيبقى كتير كدا ومالى نفسه وبيتاكل جمبه بيض مقلى بالسمنه البلدى


وهمممم بجد

دانا بفكر اخد من هنا قبل ما ااسافر عشان فى اسيوط ميعرفهوش



انا بجيب اللحمه والفراخ بالشهر فعلا بس بحسبها كام وجبه لحمه وكام وجبة فراخ وبجيب على القد بالظبط

احنا بقى مش بناكل سمك لو اكلنا سمك يبقى لااااااااازم كابوريا وجمبرى جامبو وعيشى بقى تفضلى فى تقشف شهرين بعدها:096::096::096:




متفكرينيش هههههههههههههههه

اسكتى دانا كمان نازله كمان شويه اروح ادفع مصاريف الكليه عندى عشان اخر سنه مدفعتهاش واجيب شهادة التخرج والاتنين دول هيكلفونى بلا فخر 260 جنيه بالظبط

يعنى هنقضى الشهر ب 40 جنيه هع هع هع هع هع



انا جوزى لو اكل يوم الاكل البايت تلاقيه قعد شهرين بعدها يقطم فيا :01::01::01::01:

وبعدين انا جوزى بشششششع مصرف جداااااااااا

وبيجيب حاجات تتعب الاعصاب

رايح يجيبلى قراقيش للشاى ب 30جنيه :033:

ورايح يجيبلى لب وسودانى والله لقيته بيجيب لب وسودانى ب 70 جنيه فى الشهر

يوم بعد يوم يجيبلى ربع كيلو لب :057:

وقبل ما اسافر غلطت كدا وياريت كان لسانى يتقطع قبل ما اقولهاله
قولتله هاتلنا مسحوق غسيل

راح جابلى اغلى مسحوق غسيل ب 110 جنيه عااااااااااااااااا

اريدا حلا :091::091:

لما تبعتيه يجيب حاجه حدديله الكميه و النوع اللي انتى عوزاه انا بعمل كده مع جوزى لانه بيحب يجيب كميات كبيره اوى من كل حاجه

انا كمان قررت اقاطع اللحمة ان شاء الله
معنديش غير كيلو مش حشترى تانى ان شاء الله
حنعيش فى الفراخ والسمك ان شاء الله

مبروك عليج الجزء اليديد

والله الواحد خايف السمك والفراخ يغلو هما كمان كده حنقاطع الاكل كله ربنا يسترها
خصوصا فى اسكندرية السمك فى الصيف بيغلى والمطاعم بتختطفه من السوق

ربنا يستر علي اللحم والسمك كمان...
انا سمعت انه وصل ل 70 جنيه دلوقتي.....
ربنا يستر.

وبرافو عليكي لايف دروب...تابعي بقي الشيف شيربيني

مشالله عليكو
واضح ان الازواج كلهم طفسين كده
ههههههههههههههه

بنات فعلالازم ناقطع اللحمة لان فعلا الغلو كل شوية لحد ما الواحد مش عارف يلاقيه منين ولا منين

بنات عايزه اجيب زيت ذره حلو بس غير عافيه قولوى الاسم ايه

nanoo99;11872405:
بنات عايزه اجيب زيت ذره حلو بس غير عافيه قولوى الاسم ايه

كريستال وسلايت والاصيل

مرسى ياجميا انا سمعت عن الاصيل هجربه ان شاء الله

أنا بجيب الأصيل يا نانو حلو و شغال

أنا بجيب لحمة من جنب أخت جوزي ب 40 موزة جميله قوي طب هو حيرخصها يخليها بكام ههههههههههههههههه

انا اخر مره كنت فى اسكندريه من شهرين كنت جيباها 58ج
وماما بتقولى فى محلات بيبعوها ب100 يالهوووووى
طب ازاى

معقول ياام بودى ب 40 بس غريبه اوى طيب خلاص ابقى اجى اجيب من عندكنم لسه جيبه اول امبارح 56 جنيه

اه سعر زيت الاصيل بكام

اه ويابنات الذبده احسن فى الطبيخ ولا السمن البلدى

كوباية مايه;11780932:
بصى يا حبى مدام كدا هقولك انا بجيب قد ايه وانا تقريبا زيك كدا فى الاكل

بصى انا بجيب 2 كيلو لحمه وكيلو كبده وكيلو بانيه وفرختين صحيحه و كيلو نص سمك (6 سمكات وسط )

2 كيلو لحمه بقى دا فيه كيلو بوفتيك ونص لحمه طبخ ونص مفروم

بصى تقريبا البوفتيك 4 اكلات

ولحمه الطبخ اكلتين
والمفروم بقى انتى حره تعمليه كفته ولا تحطيه فى مكرونه بالبشاميل

البانيه بيعمل 4 اكلات (كل واحد 3 قطع فى المره)

الفرختين 4 اكلات (كل اكله نص فرخه)
الكبده بقى انا بعملها كتير شويه لاننا بنحبها اسكندرانى

فا بعمل فى المره نص كيلو يعنى اكلتين

السمك مرتين (كل مره 3 سمكات وسط )
كدا لو حسبناها :4 بوفتيك+2 طبخ+1 مفروم مثلا+4 بانيه +4فراخ صحيحه+2 كبده + 2 سمك = 19 يوم لحوم كدا ماشى

يبقى فى الشهر كام يوم؟؟

11 صح

يبقىبقى قرنبيط ومسقعه وكشرى وتونه وبطاطس محمره وبطاطس مهروسه كدا يعنى

بس على فكره انا عندى تقريبا 6 ايام فىالاسبوع بناكل عند حماتى فا عشان كدا القرديحى عندى بيبقى 5 ايام فى الاسبوع تقريبا


انتى ممكن تزودى فرخه او تزودى لحمه براحتك كدا

:ok::ok::ok:
والله انا بحب كلامك يا بسبس اوووى مرتب كده و منظم ماشاء الله حلوة التقسيمة دى اوى :03: بس هى الكبد والقوانص بتتباع بالكيلوو صح بكام بقى الكيلو منها؟؟؟ وحد جرب مكرونة ستار هى سعرها رخيص وشكلها كويس هى الملكة سعرها ايه؟؟؟

المفروض اننا مقاطعين اللحمه صح
مفهاش حاجه لو بطلتوا تاكلوا لحمه شهر او اتنين لحد ما يرخصوها
كيلو لحمة ب 60 و ب100 حرام

موضوع رائع

تسلم الايادي