يعطيك الهناء يا روزي
بالعكس تقدري تحكي هنا لكن بخصوص العرس والبتات والتجيهز ولوك العروس
كل ما يخصك كا عروس
بس بشكل استفسارات
بش كل العرايس يستفيدو من اسئله واجوبه بعض
هكي شروط الموضوع
نصيحتي ليك روزي ولكل عروس
من تجربتي وتجارب من حولي
معش تحكي يا روزي علا الحفل بندير وبندير مع من حولك
قصدي صحابتك والليبيات الي معاكم واسرتك
لان بعدين يكونو صورة ف خيالهم ومهما درتي وبدعتي
راح يكون اقل من التوقعات او يحسوة اقل من كلامك والي كانو يسمعو فيه منك
فا الوحده توتي من تحت لتحت قدام الاقارب والناس يعني توتي بدون ماتقول حيكون عرس خيال ولا تو تشوفو عرررسي
رررررررردو بالكم وحتي الي تقول هك علا نيتها توووووووقف
وخلو الناس تشوف بروحها وتحكم وتكون مفاجاه حلوووووة
احسن ماتحكو ===لاسمح الله == يخيب الامل بعدين
ويحسو كل شيء عادي حتى لو كان مميز
ويا ستي نحنا هنا نقدرو نشاورو بعض ونفيدو ببعض بالافكار وحتي لو طبقها كذا حد منا فا نحنا بعاد عن بعض وكل واحد ليه محيطه
رد علا استفسارات المحضر والهدايا
طبعا الاعرراس توة ف طرابلس لو العريس مقتدر العريس يدير محضر تاني يوم من الزفاف
والعروس تلبس بدله الجلوة المميزه الي كلها بسلك الذهب والفضه وووووكلها فخامه
وتوة راحن تحف من جمالهن ف ليبيا
وبعدها بدلة الحصيرا الكبيره وحتي هى تحفه ولت متميزه
وبعدها تلبس قفطااااااااااان كبير
وفي الي تلبس قفطانين
وبالعكس تكون ليله حلوة والعروس زي الملكه والكل يجرو عليها وفرحانين بيها
يدرجوها تخش للحفل وزي الملكه بتدريجة العروس والغناء عليها وعلا جمالها
ميزه العروس الليبيه انها تدلع هلبا والكل يبدو حوليها وكانها اميره بينهم
وهدايا العريس ايوا صح تاخذي حاجه ذهب لي امه وبدله عربيه لبوه لو موجودين
وخواته حسب امكانياتك
غالبا حويجه ذهب خرسات ذهب خفاف او خواتم حسب الميزانيه
والي عنده ياخذ خواتم قنينات
او حدايد ناعمااااااات
وامه حسب يا اما طقم صغير ===او طقم تعليقه == سلسله وداليا وخرس وخاتم
ولو تبي حاجه ابسط حديده ذهب قنينه
ولو امه مراه كبيره ممكن خلال ذهب او سلسه بيها مصحف او ايه كرسي وتكون كبيره شوي ومستورة
وووبس حسب كل حد وظرفه زمان صديقتي طرابسسه هيا ظروفها صعبه
خذيت سلسله لي ام راجلها فيها مصحف ذهب كانت كبيره وفخمه
وخواته 3 قالت ناخذلهن ساعات سوتش متاع 100 دينار
قلتها لالا هوا الميه تجيب خاتم بسيط جدا
فعلا مشينا لسوق ذهب المستعمل وشرت خواتتتتتتتتتتتتتم بسيطات لكن رسمتهن ناااااااااعمه
هما يقولو مستعمل لان مبيوع من زبون جابه باعه ف المحل لكنه جديد جيات هديه لعروس وعروس باعتهم رقيقات وسرعهن 130 120
يعني جن حلوااااااااات وحطينهن ف علب حلوااات
وانسترت بيهم
طبعااااااااااااااااااااا انا زي ماقلت نحكو بشكل عام وكل وحده بظروفها
والهديه محببه وتقرب القلوب ووصي بيها الرسول عليه الصلاة والسلام
بس تكون هديه معتدله بدون مبالغه
وكل حد وميزانيته
ويا ستي بالعكس من حسن حظنا انك بتجي لبلادك وترجعيلها عروس
انا عارفه ان اى وحده عاشت ف دوله بريطانيا وسط التحضر والتطور والانفتاح
تصعب عليها الفكره بذات انها ما زرتهش بوكل
لكن صدقيني الدم ما يبقاش ميه وووالمهم انك تحسي بحب لي اهل بلادك البسطاء لان الشعب الليبي بكل امانه شعب عفوي وطيب وكريم
والله غالب مرات ظروف اقوى من الناس تخرب اطباعهم
لكن قلوبهم بيضاء ويحبو بعض ويفزعو لبعض يوقفو لبعض
بلاد العز والكرم بلاد عمر المختار صدقيني فكري هكي وانتي تستعدي لرجعه وانتي جياتها عروس
ومحد طلع من ليبيا برضاه الظروف فرضت غربتها علا بعض اولادها
والله الغربه بكل مميزاتها مممممممممممممممممره ووووحاولي تحسي وتعيشي هالتفاصيل الحلوة ف بلادك وحياتها وتفاصيلها
اااااااااااااكيد راح تتقلبيها وتحبيها بكل عيوبهااااا وبي ببساطتها وعفويتها
هذي امنا الكبيره دمنا ونفسنا
كان نحنا ولادها محبيناهش وحنينا عليها
املا من يحن عليها ومن يحبها
اطمني حبوبتي ليبيا حلووووة لو شفتيها بقلب وبدمها الي يجري ف عروقك
وانشاء ترجعي لينا عروسة حلوة تنوري بلادك