™`.¸¸.× تجهيزات عرائس (ليبيا) لشهر صفر 1431-2010 م / الجزء = 7 ×.¸¸.'™

بيسا وسعى بالك وبكرة امشى للمحل وتفاهمى معهام شنو هذا عليك استغلال

وبالنسبة لهدايا خوات العريس تقريبا المفروض يكون فى اتفاق لان فى ناس متحبيش الهدايا لانه فيها جو ردادة يعنى انت خلى خوك يسال خطيبته او حتى انت اسالى مافيها شى توا الناس قعدوا واضحين

روح الوليد حبيت نحطلك بعض اراء بناويت طرابلس في المزينات
رأيهم في فاطمة شعيب
1/انى كل الاعراس الى مشيتلهم الصيف هدا العرايس من فاطمه شعيب و تبوا الصدق والله مكياج ناديه احلى منها و لما اتقربى من العرايس الكريم الاساس امداير طبقه و خطوط خطوط و مكياجها نفسه لكل عروس تستخدم فى السموكى وخلاص و مكياجها الحق يبى الملامح الكبيره هلبه هلبه
انى مزالت ناديه عندى التوب الحق بالنسبه للعرايس
2/تخليوا يابنات انى حجزة عند فاطمة شعيب من شهر8 واليوم اتصلت بيهم واخيرا التلفون مفتوح نبى نتفهم معها على موعد اللى بنطلع بيه من عندها تعرفوا شن قالت جيبى الطرحة والتاج بس وفليو اللبسيه فى حوشكم واى مكان تانى عمرى ماشفت هكى ؟؟؟؟؟؟؟؟؟؟؟؟ويوم حجزت عندها ما قالتش الكلام هدا تخليوا اطلع من المزين روحى الى حوش اللبسى وبرى الصالة مشوار الطريق والزحمة من غير التسريحة اللى بتفسد نصحية ليكم ياصبايا
3و نبى ننصحك لو بتمشيلها اسمعى كلميها على الكريمه و البودره امتاعها او شوفيها لو ماركه او لأ والله الاعراس الى امشيتلها التلاته امشوا لفاطمه الكريمه متشققه على وجهم لانها طبقه غليطه هلبه مش اتخافى حبيبتى انى ماقلتش طلعوا شينات راهو معقولات الحق بالاخص وحده طلعت زى البمبله لكن الى طلعت حلوه هلبه هى من الاصل حلوه الحق و زياده فاطمه صاحبتهم الروح بالروح و ربى يهنيك
بس لو بنقارن شغلها بمزبنات تانيات ناديه مزال مكياجها متقن اكتر الحق بس التسريحات فاطمه احلى الحق و قالوا مش فاطمه الى ادير فى التسريحات صح؟؟؟؟؟؟؟
4يادي فاطمة وعمايلها اصلا من يوم يومها معندهاش كلمة

اخر شي كاذبة علي العرايس مقايله في شهر 8 بتسافر تاخد دورة مكياج علي اساس

في الاخير طلعت لا مسافرة لا طياح سعد ادير في صيانه لي حوشها

كدااااااااااااااااابه مع احترامي وبتاع مقالب

علي فكرة في شهر 8 لما قالت ماناخدش عرايس حتي هو كدب في بنات نعرفهم خدتهم لان واسطة بس

وهي موجودة لا سافرت لا شي والكلام مانجيبش فيه من عندي نعرف وحده صاحبتها
5/و بالنسبه لفاطمه شعيب الى كنت حتى انى بنهبل عليها تعرفوا الصور كانوا خادعينى فعلا الصور اتخش حى لما اتقربى من عرايس فاطمه على الطبيعه هديكه الطبقه و الكريمه من كترتها لين متشققه على الوجه و المكياج نفسه للعراس الاربعه الى امشيتلها العرايس من فاطمه نفس المكياج لكن الحق حق تسريحاتها خيال حتى الشعر المنتف يبان هلبه
6/و بالنسبه لفاطمه شعيب والله اكتر وحده اطلع فى عرايسها زى بعض والله كلهم نفس لون الطل العرايس الى شوفتهم و هده الكريمه من كتر الطبقه لين متشققه على الوجه
و بالنسبه لتنقايه امتاع الخليجيات الى مقيومه فوق الى ادير فيها والله ما يتقنوا فيها بالرسم اتبان امساويه لكن من غير رسم تنقاها يحشم

هذا وأني من بكري ونجمع تعرفي هادو الاراء كلهم جدد ومجمعته من بناويت طرابلسيات يعني بناويت عمنا أحنى الزوز ههههههههههههههههههههههههههه وهادو العيوب طبعا بانو بعد الضجه الي في البدايه وصدقيني هذا شئ من لاشئ ههههههههههههههههههههه

تسلمى على الحهد الجهيد ياهنو وعلى الجمع ومعاك حق كل واحد ووجهة نظره

ان شا ء الله كلكم تطلعوا حلوين

والله نصايحك غالية علينا
ونا فيا طبع في الشوبينج ونتفرج عا المحل وتعجبني حاجة نقعد ماسكتها وهابلة عليهاولان ذوقي صعب فلما نحصل حاجة تجبني ننعكش فيها ومنسيبهاش بكل . لا ونستني صاحب المحل هو ينزلي والا ناخدها بسكات . وننقهر لما نلقاها اقل او نشوف قدامي وحدة فالحة ةتاخد اللى تبيه وباالسعر اللى تبيه لكن توا تعلمت الاسترااتيجية .
حبيابنا
نعينوا الهدف ونحددوه بدقة وانديروا مناورات حول الهدف . ومن ثم نصوبوا ونطلقوا وهكى اخدينا اللى نبوه

هنو الدلوعة يسلموا .
وشكرا . جمعتيلي اراء . يسلموا ياحلوة .
بس شوفي صندوق الرسايل امتاعك مليان عشان حاولت نبعتلك بس رفض ممكن تشوفيه يا عسل .
سؤال للمخالفة .
قدرك كبير فقلبي
شن قررتي بيان في الحوش ؟

Ghado;11270445:

عندي عرس نهار الاربعاء انشاء الله .. أما مكياج نختار؟؟؟

حبيبة مدام غادة انت دايما ذويقة الاتنين حلوين بس حبيت هدا اكثر .

روح الوليد;11272716:
هنو الدلوعة يسلموا .
وشكرا . جمعتيلي اراء . يسلموا ياحلوة .
بس شوفي صندوق الرسايل امتاعك مليان عشان حاولت نبعتلك بس رفض ممكن تشوفيه يا عسل .
سؤال للمخالفة .
قدرك كبير فقلبي
شن قررتي بيان في الحوش ؟

قدرك كبير بقلبي;11270213:
نـورتي ياغادة التجمع ليكـ وحشه والله

نبـي نسـالكم كلم جاوبوني

شـنو الواحد يدير في البيان (التلبيسه)من لبس واكل وكل التجهيزات؟

والفرق بين انه يندار في قاعه ولا حوش؟

بانتظار اجاباتكم!!

هلا باالحلوة
انا حبيت نعطيك راي
لو العرس قريب معناها خلي البيان في الحوش واهلك واهله وصاحباتك . يعني كتري من بنات العيلة والصاحبات عشان ايديرولك جو سمح .
ولو العرس بعيد معناها خليه مفتوحة وكبيرة .
لكني نشجع الحفلة البسيطة او الضيقة في عدد الناس لكنها فخمة من ناحية التجهيزات .
عموما اول شي خودى الفستان والكندرة والاكسسوار والرموش والزمالتو وطقم العطر المفضل . ويكون الفستان حلو ولونه يقدر يمشي عالون الفستان اللى بيجيبوه هما وحطي فبالك انهم بيجوبلك فستان وانت بتجيبي فستان فانت خليكي فالحة واحد تلبسيه وانت بنتوالتانى تقيميه مع البتات . بس الاحلا تاخدي بدله راقيه احلي من فستان .
طبعا تدخلي عا النت واتدوري افكار لحفلة خطوبة
يعني الصالون اللى بتقعدي فيه تزينيه واتديريله ديكور على حسب لون فساتينك وتزيدي الاضاءة . وخودى توزيعات حلوة لصاحباتك والحضور حاجات فيها اسمك واسم خطيبك تقعد ذكري وخودى كروت فيها ابيات شعر فيها اسمك واسمه . وحطيها مع التوزيعات .وزينيهم في سفرة فضة . وحطيهم مع الديكور وركزي عا الالوان لون فستانك والديكور والتوزيعات والكلينيكس والتورتة اللى بيجيبوها هدا شورهم طبعا وزيدي طقمي مخدة للدبلة هادي دوري عليها فى النت ياسم مخدات للدبل . ط(هدا كله من افكار بياني )
وابدي جهزى من توا .
وركزي في التفاصيل
دوري محل ينسقلك CD
فيه اغانى للخطوبة .
وباالنسبة للضيافة .
طبعا اول شي
الشوكلاته أختاري شوكلاته حلوة كطعم وكشكل وكتغليفة .
مع عصير الهافانا .
وبعدين حطى شاهي وقهوة الاتنين . مع الحلويات .
وبعدين حطى العشا المتعارف عليه الرز با الخلطة وما تبعه . من مقبلات . وتفلحي في السلطات .
وبعدين حطي مكسرات مع الشاهي الاخضر با النعناع .
واكيد توا طبعا نت تكونى مجهزة اصحان للتورتة .
ويارب يتمملك على خير يا رب:072:

معليشي عندي رأي و بنقولله للأمانه على فاطمه شعيب
أنا مكيجت عندها في بياني و كان تحفه ماشاء الله عليها الحقر و بالنسبه للتسريحات هي التوب بدون منازع
واحنا كنا 6 عرايس و الله كل واحده حسب اللون اللي تختاره العروسة و انا سألتني على الوان قفاطيني و سألتني هل نبيه داكن أو خفيف
و هي بروحها اللي تدير في التسريحه و تدير في المكياج مش حد تاني
و بالنسبه للتشقيق معانا عروسة بودرتها شققت و لما قتلها بودرتك شققت قالتلي حتى في بيلاني هكي صارلي مع ان مشت لمزين خيرا و مش فاطمه في البيان
و حكايه متبدليش عندها و الله العظيم أستر هللللللللللللللللللللبه من أنك تبدلي في مكان عام
و هدا للأمانة رأيي الشخصي

عروسة ليبيا;11273000:

هنوووو تعبناك ووو طبعا الاختلاف وارد والناس اذواق

حبوبتي انشاء الله ردك لروح وردي السابق عليها ماخذيتهش علا محمل انه نقد لكلامك
لاني حكيت علا ايجابيات ناديه وعلا سلابياتها
لا بالعكس اني نحترم أراء الغير بالعكس اني حسيتك تحسستي من ردي وقلت ياربي ياعروسة هذا رأي ان شاء الله غير ماحرجتيش لانه الحق أول مالقيت ردك طووووووويل قلت لا عاد عروسة ماعجبهاش ردي وهو مش رد هو ذوقي لكن قلت أن شاء الله مانتحرجش مني لانها وخيتنا الغاليه

لكل انسان ناجح سلبيات ويجابيات وووومش ديمه يوصل لدرجه الكمال

وانا عارفه شغل ناديه الحلو وما يمنعش انها تعفس مرات الكمال لله وحده

وف الاخر زي ما قلنا كل حد ورايه وذوقه وف الاخر توفيق من ربنا وحظ لكل عروس

انا طلعت عند ماااااااجده لامعه ===مدام ماجده لاني محصلتش بديل ب اجازه العيد وطلعتني حلووووووووووة وراضيه جدا جدا جدا وكنت واتقه من روحي شن نبي وشن الي يناسبني

والله حتى أني أستغربت الي طلعاتك زي ماتبي لانها ماساة لكن عاد انتي حاله خاصه فالحه ياسلام عليك وأسلوبك حلو وفاهمه وتعرفي كيف تتعاملي مع الناس

عطيتها الفكره العامه بشرح مبسط وريتلها علو التسريحه الي نبيه ووعطيتها روج مني

والباقي دارته بعرفتهاااا

وطلعن معاي عرايس 11 نشبح لروحي ونقول تقول مش نفسها المزينه دارتلهن

الحق فيهن كم وحده حلوووة والباقي يعني تقليدات ومتكررات

وعن فيف ==فاطمه شعيب

وانا ليا 4 شهور ف االامارات زعمه هظاااااا كله صار وانا هني منعرفش

هههههههههههههههه اي وخيتي مدامه ليك 4 شهور ماتتكلميش نهائي لانه تغيرت مليون درجه ومش نفس البريق الاول وصدقيني كل شئ تغير في 4 الشهور هادو وطلعو حاجات جديده والمزينات نقلب حالهن مافيش شئ يقعد علي حاله وخيتي
اهلي مزالو يتعاملو معاها ربما صار تعود وراحه لبعض

الحق مع الي نعرفهم الله يسامحها

وراهو اكيد لو نديرو سرش ولف ونسالو يطلعن ردود زي هدو من بنات ناديه خذلتهم مش معقول انسان بيكون شغله بيرفكت علا مدى الحياه هذا اعجاز

أكيد ناديه عندها اخطاء لأنها انسانه لكن ليها خبره طويله والناس قاعدين يمشولها ومن كل 10 تلقي 2 يطلعو عاديات ولا مش حلوات والاغلب لي عيوب فيهن
وفعلا هيا زيها زي غيرها مش ديمه تمام لكن زي ماقتلك مازالت الاولى عندهم

وزي ما قتلك توفيق وحظ و كلهم ليهن غلطات وانا الحمدلله قلت راي بموضوعيه وعارفه ناديه وشغلها
وووقلت حسب وجهه نظري تعجبني ناديه لكني نفضل فاطمه

ومعليش نحس شتااااااااااااااااااان بين فاطمه وسهى

لا ف تعامل ولا اللوان ولا الشغل ولا شيء

فاااطمه تسريحاتها خيال والله علا ماشفت محد جاب تسريحات نجوي كرم متاع الكوافير طوني مندلق الا هيااااااااا شغل هوليودي للشعر

وانشاء الله اميره او اى عروسه من عرايسنا تشوف وين ترتاح وتطمن ومن الاول الوحده تجيها راحه ورضي لمكان معين يكون نصيبه فيه

Ghado;11270532:

النور نورك يا عسل و التجمع دايماً منور بيكم بنياتي:087: ...

انتي شيني قررتي في البيت أو الصالة ؟؟؟

و هل هو كبير و لا غير عائلي؟؟؟

مشكلة مازل انا ماقرتيش بس نبي نعرف:02:

بيسا;11271314:
انا درت طاولات وكراسى زينهم ليا الروز فى دار كبيرة بروحها والعشا رزبالخلطة وموالح وفروت سلة على الطاولات وبعدها وزعنة الصالة الىفيها جلستى انا حلويات كانو فى باكوات وشاهى منعنع وشكلاطة وخلوط كان فى اكياس ذهبية هل خطيبى هم الى وزعوه عشان كانو جايبنة فى السلة مع سلاات البيان

عسول يعني درتيها في صاله ولا:042: في حوش؟

عائلي يعني هل خطيبك وهلك بس؟

وشنو هما الموالح :037:الي درتوهم؟

تسلمي ياسمحه ع رد:025:

عروسة ليبيا;11273698:

هنووو ههههههههه ولا يهمك نحس فيك تتخيلي ف ماجده مطلعتني عارررررررررررررررر ههههههههههههههه:worn_out:

ومن ناحيه فالحه ههههههههههههه نتفلح اني متطلعه هلبا علا الي يخصني والحمدلله صحباتي ديما يمشو بشورتي ووووووووووووماما تعرفي متعرف تشري شي بلاي لاهي ولا خويله الصغيره

يومها كلمتني قالتي عوزتيني ههههههههههههههههههه قلتهم هربت منكم جويل متاعكم ههههه

عموما ولا يهمك وتانكس لا ردك :032:

سؤال المخالفه :02: هنو الدلوعه وين بتمكيجي ف عرسك ؟ عايده ؟

ف بنغازي حتى احسن وحده ماتعادلش شطاره الحلوات متاع طرابلس :01:

شن رايكم بنات جديااات نبي نقرا دورة ميك اب في فور ايفر اكاديمي ووووووووووووووووووونجي ندير سنتر ف بنغااازي

ززززززززززززعمه ينجح

هههههههههههههههههههه

نسميه

مع عروسة احلى:085:

روح الوليد;11272716:
هنو الدلوعة يسلموا .
وشكرا . جمعتيلي اراء . يسلموا ياحلوة .
بس شوفي صندوق الرسايل امتاعك مليان عشان حاولت نبعتلك بس رفض ممكن تشوفيه يا عسل .
سؤال للمخالفة .
قدرك كبير فقلبي
شن قررتي بيان في الحوش ؟

نحس فيها بعيده غير نبي نستفسر

عشان نقعد فاهمة كل حاجه بدري:049:

روح الوليد;11272877:
هلا باالحلوة
انا حبيت نعطيك راي
لو العرس قريب معناها خلي البيان في الحوش واهلك واهله وصاحباتك . يعني كتري من بنات العيلة والصاحبات عشان ايديرولك جو سمح .
ولو العرس بعيد معناها خليه مفتوحة وكبيرة .
لكني نشجع الحفلة البسيطة او الضيقة في عدد الناس لكنها فخمة من ناحية التجهيزات .
عموما اول شي خودى الفستان والكندرة والاكسسوار والرموش والزمالتو وطقم العطر المفضل . ويكون الفستان حلو ولونه يقدر يمشي عالون الفستان اللى بيجيبوه هما وحطي فبالك انهم بيجوبلك فستان وانت بتجيبي فستان فانت خليكي فالحة واحد تلبسيه وانت بنتوالتانى تقيميه مع البتات . بس الاحلا تاخدي بدله راقيه احلي من فستان .
طبعا تدخلي عا النت واتدوري افكار لحفلة خطوبة
يعني الصالون اللى بتقعدي فيه تزينيه واتديريله ديكور على حسب لون فساتينك وتزيدي الاضاءة . وخودى توزيعات حلوة لصاحباتك والحضور حاجات فيها اسمك واسم خطيبك تقعد ذكري وخودى كروت فيها ابيات شعر فيها اسمك واسمه . وحطيها مع التوزيعات .وزينيهم في سفرة فضة . وحطيهم مع الديكور وركزي عا الالوان لون فستانك والديكور والتوزيعات والكلينيكس والتورتة اللى بيجيبوها هدا شورهم طبعا وزيدي طقمي مخدة للدبلة هادي دوري عليها فى النت ياسم مخدات للدبل . ط(هدا كله من افكار بياني )
وابدي جهزى من توا .
وركزي في التفاصيل
دوري محل ينسقلك CD
فيه اغانى للخطوبة .
وباالنسبة للضيافة .
طبعا اول شي
الشوكلاته أختاري شوكلاته حلوة كطعم وكشكل وكتغليفة .
مع عصير الهافانا .
وبعدين حطى شاهي وقهوة الاتنين . مع الحلويات .
وبعدين حطى العشا المتعارف عليه الرز با الخلطة وما تبعه . من مقبلات . وتفلحي في السلطات .
وبعدين حطي مكسرات مع الشاهي الاخضر با النعناع .
واكيد توا طبعا نت تكونى مجهزة اصحان للتورتة .
ويارب يتمملك على خير يا رب:072:

تسلمي ياعسل ع الافكار افكاري قريبنات من افكارك:037:

اول مره نعرف انهم يجبوا في بدله :02:او فقطان

مانعرفيش اصلا شنو يجبوا هل العريس في بيان:049:

ربي يتمم ع الجميع بخير يارب

قدرك كبير فقلبي
هاد على حسب عادات اهل طرابلس

ق د ك درت فى الحوش بس حوشنا كبير واهلى كللللللهم واهلى وخالاتى وعماتى وبناتهم وصحباتى والموالح والله ناسية بس نذكر كان فى مصاااااااااااااارين وسلطات 5 انواع بس ؟؟؟ بنات نبى زى ابتاع لحواجب الى شرتها هايلة بليييييز الى شايفة منها اتقولى وين ....اميرة انتى ديما تطلعى لسوق بلكى قابالتك فى شى تركينة ؟ هنو على ماظن تسكنى فى البلاد يعنى سنتر الشوبنغ بلكى شفتيها ؟؟؟نبيهاااااااااااااااااااااا؟