جمعتنا ولمتنا السورية لشهر ربيع الأول ,, مية اهلا وسهلا ***

شامية للعظم;11387122:
صباح الخير ياجماعة والله اشتقتلكن كتير كتير كان عنا ضيوف ضلو بعدن 3 أيام شو انبسطنامعهن نفس الشب يلي اجا هديك المرة هو وهرتو اجا هلق هو ووالدتو وأخوه طبعا قضيناها سيرين وبحر ومطاعم وأنا عملتلهن عزيمة عالعشا وكالعادة بس يجي ضيف ويروح بيترك وراه فراغ وأنا دغري بكتئب لأنو برجع بلاقي حالي لحالي بس هالمرة ما لحقت اكتئب زوجي صدمني أنو هاد الاسبوع آخر اسبوع عنا بعدن يعني الاسبوع الجاية رح يكون بصنعاء
ادعولي الله ييسرلي والله هكلانة هم النقلة والضب

طبعا قرأت أخباركن ياسمينة لاء مو حامل انت قرأت غلط على كل حال هادا فال خير وان شاءالله.. الله يختارلنا الخير وأنت ليش مكتئبة خير ؟؟؟؟؟؟؟؟؟؟ مع انو اجا الربيع والربيع حلو كلو فرح

مونو الله ييسرلك خلص متى ما الواحد بلش ما بقى ينخاف ان شاءالله بتمشي برياحة
ومشان العباية أنا بصراحة اشتهيت أعرف وين بيبيعو بس أنا شفت يلي بالمولات ما عجبوني كتير معجئين بس جارتي قالتلي أن هنن بيفصلو تفصيل يالله بركة بس روح على صنعاء لأني حابة اشتري وحدة

سورية يا أهلين فيكي مو بس أنت عم توصلك أخبارنا ونحنا عم توصلنا أخبارك ومبروك الحمل وان شاءالله يكون خير عليك
والله ييسرلك يارب

دمشقية احكيلنا كيف كانت عطلتك ؟؟؟؟؟

لولية;11387539:

صباح الخير يا بنوتات يا حلوات اتذكرتوني أنا بالمنتدى معكن والله الحق معكن تنسوني لإني أنا نسيت حالي أد ما كنت معجوقة بخطبة بنتي والتحضيرات لإلها وبعدين ايجو بيت أهلي وبعدها ابن عمي بقى من غير شر سافروا كلهن فضل ماما وبابا عندي وبكرة من غير شر مسافرين عالرياض

الخطبة الحمدلله كانت بتبيض الوجه وبيت العريس كانوا كتير مبسوطين وحبيبة أمها طلعت بتاخد العقل وأم العروس اللي هي حضرتي طلعت عروس كمان ويا ريت فيني ورجيكن الصور بس أنا منزلتها على الفيس بوك لو بتحسنوا تشوفوها
ان شاء الله ابتداءا من بعد بكرة بعد ما يروحوا أهلي رح ارجع لحياتي الطبيعية وعم فكر آخد نقاهة وانزل يومين على سوريا بس لسه عم فكر لشوف
كنت دائما عم اطمئن عليكن
مونو يا عمري ما بتتصوري أديه انبسطت بالمسج اللي بعتيلي اياه والله العظيم طار عقلي فيه عقبال رورو يا رب وتفرحي فيها

MONOSTEPS;11388245:
مرااااااااحب داخلة ومشمرة عن رجلي لانه طافف الجرن من السورية ههههههههههههههه

ما دخلني هيك الدمشقية قالت ابتلشي فيها ههههههههههههه


نور الشات بدخول كل الحلوين ناقص بيرل بس :083:

ايوا كدا المعلمين ولا بلاااش ,,, ينصر دينك يامعلييييماااوللللللييش (( خخ هيك بزلغطوا على كل شي :037:))


المهم هديك المرة بعد ما كتبت لكم ما شفت الا بعد شي ساعة زوجي اجا
قطع شغله مشان صلاة الجمعة وبالمرة قال بيمر علينا واخدنا معه على المول وجعه قلبه علينا
الله يجزيه الخير فرحني وغيرت شكل كتير انا ورورو

اي الحمد لله والله انبسطت لرورو اكتر شي خطية بتغير جو وبتشوف ناس
وان شالله دوووم مبسوطين ومستانسين ههههه


ومشان الدرس يعني على الخفيف الخفيف لانه ان شاء الله قررنا انه نجدد بهيدا البيت
بقى عم عزل على مهلي يعني عم ضب وشيل الاغراض واللذي منه لانه ما حابة راكم هالشغل لقبل سفري كل مرة هيك بيصير فيني وبنزل اجازة وانا دايخة من الشغل
هلأ اكيد ان شاء الله رح يكون علي تعزيل مرة تانية بس ما متل هلأ

خير مابتعملي والله شطووورة وحلو كتيير التغيير بالبيت بتحسي براحة ونشاط
انا من اسبوعين والله غيرت البرادي تبع غرفة الجلسة وغيرت طاولة الأكل اشترينا وحدة اكبر واحلى
وحتى الكراسي تبعت الطاولة نجدهم زوجي ماشالله عليه وعملهم جلد طلعو غير شكل والتجديد مطلوب وحلو
والله يعينك على التعزيل ويقويكي وشوي شوي بتخلصي على مهلم المهم ماتتعبي حالك







مبروكين العبايات سلف وعن جد العباية اسهل بالحركة واستر بيكفي لا بتخافي توطي
ولا تعلي يعني عن جد اريح ومشان وحامك والله شطورة وانا على فكرة بحب ريحة البينزين
بشم متلكم هههههههه بس متل ما قلتي ما شرط بالحمل وبحب ريحة الكبريت
شمامة انتحارية هههههههه
والاغاني اي بتذكرها كل هالاغاني تبعت الغبرا واهم شي اتدلع يا رشيدي ههههههه
والله بخصوص التنضيف رعب وبس عن جد كتير مستصعبة الشغلة وناوية ان شاء الله
بس انزل نضفها بسوريا بقى الله يعين

الله يبارك فيكي ياااارب اي والله استر واحلى بالنسبة النا لانو يمكن اتعودنا عليها و حابة افصل عبايتين يكونو سمبل وحابة اعمل الموديل بالكم يعني يكون فضفاض شوي مو كتير من فوق ومن عند الاسوارة ديق حوالي 10 سم شو رايك بالموديل مونو فهمتي عليي ؟؟
وههههه وطلع فينا عامل مشترك جديد هههه ياانتحارية هههه يبعتلك الهنا كلمة متعوب عليها بصراحة
والله يقويكي على تنضيف رورو لانو رعب متل ماقلتي بس الله بعين ومرحلة وبدها تعدي

وسلام مني الك مبرع للجدعات ودقي يا مزيكا ههههههههههههه

تم ترا را را را تم تم ههههههه






[/CENTER]

شامية للعظم;11391394:
مسالخير ياجماعة كيفكن ؟؟؟؟؟
اليوم بلشت ضب على مهلي للنقلة والله يسهل علي وعليكم لأن ما شالله الجميع كل وحدة مننا عندها مسؤليات أكتر من التانية

مونو هيك أريحلك ليش من الأول ما فكرتي بهالفكرة أنك تجددي بنفس البيت والله النقلة مو سهلة بنوب وأنت عندك مية شغلة براسك دراستك وتحضيراتك للسفر وبنوتتك ماعدا الواحد الواجبات اليومية من طبخ وغسيل وتنضيف الا اذا كنت مو مرتاحة ببيتك وأنت بدك تغيريه للأفضل

ومشان الذكريات اسكتي والله كل يوم المسا لازم اطلع ودع البحر وما قلتلكن أن الجو عنا بيجنن حاليا وبهالجو الحلو بتحسي عدن حلوة والبحر ما شاءالله مرتفع منسوبه كتير بس عدي واتأملي وقولي ما شاءالله

خيتو انت بنت اللادقية بقى انتو البحر عنكن عادي جدا وما بتفرحو لما بتشوفوه مو متلنا نحنا مندور على بركة مي صغيرة مشان نقعد نسمع صوت المي كيف اذا سكنت جنب البحر
طبعا كل مكان رحنالو اتصورنا فيه بالنهار سابقا الكميرا ما بتفارقنا وين ما رحنا ومتل ما قلتي كلو بيضل ذكرى حلوة وان شاءالله يارب يلي مخبالنا يكون احسن يااااااااارب

صحيح الله يسلم ايديك عاللزانيا ذكرتيني فيها ولا مرة عملتها لأن ماما ما كانت تساويها لأنو بابا ما بيحبها لذلك ما بعرف كيف بتنعمل بس أنا مرة دقتها وعجبتني لازم اتعلمها وأعملها بس اتركن بصنعا ان شاءالله

لولية ألف ألف مبروك وعقبال البقية يارب الحمد لله فرحتينا أنو كل شي كان تمام وابيض وشك قدام بيت الحماة بس ما قلتيلنا تقريبا قديش مدة الخطبة وبنتك بالجامعة صح ؟؟؟ أهم شي تتخرج قبل الزواج أفضل

كات حبيبتي دايما السلفة القديمة بتغار من الجديدة مدري ليش وأنت ما على بالك شو بدك فيها وسلامة قلبها لتالا يمكن بلش الجو عنكن يتقلب يوم شوب ويوم برودة مشان هيك على التقلبات بتبلش الأمراض ديري بالك عليها وعطيها عصاير وأهم شي لا تقوتيها من مكان بارد لمكان حر كتير

سورية وبفتخر;11392230:
كاتس حبيبتي كيفك ماشاء الله بتذكر اخر مرة حكيت معك فيها كنتي لسى مخطوبة هههههههههههه هلأ صار في تالا الله يخليلك ياها يارب بس والله مادخلني بدي شوفها حلوة متل امها ههههههههههههههه اكييييييييييييييييد
سلامة قلبها يارب ماتشوف شر والله حتى اولادي الاتنين كان مرشحين من هالجو يوم بارد ويوم سخن الله يحمل معهم ومعنا
والله يعينك على سلفتك الحمدلله انا سلفاتي بعاد عني خخخخخخخ بيقولوا مركب الضراير سار ومركب السلايف غار بقى قد ماقدرتي بعدي عنها