™`.¸¸.× تجهيزات عرائس (ليبيا) لشهر صفر 1431-2010 م / الجزء = 7 ×.¸¸.'™

Rose 89;11284274:
بيكاتشو ههه باهي كويس ..

امتي عرسك ؟؟؟

اني فكرت بندير عرسي ابيض واخضر ههه هالتفكير من زماااان واني انفكر ههه

نبيه كل شيء ابيض والورد ابيض واورقه يكون هلبا اخضر والفيلو ابيض والمكياج اخضر هههه .. ف هدا ومزالي قريب سنتين ههه

باهي جد .. الزفة شنو بديريها ؟؟؟ اما اغنية ؟

لكن اضني زي ماقالت عروس ليبيا .. بسيطة هلبا يعني في العرس مفروض شوي اكثر مكياج ..

حلوة فكرتك لان كل عروسة تكون المكلة فى حفلتها والمفروض كل وحدة ادير اللى خاطرها فيه
وان شاء الله العرس حيكون فى بداية السنة الجاية ان شاء الله لكن نبى نمكل كل شى فى شهر 10 ما نحبش الضيق والصداع وكل شى نبيه بالراحة ما نبيش نجرى وكل مرة نتفكر فى حاجة فى اخر لحظة
الزفة مازال ما قررتش بس فى البداية اسماء الله الحسنى وبخور لانى نحبه هلبه
وبعدين اغنية حلوة او موسيقى ملكية وبابا بيدخلى شوية فى البداية ويكمل خطيبى


يا عروسة تفضلى اهو عزمتك من توا لكن انت امتى مروحة وراهوا مازال بناخد افكارك حاسة ذوقك راقى وعاجبنى لو ما فيش مانع

خير عليكن

هلا هلا باحلى عروسة ليبيا سلمها يارب

شوفي يا حنه انا من البيضاء اصلا وكنت في طرابلس وجبت اغلب حاجتي منها الحمد لله بالنسبة للفكرة الفيلو راهو معاه طرحته وبيضا وحاجة حلوة من الاخير بس قلت نشوف في بنغازي قبل وبعدين نحدد بس بجد دايرلي زحمه الفيلو نحسه توا اهم خطوة وبيتركز عليه الفرح كله صح ولا انا مدوخه روحي وخلاص ؟؟؟؟؟؟؟؟؟؟ظ

بالنسبة لسؤالك على البدل العرايس لقيتهم في دو ري مي حاجات حلوة ومش غاليه البدلة ب300 دينار خديت منه اثنين وححده ذهبية ووحده بيضا متعا عرايس يلتبسوا في ايام العرس حاجة راقيه ورقيقة وقوناتهم قصااااار بس طالعات في اللبس مش عاديات والله في اول سبتمر المحل تلاقيه .

شوفي يا حنه اللي مزالي وانتي قوليلي بشني نبدأ

مزالي سيدي الفيلو هدا دوخني على الاخر

ومزالي لبس الحوش والطلعات الخفيفة زي اهلي واهله يعني كم بنطلون على كم بلوزة واوشحتهم واحذيتهم وارواب طبعا بالنسبة للبس الحوش مش مكثرة لانه عندي شنطتين مليانات من بريطانيا ماعاد بنكثر يادوب حاجات خفيفة بس .

ومزالي العطور والمكياج

[QUOTE=بيكاتشو;11283992]يا بنات شن رايكم فى المكياج عادى انديره فى الحفلة والا لا
وزى ما قلتلكم المكياج الداكن مش حلو عليا

[/




بعد راد الله يا اشقيرة دكنى الرويج اشوية ياحنة والباقى حليوة بكل واكيد حيطلع عليك امر ياعسل:ok::ok::ok:

QUOTE]

عروس ليبيا كيف حالك وشخبارك سمحينا على التقصير ...فى محل اورجانزا فى شارع دبى عديلة بلكى اتحصلى فيه فيلو يناسبك ....وكان القفيطين الى قلتى عليه عاجبك توكلى على الله القالب غالب ياحبيبة:092::092::092: بنات سؤال ينفع ميكب وردى داكن على فيلو اف وايت ولة سلاطة:042::042::042:

بيكاتشو;11284516:
حلوة فكرتك لان كل عروسة تكون المكلة فى حفلتها والمفروض كل وحدة ادير اللى خاطرها فيه
وان شاء الله العرس حيكون فى بداية السنة الجاية ان شاء الله لكن نبى نمكل كل شى فى شهر 10 ما نحبش الضيق والصداع وكل شى نبيه بالراحة ما نبيش نجرى وكل مرة نتفكر فى حاجة فى اخر لحظة
الزفة مازال ما قررتش بس فى البداية اسماء الله الحسنى وبخور لانى نحبه هلبه
وبعدين اغنية حلوة او موسيقى ملكية وبابا بيدخلى شوية فى البداية ويكمل خطيبى

تنسيق حلووووووو مشاء الله ربي يكمل وانا زيك نموت ف بخورنا الحلووووو

يا عروسة تفضلى اهو عزمتك من توا لكن انت امتى مروحة وراهوا مازال بناخد افكارك حاسة ذوقك راقى وعاجبنى لو ما فيش مانع

عروس ليبيا اني مش حندير زفة ليبية او اسماء الحسني ... اممم انفكر اندير اغنية ماجدة الرومي امتع الزفة او بندير اغنية انجليزية اسمها دا روز ..

و بيكاتشوو .. ههه اني في الزفة لا بخور لا شيء .. اي دونت لايك ات .. حتي العريس مش حيخش من البداية .. مانحبش لما يخش والناس تلبس وبعدين يجي تاني
احسه احسن لو يجي في الاخير ياخدني ويطلع مايطول .. بس يشوفو شكله يتأكدو انه حلو وبس ههه مش امطول ..

اي ماقتوليش شرايكم في عرس يبدا بكرررري في الضهر ؟؟ وبرا ههه مش في صالة

القيت صالة هي قلعة وفيها صالة وفيها بحيرتين كبار برا وجسر فوقهم يهبل وكله يعني شجر محد يشوف واذا تبي حتي عرسك يدرهولك برا في الحديقة .. ف افكر يعني

برا مااضن كلهم بيقعدولي بحجابهم .. بس ممكن اندير داخل لكن في الضهر ! ههه

اه اي وفكرت بندير برايد ميتس ... صحباتي يعني كلهم يلبسو نفس القفطان ابيض قصير .. زي امتع اغنية قولي احبك كاضم الساهر .. وبس

هدي افكاري ههه

الله ايانسك عروستنا
انجوله حبيبتى فيه قريبتنا دارت سبوع العشى كان مشاوي ايهبل ايهبل وقالت نفس المطعم ايدير بوفيهات تو نسالك ونقولك احبيبه

اهلا اهلا بالحبايب:065:

بيسا اضني يطلع حلو .. حلو لون البنكي اي شادو ويبيلها باقة ورد بنكي .. بيطلع نايس
وقرواطت العريس بنكي ههه .. زي عرس خوي الباقة بنكي وقرواطه بنكي وكل شيء بنكي

بنات كيف حالكن فيه شي مدوخني فيه علاقة بين التسريحة و تصميم الفيلو يعني لما يكون توب ولا قلب

عروسة ليبيا;11286021:

حبوبتي طلي ب االابيض ف ليبيا زي اسماء الله قصدي منشرررره ودروها هلبا

ومدام دايره الحفله عندكم اكيد تعرف الوقت الي يناسب ضيوفك

وفكرة البنوتات رفيقات العروس حلوة وحتا هيا يديرروو فيها هلبا ف ليبيا ومن زمااااااااااااااااااااااان

يعني انا نحب الكلاسيك تقريبا نفس كلامك

متخمميش هلبا كله راح يمشي بجوه

ومزال عندك فرصه لترتيبات تجيك بروقان

موووفقه روزي

اهاااا .. واللهي انا لا اعرف اعراس ليبيا واش اللي يديروه

بس هنا في بريطانيا محد دارها كلهم اسماء الله الحسني ..

لاشكله يبيلة سفرة لي ليبيا .. ههه بس من كلامكم خليتوني نبي اندير عرسي غادي .. ههه :041:

اي حقا وين بتسافرو هاني مون ؟؟؟ قررتو ؟

:065:

جورهة ثاانكس ... اميييييييييييييييييييييييييييييييين يارب
ننجلط لو مجاش زي مانبي

جوهرة2010;11286019:
بنات كيف حالكن فيه شي مدوخني فيه علاقة بين التسريحة و تصميم الفيلو يعني لما يكون توب ولا قلب

يقال ...ان الفيلو لمة تكون تفصيلتة من الخلف حلوة وفيها شغل وشعرك طويل ترفعيه بتسريحة ولمة ميكونش فيه اى شئ مميز من الخلف عاااى لو درتيه مفتوح اما قصت القلب والتوب والله اول مرة نسمعة بلكى صاح ؟؟؟ سؤال بنات بنغازى من تعرف كوافير اللؤلؤة فى الفويهات جنب مصرف الصحارى صحباته بنيات ليبيات - سمية ونهال وهبة؟؟

بيكاتشو;11283992:
يا بنات شن رايكم فى المكياج عادى انديره فى الحفلة والا لا
وزى ما قلتلكم المكياج الداكن مش حلو عليا

حبيبتي المكياج حلو ورائع بس
مش في حفلة ماتنسيش فيه لايتينج وافلاشات على وجهك يعني بتبانى صفرا فيه زيدي شوية في الشادو ومش ضروري يكون سموكى بس يكون فيه تنويرة لوجهك بشكل معين دوري على صور جوليا روبرتس
او
متل شوفي هادي عاالاقل توصلك الفككرة اللى فبالي .

كيت وينسليت

http://go.3roos.com/VccCQ8SengC
او
باريس هيلتون



http://go.3roos.com/NRg0esqhSOI



وانشاء الله انكون افدتك:083::083::083:


http://go.3roos.com/AU5xb8P9wma