مسا الفل على الحلوين
CATS_ANGEL;11409481:
لا حبيبتي مونو رح اجل القتلة بس تنزلي على سوريا ورح وكل فيها مامتك بدالي بس اوعديني انو التوصاي توصل ههههههههههه
ايه ما مصدقة وانا ارجع اشتغل و يلي مشجعني انو ماما رح تاخد تالا عندها فترة الدوام لهيك متشجعة اكتر لانو الحضانات ما برتاحلها و بتكتر الامراض و الواحد هالايام ما عاد يأمن على حدا
الله بهونها على جوزك يا رب و انتي حاولي تطلعي مع رورو هالفترة على قد ما في مجال عندك و لو نص ساعة لحتى ما تحسسي بالذنب ما بعرف كيف بيتكن بس انا لما اكون مكسلة بطلع تالا لو على السطح مع حصانها الصغير بتلعب شوي و بتغير جو وناوية ركب مرجيحة بس يتحسن الجو الي و الها :040: و اذا في مجال عندك في مراجيح صغيرة خصوصي لجوا البيت و ان شاء الله بتنزلي و انتي بالك مرتاح و رورو بتعوض كل قعدة البيت :08:
هههههههههههههههه ان شاء الله بوصل لها التوصاية تبعتك
بس والله الجيوب محركة علي وراسي عم يوجعني كتير وهيدا هو السبب
ومشان الشغل الله ييسرلك اذا في مامتك خليها عندها بيكون احسن وهو الحضانة
لها ايجابية انه بتشوف اولاد بس سلبيتها انه عن جد الولد ما بيشوف الراحة
وذكرتيني عندي بلكون ما بيشوف النور متل ما بيقولوا يعني بالاسم بلكون بيطل
على الباركينغ تبيعن البنايات وهو من دون شي صغيييييير بس عجبتني الفكرة بركي
ان شاء الله بطلعها وبنقعد انا وهي على الارض اسمنا اتهوينا :095:
شامية للعظم;11414624:
صباح الخير ياجماعة قبل كل شي أنا مبارح دخلت عالشات وشفت الأخبار بس ما قدرت رد بس والله والله يعلم اني دعيتلها لسوريا بس لا حول ولا قوة الا بالله طيب شو السبب يعني ياسيدي مو معقول هالنظام يعني والله أختي بأمريكا أخدت اقامة أول ما تزوجت وأخدت الجنسية بعد خمس سنين من زواجها
حسبي الله ونعم الوكيل طيب دمشقية خبرينا أمانة شو بدها تعمل هلق شو رح تكون الخطوة التانية يعني هلق حتكون هي والولاد ببلد وزوجها ببلد ؟؟
والله انقهرت من قلبي الله يهدي بالها يارب وييسر أمورها ويسترها من هالزعلة
والله انا انقهرت عليها لانه نحن من الاول بنعرف ظروفها وعن جد بتقطع القلب
PEARL2000;11414902:
صباح الخيرات حبيباتي كيفكن يا قمرات و الله اشتقت لكن كتير كتير كتير كتير
بس شو بعمل مو مقصرني عنكم غير هالضغط اللي عندي حتى من كتر التعب قضيت شي اسبوعين بالدوخة و ما خليت شي ما شيكت عليه الضغط و الأذن و الراس و ما بين شي علي حسيت بعدين انه ممكن يكون من التعب و الركيض الله يعين الجميع على بلواه
اول شي انا جدا سعيدة و مبسوطة برفقتكن و بشكركن من كل قلبي لمعايدتكن لي ان شاءالله بتنالوا جميعا اللي بتريدوه و بيحقق أمانيكم يارب و بخص بالشكر حبيبة قلبي مونو اللي ما قصرت أبدا سواء بالمسجات أو الايميلات و تاني شي حبيبتي دمشقية كمان اللي بعتت لي على الايميل و متل ماسبق كلكن بحبكن و بشكركن من كل قلبي
المهم يا بنات يوم عيد ميلادي ما لحقت تلفونات من سوريا اهلي و اخواتي و بيت حماي و مسجات من رفقاتي عن جد تونست كتير بهالغربة و حسيت بالفعل انه ما حدا نسياني و يومها رجعت الضهر على البيت لقيت زوجي جايب لي قالب كيك صغير و حاطط عليه قلب و كاتب عليه عبارة رائعة و مضوا لي شمعتين و حتى جايب غدا جاهز مشان ما اتعب حتى بالجلي بعد الغدا عن جد كانت حركة رائعة منه و قال لي انا ما فعلت اشتري لك هدية لأن جاية على بالي تاخديها على ذوقك هالمرة و بصراحة بعد هالحركة قلت له ما عاد بدي هدايا لأن انا بموت بشي اسمه رومانسية أكتر من المادة بصراحة و بعدها بالليل حكيوا معنا اصحابنا كمان عايدوني و أصروا انه نروح نسهر عندهم لأن كانت عيد ميلاد صاحبتي قبلي بيومين وزوجها كان مسافر و ما احتفل فيها لهيك كان جايب لها قالب كيك و اصروا انه نروح نطفي الشمع معهم و هيك أخدنا الكيك تبعنا و سهرنا عندهم و كان ي عيلة تالتة و الحمدلله غيرنا جو شوي
وقبل بشي اسبوعين كان في حفلة هون باوتيل الهيلتون كانوا جايبين طوني كيوان و الحقيقة نحن مو بالعادة منروح على هيك حفلات بس شجعونا اصحابنا لأن رايحين كروب و فعلا رحنا و انبسطنا كتير و غيرنا جو و كسرنا روتين الغربة شوي
هي اخباري كلها يعني ما في شي جديد عندي غير هيك و انبسطت اليوم اني دخلت و حاكيتكن شوي بس عن جد بعتذر منكن كتير لأني مضغوطة و بالغصب دخلت و كتبت هالكلمتين بس مشان ما تفكروني انقطعت عنكم صدقوني ما بقدر استغنب ابدا
صباح ومسا الخيرات والليرات والرباع لبيرل الحلوة اشتقتلك والله :072:
الله يعطيك العافية يارب ويقويك وعن جد مقدرة وضعك وسلامة قلبك ديري بالك على حالك
عن جد الله يعين الموظفة:065:
ولوووو لا بدها شكر ولا شي نحن اخوات والله يهنيك انبسطت كتير ببادرة زوجك يعني
هدية ولالالالا اروع بس انا لو محلك بحب الرومانسية وبدي هدية :094: يعني انا كتييييير بحب
الهدايا على فكرة
والله يخليك احبابك اللي ونسوكي ما قصرتوا بالروحة والاحتفال معهم والله يهنيكم بالحفلة تبعت طوني كيوان والله جو حلو وعن جد كتير بتغيري من روتينك فيه
