™`.¸¸.× تجهيزات عرائس (ليبيا) لشهر صفر 1431-2010 م / الجزء = 7 ×.¸¸.'™

بيكاتشو;11177651:
صح نرجوسة امتع البخار احسن تحافظ على شعرك وما تخليشي ينحرق

نرجس الشرق;11177682:
يا حنة مكراز هضا صاحبته تبيع في فيلوات مستعملة و ملبوسة و مكوطة تكويط و في الي تاجرن فيهن و مش حتصدقي بكم الايجار ب 550 و حاجة اي كلام و لا اتقولك ملبوس مرة وحده شني انا عميه او غبيه عشان ما نفهمش ولا والاشر من هكي مغليه في الاسعار و قالت علي حسب كلامها اتجيب في الفيلوات من انكلترا او مندري عنها المهم انجليزيات الفيلوات و قالت بتجيبهن الشهر الجاي اشرا و ايجار و انتي وحظك وفي محل اخر ايجار يشكروا فيه ايجنن للتبي ايجار عند جزيرة الجعب المحل لنقني انشوف فيهن من بعيد ايجنن و مزلن ما جيت شورهن و شكرا يا روحي ع العزومة وعارفتك ما تقصريش

نرجس الشرق;11177696:
في النمارق يا بنات حتي هو حلو و يا هنو بنسالك ع بهجة المنازل مشيتيله او لا في البركة حتي هو شن جوه و جو اسعاره

هنو الدلوعه;11177689:
بيكاتشووووووووو كيف حالك يا غاليه

وبالنسبه لي مكواة الشعر شنو رايكم الي يعرضو فيها في قناة التسوق حتى هيا تقريبا بخاريه

وعلي فكره راهو وكيلهم ومركز البيع متاعهم هو محل العصري الي في الكيش وتقريبا كاتبه عليه أميرة الانسات واني عندي رقمهم لو تبوه ونرجس شوفيه راهو يشكرو فيه وتفرجي عليه في التلفزيون

هنو الدلوعه;11177724:

طيح سعدها علاش العفو النصابه تعرفي أني من فتره طويله مشيتلهم

وحاجه ثانيه بالنسبه لي محل الي عند الجعب هذا سمير اميس راهو ايجاره نااااااااار أقل حاجه 650 بس حاجه حلوووه
وفي عندهم علي فكره بيع وأسعاره حلوه واني ديمه نخطم عليهم جو كساد ههههههه نشوف في جديدهم بس برضو بيسا ديري عليه طله لانه عنده حاجات حلوه

ونرجس العزومه قائمه وهذا حوشك امتا ماتبي والله مانقصر معاك

بيكاتشو;11177764:
نرجوسة شوفى الصور بالك تخطرلك فكرة وتنفديها منهم






بس راهوا مازال نبيك تشوفى لو تلقى جاهز احسن تكون الكواليتى ارقى وافخم ومش لازم يكون غالى باش يكون فخم ومن رأيى الاثاث التركى حلو هلبه و سعره معقول
ان شاء الله تلقى حاجاتك

Ghado;11177865:

أمس مشيت لمحل يبيع في مستلزمات و معدات مراكز التجميل ...

درت عليه طلة بس ندور في بديل الزيت من ماركة بانتين ...

عندهم و الله حاجات حلوة هلبة و رخيصة .. لقيت عنده رولات الشعر واخدتهم من قبل بــ25 من نادي الاتحاد و عنده هو أمس لقيتهم بــ3 دينار !!!

شبيهات بهادم:

و لقيت عنده الشمع الي مرة سألت عليه .. الحجم الكبير بــ13 دينار بالبابونج و فيه بزيت الزيتون حلو بالمرة...

و لقيت ماكينة السير متاع الشمع حسيتها أحسن قالي كاملة بحشوة الشمع بـــ35 دينار .. و الماكينة نفسها تقعد عندك طول العمر بس تبدي تشريلها في الحشو (الشمع) .. و نفس الماكينة لقيتها في قرقارش بـــ80 دينار !!!

و عنده العدة متاع French مانيكير حلوة بالمرة .. و هلبة هلبة حاجات

و خلاص اعتمدته المحل من يوم الخميس بنمشي نشري منه و نزلكم الصور انشاء الله..

بيكاتشو;11177917:
اهلا غادو كيف حالك ؟
ممكن حبيبتى تقوليلى على المحل وين ؟

بيسا;11178057:
باهى كيف تستعمليها المكينة هذى ياغادوووووةةةة والحلوة شكلها سايحة اول مرة نشوفها اشريحيلنا الميكانزم ابتاعها ؟؟
وعروس رايقة وين رايحة ؟؟ وسرتاوية وطرابلسى حتا هيامختفية ؟؟؟؟

Ghado;11178145:

يا بيسو يا سموحتي ..

الشمع الي فيها سايح لانه مسخنينه.. بس هو عادة يكون جامد .. الطريقة تمشيها على المكان الي بتنحي منه الشعر و تحطي عليه طرف القماش الي يجي معاها و تجبدي ...

بيكاتشو;11178174:
غادو وين استعمالها يعنى للجسم والا للوجه ؟ ما فهمتش