™`.¸¸.× تجهيزات عرائس (ليبيا) لشهر صفر 1431-2010 م / الجزء = 7 ×.¸¸.'™

يعني انا متلا عندي اخت وحدة و هو 7 خوات معناتها انا بنتغرم هدايا و عندي عمة وحددة وعم واحد و خالتي في تونس و هو عنده عمة و خالتين و مش عارفة كم مرات خال و عنده 3 عمام و جدته ام بوه و ياه عليك قصة كبيرة و مصاريف معناتها انا بنخش في 5 الاف كني شن انحس ما نصرفهن ع ارويحتي خيرلي هو مش اخسارة فيهم بس هدين اولوفات بصراحة والواحد ما يقدر ايمد حاجة دهب بس لازم ايمد معاها بدلة عربية او شي حاجة ............ وجهتي نظري والواحد ما يبي غير الستر راهو كله فاني ...........

قدرك كبير بالنسبة للبيان انكنتي انتي من بنغازي انقولك شن اديري :
1- مشروب وشكولاطة ..
2-كابتشينو او قهوة انتي حرة + 3 او 4 انواع حلويات
3-مشروب غازي + لو في عشاء ( رز بالخلطة + لحمة + 3 اشكال موالح لانه في عشاء متلا : شورما - شاش طاووس - كبة -فخدة ) الناس بدو اينوعو و ماتنسيش السلاطات ع الاقل شكلين و توا في طريقة انك تحطي السلاطات في تبسي كبير ووحدة تبرم عليهن بالكشيك و تحطلهن او ياخدن برواحن
*في حالة مفيش عشاء (رز) ديري انواع موالح حسب الامكانية و الخيرات متعددة + مشرب غازي ..
القاتو حتي هو راك تنسيه لو هم جابولكم
و هضا السبر المتعاود عليه في بنغازي جميع الطبقات ادير هكي
بالنسبة ليا انا درته عائلي مع الجيران المقربين بس بس القفطان تبارك الرحمان اخترته حاجه فخمة وراقية وصح لونه احمر عنابي و المكياج مكيجت في الحوش مكياج رقيق جدا و الروج و المونكير كان احمر عنابي الحنة كانت خفيفة جدا و الحمدالله مشت الامور اهم شئ انتي تطلعي بطلة حلوة لانه عائلة زوجك جاية و جايبين زوجات عمهم و خالهم وتبدأ المقارنة عاد و التنقير والله انا الحمدالله الله اكبر طلعوا من عندي راضين و لعنند توا يحكوا ع القفطان و الحنة والمكياج لان حنتي و مكياجي كانن رققات و ناعمات ما درت التكتير في العيون
كترت عليك في الهدرزة ربي يتمملك ع خير يا روحي ...

بيسا;11271384:
سوال المخالفة ضرورى الوحدةتشرى هدايا حتى لخوات العريس ياهو الذهب راقى معش باينزل

Angel Heart 89;11271407:
International نبيه للبيان وفي نفس الوقت نبيه يرضي جميع الاذواق يعني كنت بنديره مشكل زي بوفيهات المطاعم يعني تلقي فيه الشرقي والغربي بالله عليك افيديني لو عندك اي معلومة الى توا ماعرفتش مكان

صح غدوش حتى اني هكي..اتفقنا لا نهدولهم لا يهدولنا..لان بصراحه ماتقدريش تهدي حاجه مهزوبه مش حلوه ابدا ابدا..ونفس الوقت بتجيك مصاريف هلبه لو هديت الحاجه الكويسه وهما ماشاء الله تبارك الرحمن عيله كبيره وماتقدريش تعطي حد حاجه كويسه والتاني تهديله اي حاجه والسلام..وعيلة خطيبي من الاقارب البعاد يعني عادي الحمد لله فيه صراحه بيناتنا..بس اني بنهدي لي بوه ان شاء الله يعني للحسبانيه وتكبير القدر واميمته الله يرحمها الغاليه..متوفيه يعني بتجيني في هديه لعمو بس بإذن الله بناخدله حاجه عالعربي تكون راقيه وشغلها نظيف..
:
سؤال المخالفه:
من تعرف مكان ثقه ناخد منه مسك الطهاره في بدل عبد الصمد القرشي اللي سكروه:( ؟

بارك الله فيك اللى سالتى عليا ياعروسة ليبيا واهو حكيتلك ظرفى

السلام عا الحلوين
كيفكم
يتصفح الموضوع حالياً: 3 (2 من الأعضاء و 1 من الزوار) ‏روح الوليد, ‏عروس ليبيا


سؤال للمخالفة
حبايب قلبي لو ممكن انديروا قايمة بمواعيد الافراح اللى تحددت .
بش نعرف كل وحدة شن هي ضروفها . ونساعدوها حتى معنويا بس .
شن رايكم ؟

خير عليكن يا عرايس

بارك الله في كل وحده سألت عني وعن اموري كيف مشت

الحمد لله زي ماكتبتلكم في اللمه خديت فستانين حلوين واحد موف وواحد فضي ووعد مني بنحطلكم الصور في اسبوع العرس لما اختي تجي من طرابلس وتجيبهم معاها لانه غلطتي خليتهم عندها وماجبتهم وحتى خواتي اللي في الحوش زعلوا قالولي على الاقل صورتيهم وانا لو صورتهم او جبتهم بنمل منهم بسرعه فهمتوا عليا

بس الحمد لله بجد فادتني المحلات اللي وصفتوها ليا والحمد لله ذوقكم كان حلو ولقيت منهم اللي نبيه

بس عندي استفسار بالله عليكم ساعدوني يا حلوات

لقيت فستان ابيض ننننننننننننننننننننناصع وفيه ورد احمر من تحت وعلى الكمام بنات طرابلس اللي عندها وقت تمشي لمحل لاروزا وتتفرج عليه وتعطيني رايها هوا المحل كله عارض نفس الطرحه باشكال مختلفه بس انا عجبني هدا وخواتي قالولي اعتمديه فيلو عادي بما انه عرس في الربيع بس المشكله الناس هنا عندنا ما تقتنع بالفيلو الا ابيض ساده او سكري .

وفي محل شذى حتى هو في اول سبتمبر لقيت اللون الاحمر بس مش متعا سهرة حنه يعني مش كبير وخاطري كان في لون احمر مش عارفه ليش مزال بنمشي لبنغازي ونشوف هنا في البيضاء لقيت واحد بس مش مقاسي وقالي مانقدر نوفرلك مقاس كبير الحلوة في طرابلس اني لقيت مقاسي على طووووووول واللي يعجبني ومقاسه صغير يقولي نشيله لتارزيه تكبرلك فيه بجد حاجه حلوة .

بس الفستانين اللي جبتهم من محل في طريق القرجي اسمه الملكه واسعراه مناسبه خديت الواحد ب400 وساعدني وكان اسلوبه راقي بجديات ورحب بيا وقالي اي شيء ولا يهمك مروا عليه وشوفوه يا بنات طرابلس بتلاقوا فساتين سهرات حلوة بجد.

عروس نيسان حتى انا حنتي يوم 14\4 والزفه يوم 15\4 ان شاء الله والف مبروك عليك والعقبه لباقي البنات يااااااااااااارب .

عروسة ليبيا ماننسى وقفتك معاي نهااااااااائي وربي ما يحرمني نصايحك ومزال مش مستغنيه عنك لين يطلع العرس ونرتاح عندي واجد اسئلة ليك ولباقي العرايس .

غويده سلمك يارب انا روحت من طرابلس وجبت حاجتي اللي نبيها والحمد لله وسلمك نشاده وربي يخليك ويفرحك بوليدك.

بيسا حاجات عرس خوك حلوة العقبه لعرسك يا حنه .

طرابلسية انسيتي والحمد لله على سلامة ولدك وليك وحشه والله .

غوووووووووووووووووووووولة السموحه مبروك عليك والعقبه للفرح يا حنينه.

هنو واميرة وقدرك وطرابلسية لسرتاوية ونرجس والكل الكل منورات وربي يفرحنا بيكن كلكن قريبا يارب

http://forums.3roos.com/showthread.php?t=512549
حبايب القلب انتوا
ممكن طلوا على موضوعي
وعلى فكرة للعرايس اللى يبتتوا محلات ها الماركة عندهم تخفيضات 50% .