جمعتنا ولمتنا السورية لشهر ربيع الأول ,, مية اهلا وسهلا ***

سلامي للكل
ولا تزعلو مني اذا طولت الغيبة
بتمنالكون ايام حلوة

الياسمينة السمرا;11449706:
مسا الخير على الصبايا الحلوات الامورات
كيفكون وش اخباركون
اول شي سلامتكون كلكون من الكريب شو القصة كلكون مكربين ما في غير انا نفدت من الكريب لاني ما عن ادخل ع الشات كتير لانو يظهر الفايروس منتشر بالشات

اخباري اني عم دور ع صالة من شان احجز للعرس بس للاسف لهلآ ما لقيت كل الصالات محجوزة وانا بدي بشهر 7 ما عم لاقي غير بالصالات التعبانة
وكتير زحمة اعراس لانو رمضان بيحم بشهر 8 وكل العرسان بدون بشهر 7 يا بدها تروح معي للشهر 9 وخطيبي مو رضيان يصير العرس قبل رمضان بكم يوم بقا شو بدي اعمل ما بعرف
مابعرف شو رب العالمين بيسرا معي
وتقريبا كل يومين تلاتة عم انزل ع السوق بدي اخلص من الجهاز الشتوي وهلق في تنزيلات مرتبة
واليوم ما رحت ع الشغل لاني تأخرت بالنوم شو بدي اعمل اذا كل يوم سهر على التلفون وحكي وكركرة كنت قبل ما انخطب قول لحالي بدي اعرف بس من وين بيجي الحكي بس هلق صرت اعرف انو الحكي بيجي لحالو

لولية حبيبة قلبي مبركة ما عملتي وان شاء الله التمام ع الخير وانا من دون ما كون حاضرة عم اتخيلك قدي طلعت حلوة انتي وبنوتاتك واللي بيعرفك ما بقول انو عندك بنات صبايا وما شاء الله صار عندك صهر

دمشقية الحمد لله ع السلامة ما شاء الله بلشت عندكم السيارين ونحنا لسا البرد والمطر عنا شغال تتهنو

مونو ديري بالك ع حالك وع دراستك وع ابن عمك وبنوتة وموفقة يا رب ايمتى امتحانك بشهر 9 ولا ايمتى وايمتى نازلة ع سوريا يا ريت تخبريني كرمال بركي بحاول شوفك

شامية الله يكون بعونك كل شهرين تلاتة نقلة عن جد شغلة صعبة بس متل ما قالولك الصبايا هيك اسهل من انو يكون عندك ب ب

كاتس حبيبتي سلامتك من سلايفك بس بنصحك انو انتي تكوني معاهم كتير ع الرسمي وتجنبيون عقد ما فيكي يعني مو تقطعي علاقتك فيون لا سمح الله بس بعدي اخبارك عنون قد ما فيكي رسمي رسمي بتعرفي انا اصغر وحدة من بين سلافي وبقولولي احلاهون واشيكون من ناحية اللبس وهيك كل الحوالي نصني وانا عم بنقلك النصيحة مع انو حرام بعدني ما شفت منون شي

اهلييييييييييييييييييين باحلى عروس ياسمينية طولتي الغيبة كتير :016:

و عن جد انك تلاقي صالة من شهر 6 لشهر 9 بدك تكوني حاجزة قبل بسنة خصوصا بالصالات المرتبات فالله يعينك و يعطيكي يلي في بالك و نصيحة خلي تلفونكن عند الصالات يلي حابين تحجزو فيهن يمكن حد يأجل او يترك فاحتمال يرجعو يتصلو فيكن و ما في شي بعيد و الله كريم و انتي حبابة و بتستاهلي كل خير , وما تقوليلي عن الحكي يلي بجيب حالو تصدقي اني عملت حادث بالسيارة من قلة النوم وانا خاطبة فديري بالك على حالك :053: :095:

و بخصوص السلافات ان شاء الله يكون حظك احسن من حظي لانو في فترة الخطبة كانت سلفتي ما احلاها يمكن بعتبرو فترة الخطبة تحضير بس لما اتزوجت صار الوضع غير شكل و انا من دون شي بحب كون في حالي بس هي اي مناسبة بتشوفني فيها ما بتقصر وانا ما بهمني بس اهم شي الله يبعد عني الحسد و شو ما بدهن يعملو و يحكو ما فارقة معي :096:

ابقي طمنينا شو بصير معك بخصوص الصالة موفقة يا رب:087:

MONOSTEPS;11447708:
مسا الورد


معكم تاممرضة مونو من قسم امراض الصدر والباطنة :094:

رؤى وابو رؤى سلامتك سلم يا حرام من المرض ونازل على صدرهم ومعدتهم ولوزهم
عن جد كتير مقهورة عليهم والله يشفيهم والبيت ما حلو من دون صوتهم وضحكهم :01:


اخباري لا جديد متل ما كتبت فوق

اهلا اهلا بالحلوة الممرضة ولا خلينا نقلك دكتورة منشان مقامك خخخخخخ
سلامة رورو والله وابو رورو والله هالكريب مو مخلي حدا من شره انا طبت الحمد لله وانعديت حماتي ههههه قولتك من الشات عديتها انا ؟ خخخخ كل شي بصير
جد مونو روحي وتعي واعمليلهم اشياء سخنة بتريحهم والله وياريت لو عندك زعتر اخضر والله مافي متله انا مااتحسنت الا بفضل الله والزعتر ,,, وسلامااات :065:






الحمدلله على سلامتكم وعودا حميدا :086:
وسلامة قلبك شو شكله الفايروس مشيان بالشات عن جد الله يعينك شو هالسيران هيدا
وشو اشتراك ما اشتراك ان شاء الله عمره هههههههههههههه

الله يسلمك من كل شر يااارب واي والله الفايروس منتشر قلتلك مبارح لاتعدي جنبي هيك انعدت بنتك خخخخخ ((( من وين لوين ))
ومنشان النت والله عمرينو لانو هالدنيا كلها استغلال صاير




الله يختارلها الخير ياااااااااارب
وشوفي بدك الصدق والصراحة تعيش باليمن باقامة نظامية ولا هون مخالفة
على الاقل بتقدر تنزل وتشوف اهلها من دون ما تضل عاتلة هم هي واولادها
وخصوصا انه في بيبي على الطريق
وبنرجع وبنقول كل شي نصيب والله يوفقهم يارب:065:

اي والله معك حق يامونو واللي ربك كاتبه بصير
قولي هالمرة اللي مسكتنا انو زوجها رجليه بالفلقة قبل منها ههههه
لاء جد دائما هو اللي بضل جالس وهي مشنططة من هون لهون هالمرة قلتلها لا تزعلي بكفي رجلك على رجلو وين ماراخ وخليه يحس ويشعر باحساسك اللي مريتي فيه زمان

MONOSTEPS;11447713:
اتفضلوا الغدا صيادية وعلى فكرة كمان سيرة الحب عندي صيادية

اممم يجننن الطبق بس ابدا مو باين صيادية عم تضحكي علينا
ولا انا بدوية وصارو يحطو السمك بهالشكل خخخخخ
المهم تسلم الايادي :087:

CATS_ANGEL;11448531:
والله يا دمشقية عن جد شي بوجع القلب بس شو بدك تحكي الخير في ما اختاره الله و اهم شي انو هي و جوزها مع بعض احسن ما يكون كل واحد في بلد صحيح انكن بتونسو بعض بس هيك الله كاتبلكم و الحمد لله على كل شي و سلميلنا عليها كتير و طمنينا عنها اول بأول


الله لا يوجعلك قلب على غالي ياكاتس العسل
والحمد لله هي مسكينة والله صابرة وراضية وهي زعلها انو لما حكو عن تصحيح الوضع بشكل نظامي طلع هالشي مابيشملهم والله اعلم
ماعلينا الانسان دائما بين يسر وعسر وربي يسلمك ويسعدك يااارب



حبيبتي دمشقية عن جد الجو متقلب لدرجة رهيبة بعد ما ارتفعت درجات الحرارة عنا نزلت مرة وحدة و وما شاء الله الها تلات ايام ما وقفت شتا حتى شتت اكتر من فصل الشتا كلو اللهم زد و بارك

لا تقولي انك سبحتي ماااااااااااااااااا بصدق لازم شوف بعيني:013: :013:
و الله يهنيكم يا رب و ان شاء الله الرحلة الجاي بتكون بظروف احسن و صحتك بتكون احسن ولا تنسي الصور:049:

ماشالله كاتس الله يبعت الخير يااارب حلوة المطرة بهالجو المتقلب بتغسل السموم كلها
الله يجعلها خير عليكم يارب
ووالله اني سبحت انا اخدة معي ملابس سباحة وهنن هناك تيسو الا لازم اشتري من عندهم بحجة ان ملابسي فيها قطن
بس على مين دورت دوت بملابسي ولقيت شورت ستريتش وكنزة وسبحت فيهم خخخخخ
والمي بتجنن كانت مع اني كنت تعبانة من صوتي قلت يابنت هي هي ساعة البسط الواحد لا يفوتها .. ويخليلي ياكي ويسعدك ربي والصور ان شالله اليوم بنزلكم ياها ابشرووو:087:

اهلا وسهلا سمووورة وحشتينا والله ,,, واكيد عازرينك منشان الخطيب بكرا بتتزوجي وبتصفي قدامنا هههههه
والله يجمعك يااارب بصالة رخيصة وكويسة وبنت عالم وناس ههههه هيك بقولوا ولا تيئسي دوري الا ماتلاقي ان شالله وقد مااستعجلتي والله افضل
وخطيبك معو حق بدو يتزوج مو يصوم رمضان خخخخخخخ
ويالله شدي حيلك وخلصي هالجهاز وهلا الموسم حلو والتصفيات ممتازة الله يكملك فرحتك ويتممها على خير ياااارب
ومنشان السيران نحنا بجدة السنة كلها خرج روحات وجيات لانو ماعنا لا برد ولا اوضاع جوية صعبة فتبقى الشغلة على التيسير والنفسية وغير هيك
اطلعي وقت اللي بدك.... والله لا يزعلك منشان سورية والحمد لله على كل حال
ابقي هيك طللي علينا وعطينا الموجز او حتى المفصل المهم نتطمن عليكي .....

&&&&&&&&&&&&&&&&&

لولية اي والله ماشالله عليكي وعلى بناتك ربي يحميكم والله كل شي حلو ومرتب وشي راقي ولازم التعب شو تعملي الله يقوكي ياارب
بس اكيد بعد هالحفلة والاشيا الحلوة ماشالله نسيتي تعبك ,,,,
وتسلميلي يارب وانتي ان شالله بتكحلي عيونك بشوفة ولادهم كلهم ياااارب ...

**************************
كل الحلا مية اهلا وسهلا فيكي والله فاتك كتييير بس مو مشكلة منعوضلك ياهم هههههه
نورتينا ياقمر ونور الشات بحضورك ,,, اتشرفنا فيكي والله يخليلك الحلوين يارب
انتي ساكنة بالشام ولا مغترة متل حالاتنا ؟

اعرفك على حالي بقى
انا ام محمود من الشام كمان عمري 26 سنة ومتزوجة من 8 سنين وشهرين هههه العمر كللو خخخخ
عندي محمود 7 سنين تقريبا وبنوتي اسمها شام عمرها خمسة تقريبا الله يخليهم ويحفظهم
ومقيمة بالسعودية من 8 سنين

وتشرفت بمعرفتك

وينكم ياحلوات انا مدايقة مابعرف شوفيني بالضبط
صديقتي اللي هون مسكينة اجهضت وهي تاني مرة ورا بعض بتأجهض وزعلانة عليها
وكمان بنت خالي العروس مو مرتاحة مع زوجها وتخيلوا مبارح ضربها وهي بتحكيلي
وانا زعلانة عليها وخايفة بنفس الوقت هالموضوع يسببلي مشاكل الي لاني كتييير اوقات بتخيل زوجها عم يتسمع لاحاديثنا اللي عالتلفون
انصحوني شو اعمل شو ساوي معها اسمع منها ولا لاء
انا بسمعهلها بس يشهد الله ابدا مابحرضها على زوجها او شي ومع هيك خايفة لاني مرين بنفس هالموقف متل مابتعرف مون وبيرل
,,,,,,,,,,,

كل الحلاااا;11452100:

مرحبا يا بنات بلدي

والله لو شايفة الموضوع من زمان ماكنت تاخرت هيك

بس عنجد كتييير انبسطت وقت قريت انو في موضوع للسوريين

وحابة كون ضيفة خفيفة وظريفة

اهلا و سهلا فيكي نورتي مع اني مش من سوريا :01:

المهم على قولة دمشقية راح عليكي كتير بس كلو بتعوض ان شاء الله :ok:

انا من الاردن متزوجة الي سنتين و عندي بنوتي تالا عمرها سنة و شهرين :087:

و هوني نادرا ما نجتمع لهيك كل وحدة بتفوت بترد على الباقي يعني موجودين و مش موجودين:095:

الدمشقية;11455629:
وينكم ياحلوات انا مدايقة مابعرف شوفيني بالضبط
صديقتي اللي هون مسكينة اجهضت وهي تاني مرة ورا بعض بتأجهض وزعلانة عليها
وكمان بنت خالي العروس مو مرتاحة مع زوجها وتخيلوا مبارح ضربها وهي بتحكيلي
وانا زعلانة عليها وخايفة بنفس الوقت هالموضوع يسببلي مشاكل الي لاني كتييير اوقات بتخيل زوجها عم يتسمع لاحاديثنا اللي عالتلفون
انصحوني شو اعمل شو ساوي معها اسمع منها ولا لاء
انا بسمعهلها بس يشهد الله ابدا مابحرضها على زوجها او شي ومع هيك خايفة لاني مرين بنفس هالموقف متل مابتعرف مون وبيرل
,,,,,,,,,,,

له له و الله زعلتيني على صديقتك و بنت خالك و الله يعوض صديقتك خير يا رب :091:

اما بخصوص بنت خالك انتي ما عليكي الا تسمعي اذا هي اتصلت و حكت منها لحالها وما في داعي تعطي رأيك لا منيح و لا مش منيح لانو معظم المتزوجين بتقاتلو و برجعو بتصالحو و ما بروح فيها الا يلي بوقفو مع واحد ضد التاني اما الموقف يلي مريتي فيه ما بعرفو بس هيدا رأيي:042:

و لا تدايقي و لا شي كلها امور عادية بتصير كل يوم والله يعين كل واحد على مشاكلو

الدمشقية;11453855:
ماشالله كاتس الله يبعت الخير يااارب حلوة المطرة بهالجو المتقلب بتغسل السموم كلها
الله يجعلها خير عليكم يارب
ووالله اني سبحت انا اخدة معي ملابس سباحة وهنن هناك تيسو الا لازم اشتري من عندهم بحجة ان ملابسي فيها قطن
بس على مين دورت دوت بملابسي ولقيت شورت ستريتش وكنزة وسبحت فيهم خخخخخ
والمي بتجنن كانت مع اني كنت تعبانة من صوتي قلت يابنت هي هي ساعة البسط الواحد لا يفوتها .. ويخليلي ياكي ويسعدك ربي والصور ان شالله اليوم بنزلكم ياها ابشرووو:087:

صدقي انك شطورة ما خليتيهن يضحكو عليكي :ok: بس بدهن حجة ليلمو مصاري
و كلامك مزبوط هو كم ساعة بسط بتمر عند الواحد و لازم يستغلها مزبوط و بكل دقيقة منها و الله يكتر هالساعات عند الكل يا رب:013:

اهلين كاتس الله لا يزعلك
بالنسبة لصديقتي الله يعوضها يارب ,, وبنت خالي والله على قولتك انا اصلا مابتصل عليها بعرف طبع زوجها
وهي اللي بتتصل علي وبتحكيلي وانا كتييير حيادية معها يعني على قولة لا حول ولا قوة الا بالله والله يعينك واصبري ومعليش ومن هالحكي
يعني لا بذم ولا بشكر واتخيلي كل هاد عم يقلها زوجها وحماتها انتي لما بتجتمعي مع بنات عمتك بتتغيري معنا ؟؟؟؟؟!
حسبي الله احسن شي

شو يضحكو علي ولي عليهم حاطين اندونيسية ولئيمة كمان
ووالله لو ملابسهم كويسة كنت اشتريت مافرقت معي بس حسيت حالي اذا لبستها بطلع متل جزر الكناري خخخخخخ
والله يبسط الجميييع ويديمها نعم علينا

الدمشقية;11455958:
اهلين كاتس الله لا يزعلك
بالنسبة لصديقتي الله يعوضها يارب ,, وبنت خالي والله على قولتك انا اصلا مابتصل عليها بعرف طبع زوجها
وهي اللي بتتصل علي وبتحكيلي وانا كتييير حيادية معها يعني على قولة لا حول ولا قوة الا بالله والله يعينك واصبري ومعليش ومن هالحكي
يعني لا بذم ولا بشكر واتخيلي كل هاد عم يقلها زوجها وحماتها انتي لما بتجتمعي مع بنات عمتك بتتغيري معنا ؟؟؟؟؟!
حسبي الله احسن شي

هيدا احسن شي بتعملي الواحد مو ناقصو مشاكل غيرو با دوب يحل مشاكل حالو:042:

و هي بنت صغيرة حتى يقولو انها بتسمع كلام بنات عمتها :039:

الدمشقية;11455976:
شو يضحكو علي ولي عليهم حاطين اندونيسية ولئيمة كمان
ووالله لو ملابسهم كويسة كنت اشتريت مافرقت معي بس حسيت حالي اذا لبستها بطلع متل جزر الكناري خخخخخخ
والله يبسط الجميييع ويديمها نعم علينا

:085: :085: :085: :085: عم بتخيل شكلك و انتي زي جزر الكناري

الله يبسطك كمان و كمان يا رب :013:

الله يسعد اوقاتكم يارب كيفكم كلللللللللللللللللكم ان شاء الله دوم بخير وصحة وعافية
لاتقلقوا عليي انا بخير وهالخد اتعود عاللطم الحمدلله على كل حال
هلأ في معارف من طرف ابومحمود زوج الدمشقية ومن طرفنا رح يحاولوا اذا زبط الوضع كان بها مازبط بتكون ارادة رب العالمين ولاحول ولاقوة الا بالله اكيد رح نروح عاليمن وانا ماني معترضة عاليمن بس حازز بنفسي فراق الدمشقية وكمان الواحد يغير مكان اقامته ويرد يأسس بيت وشغل وحياة شغلة مو سهلة ابدا وانا ماكان نفسي نقرب على ابوه لزوجي واخوانه كنت حابة ضل بعيدة عنهم لأني عشت معهم وشفتهم وعرفتهم تمام كل واحد منهم اللهم نفسي
بس الحمدلله عسى ان تكرهوا شيئا واهم الشي انه زوجي حيكون معي والله بعينا على الشنططة
انتوا لاتحطوا ببالكم ولاتنهموا الله يسعدكم يارب ويفرج همي وهمكم

سورية طلعي اون لاين

كاتس والله مابعرف بنت خالي قد عمري تمام يعني والصغر خخخ مو صغيرة بنوب بس شو نعمل حسبي الله
ومنشان الكناري هههه لا لا لا ماتحلمي البسهم وتتشمتي فيني خخخخ

&&&&&&&&

كل الحلا اي والله مية وردة وامانة سلميلي عالشام الله يسعد الشام وناسها وترابها
ولا يهمك منعوضك ان شالله هون بهالشات ماعنا غير الكر والكر والكر هههههه والله يديم اخوتنا بالله
وتقريبا كلنا مغتربات الا الياسمينة السمرا فهي بحماه وكاتس الحلوة ببلدها الاردن والباقي مغترب