اللى عايزه تظبط مصروف البيت تتفضل بسرعه (الجزء التانى)

رشرووش;11877445:
انا اخر مره كنت فى اسكندريه من شهرين كنت جيباها 58ج
وماما بتقولى فى محلات بيبعوها ب100 يالهوووووى
طب ازاى

58 من فييييييييييييييييييييييين؟ و كمان مين اللي في اسكندريه بيبعها ب 100 دي أول مرة أسمع الكلام ده يا قمر

nanoo99;11877593:
معقول ياام بودى ب 40 بس غريبه اوى طيب خلاص ابقى اجى اجيب من عندكنم لسه جيبه اول امبارح 56 جنيه

اه سعر زيت الاصيل بكام

اه ويابنات الذبده احسن فى الطبيخ ولا السمن البلدى

أصله مكان شعبي شويه عشان كده سعرها كده بس هيا ب 44 و بيديها لجز أخت جوزي ب 40 و أنا بخدها علي حسه ب 40 هههههههههههههه الجزار اللي في اول شارعي بيبعها ب 54

أظن ب 8 و نص أو 9

أنا بستخدم زيت بصراحة و زبده فيرن

يا بنات على فكرة اللحمة لسة مغليتش انا لسة جايباها اول الاسبوع كده او اخر الاسبوع اللى فات الكندوز ب 55 او 56 مش فاكرة و من الرحاب يعنى بردو حته مش رخيصة الحقوو اشترو قبل ما تغلى محدش رد عليا هى الكبد و القوانص الكيلو بكام؟؟ و السجق البلدى بردو بكام الكيلووو
بودى وزادى ماشاء الله ولادك امرات ربنا يخليهوملك هم توينز عسل ما شاء الله انا متبعاكى فى قسم المطبخ و استفدت منك كتير ياقمراية الصراحة فى ناس كتير ليهم افضال عليا فى الطبيخ لانى كنت ضايعة و اولهم بسبس القمر اللى ياما هريتها اسئلة حتى جوزى قاللى انتى اتطورتى فى المطبخ هو انا لسة بردو فى حاجات مبتطلعش مظبوطة منى بس احسن الحمد لله بس انا دلوقتى اعتزلت الطبيخ الحمد لله هههههههه من اول ما دخلت التاسع وانا مش قادرة اطبخ ومليش نفس و مقضينها اكل برة و شكلو هييجى على دماغى:057::057::057:
اخر سؤال بقى زهقتكوو
هى الكبدة بنجيبها بتلوو وللا كندوز و اسعارهم ايه هى اللحمة البتلبو غالية اوى بسبعين او 75 (ده كمان قبل ما تغلى) و نفس السؤال بالنسبة للبفتيك بتلو وللا كندوز قولولى اسعارهم يعنى فى المتوسط عند الجزارين اللى بيبيعو اللحمة القطع الكندوز ب 55 كده
و ايه تانى مممممم عايزين بقى شوية نشاط فى الموضوع:053:

من بحرى ياام بودى واحد اسمه جزاره صوبع ده انا كنت جايباه من عنده 58 هى والسدق نفس التمن
وماما بتقولى فى بيبعوها ب100 بس مش عارفه فين بقى
ربنا يرحمنا

princess sama;11926021:

انتو مكمّلين بالموضوع ده ولّلا خلاااص ؟؟؟

اصلي انا متجوزة جديد وعايزة اعمل زيكو ...

وانا مشاركة جديدة بالمنتدى :) ...

يعنى انتى مشتركة مخصوص عشان الموضوع دة؟؟
هههههههههههههههههههههههه

مبروك يا عروسة:)

Bossy22;11880427:
:ok::ok::ok:
والله انا بحب كلامك يا بسبس اوووى مرتب كده و منظم ماشاء الله حلوة التقسيمة دى اوى :03: بس هى الكبد والقوانص بتتباع بالكيلوو صح بكام بقى الكيلو منها؟؟؟ وحد جرب مكرونة ستار هى سعرها رخيص وشكلها كويس هى الملكة سعرها ايه؟؟؟

ربنا يخليكى يا حبى

بصى معرفش الكبد والقوانص بكام لان هنا مش بيبيعوها بس انا بجمعها من الفراخ ولما اككون كميه تنفع لاكله بعملها


مكرونه ستار معرفش بس ماما ساعات بتستخدمها
انا بجيب الملكه بس وفى بعض الانواع بجيبها سايبه احسن بكتير

princess sama;11926021:

انتو مكمّلين بالموضوع ده ولّلا خلاااص ؟؟؟

اصلي انا متجوزة جديد وعايزة اعمل زيكو ...

وانا مشاركة جديدة بالمنتدى :) ...

ههههههههههه لا مكملين

اتفضلى معانا

يا بنات بما ان الشهر الجديد على الابواب فانا عملت ميزانيه جديده ان شاء الله

هى اتغيرت عن الميزانيه اللى فاتت عشان بقى فى بنود جديده


يعنى بقى فى جزء لمصاريف ياسين

وفى جزء ليا

يعنى عملت مصروف ليا انا وياسين عشان مجييش على مصروف البيت

سؤال تطفلى يا بسبس لو سمحت
ولك حرية الرد

انتى وياسو مصروفكم كام؟؟
وحتعملى ايه فى حاجات ياسو من هدوم ومستلزماته اللى بنضطر نشتريها من مصروف الشهر وبتاخد جزء كبير؟؟

lifedrop;11931667:
سؤال تطفلى يا بسبس لو سمحت
ولك حرية الرد

انتى وياسو مصروفكم كام؟؟
وحتعملى ايه فى حاجات ياسو من هدوم ومستلزماته اللى بنضطر نشتريها من مصروف الشهر وبتاخد جزء كبير؟؟

بصى كل واح\ فينا مصروف منفصل

انا هاخد 200 ( اختبار كدا وقابله للزياده والنقصان)

ويويو 150 نفس الحوار

وانا قسمت مصروف البيت

فا اتبقى منه بتاع 500 جنيه فا قولت هجيب منهم ليويو لبس وانا مش هجيب غير 3 اطقم عشان ماشاء الله بيكبروا بسرعه

أم يـاسـيـن العسل;11727082:
هقلكم على حاجات انا مش بشوف حد فيكم او معظمكم يعنى بيزكرها

بصوا لما نجيب فراخ بيبقى فيها كبد واوانص مش كدا

طيب ليه منعملهاش وجبه لوحدها؟؟؟

انا لما بجيب فراخ بجمع الكبد والقوانص بتاعتها وبعملها وجبه بتبقى روووووووووووعه

كمان السجق البلدى ليه مش بتجيبوه دا لما بيعمل بيرمى كتير جدا وبيشبع كمان ومش محتاج حاجه

الكبده العاديه بتاعتنا بردو قليل لما بشوف حد فيكم بيجيبها وكدا

حاولوا تفركوا كدا فى حاجات مش بنستخدمهاونجيبها عشان ربنا يباركلنا كدا ان شاء الله


انا بقى عايزه اقلكم الفاجعه بتاعتى

انا طبعا عشان يويو ممسكتش مصروف الشهر اللى فات وسيبته لجوزى :01:

المهم الشهر دا بقوله هات مصروف البيت بقى عشان اسنجفكم :093:

راح قالى مصروف البيت مين يا ماما داحنا صرفناه الشهر اللى فات :047::047::047:

لييييييييييه يا ابن الحلال :096:

قالى والله صرفناه انتى ليكى الشهر دا 300 جنيه بس باقى المصروف عشان احنا صرفنا من مصروف الشهر دا 800 جنيه :01:


طبعا انا اتصدمت صدمة عمرى

وعشان كدا انا ناويت انى اعمل ميزانيه بشعععععععععه ب 300 جنيه الشهر دا
هتقولولى ازاى


هقلكم ناويه اخلى معظم اكلنا قرديحى ولو عايز ياكل لحمه ينزل ياكلها عند مامته تحت :013:

ومفيش لحمه هنجيب فراخ بس الشهر دا

وياسين هرجعه بطنى تانى عشان ميستهلكش بامبرز ولا دوا ولا اى حاجه :042:

وهيبقى كل يوم فول وطعميه وطعميه وفول :066:

لغاية لما يستسلم ويدينى مصروف البيت كله :037:

ههههههههه اكل قرديحى وهو حيسيبك بردك يا بسبس ازيك وازى ياسين
يا جماعة ده انا افتكرت ان الموضوع ده خلاص نام كويس انكم صحتوه تانى يا ريت يبقى فيه جديد واستفادة ان شاء الله

الكبد والقوانص فعلا وجبة جميلة واللى انتى بتعمليه ده صح جدا

دينا حمدى;11741414:
ازيك يابسبس
بصى ياستى بجد لو بطلناها شهرين ولا حاجة مش هيجرى حاجة ومش احنا بس طبعا لأ لازم بجد ناس كتير تعمل كده والجزارين لما يلاقو مفيش اقبال غصب عنهم هيرخصو سعرها تانى
يعنى انتى قولى لمامتك واقاريبك وكل اللى تعرفيهم
ولو اتزنقتو اوى وخلاص مش قادرين تستغنو عنها خالص خالص هاتو كيلو واحد زى ماقولتى وخلاص



انتى جوزك زى جوزى بالظبط عايز كل يوم لحمة او فراخ فده طبعا صعب جدا ولو يوم اتغدينا اى حاجة علشان نوفر اروح الاقيه بالليل جايب فراخ مشوية من بره ههههههههه
شوفتو التوفير
بس انا عودتو شوية كده وشوية قرديحى
مش بخل والله
انا اصلا مسرفة جدا وجوزى مسرف جدااااااااااااا اكتر منى
س اللى مخلينى كده اليومين دول ان احنا علينا دين وطبعا لازم نسدده والله العظيم انا لو قولت لكم احنا صارفين كام بس فى سنة على الاكل واللبس والله كتير جدا وماكناش سددنا حاجة من اللى علينا

ياااااه يا دينا ده كده الميزانية جامدة طبعا طب حاولى تظبطى انتى مش انتى اللى ماسكة ولا مشترك ما بينكم
وبعدين اللحمة مش عارفين اعتقد حترخص تانى لما نشوف كده

أم يـاسـيـن العسل;11745448:
يا بنتى دا الجزار اللى بيعمله وبيبقى سعره زى اللحمه العاديه وبتعمل بالطلب على فكره وحلو جدااااااااااا

بصى بقى الكيلو حسب اكلتك بس هو عشان بيتحط عليه فلفل وطماطم وبصل فا بيبقى كتير كدا ومالى نفسه وبيتاكل جمبه بيض مقلى بالسمنه البلدى


وهمممم بجد

دانا بفكر اخد من هنا قبل ما ااسافر عشان فى اسيوط ميعرفهوش



انا بجيب اللحمه والفراخ بالشهر فعلا بس بحسبها كام وجبه لحمه وكام وجبة فراخ وبجيب على القد بالظبط

احنا بقى مش بناكل سمك لو اكلنا سمك يبقى لااااااااازم كابوريا وجمبرى جامبو وعيشى بقى تفضلى فى تقشف شهرين بعدها:096::096::096:




متفكرينيش هههههههههههههههه

اسكتى دانا كمان نازله كمان شويه اروح ادفع مصاريف الكليه عندى عشان اخر سنه مدفعتهاش واجيب شهادة التخرج والاتنين دول هيكلفونى بلا فخر 260 جنيه بالظبط

يعنى هنقضى الشهر ب 40 جنيه هع هع هع هع هع



انا جوزى لو اكل يوم الاكل البايت تلاقيه قعد شهرين بعدها يقطم فيا :01::01::01::01:

وبعدين انا جوزى بشششششع مصرف جداااااااااا

وبيجيب حاجات تتعب الاعصاب

رايح يجيبلى قراقيش للشاى ب 30جنيه :033:

ورايح يجيبلى لب وسودانى والله لقيته بيجيب لب وسودانى ب 70 جنيه فى الشهر

يوم بعد يوم يجيبلى ربع كيلو لب :057:

وقبل ما اسافر غلطت كدا وياريت كان لسانى يتقطع قبل ما اقولهاله
قولتله هاتلنا مسحوق غسيل

راح جابلى اغلى مسحوق غسيل ب 110 جنيه عااااااااااااااااا

اريدا حلا :091::091:

ههههههههه ربنا معاكى بس انتى فى الميزانية مش بردك بتحطى نثريات عشان اللب والسودانى والحاجة الساقعة والعصاير والبسكوت وكده ولا مفيش بند الرفاهية ده

الحب هو الحياة;11757020:
السلام عليكم
الموضوع حلو جدا
انا فرحى قريب وانا عايزة امسك الميزانية وكنت عايزة اعرف الكميات المناسبة لفردين حتبقى ايه يعنى تكفى شهر ؟ من لحوم وطيور واسماك وفاكهة وخضار وكمان الرز ولو كمان تقولولى االمنتجات الكويسة فى الخضروات المجمدة والرز والمكرونات والزيوت والسكر والشاى وكل حاجة يعنى جودة كويسة وسعر رخيص وجزاكم الله خير

الف مبروووك يا توتى حتستفادى جدا واول جزء بصراحة كانت بسبس قايمة بشغل جامد وكان فيه منافسة كمان بس الموضوع نام وبعدين صحى اهو يلا بقى عاوزينكم كلكم معانا

mitcy;11814458:
ازيكم يا بنات
وحشتوني
عاملين ايه؟؟؟؟؟؟؟؟؟انا مش بدخل من فتره لاني مبقتش بمسك المصروف شويه كدا وابقي امسكه تاني.

بس انا شيفاكو بتتكلمو علي اللحمه عادي كدا.ههههههههههههه
هو مش في مصر مقطعين اللحمه؟؟؟
حولو تقللو منها شويه عبال ما ترخص...
وابقو شوفو الشيف شربيني بيعمل اكلات كتييييييييييييير بالفراخ بس.علشان يبقي عندكم افكار للتجديد

اهلا يا ميتسى هنا اه فعلا بناكل فراخ وسمك اكتر بس حيرجعوا تانى يرخصوا اللحمة بيقولوا حنشوف

nanoo99;11872405:
بنات عايزه اجيب زيت ذره حلو بس غير عافيه قولوى الاسم ايه

الاصيل او صانى او كريستال

nanoo99;11877593:
معقول ياام بودى ب 40 بس غريبه اوى طيب خلاص ابقى اجى اجيب من عندكنم لسه جيبه اول امبارح 56 جنيه

اه سعر زيت الاصيل بكام

اه ويابنات الذبده احسن فى الطبيخ ولا السمن البلدى

الاصيل تقريبا ب 7 ج والاحسن فى الاكل السمنة البلدى طبعا بس بقولك على حاجى خلطى يعنى خدى معلقة سمن بلدى على معلقة سمن عادى زى روابى او جنة وكده حتدى طعم للأكل وتدخلى السمنة البلدى بردك بس طبعا حتعمل معاكى ميزانية محترمة

princess sama;11926021:

انتو مكمّلين بالموضوع ده ولّلا خلاااص ؟؟؟

اصلي انا متجوزة جديد وعايزة اعمل زيكو ...

وانا مشاركة جديدة بالمنتدى :) ...

ايوة خليكى بس معانا

أم يـاسـيـن العسل;11931631:
يا بنات بما ان الشهر الجديد على الابواب فانا عملت ميزانيه جديده ان شاء الله

هى اتغيرت عن الميزانيه اللى فاتت عشان بقى فى بنود جديده


يعنى بقى فى جزء لمصاريف ياسين

وفى جزء ليا

يعنى عملت مصروف ليا انا وياسين عشان مجييش على مصروف البيت

ايوة صحيح دولوقتى زاد فرد وطبعا ليه بند لوحده

أم يـاسـيـن العسل;11931997:
بصى كل واح\ فينا مصروف منفصل

انا هاخد 200 ( اختبار كدا وقابله للزياده والنقصان)

ويويو 150 نفس الحوار

وانا قسمت مصروف البيت

فا اتبقى منه بتاع 500 جنيه فا قولت هجيب منهم ليويو لبس وانا مش هجيب غير 3 اطقم عشان ماشاء الله بيكبروا بسرعه

يعنى انتى قسمتى التزامات البيت والاكل وخليتى بند ليكى زى مصروف وبند لياسين لبس وبامبرز وادوية واعشاب وكده

بصى يا نيو لايف يا حبيبتى

اولا بند الرفهيات انا عملاه ضمن بند السوبر ماركت يعنى لان معظم للى بنجيبه بيبسى وشيكولاته فا قولت يبقوا مع بعض

بالنسبه لمصروف ياسين انا عملته عشان اعرف هو تقريبا هيصرف قد ايه فى الشهر واشوفة التزماته وكدا لانى لو صرفت من غير ما اعرف مش هعرف اتحكم

مصروفى انا بقى عملته لاكترمن سبب

اولا عشان انا عايزه ادخل جمعيه وهو رافض فا قولتله خلاص انا هاخد مصروف وانا حره فيه

فا جزء هدخل بيه الجمعيه وجزء تانى هشيله بقى ليا عشان الكوافير وخلافه زى مانتى عارفه

وكمان عشان احس ان ليا شوية استقلاليه

اخيرا الموضوع ده صحى تانى

مبروك يا بسبس على النيك نيم الجديد يا عسل

قولى لى بقى انت لما بتعملى حكاية الكبد والقوانص دى بتعمليها ازاى وبتعملى جنبها ايه عشان تبقى اكله كامله
وياريت تردى عليا على طول عشان ناويه اعملها بكره ان شاااء الله

عاملين ايه يا قمرات .......... أنا مستغربه انكم مش عارفين موضوع الكبد و القوانص ده ههههههههههههه أنا بطلب فراخ بالشهر من محل متعودة عليه و أجمع الكبد و القوانص و أعمل بيهم يا اما مسقعه بدل اللحمة يا اما أحمرهم زي الكبده اللآسكندراني بالتوم و أعمل سلطة و مكرونة أو جنب أكل بعيش بيكون تحفه و أو يوم بيقضي

على طريق العرس;12019174:
اخيرا الموضوع ده صحى تانى

مبروك يا بسبس على النيك نيم الجديد يا عسل

قولى لى بقى انت لما بتعملى حكاية الكبد والقوانص دى بتعمليها ازاى وبتعملى جنبها ايه عشان تبقى اكله كامله
وياريت تردى عليا على طول عشان ناويه اعملها بكره ان شاااء الله

اولا ماشاء الله الله اكبر مبروك الحمل يا سمسمه ربنا يباركلك فيه ويتمملك على خير يارب



بصى انا بعمل جمبها رز وسلطه وبتبقى رووووعه لانها بيبقى عليها صوص كمان

بصى بعملها ازاى

ببشر بصله وتتقلى دقيقتين وننزل عليها بالكبد والقوانص واسيبها تسلى منها فيها واشوف لو محتاجه مايه احط وطبعا ملح وفلفل وبس

أم يـاسـيـن العسل;12024803:
اولا ماشاء الله الله اكبر مبروك الحمل يا سمسمه ربنا يباركلك فيه ويتمملك على خير يارب



بصى انا بعمل جمبها رز وسلطه وبتبقى رووووعه لانها بيبقى عليها صوص كمان

بصى بعملها ازاى

ببشر بصله وتتقلى دقيقتين وننزل عليها بالكبد والقوانص واسيبها تسلى منها فيها واشوف لو محتاجه مايه احط وطبعا ملح وفلفل وبس

دى حاجه سهله خالص :)
انا فعلا كنت هعملها كده زى اللحمه اللى ببصل بس قولت اشوف لو لها طريقه تانيه ولا حاجه
تسلمى لى يا بسبس والف شكر على الدعوات الحلوه دى :adore:

على طريق العرس;12029882:
دى حاجه سهله خالص :)
انا فعلا كنت هعملها كده زى اللحمه اللى ببصل بس قولت اشوف لو لها طريقه تانيه ولا حاجه
تسلمى لى يا بسبس والف شكر على الدعوات الحلوه دى :adore:

بتشكرى على ايه دانتى وحشانى اوى اوى اوى والله


بنات انا اهو لغاية دلوقتى ماشيين حسب الخطه المحدده

بس انا الشهر دا مجيبتش لحمه ولا كبده وجيبت فراخ وبانيه وسمك

ناويه اجيب كبده بس كمان عشان نشكل ونكمل الشهر

انا لغاية دلوقتى صارفه 500 جنيه :|

أم يـاسـيـن العسل;12015766:
بصى يا نيو لايف يا حبيبتى

اولا بند الرفهيات انا عملاه ضمن بند السوبر ماركت يعنى لان معظم للى بنجيبه بيبسى وشيكولاته فا قولت يبقوا مع بعض

بالنسبه لمصروف ياسين انا عملته عشان اعرف هو تقريبا هيصرف قد ايه فى الشهر واشوفة التزماته وكدا لانى لو صرفت من غير ما اعرف مش هعرف اتحكم

مصروفى انا بقى عملته لاكترمن سبب

اولا عشان انا عايزه ادخل جمعيه وهو رافض فا قولتله خلاص انا هاخد مصروف وانا حره فيه

فا جزء هدخل بيه الجمعيه وجزء تانى هشيله بقى ليا عشان الكوافير وخلافه زى مانتى عارفه

وكمان عشان احس ان ليا شوية استقلاليه

امممممممممم كويس يعنى عاملة حساب الرفاهية دى هههه
يعنى انتى بتاخدى مصروف البيت ومصروف ياسين ومصروفك دفعة واحدة على بعض يعنى وبعدين انتى اللى عملتى التقسيمة دى ولا ايه

على طريق العرس;12019174:
اخيرا الموضوع ده صحى تانى

مبروك يا بسبس على النيك نيم الجديد يا عسل

قولى لى بقى انت لما بتعملى حكاية الكبد والقوانص دى بتعمليها ازاى وبتعملى جنبها ايه عشان تبقى اكله كامله
وياريت تردى عليا على طول عشان ناويه اعملها بكره ان شاااء الله

تجمعيها من الفراخ اللى بتطلبيها مدبوحة مثلا وتعملى بيها وجبة وبالبصلة طبعا تحفة جدا بالصوص وجنبها مكرونة وسلطة او بطاطس وسلطة

اه يا نيو لايف هوبيدينى مصووف البيت على بعضه وانا بقسمها حسب احتياجاتنا