جمعتنا ولمتنا السورية لشهر ربيع الأول ,, مية اهلا وسهلا ***

MONOSTEPS;11552883:
شامية ......... هههههههههههههههههههههههههههههههههههههه
والله شوفي الملل بيضرب على الكل سواء بشغل ولا من دونه مرة قلت للدمشقية انه مجرد روتين الحياة بيملل
ومعك حق تملي ما بلومك بس انا بستغرب من اللي بيمل بسرعة من الحياة الزوجية
يعني انا هلأ صارلي 4 سنين متغربة وهلأ لابتديت مل وهالفترة بالذات لانه زوجي مانه بالبيت
ومتل ما شايفة حتى طلعة ما عم نطلع
اما اللي بيطلعوا كل اسبوع وبيقولوا ماللين ؟؟ بعتبرها نق هههههه
او حتى اللي بيملوا من اول سنة زواج
هون بدها وقفة يعني لسه الحياة بأولها وبالعكس اول الزواج كل شي جديد
متل ما شايفة انت يعني روحة نقلة جية الا بيطلعلك شي اما بعد فترة من الزواج بيصير كله مكرر حتى المناسبات
يعني مثلا رابع ذكرى زواج !! او رابع عيد ميلاد !!! وهيدا ما قلنا انه لسه في غير شي
لهيك الوحدة لازم تكون شوي شاطرة وترفه عن حالها وخصوصا بالغربة
ولو الواحد مل ما بايده قلت لك بيبتدي يتكرر كل شي


على فكرة حتى عيد ميلادي هيدا الخامس انا ومتزوجة هههههه ب31 اذار ان شاء الله
وكمان زوجي بيوم ميلادي عنده سهرة بالشغل لتغيير ديكور البرموشنات فتخيلي ما شي بيملل وحياة الله
بس الحمدلله على كل حال

:01::01::01::01::01: ما بعرف ليش حاسة انو الحكي علي:094: :094:
هو معك حق بس انا بصراحة طبعي بمل بسرعة من زمان مو من جديد يعني مو من الزواج نفسو يمكن لاني كنت بالجامعة بعدين اشتغلت على طول يعني ما قعدت في البيت من صف اول :037:


له له يا مونو شو هيدا مقدمة فطور ولا تصبيرة حتى ينزل الفطور ولا فطور ريجيم هيدول بيجو بطرف معدتي:037: :085:

و ان شتء الله زوجك بعوضلك الطلعة باحسن منها بس على الاقل غيرتو جو انا جوزي هيك بعتبرها طلعة كمان يعني بنلف بالسيارة بنشتري عشا او بوظة في ايام الصيف و بنرجع يعني الطلعات المحرزة بتكون كل فترة و فترة لولا انا بخدم نفسي بنفسي في المشاوير التانية :091: و الله يعين الكل على اوضاعو الحمد لله لسى احنا احسن من كتير ناس :ok:

سورية وبفتخر;11557450:
كاتس حبيبتي نورتي واذا كان هاد سبب الغياب مو مشكلة سامحناكي بس والله زعلت على تالا ياقلبي عليها الله يهون طلوعهم عليها وعليكي يارب وبالنسبة للوحام والله صارة عم اتوحم عالحلو كتير هديك المرة اتصلت على حماتها للدمشقية عشان اخد طريقة العوامة (لقمة القاضي ) اذا بتعرفيها قله لجوزي حاسة تمي كله قطر هههههههههههههه وبالنسبة للدمشقية الله يجبر بخاطرها والله ماعم تقصر

الشات منور بصحابو انا الوحيدة يلي داخلة عرض :01:

اذا عم تتوحمي على الحلو ان شاء الله بنوتة و حلوة كمان ايه بعرفها العوامة بس ولا مرة عملتها في البيت حتى انا ما بحبها كتير بس اهلي جابوها قبل فترة من عندكن من الشام و من السويدا تحديدا كانت غير شكل عن يلي بعملو عنا و اكلت منها بنفس قولي زبطت معك الطريقة و لا دمشقية عم تعملك اياها لهيك ما عم تبين اليوم :02:

ياسمينة حبيبتي الف سلامة عليكي هي العملية نفسها مو صعبة بس الوجع بعدها هو الصعب شفت اختي بعد ما عملتها عن جد شي بقطع القلب و الله يعينك
والف مبروووووووووووووووك على الصالة و ان شاء الله بطلع عرسك متل ما بدك واحسن بس شديلنا حيلك و قومي بالسلامة

مسالخير للكل كيفكم ياحلوين
فعلا مونو كلامك صحيح اليوم الضهر مافتح المنتدى معي علق بسبب هالدعاية اي حبيبتي ومشان الملل معك حق أول سنة زواج كل شي جديد بس متل ما قالت كاتس مو الزواج هو الملل أنا بالنسبة الي الفراغ هو الملل

يعني اتعلمت الطبخ وعم اتعلم حلويات لأشغل وقتي وبنكش شغل من تحت أضافري لأشغل وقتي بس وبعدين كمان أنا زوجي شغلو من التمانة الصبح للتسعة بالليل وأوقات أكتر من التسعة كمان صحيح أوقات بجي عالغدا بس مو دايما وهلق ياستي على الشغل الجديد بصنعاء ياسلام وفت معي ياستي سلموه المناطق الخارجية يعني كل شغلو سفر بسفر الأسبوع الماضي سافر من الأحد للخميس المسا اتخيلي حالك قاعدة لوحدك لا طبخ ولا شغل ولا شي حتى الكهربا بتنقطع كتير وما كان الي صلاة يعني ما بقدر امسك قرآن ولي طقت روحي
واليوم هو مسافر كمان

بس انا خلص سألت عالدورات وحتكون مدخل الي اني أطلع وغير شي بحياتي

سوريا معك حق أوقات الجيران بيكونو متل الأهل ومشان الفخدة ساويها هي سهلة كتير لما بتعملي اي اكلة معها رز اسلقيلك فخدين ولا تخليهم بخاطرك بنوب ومشان أبنك لازم تقسي قلبك شوي بس بدون ضرب طبعا مشان ترتاحي والله ما أحلاكي بكرا عم تغيري لتنين لحقي شغل ولحقي مصاريف الله يرزقكم

كاتس تسلميلي يارب الحمد لله ان شالله تكون خير علينا ومشان الشغل والله شو الله بيسر قبلانة بتعرفي كل شغلة الها محاسنها ومساوئها لاتنسي أنو التدريس دوامو قصير لأنك نص شغلك بالبيت متل التصحيح والتحضير

صباح الخيرات و الليرات يا أحلى بنات بكل المنتديات

يعني لو لا أنه مديري مسافر لا بقدر ادخل ولا احكي معكن صرتوا تعرفوا كيف ظروفي بس الحمدلله على كل شي صح ضغط شغل بس اهم شي انه القسم الجديد مريح نفسيا و هذا بالنسبة لي أهم بكتير

المهم دخلت و قرات أخباركن وحدة وحدة شو هذا يا ستات مبلشين بالملل لا ما عاد بدي اسمع هالحكي ابدا يعني النت لحاله بياخد 3/4 وقتكن اذا مو كله و في عندكن التلفزيون و هذا كله غير شغل البيت اللي بياخد كل الوقت اي يخرب بيته اذا عم يخلص معي الله وكيلكن البارحة رح اوقع من كتر الدوخة و اللف و الدوران بالبيت لأن هالأسبوع هجم الشوب فجأة و صار لازم طالع الصيفي و ضب الشتوي و هاتك على غسل وكوي حتى اني ما عم اطبخ بصراحة عم مضي من الأكلات اللي عندي من الأسبوع الماضي لحتى اخلص من هم التياب و ترتيب غرفة النوم لأن حاسستهم على قلبي
مقصدي يا بنات انه ما عندي مجال للملل ابدا ابدا بس احيانا بمل من كتر الشغل بحس اني بحاجة لاسترخاء عميق و لاحدا يطلب مني كاسة ماء بس قولوا لي وين بلاقيها هههههههههههههه
المهم مونو حياتي اشتقت لك كتير كتير و اكيد بتكوني عم تحضري حالك للسفر ان شاء الله ميسرة يارب و عم ادعي من كل قلبي تصدف اجازتي السنة و انت تكوني بسوريا يمكن نحسن نلتقي انا لحد الآن ما حددت اجازتي بس اكيد كالعادة بين تموز وآب بقى لنشوف شو الله بييسر
دمشقية كيفك حبيبتي و الله بنبسط من كل قلبي بس تسألوا عني بشعر انه بين اهلي و اخواتي و تسال عنكم العافية يارب كيف اطافيلك ان شاءالله بخير فهمت من كم صفحة انه هالسنة مو نازلين على سوريا بس اللي بيرطب على قلبك أنه أهلك جايين لعندك بقى صدقيني هي هي يعني هو الواحد بيسافر لحتى يشوف اهله و بما انهم جايين لعندك اكيد ان شاءالله رح تنبسطوا معهم الله يتمم جايتهم على خير
لولية الله يخلي لك هالبنات و تفرحي منهم يارب و تشوفي معهم 3 شباب متل الورد و كلهم ملتمين حواليك و بيتك مليان اولاد صدفيني الصهر الكويس بينحط على الراس و بعدين الوحدة شو بدها غير انه تشوف بنتها مبسوطة و سعيدة
شامية مبروك نقلتك على صنعاء و ان شاءالله تكوني مبسوطة فيها و شكلك رح تنبسطي اذا الله اراد بس انا معك انه تغيري شوي و تبلشي تدوري على شغل لأن بيكسر الملل اللي عندك و خاصة انه هلأ ما في أطفال اما لما بيكون في اولاد ساعتها في حديث تاني الله يرزقك عن قريب
سورية كيفك حياتي اشتقت لك و اشتقت لردحك انت و دمشقية و بحبها لما بتقول لك و خناااااان مع اني ما بعرف شو معناتها بس بحس انه قاعدة بين ريا و سكينة و بتذكروني بقعدتنا انا و اختي الله لا يحرمكن من بعض يارب و ان شاءالله بتزبط امورك و بتبقوا مع بعض بس ما شاءالله هانت و رح تولدي عن قريب يالله كيف الأيام عم تمر لسه من فترة قريبة دمشقية خبرتنا انك حامل ان شاءالله تقومي بالسلامة بس نصيحتي تخلصي من تنظيف ابنك قبل ما تولدي أحسن ما يصيروا اتنين على ايدك
ياسمينة يا ياسمينة سلامة قلبك و ان شاءالله زايدة ابن الجيران ومتل ما قالت لك شامية الزايدة كل مرة اعراضها شكل انا اختي صار معها هيك حالة اسعافية وما تحملت من الليل لتاني يوم الضهر تقريبا و على اساس انها كولون و لتاني يوم لحتى بين انه الزايدة و كمان كانت متكيسة بس الحمدلله ما طولت كتير بالقعدة يعني 3 ايام و الرابع كانت عم تشتغل ببيتها و هلأ انت كمان هيك لأن وراك جهاز و تحضير لأن هلأ ما بتشوفي غير الوقت عم يسرقك و مبروك تحديد العرس الله يتمم لك على خير يارب
بنوتة ما شاءالله طالعة مواهبك بالليل و بدك ابوك ما يزعل ابدا اي على الأقل اسمعي الموسيقا على النصت ضروري تفيقي كل اللي بالبيت بس عن جد وقت اللي قرات اجاني كل الضحك المهم تكوني انبسطت و روقت شوي
كاتس كنت على آخر تكة رح انساك ههههههههههه معقولة يعني المهم يا ستي الله يتمم لك امور هالشغل على خير و الوظايف بالقطاع الخاص كل دوامها طويل يعني حتى لو دورت على شغل تاني ما رح يكون احسن من هيك بقى ان شاءالله يردوا لك خبر باسرع وقت و يكون من نصيبك بتعرفي حتى نحن عنا الطقس روعة بهالأيام يعني تقريبا لسه في شي 3 اسابيع منقدر نطلع فيهم بالنهار اما بعد هلأ ما منقدر نطلع غير بالليل هذا اذا ما اجانا عواصف رملية صار فيها حبس اجباري بالبيت لهيك الجمعة الماضية طلعنا كمان انا وزوجي على شاطئ عائلي حسيت حالي كاني بسوريا لأنه تقريبا بيلم عدد كبير من المغتربين و خاصة السوريين القعدة فيه روعة و الطقس كان أروع والحمدلله غيرنا شكل

اما بالنسبة للمحمرة يا بنات فانا ما بحط لها بصل ابدا و طريقتي بعملها غير طريقتكن تماما يمكن انتوا قصدكن فيها للفطاير بس انا بعملها جنب المقبلات و جنب المشاوي و احيانا بعمل جاط و بحطه بالبراد يعني بيكون صحن بين العشا
وهي بالأصل بفليفلة حمرا خشنة شوي بس انا بصراحة بعملها بفليفلة حمرا ناعمة او الوسط يعني اللي منجيبها من المحلات باخد كمية منها و بنقعها بالماي السخنة و بغطيها شوي لحتى تنبج الفليفلة و بعدين بحط فوقها نص كميتها كعك مطحون او اكتر بشوي يعني بصراحة انا ما بقدر كله بكمشات ايدي هههههههههه و بضيف عليهم طحينة و دبس رمان و جوز مفروم و كل ما بتكتري لها الجوز بتطلع غير شكل و بس تصبيها بتحطي على وجهها زيت الزيتون و صحة وهنا و الحقيقة انا هون صرت مشهورة فيها بين اصحابنا يعني بس يكون في بيناتنا وجبات مشتركة فورا بيطلبوا مني صحن المحمرة وحتى انا صرت اعمله بين المقبلات على العزايم بعد ما شفت الاقبال عليه بس البصل و دبس البندورة هي للفطاير بس
ياريت اقدر ادخل شي يوم و احكي معكن بس على كل حال بتمنى ماكون نسيت حدا فيكن و اذا نسيت العتب بيكون على الذاكرة لا تواخذوني

صباح الخير صبايا كيفكون
لاتجيبيولي سيرة الملل الله يخليكون صرلي اسبوع قاعدة بالبيت واليوم الحمد الله بدي روح فك القطب
شامية اي متل ما قلتي وازود خطيبي طارت عيونو علي وضل جنبي لحتى فكني البنج واجو كل بيت حماي علي ع االمشفى وهو ضل عندي لاخر وقت وكل شوي يخبرني ولهلق بخبرني وبقلي بدك شي لازمك شي وبروح وبيجي وبقلي يلعن شيطانك شغلتيلي بالي عليك

سورية الله يسامحك بدك ياه ينقصلك من مهري فوق ما خلصتو من الزايدة ومع الايام ما رح لبكو فيها وبعدين هي رح روح لعندو مشفاية لا زايدة ولا لوزات ولا ضراس عقل كلو تمام شو بدو احسن من هيك هو لازم يعطيني

مون الله يبارك فيكي انت بشهر 7 ما بتكوني بسورية

بيرل الله يسلملك قلبك يارب وتكوني بخير بتعرفي طريقتي بالمحمرة متلك تمام بس اذا بدك تاكليا مباشرة وما تضل بالبراد افرميلا بصلة صغيرة بتصير اطيب جربيها وما بتندمي واذا بدكون تحطوها بالبراد يعني تكون كمية احمسي البصلة شوي يعني شي انها تدبل وتروح ريحتها لانو المحمرو بتطلع اطيب مع البصل

كاتس الله يسلملي ياكي يا رب هي انتي متلي ما متعودة ع قعدة البيت انا من وقت ما تخرجت وانا بشتغل من شان هيك بطق روحي بقعدة البيت
الله يسرلك يارب

دمشقية وللية خانم وينكم اليوم
شافية لولية هالمرة انا يلي عم بسألأ عليكي

سلام

مرااااااااااااااااحب للحلوين كيف الكل


وينك ام محمود وين غاطة اشتقنالك:053:

CATS_ANGEL;11560457:
:01::01::01::01::01: ما بعرف ليش حاسة انو الحكي علي:094: :094:
هو معك حق بس انا بصراحة طبعي بمل بسرعة من زمان مو من جديد يعني مو من الزواج نفسو يمكن لاني كنت بالجامعة بعدين اشتغلت على طول يعني ما قعدت في البيت من صف اول :037:


له له يا مونو شو هيدا مقدمة فطور ولا تصبيرة حتى ينزل الفطور ولا فطور ريجيم هيدول بيجو بطرف معدتي:037: :085:

و ان شتء الله زوجك بعوضلك الطلعة باحسن منها بس على الاقل غيرتو جو انا جوزي هيك بعتبرها طلعة كمان يعني بنلف بالسيارة بنشتري عشا او بوظة في ايام الصيف و بنرجع يعني الطلعات المحرزة بتكون كل فترة و فترة لولا انا بخدم نفسي بنفسي في المشاوير التانية :091: و الله يعين الكل على اوضاعو الحمد لله لسى احنا احسن من كتير ناس :ok:

ههههههههههههههههه لا والله والله بيشهد ما قصدت حدا
حكي كان عام
وقلت لك الملل هو من الروتين بكل شي يعني حتى مثلا من كتر الطلعات او الشغل:095:

ومشان الفطور ههههههههههههههه لا هيدي عينات ونماذج مشان الريجيم ما اكتر
والا اللي ما عم يعمل ريجيم بياكل شي 4 او خمس صحون :037:
وتسلمي يارب مشان الطلعات خلص عادي عم واسي حالي بالاجازة
ان شاء الله لانه كلها شي اسبوعين اذا الله راد وما بترك قرنة تعتب علي :094:

شامية للعظم;11561674:
مسالخير للكل كيفكم ياحلوين
فعلا مونو كلامك صحيح اليوم الضهر مافتح المنتدى معي علق بسبب هالدعاية اي حبيبتي ومشان الملل معك حق أول سنة زواج كل شي جديد بس متل ما قالت كاتس مو الزواج هو الملل أنا بالنسبة الي الفراغ هو الملل

يعني اتعلمت الطبخ وعم اتعلم حلويات لأشغل وقتي وبنكش شغل من تحت أضافري لأشغل وقتي بس وبعدين كمان أنا زوجي شغلو من التمانة الصبح للتسعة بالليل وأوقات أكتر من التسعة كمان صحيح أوقات بجي عالغدا بس مو دايما وهلق ياستي على الشغل الجديد بصنعاء ياسلام وفت معي ياستي سلموه المناطق الخارجية يعني كل شغلو سفر بسفر الأسبوع الماضي سافر من الأحد للخميس المسا اتخيلي حالك قاعدة لوحدك لا طبخ ولا شغل ولا شي حتى الكهربا بتنقطع كتير وما كان الي صلاة يعني ما بقدر امسك قرآن ولي طقت روحي
واليوم هو مسافر كمان

بس انا خلص سألت عالدورات وحتكون مدخل الي اني أطلع وغير شي بحياتي

والله حبوبة بعرف انت وضعك خاص :f: يعني الله يعينك غربة وفوق منا غياب الزوج
ومتل ما قلتي اشغلي وقتك بدورات وشوفي اي شي بيسليك اعمليه
وخليك عند قرارك انه بمدرسة لانه احسن بالغربة ومشان ان شاء الله اذا صار عندك اولاد
بيبقى عندك عطلة الصيف وعطلة الربيع هلأ صحيح انه التصحيح بيكون بالمدرسة
وكل شي بالمدرسة بس على الاقل دوامها مع كل هالشغلات بيبقى اخف
من الدوام بالقطاع الخاص

PEARL2000;11564728:
صباح الخيرات و الليرات يا أحلى بنات بكل المنتديات

يعني لو لا أنه مديري مسافر لا بقدر ادخل ولا احكي معكن صرتوا تعرفوا كيف ظروفي بس الحمدلله على كل شي صح ضغط شغل بس اهم شي انه القسم الجديد مريح نفسيا و هذا بالنسبة لي أهم بكتير

المهم دخلت و قرات أخباركن وحدة وحدة شو هذا يا ستات مبلشين بالملل لا ما عاد بدي اسمع هالحكي ابدا يعني النت لحاله بياخد 3/4 وقتكن اذا مو كله و في عندكن التلفزيون و هذا كله غير شغل البيت اللي بياخد كل الوقت اي يخرب بيته اذا عم يخلص معي الله وكيلكن البارحة رح اوقع من كتر الدوخة و اللف و الدوران بالبيت لأن هالأسبوع هجم الشوب فجأة و صار لازم طالع الصيفي و ضب الشتوي و هاتك على غسل وكوي حتى اني ما عم اطبخ بصراحة عم مضي من الأكلات اللي عندي من الأسبوع الماضي لحتى اخلص من هم التياب و ترتيب غرفة النوم لأن حاسستهم على قلبي
مقصدي يا بنات انه ما عندي مجال للملل ابدا ابدا بس احيانا بمل من كتر الشغل بحس اني بحاجة لاسترخاء عميق و لاحدا يطلب مني كاسة ماء بس قولوا لي وين بلاقيها هههههههههههههه
المهم مونو حياتي اشتقت لك كتير كتير و اكيد بتكوني عم تحضري حالك للسفر ان شاء الله ميسرة يارب و عم ادعي من كل قلبي تصدف اجازتي السنة و انت تكوني بسوريا يمكن نحسن نلتقي انا لحد الآن ما حددت اجازتي بس اكيد كالعادة بين تموز وآب بقى لنشوف شو الله بييسر
اما بالنسبة للمحمرة يا بنات فانا ما بحط لها بصل ابدا و طريقتي بعملها غير طريقتكن تماما يمكن انتوا قصدكن فيها للفطاير بس انا بعملها جنب المقبلات و جنب المشاوي و احيانا بعمل جاط و بحطه بالبراد يعني بيكون صحن بين العشا
وهي بالأصل بفليفلة حمرا خشنة شوي بس انا بصراحة بعملها بفليفلة حمرا ناعمة او الوسط يعني اللي منجيبها من المحلات باخد كمية منها و بنقعها بالماي السخنة و بغطيها شوي لحتى تنبج الفليفلة و بعدين بحط فوقها نص كميتها كعك مطحون او اكتر بشوي يعني بصراحة انا ما بقدر كله بكمشات ايدي هههههههههه و بضيف عليهم طحينة و دبس رمان و جوز مفروم و كل ما بتكتري لها الجوز بتطلع غير شكل و بس تصبيها بتحطي على وجهها زيت الزيتون و صحة وهنا و الحقيقة انا هون صرت مشهورة فيها بين اصحابنا يعني بس يكون في بيناتنا وجبات مشتركة فورا بيطلبوا مني صحن المحمرة وحتى انا صرت اعمله بين المقبلات على العزايم بعد ما شفت الاقبال عليه بس البصل و دبس البندورة هي للفطاير بس
ياريت اقدر ادخل شي يوم و احكي معكن بس على كل حال بتمنى ماكون نسيت حدا فيكن و اذا نسيت العتب بيكون على الذاكرة لا تواخذوني

يا هلالالالا يا هلالالالالالالالالالالا عم قول ليش الشات منور:087:
اشتقتلك اكتر والله وبحن لايامنا قد ما بدك ويارب اقدر شوفك انت وبسوريا
وعلى كل الاحوال ان شاء الله بس انزل رح ابعتلك رقمي على موبايلك الكويتي
وحاولي الله يخليك اذا مريتي على اللادقية شوفك ولو شوي ان شاء الله:032:

والله يعينك على الشغل ويقويك بعرف انك مضغوطة ما قليل كل هالشي
والجوعنا شوووووووب قد ما بقلك ما بعرف ليش مع انه بهالايام بتلاقي الجو
مع شوية برود حلوة هلأ لا بالليل ولا بالنهار

ومشان المحمرة مبين عنها حلوة يمممممممم قولي انا هالطريقة تبعتي اخدتها من وحدة
حلبية وبتعرفي الا بتتغير الوصفات حسب الذوق

الياسمينة السمرا;11565770:
صباح الخير صبايا كيفكون
لاتجيبيولي سيرة الملل الله يخليكون صرلي اسبوع قاعدة بالبيت واليوم الحمد الله بدي روح فك القطب
شامية اي متل ما قلتي وازود خطيبي طارت عيونو علي وضل جنبي لحتى فكني البنج واجو كل بيت حماي علي ع االمشفى وهو ضل عندي لاخر وقت وكل شوي يخبرني ولهلق بخبرني وبقلي بدك شي لازمك شي وبروح وبيجي وبقلي يلعن شيطانك شغلتيلي بالي عليك

سورية الله يسامحك بدك ياه ينقصلك من مهري فوق ما خلصتو من الزايدة ومع الايام ما رح لبكو فيها وبعدين هي رح روح لعندو مشفاية لا زايدة ولا لوزات ولا ضراس عقل كلو تمام شو بدو احسن من هيك هو لازم يعطيني

مون الله يبارك فيكي انت بشهر 7 ما بتكوني بسورية

بيرل الله يسلملك قلبك يارب وتكوني بخير بتعرفي طريقتي بالمحمرة متلك تمام بس اذا بدك تاكليا مباشرة وما تضل بالبراد افرميلا بصلة صغيرة بتصير اطيب جربيها وما بتندمي واذا بدكون تحطوها بالبراد يعني تكون كمية احمسي البصلة شوي يعني شي انها تدبل وتروح ريحتها لانو المحمرو بتطلع اطيب مع البصل

كاتس الله يسلملي ياكي يا رب هي انتي متلي ما متعودة ع قعدة البيت انا من وقت ما تخرجت وانا بشتغل من شان هيك بطق روحي بقعدة البيت
الله يسرلك يارب

دمشقية وللية خانم وينكم اليوم
شافية لولية هالمرة انا يلي عم بسألأ عليكي

سلام

سلامة قلبك يااااااارب والله يهونها عليك
وان شاء الله بكون تحت بشهر 7 هيك المفروض

اتفضلوا الغدا

شامية يا عيوني عن جد الله يعينك صعبة كتير بس الحمد لله الله يسرلك منطقة تقدري شي يشغلك حتى لو لاقيتي شغل بتقدري تروحي على شي نادي رياضي بعد الدوام هيك ما عاد تلاقي وقت تفكري فيه لا بملل و لا بغيرو بس اهم شي لا تنسينا

لهلا ما حدا اتصل فيني للشغل عم هونها على حالي و قول معهم لاخر الاسبوع هههههههههههه ان شاء الله خير واذا الي نصيب فيه باخدو

الجو عندنا اليوم شي مو طبيعي برد و غبرة مستغربة كيف تغير مرة وحدة من صيف لشتا و غبرة

يرل يا مية اهلا و سهلا شرفونا حبابنا لكان بدك تنسيني و حتى لو نسيتيني ما بزعل منك و لو بتموني المهم مديرك غايب و قدرتي تدخلي و نطمن عليكي و بصراحة معك حق مليوووووووون بالمية بخصوص الشغل اهم شي الراحة النفسية حتى لو كان الشغل كتير وانا بدور على هيك شغل اشتغل يلي علي وما حدا الو عندي حتى لو كان الشغل طول الدوام
انا طول الدوام مش مشكلة على قد ما هو مشكلة انو جوزي بروح قبلي و تالا ما متعودة ابعد عنها كتير بس متل ما قلت الحكي سابق لاوانو

يمكن استعجلتي بنقل الصيفي و الشتوي لانو الجو بعدو ما مستقر او يمكن انتو الجو عندكن غير المهم لاقي الك وقت ترتاحي فيه لانو العمر بيخلص و الشغل ما بخلص واهم شي صحتك ما بتتعوضو خليكي على الخط دايما و طمنينا عليكي

ياسمينة الله يقومك بالسلامة ان شاء الله و بترجعي تروحي و تيجي و اهم شي يطمن خطيبك عليكي

ومعك حق يلي بتعود على الطلعات صعب يقعد في البيت بتلاقيني عم حوص متل الصوص هههههههههه حتى الاقي شي مشوار وتالا عاجباها الشغلة