اللى عايزه تظبط مصروف البيت تتفضل بسرعه (الجزء التانى)

Boody we zady;11715472:
أنا لحد دلوقتي ماشيه كويس و عملت فكرة جديده جبت حصاله و بقيت أحط فيها الفكة سواء ورق أو فضه لحد دلوقتي عامله مبلغ مش بطال لما نشوف حتنفع و الا ايه أخر الشهر بقه

شئ كويس يارب بس تحوشي فكه فكه المهم تجمع في الاخر ربنا معاكي

ههههههه رهيبه ان شاء الله يارب تكونين ولدتي بالسلامه

انا ماعرف اضبط ميزانية البيت والحين المصروف تحت تصرفي وقضيت عليه قبل نهاية الشهر وجلسنا الحين بدون فلوس لحد بداية الشهر الجاي

كله من تهوري وعدم تخطيطي الكويس
ابحط تخطيط للميزانيه من الشهر الجاي ان شاء الله

نفسي اقدر احدد اد ايه اجيب لحمه واد ايه فراخ واد ايه سمك وكده لان بجد حسه اني متلغبطه

انا جوزي بيحب اللحمه اكتر حاجه

ومينفعش ياكل قرديحي
يعني لو حسبت ان في الاسبوع 3 ايام لحمه و2 فراخ ويوم مثلا كفته او سمك او اي حاجه غيرهم

يعني في الاسبوع كيلو لحمه لان تقريبا الكيلو بيتقسم علي 3 مرات عندي وفرختين كل فرخه كيلو يعني في الشهر المفروض 4 ك لحمه و8 فرخات ههههههه

اعجبتني حركة الحصالة للاخت بودي

فعلا لو احطها ان شاء الله ممكن احوش كم قرش بقى

طموحة ولكن!;11716867:
ههههههه رهيبه ان شاء الله يارب تكونين ولدتي بالسلامه

انا ماعرف اضبط ميزانية البيت والحين المصروف تحت تصرفي وقضيت عليه قبل نهاية الشهر وجلسنا الحين بدون فلوس لحد بداية الشهر الجاي

كله من تهوري وعدم تخطيطي الكويس
ابحط تخطيط للميزانيه من الشهر الجاي ان شاء الله

يالهوي صرفتي مصروف شهر 4 واحنا لسه في اوله

انتي مدبره اوووووي ههههههههههه

بصي بقي ياستي احسبي بطريقه اكلكوا انتي بتحتاجي اد ايه

يعني انا لسه حاسبه اني بحتاج بتاع 4 ك لحمه وقولي ك او نص ك مفروم يعني بتاع 5 كيلو لحمه زي ما انا جبت كده تقريبا

طموحة ولكن!;11716880:
اعجبتني حركة الحصالة للاخت بودي

فعلا لو احطها ان شاء الله ممكن احوش كم قرش بقى

فعلا فكره حلوه اوووي ياريت تقدري تنفذيها من غير ما تمدي ايديك علي الفلوس تاني اللي حوشتيها

ازيكم يا بنات ..انا كل ما احتاس في مصروف الشهر اجي هنا اتواسى بيكم اغلبكم المصروف مغلبه برضه ههههههه

بصوا بقى مبدئيا كده انا صرفت مصروف الشهر ده من قبل مايبدأ الحمدلله ولسه مجبتش اللحوم والفراخ ..ماعلينا المهم كنت عاوزة اقولكم على حاجه اكتشفتها مش عارفه بقى المشكله عندي بس وللا حد لاحظها ..بالنسبه للرز اكتشفت احسن نوع هو الضحى لان بصراحه هو انضف نوع ومش بحتاج انقي فيه كل الانواع التانيه (زمزم والمرمر وشهي ....) كل ده مش نضيف ولازم انقيه شويه بيبقى فيه حاجات صغننه سودة كده عامله زي اكل العصافير وانا مليش خلق في موضوع تنقية الرز ده فهل حد لاحظ موضوع نظافة الرز وللا انا بس؟
الحاجه التانيه المكرونه برضه اكتشفت ان انضف نوع هو ريجينا الباقي كله بلاقي فيه حاجات عجيبه شعر على طوب على حتت بلاستيك لما قرفت خالص ..بس طبعا رجيبنا غاليه عن العادي النوع النضيف الوحيد التاني جنان ونفس سعر ريجينا حد يقولي نوع كويس واقل شويه (الملكه وستار اللي لاقيت فيهم الشعر و الطوب ..المصريه بتعجن معايا مش عارفه ليه)

loveway;11716843:
باظ المصروف يعني هههههههههه

انا الشهر اللي فات صرفت اقل من 1000 الحمد لله بس اللي خلاني اعدي الالف ان كان فيه هدايا لعيد الام بقي
نعمل ايه

الشهر ده ربنا يسهل وهشوف انا اللي جبته لحد دلوقتي 5 ك لحمه وك فراخ بانيه لسه مكملتش باقي الطلبات
ك اللحمه ب45 والفراخ البانيه 34
وجبت 5ك لبن و2ك مكرونه و4 ك ارز

يعني كله 150 من غير تمن اللحمه لان لسه محاسبتش حماتي عليها وانهارده 3 في الشهر

برافو عليكى يا ميرو انك بداتى تظبطى:ok::ok:

loveway;11716877:
نفسي اقدر احدد اد ايه اجيب لحمه واد ايه فراخ واد ايه سمك وكده لان بجد حسه اني متلغبطه

انا جوزي بيحب اللحمه اكتر حاجه

ومينفعش ياكل قرديحي
يعني لو حسبت ان في الاسبوع 3 ايام لحمه و2 فراخ ويوم مثلا كفته او سمك او اي حاجه غيرهم

يعني في الاسبوع كيلو لحمه لان تقريبا الكيلو بيتقسم علي 3 مرات عندي وفرختين كل فرخه كيلو يعني في الشهر المفروض 4 ك لحمه و8 فرخات ههههههه

ما شاء الله
بس كدة كتير على فردين ما شاء الله
بالنسبة للكشرى والعجة وحاجات الناس الغلابة دى مبيقتنعش بيها؟؟؟

طموحة ولكن!;11716880:
اعجبتني حركة الحصالة للاخت بودي

فعلا لو احطها ان شاء الله ممكن احوش كم قرش بقى

يا سلام بقى لو اللى حوشتيه دة تنوى انه لله وتتصدقى بيه؟؟ :ok::ok::ok:

hoobie;11717644:
ازيكم يا بنات ..انا كل ما احتاس في مصروف الشهر اجي هنا اتواسى بيكم اغلبكم المصروف مغلبه برضه ههههههه

بصوا بقى مبدئيا كده انا صرفت مصروف الشهر ده من قبل مايبدأ الحمدلله ولسه مجبتش اللحوم والفراخ ..ماعلينا المهم كنت عاوزة اقولكم على حاجه اكتشفتها مش عارفه بقى المشكله عندي بس وللا حد لاحظها ..بالنسبه للرز اكتشفت احسن نوع هو الضحى لان بصراحه هو انضف نوع ومش بحتاج انقي فيه كل الانواع التانيه (زمزم والمرمر وشهي ....) كل ده مش نضيف ولازم انقيه شويه بيبقى فيه حاجات صغننه سودة كده عامله زي اكل العصافير وانا مليش خلق في موضوع تنقية الرز ده فهل حد لاحظ موضوع نظافة الرز وللا انا بس؟
الحاجه التانيه المكرونه برضه اكتشفت ان انضف نوع هو ريجينا الباقي كله بلاقي فيه حاجات عجيبه شعر على طوب على حتت بلاستيك لما قرفت خالص ..بس طبعا رجيبنا غاليه عن العادي النوع النضيف الوحيد التاني جنان ونفس سعر ريجينا حد يقولي نوع كويس واقل شويه (الملكه وستار اللي لاقيت فيهم الشعر و الطوب ..المصريه بتعجن معايا مش عارفه ليه)

معرفش يا هوبى فى موضوع الرز دة لانى باخد من ماما او حماتى وبرضه بنقيه لانه غالبا بيجيبوه شوال على بعضه

بالنسبة للمكرونة انا بحس ان الملكة كويسة وبصراحة عمرى مالقيت حاجة خالص

بس دة ميمنعش ان ريجينا احسنهم بس غالية

انا عندى 3 كيلو لحمة وفرختين ونص كيلو بانيه تقريبا
دول يقضو لحد امتى ان شاء الله؟؟؟

مع العلم انى ناوية اكتر من الاكل القرديحى نظرا ان المرتب نصه خلص فى خلال 4 اياااااام

ميرو ممكن نيجى نتغدى عندكم؟؟:033:

ندى انا مش عارفه ده يكفي كام بالنسبه لك ..انتي عارفه انا لو قلتلك بنستهلك كام لحمه وفراخ انا وجوزي مش هتصدقي ..بنستهلك في الشهر كيلو ونص لحمه و5 فرخات ونص بانيه ونص مفروم ..لما بقول لحد كده مش بيصدق بس والله ده بيكفينا جدا الحمدلله ويوم واحد في الاسبوع اللي بيبقى منغير لحوم وبناكل في المره كمية لحوم كويسه اوي الحمدلله ..السبب بقى اني بجيب اللحمه من مترو وده بيوزنلي كيلو لحمه صافي يعني مش زي الجزار يقطعلي الحته اللي اخترتها ويوزن الكيلو وبعدين يبدأ ينضف فيصفى الكيلو على كيلو الا وطبعا مع الغش في الميزان اللي كل الجزارين بيعملوه (الا من رحم ربي) لكن مترو بختار اللي انا عاوزاه وينضف ويظبط وكل حاجه ويوزنلك كيلو لحم صافي ماشاء الله بتبقى كتير ..الكيلو غالي بحوالي 65 الكندوز والبتلو 75 انا بجيب من ده على ده ..والمفروم بختار كندوز واخليه ينظفها وبعد كده اقله افرمها عشان مش بحب اكل لحمه فيها اي دهن خالص ..فانتي حاولي تعملي جدول باكل الشهر ووزعي استهلاك اللحوم علي ايام الاسبوع

hoobie;11720821:
ندى انا مش عارفه ده يكفي كام بالنسبه لك ..انتي عارفه انا لو قلتلك بنستهلك كام لحمه وفراخ انا وجوزي مش هتصدقي ..بنستهلك في الشهر كيلو ونص لحمه و5 فرخات ونص بانيه ونص مفروم ..لما بقول لحد كده مش بيصدق بس والله ده بيكفينا جدا الحمدلله ويوم واحد في الاسبوع اللي بيبقى منغير لحوم وبناكل في المره كمية لحوم كويسه اوي الحمدلله ..السبب بقى اني بجيب اللحمه من مترو وده بيوزنلي كيلو لحمه صافي يعني مش زي الجزار يقطعلي الحته اللي اخترتها ويوزن الكيلو وبعدين يبدأ ينضف فيصفى الكيلو على كيلو الا وطبعا مع الغش في الميزان اللي كل الجزارين بيعملوه (الا من رحم ربي) لكن مترو بختار اللي انا عاوزاه وينضف ويظبط وكل حاجه ويوزنلك كيلو لحم صافي ماشاء الله بتبقى كتير ..الكيلو غالي بحوالي 65 الكندوز والبتلو 75 انا بجيب من ده على ده ..والمفروم بختار كندوز واخليه ينظفها وبعد كده اقله افرمها عشان مش بحب اكل لحمه فيها اي دهن خالص ..فانتي حاولي تعملي جدول باكل الشهر ووزعي استهلاك اللحوم علي ايام الاسبوع

ما شاء الله يا هوبى ربنا يباركلك
بس شكلكو بتحبو الفراخ اكتر زيينا

انتى عارفة انا بقول لجوزى خلاص اللحمة دى تقضينا لحد العيد الكبير ومعاها كمان 2 كيلو مفرووم

احنا بنجيب اللحمة من هايبر وان حلوة برضه وب 45 والمفروم بتاعه حلو
بس يا هوبى انتو بتاكلو كام مرة لحمة فى الشهر؟؟؟ بتقسيمه على قد ايه يعنى؟؟؟

انا مجربتش لحمة هايبر بس بسمع انها حلوة احسن من بتاعت كارفور ..بصي احنا بناكل في الاسبوع 3 او4 مرات لحمة ومرتين فراخ ويوم فراخ بانيه او مفروم ويوم بقى كشري او عدس او ناكل بره كده

hoobie;11717644:
ازيكم يا بنات ..انا كل ما احتاس في مصروف الشهر اجي هنا اتواسى بيكم اغلبكم المصروف مغلبه برضه ههههههه

بصوا بقى مبدئيا كده انا صرفت مصروف الشهر ده من قبل مايبدأ الحمدلله ولسه مجبتش اللحوم والفراخ ..ماعلينا المهم كنت عاوزة اقولكم على حاجه اكتشفتها مش عارفه بقى المشكله عندي بس وللا حد لاحظها ..بالنسبه للرز اكتشفت احسن نوع هو الضحى لان بصراحه هو انضف نوع ومش بحتاج انقي فيه كل الانواع التانيه (زمزم والمرمر وشهي ....) كل ده مش نضيف ولازم انقيه شويه بيبقى فيه حاجات صغننه سودة كده عامله زي اكل العصافير وانا مليش خلق في موضوع تنقية الرز ده فهل حد لاحظ موضوع نظافة الرز وللا انا بس؟
الحاجه التانيه المكرونه برضه اكتشفت ان انضف نوع هو ريجينا الباقي كله بلاقي فيه حاجات عجيبه شعر على طوب على حتت بلاستيك لما قرفت خالص ..بس طبعا رجيبنا غاليه عن العادي النوع النضيف الوحيد التاني جنان ونفس سعر ريجينا حد يقولي نوع كويس واقل شويه (الملكه وستار اللي لاقيت فيهم الشعر و الطوب ..المصريه بتعجن معايا مش عارفه ليه)

هو عن تجربه فعلا الضحي ملوووووووووووووش حل بس غالي أنا بجيب ست الستات بجد جميل و نضيف و ريحته حلوة بقالي 6 شهور بجيبه من بعد الضحي

المكرونة الملكة مش لقيت فيها حاجة و أخر مرة جربت اللي بالكيلو من فتح الله عجبتني

السلام عليكم ورحمه الله وبركاته

ازيكم يااشطر ستات بيوت والله التجمع ده جميل ومفيد
بصوا بقه انا ضيعه اكاد لا اوفر الا القليل جدا والباقى معرفش بيروح فين نفسى اعرف اجيب طلباتى مره واحده بس مشكلتى انا مش مستقره ف شقتى ومعظم الوقت عند ماما او حماتى وبرده مفيش توفير غير مبلغ قليل اوى عملينه جمعيه فببقى مجبره اعمل ايه محتاره وكمان انا داخله على ولاده ان شاء الله ادعولى اولد بالسلامه وعاوزه اوفر انا سمعت ان كان فى جدول هنا ياريت حد يجبهولى وانا هبدأ معاكم ان شاء الله من جديد من اول الشهر

كوباية مايه;11358919:
السلام عليكم ورحمه الله وبركاته

معلش يا بنات انا فتحت جزء جديد لما لقيت المشرفه قفلت القديم ومستنيتش ندى تفتحه لانها مسافره

سامحينى يا ندى :033:

دا رابط الجزء الاول

http://forums.3roos.com/showthread.php?t=501019

ويارب الجزء دا نوفر فيه اكتر
ونبقى ستات بيوت شاطره اكتر

واجوزاتنا يقدروا اللى بنعمله اكتر :098:

طلب ورجاء بقى : ممكن اللى تدخل تدعيلى ان ربنا ييسرلى ولادتى ويعديها على خير و يجيلى طلق بقى :060::060::060::060:

اولا السلام عليكم يابسبس وكل البنات القمرات
وثانيا الف مليون دشليون حمدا لله على سلامتك وسلامة ياسين القمر ربنا يبارك لك فيه يارب
والحمد لله انى لحقت الجزء ده من اوله لان الاول مالحقتوش

lolagalaxy;11523897:
بنات انا خيبة خالص المفروض انى ان شاء الله حتجوز و عمرى ما نزلت اشترى حاجة و لا اعرف الاسعار و لا ايه احسن
طيب الخضار و الفاكهة بيتجابو كل يوم و لا اجيب و اشيل فى التلاجة و المفروض اجيب ايه و اعمل ايه بصو اختكو خيبة خالص حتى مصروفى بيضيع فى يومين فابتدو معايا من الصفر اعتبرونى سبورة بيضو و يلا اكتبو علمونى التنظيم و حاجات البيت و كلو كلو

الخضار فى حاجات لازم تبقى موجودة فى البيت زى التوم والبصل وكده
وبرضو ممكن تجيبى الخضار المجمد على فكرة مش بيبقى وحش والله ساعات بينفع فى الزنقات
اما الفاكهة فطبعا نجيبها طازة اول باول
اول الشهر تكتبى طلباتك فى ورقة وتجيبى المرتب ياما تشترى حاجاتك مرة واحدة وتشيليها زى الفراخ واللحمة والرز والسمك والمكرونة والزيت والسمنة وكده والخضار ممكن بالاسبوع
او تقسمى المصروف بالاسبوع يعنى لو مثلا مصروف البيت 1000 هتقسمى كل اسبوع 250 وده طبعا بعد ماتطلعى الايجار والكهربا والنت والذى منه

بصو بقى يابنات
اولا عايزين نقاطع اللحمة بجد سواء اللى يقدر يجيبها او اللى مايقدرش (واللى مايقدرش مقاطعها اصلا)علشان نحاول مانشجعش الغلاء الفظيع ده
ومش هنموت يعنى لو ماكلناش لحمة شهر ولا شهرين ممكن ناكل سمك وفراخ
وممكن ننزل الماركتات بتبقى عاملة كل شهر عروض فى حاجات منها بتبقى حلوة اوى والله

يا حبايبى الحلوين انا جيت تانى عههع هع هع هع

بصوا بقى

ميرو بصى عايزه تظبطى كميات اكلك يبقى تقعدى تجيبى ورقه وقلم وتكتبى منيو اسبوعى وتحسبى المنيو دا هياخد قد ايه لحمه كبده سجق فراخ اسماك

بالنسبه بقى يا هوبى للرز والمكرونه وخلافه

انا جيبت الملكه عمرررررررررى ما لقيت فيها اى حاجه بصراحه وجميله وروعه وبالنسبه للمكرونه اللى بتعجن يبقى هى محتاجه وقت سلق اقل بس مش كل المركونات زى بعضها

طيب اقولك والله العظيم حماتى الشهر دا بعتتلى كيس مكرونه اسباجتى من بتاعة التموين وشوفى بقى مكرونه التموين تبقى عامله ازاى

هى بعتالى كيس كيلو .... سلقتها بس مكنتش عارفه حوارها فا بقيت بدوقها كل شويه اول ما بدأت تعض سنه روحت طافيه عليها وسيبتها فى مايتها دقيقتين وبعدين صفيتها وشطفتها بمايه سقعه

والله والله والله يا بنتى كانت تحفه وعجبتنى جداااااااااااااا لان السباجتيايه بتاعتها تخينه كدا ومقلوظه بس طبعا انا مش معتمده عليها

انا بجيب الملكه جميع الانواع تحفه :03:

بالنسبه للرز بقى انا بجيبه ساااااااااااايب ونضيف ومش بنقيه ابدا بس عايزه تجيبيه نضيف يبقى من عند حد كويس وتشوفى الرزايه قبل ما تشتريها وكدا

وكمان بجيب لسان العصفور سايب لانه استهلاكه عندى عالى لان جوززى لازم كل يوم شوربه وبيحب لسان العصفور فيها كتير فا بستخدم تقريبا كيلو ونص ل 2 كيلو شهريا لسان عصفور بجيبه بقى الكيلو ب 2,5

شوفى بقى كيس لسان العصفور ال 400 جم اللى اقل من النص كيلو بيتباع ب 2,75 فا طبعا كدا توفيييييييييير

ghayod;11723746:
السلام عليكم ورحمه الله وبركاته

ازيكم يااشطر ستات بيوت والله التجمع ده جميل ومفيد
بصوا بقه انا ضيعه اكاد لا اوفر الا القليل جدا والباقى معرفش بيروح فين نفسى اعرف اجيب طلباتى مره واحده بس مشكلتى انا مش مستقره ف شقتى ومعظم الوقت عند ماما او حماتى وبرده مفيش توفير غير مبلغ قليل اوى عملينه جمعيه فببقى مجبره اعمل ايه محتاره وكمان انا داخله على ولاده ان شاء الله ادعولى اولد بالسلامه وعاوزه اوفر انا سمعت ان كان فى جدول هنا ياريت حد يجبهولى وانا هبدأ معاكم ان شاء الله من جديد من اول الشهر

بصى بقى مدام بيبقى معظم الوقت عند مامتك او حماتك يبقى متجيبيش طلبات البيت مره واحده تجيبيها واحده واحده وعلى قدك اوى

يعنى مثلا هتقعدى فى بيتك اسبوع يبقى تجيبى خضار اسبوع بس وازازة زيت صغير وكيس رز صغير وهكزا متجيبيش كميات عشان اولا ماتبوظش وتترمى حرام وثانيا عشان تعرفى توفرى

كمان لو عملتى نظام المنيو دا هيوفرلك اوى

يعنى كل اول اسبوع تقعدى زى الشاطره وتكتبى لسته بالاكلات اللىه تاكلوها الاسبوع دا وتكتبى هنستهلك مثلا كزا لحمه وكزا فراخ وكزا مكرونه

وتجيبى الكميات دى وبسسسسسسسسسسسسس

قسمى بقى مصروف البيت على 4 اسابيع ماشى كل اسبوع يتحط بعيد عن التانى

ومثلا قاعده الاسبوع دا فى بيتك يبقى تصرفى من مصروف الاسبوع دا

والاسبوع الجاى عند مامتك يبقى المصروف بتاعه زى الشاطرع تاخديهع تشيليه فى حصاله وهكزا بقى

هقولك تقسيمة المصروف بقى هجيبهالك من الجزءاللى فات من عونيا :087:

دينا حمدى;11725036:

بصو بقى يابنات
اولا عايزين نقاطع اللحمة بجد سواء اللى يقدر يجيبها او اللى مايقدرش (واللى مايقدرش مقاطعها اصلا)علشان نحاول مانشجعش الغلاء الفظيع ده
ومش هنموت يعنى لو ماكلناش لحمة شهر ولا شهرين ممكن ناكل سمك وفراخ
وممكن ننزل الماركتات بتبقى عاملة كل شهر عروض فى حاجات منها بتبقى حلوة اوى والله

الله يسلمك يا دينا عقبالك يارب
بصى انا قولت لجوزى كدا نقاطع

راح قالى طيب ممكن نجيب كيلو لحمه فى الشهر :096:

فا قولت خلاص ماشى نجيب كيلو واحد بد لم انجيب كميات عشان بس مننساش طعمها ولا ايه رأيك :01::01:

هقلكم على حاجات انا مش بشوف حد فيكم او معظمكم يعنى بيزكرها

بصوا لما نجيب فراخ بيبقى فيها كبد واوانص مش كدا

طيب ليه منعملهاش وجبه لوحدها؟؟؟

انا لما بجيب فراخ بجمع الكبد والقوانص بتاعتها وبعملها وجبه بتبقى روووووووووووعه

كمان السجق البلدى ليه مش بتجيبوه دا لما بيعمل بيرمى كتير جدا وبيشبع كمان ومش محتاج حاجه

الكبده العاديه بتاعتنا بردو قليل لما بشوف حد فيكم بيجيبها وكدا

حاولوا تفركوا كدا فى حاجات مش بنستخدمهاونجيبها عشان ربنا يباركلنا كدا ان شاء الله


انا بقى عايزه اقلكم الفاجعه بتاعتى

انا طبعا عشان يويو ممسكتش مصروف الشهر اللى فات وسيبته لجوزى :01:

المهم الشهر دا بقوله هات مصروف البيت بقى عشان اسنجفكم :093:

راح قالى مصروف البيت مين يا ماما داحنا صرفناه الشهر اللى فات :047::047::047:

لييييييييييه يا ابن الحلال :096:

قالى والله صرفناه انتى ليكى الشهر دا 300 جنيه بس باقى المصروف عشان احنا صرفنا من مصروف الشهر دا 800 جنيه :01:


طبعا انا اتصدمت صدمة عمرى

وعشان كدا انا ناويت انى اعمل ميزانيه بشعععععععععه ب 300 جنيه الشهر دا
هتقولولى ازاى


هقلكم ناويه اخلى معظم اكلنا قرديحى ولو عايز ياكل لحمه ينزل ياكلها عند مامته تحت :013:

ومفيش لحمه هنجيب فراخ بس الشهر دا

وياسين هرجعه بطنى تانى عشان ميستهلكش بامبرز ولا دوا ولا اى حاجه :042:

وهيبقى كل يوم فول وطعميه وطعميه وفول :066:

لغاية لما يستسلم ويدينى مصروف البيت كله :037:

lifedrop;11719155:


انا عندى 3 كيلو لحمة وفرختين ونص كيلو بانيه تقريبا
دول يقضو لحد امتى ان شاء الله؟؟؟

مع العلم انى ناوية اكتر من الاكل القرديحى نظرا ان المرتب نصه خلص فى خلال 4 اياااااام

ميرو ممكن نيجى نتغدى عندكم؟؟:033:

يقضوكى شهر ونص لو بتاكلى 3 مرات لحوم فى الاسبوع