اللى عايزه تظبط مصروف البيت تتفضل بسرعه (الجزء التانى)

هو الموضوع مبقاش فيه تفاعل زي الاول لية؟

مبروك الجزء الجديد يا بنات

الحمد لله الشهر ده الميزانية تمام لانى قاعدة عند اهلى هههههههههههههههههههههههههه
كل شهر وانتوا طيبين

loveway;11474791:
هنتجمع في انهي بقي
حمد الله علي سلامتك يا بسبس ومبروك ياسين ياموزة سرقتي الاسم مني؟

الله يسلمك يا حبى

لا والله دانا مقرراه من قبل ما احمل اصلا :087:

Bossy22;11479452:
مبروووك على الجزء الجديد و عايزين نظبط المصروف مع بعض لانى فعلا مبعرفش الفلوس بتتصرف فى ايه فجاة كده تلاقى الفلووس قلت خالص و حسة ان العملية محتاجة تنظيم و كمان احنا مش عاملين مصروف محدد يعنى لما بنحتاج حاجة بنجيبها لما تخلص حاجتنا و خصوصاا انى الاسعاااار عندى نااااااار فعايزين نعمل نظام حلو عشان ينظم المسائل شوية

بصى الاول شوفى انتوا بتشتروا ايه

واكتبيه بحيث انه يبقى قدامك
وتشوفى ايه منه الضرورى وايه منه اللى مش ضرورى

وايه اللى ممكن تستبددليه بانواع تانيه اقل فى التمن شويه

يعنى بدل ما تجيبى اغلى زيت دره ى السوق فى انواع تانيه ارخص وبتبقى نفس الشركات اللى عامله الغالى هى اللى عملاه بس زى ماتقولى كل نفسك قبل ما حد يجي وياكلك ههههههههههههههه

فا هاتى منهم

حاجات كدا بقى

انا لظروف خارجه عن ارداتى معرفش ى حاجه عن المصروف بس لو حصل اى تغيير هقلكم

طب انا مرة جبت زيت كده مجهول الهوية هههههههههه اسمه الميزان باين لما جيت اقلى فيه لقيته وحش اوووى و بيسود كده طب فى انواع زيت ايه رخيصة و حلوة ارخص ممن كريستال و كمان ممكن لو جبت انواع ارخص فى الرز او امكرونة ممكن يطلعو مش حلوين او يعجنو مثلا عايزين نعرف ايه الانواع اللى سعرها كويس و تكون حلوة فى الاكل ؟؟؟
و اجيب اد ايه لحوم و فراخ (مخلية لانى مبعرفش انضف الفراخ ههههههههه) تكفينا فى الشهر شخصين بس ؟؟؟؟؟؟؟؟؟

اتمنى لك التوفيق يالغاليه جدا موضوع مهم من شان لاتكون هناك مشاكل بين الزوجين
اتمنى لك التووووووووووووووووووووووووفيق

Bossy22;11486215:
طب انا مرة جبت زيت كده مجهول الهوية هههههههههه اسمه الميزان باين لما جيت اقلى فيه لقيته وحش اوووى و بيسود كده طب فى انواع زيت ايه رخيصة و حلوة ارخص ممن كريستال و كمان ممكن لو جبت انواع ارخص فى الرز او امكرونة ممكن يطلعو مش حلوين او يعجنو مثلا عايزين نعرف ايه الانواع اللى سعرها كويس و تكون حلوة فى الاكل ؟؟؟
و اجيب اد ايه لحوم و فراخ (مخلية لانى مبعرفش انضف الفراخ ههههههههه) تكفينا فى الشهر شخصين بس ؟؟؟؟؟؟؟؟؟

لا انا جيبت زيت اسمه الاصيل ودا نفس انتاج زيت عافيه

وكان حلو اوى اوى ولا بيسود ولا حاجه وصاااااااااااااااااافى وجميل بصراحه


بصى الرز انا بجيبه سايب لانه كله واحده هو اصله بيتزرع مش بيتصنع بس انتى اللى تقدرى تظبطى مايته بقى
انا لما بستخدم رز جديد بحطله مايه اقل من الطبيعى واشوف لا يعجن منى


المكرونه بقى بجيب الملكه حلوه اوى

فعلا انا بجيب زيت الاصيل هو حلو جدا
وبجيب الرز سايب ووالله احلى من اللي في اكياس لاني بقدر اشوفة كويس قبل مااشترية
وجبت المرة دي الجبنة البيضا كيلو على بعضة وحطيتها في علبة كبيرة بالشرش بتاعها في التلاجة
وجبت البيض طبق على بعضة بدل ماكل كام يوم اجيب

Bossy22;11486215:
طب انا مرة جبت زيت كده مجهول الهوية هههههههههه اسمه الميزان باين لما جيت اقلى فيه لقيته وحش اوووى و بيسود كده طب فى انواع زيت ايه رخيصة و حلوة ارخص ممن كريستال و كمان ممكن لو جبت انواع ارخص فى الرز او امكرونة ممكن يطلعو مش حلوين او يعجنو مثلا عايزين نعرف ايه الانواع اللى سعرها كويس و تكون حلوة فى الاكل ؟؟؟
و اجيب اد ايه لحوم و فراخ (مخلية لانى مبعرفش انضف الفراخ ههههههههه) تكفينا فى الشهر شخصين بس ؟؟؟؟؟؟؟؟؟

اولا مبروووووووووك الجزء الجديد ومبروك يا بسبس وحمد على سلامتك ووصول ياسين ربنا يخلهولك

ثانيا ايجاد البدايل ممكن انا استعملت زيت الاصيل وزيت صانى حلوين جدا وطبعا زيت القلى ممكن بتاع التموين لو ليكى حد يجيبه او فيه زيت اسمه قلية حلو
المكرونة بجيب السايب وساعات الملكة وجربت اخيرا بريمو وروما كان نازل عرض عليها ولقيتها حلوة

الرز بردك بجيب السايب
بالنسبة للحمة والفراخ بتعتمد على اد ايه بتاكلو فى الاسبوع مثلا نفترض يومين لحمد ويومين فراخ ويومين سمك مثلا يعنى يبقى حتحتاجى فى الاسبوع كيلو لحمة وفرخة او كيلو بانية و2 كيلو سمك لليومين وبس وممكن طبعا تجيبى مثلا نص بانية واليوم التانى كبد وقانص وبردك بالنسبة للحمة تجيبة مثلا نص كيلو مع الخضار وتجيبى لليوم التانى كبده يعنى حاجات زى اللحمة كده وتنوعى فى الاكل بردك عشان التغيير وعدم الملل

بنات انا خيبة خالص المفروض انى ان شاء الله حتجوز و عمرى ما نزلت اشترى حاجة و لا اعرف الاسعار و لا ايه احسن
طيب الخضار و الفاكهة بيتجابو كل يوم و لا اجيب و اشيل فى التلاجة و المفروض اجيب ايه و اعمل ايه بصو اختكو خيبة خالص حتى مصروفى بيضيع فى يومين فابتدو معايا من الصفر اعتبرونى سبورة بيضو و يلا اكتبو علمونى التنظيم و حاجات البيت و كلو كلو

up<<<<<

علي فكرة يا بوسي زيت الأصيل هو نفسه زيت كريستال نفس الشركة لما تروحي الماركت شوفي كده و حتعرفي

ايه يا جدعان الموضوع مات كدة لية؟

lolagalaxy;11523897:
بنات انا خيبة خالص المفروض انى ان شاء الله حتجوز و عمرى ما نزلت اشترى حاجة و لا اعرف الاسعار و لا ايه احسن
طيب الخضار و الفاكهة بيتجابو كل يوم و لا اجيب و اشيل فى التلاجة و المفروض اجيب ايه و اعمل ايه بصو اختكو خيبة خالص حتى مصروفى بيضيع فى يومين فابتدو معايا من الصفر اعتبرونى سبورة بيضو و يلا اكتبو علمونى التنظيم و حاجات البيت و كلو كلو

بصى يا قمر دا حسب ظروفك بعد الجواز بس انا بجيب الخضار بالاسبوع واللحوم بالشهر والعيش كل يوم طبعا

Boody we zady;11548487:
علي فكرة يا بوسي زيت الأصيل هو نفسه زيت كريستال نفس الشركة لما تروحي الماركت شوفي كده و حتعرفي

ايوه فعلا

وروابى وجنه وزيت عافيه شركه واحده بردو

وايريال وتايد شركه واحده

انا ان شاء لله اول الشهر الجديد همسك الميزانيه تانى ويا مسهل يارب

بنات هو الموضوع مات ليه

احنا عايزينوا زي الاول

أنا لحد دلوقتي ماشيه كويس و عملت فكرة جديده جبت حصاله و بقيت أحط فيها الفكة سواء ورق أو فضه لحد دلوقتي عامله مبلغ مش بطال لما نشوف حتنفع و الا ايه أخر الشهر بقه

طب انا كمان ناوية اخلى بالى من المصرووووووووف
عشان احنا صرفنا كتير الشهرين اللى فاتو
فعايزين نعيش عيشة تقشفية شوية
فانتو ايه رايكو اعمل ايه واوفر فى ايه؟؟؟
انا اتنازلت عن مصروفى الشهر دة رافة بحال زوجى
بس اشتريت شوز جديد بنفس المبلغ بتاع مصرووووفى
نياهااااااا نياهاااااااااا

باظ المصروف يعني هههههههههه

انا الشهر اللي فات صرفت اقل من 1000 الحمد لله بس اللي خلاني اعدي الالف ان كان فيه هدايا لعيد الام بقي
نعمل ايه

الشهر ده ربنا يسهل وهشوف انا اللي جبته لحد دلوقتي 5 ك لحمه وك فراخ بانيه لسه مكملتش باقي الطلبات
ك اللحمه ب45 والفراخ البانيه 34
وجبت 5ك لبن و2ك مكرونه و4 ك ارز

يعني كله 150 من غير تمن اللحمه لان لسه محاسبتش حماتي عليها وانهارده 3 في الشهر