™`.¸¸.× تجهيزات عرائس (ليبيا) لشهر صفر 1431-2010 م / الجزء = 7 ×.¸¸.'™

Hayela;11189065:
بيسووووو ..
حاجاتك قنينة ؟؟ والتريا الاولى تهبل بس التانية صغيرة مش متاع وسط حوش .. والطواسى الشاهى والعصير علاش مخديتيش كرستال ؟؟

وبالنسبة للماكينة المكواة باللهى عليك ابعتيلى الموقع الى شريتى منه حتا انى نبى نشرى وحدة ابعتيهولى عالخاص كان ممنوع

بيسا;11189798:
ياحنة فى طرابلس الوحدة لما تجوز متشيلش معاها الة دبش ارقبتها والفيلو الى بتلبسة وحاجاتها الشخصية يعنى حتى كان خدت الفيلو بعشرة الاف ميأثرش على ميزانيتها لكن نحن اسألى على بنات الشرق قداش يرفعو معاهم من حاجات :064:وكان نبى ناخد 12 كباية كريستال ابتاع شاهى وعصير معناها بيكلفونى فوق ال500 والوحد فينا اسملله عليها تقعد تاخذ:082: الورقة والقلم وتحسب بيش تضبط ميزانيتها

بيسا;11195764:
انا اصلا منحبش الفضة لاانها تبهى اهتمام متغسلهش بليفة خشنة ولمعيها ومتحطيش عليها مية ساخنة وقصتها قصة خديت اسفر فضيات وخلاص والباقى جزاز

Ghado;11196280:

وين ممكن نلفا زي الأحذية السمحة هادي:

امورة خطيبي;11196518:
فيه في محلات شارع اول من سبتمبر امتع اللبس الاوفر فيه لقطات زي هكي ياغادو والاسعار نااااار طبعا

وراي الشخصي لو كانو سادة من غير هالورد الكبير كان بانو ارقى وانزك وكل شخص ودوقه

بيكاتشو;11198640:

يا غادو الخلاخيل حلوين هلبة لكن ما شفتش منهم الا مرة وحدة فى الجناح السورى بس كانت الكواليتى مش كويسة

وبالنسبة للاخير فى منه انا واخدة مجموعة من Reserve Naturelle شوفى عندهم اكسسوار روعة اكيد تلقى حاجاتك عندهم
ولو شفتهم فى مكان اكيد حنقولك يا حلوة

وبالنسبة للشوز حلوين بس فانكى شوية بس فى الظهرة اكيد تلقى منهم وتقدرى تركبى الاكسسوار زى ما تبى يعنى خودى حاجة سادة وركبيلها زى ما تحبى تتميزى وماتلقيش حد لابس منها