الرئيسية ركن العروس تجهيزات و استفسارات العروس ™`.¸¸.× تجهيزات عرائس (ليبيا) لشهر صفر 1431-2010 م / الجزء = 7 ×.¸¸.'™

™`.¸¸.× تجهيزات عرائس (ليبيا) لشهر صفر 1431-2010 م / الجزء = 7 ×.¸¸.'™

حلمـ ., 17-01-2010 1,103 رد 39,213 مشاهدة
ع
عروسة ليبيا
مشرفة سابقة
26-01-2010 | 09:50 PM
بيسا;11178057:
باهى كيف تستعمليها المكينة هذى ياغادوووووةةةة والحلوة شكلها سايحة اول مرة نشوفها اشريحيلنا الميكانزم ابتاعها ؟؟

بيسا;11178057:


وعروس رايقة وين رايحة ؟؟ وسرتاوية وطرابلسى حتا هيامختفية ؟؟؟؟




غدو السيررر حلووو وبذات للناس الي بشرتها قنينه يعني مش حساسه


وراهو الي وجهن حساس ينحمر ويحبب مرات لكن بشكل عام هوا حلووو وسريع اكثر من الفتله



ماما ادير فيه ف مركز بيوتي سنتر وماشي معاها تمام هيا وصديقاتها
وتوة مدامه ف طرابلس وقنين بنقول لختي المدام عالجهاز بالك تاخذ ليها ول ماما



غااااااااااااااااااااده يا غدووو


هذي ليك مني F:
للامانه جهدك واضح ومشاركاتك كلها مفيده صحيتي وربي يجزيك خير علا هالتفاعل الحلو والي من القلب باش تفيدينا


============================

بيسووو لو تبي تتعرفي عالسير جربيه انتي او ماما او حد من خواتك مركز بيوتي سنتر يدير فيه ب 10 دينار وتقدري تحكمي والحق ماما وصاحبتها ماشي معاهن تمام
ع
عروسة نيسان
عروس جديدة
27-01-2010 | 01:56 AM
يابناااااااات كنت نتفرج علي مجله لقيت فيها اعلان عن الكريم هذا..


صورت الصفحه طوووول وجبتها..
بالك وحده منكم شابحاته هنايا في ليبيا؟؟..
ولا مجرباته؟؟

ولا تعرف كريم ليه تأثير كويس زي مامكتوب عنه..
G
Ghado
عروس مبدعة
27-01-2010 | 10:42 AM
غدو السيررر حلووو وبذات للناس الي بشرتها قنينه يعني مش حساسه
وراهو الي وجهن حساس ينحمر ويحبب مرات لكن بشكل عام هوا حلووو وسريع اكثر من الفتله





********
لو بتجي للحق أني منستعملش في الحلوة أو الشمعة لوجهي أبداً :01: ... لكن بناخذها للجسم يعني .. اليدين الرجلين... الخ .
حسيتها أريح من تخديم الحلوة و تعبها:093: ..
********



ماما ادير فيه ف مركز بيوتي سنتر وماشي معاها تمام هيا وصديقاتها
وتوة مدامه ف طرابلس وقنين بنقول لختي المدام عالجهاز بالك تاخذ ليها ول ماما

غااااااااااااااااااااده يا غدووو
هذي ليك مني F:
للامانه جهدك واضح ومشاركاتك كلها مفيده صحيتي وربي يجزيك خير علا هالتفاعل الحلو والي من القلب باش تفيدينا



********
شكراً يا حلوة :087: .. و الورد ميعطيش الا الورد .. تسلمي و الله كله على قلبي زي العسل و من عنوني :014:
********
G
Ghado
عروس مبدعة
27-01-2010 | 11:02 AM
عروسة نيسان;11183275:
يابناااااااات كنت نتفرج علي مجله لقيت فيها اعلان عن الكريم هذا..


صورت الصفحه طوووول وجبتها..
بالك وحده منكم شابحاته هنايا في ليبيا؟؟..
ولا مجرباته؟؟

ولا تعرف كريم ليه تأثير كويس زي مامكتوب عنه..


عروسة نيسان .. يا حلوة ..

درت سيرش على النت توا و ملقيتش أي رد ايجابي بخصوص منتجات منع أو تقليل ظهور الشعر و هذا من ناس مستعملين المنتجات هادي ..

لان حسب ما قالوا الشعر يبدا يطلع تحت الجلد و يسبب حبوب و أكياس تحت الجلد ..
و هذا يشمل منتج جونسون لتخفيف الشعر...

و طبعاً هذا يختلف من شخص لشخص لان كل واحد و بشرته ..
ه
هنو الدلوعه
عروس رائعة
27-01-2010 | 11:43 AM
Ghado;11185522:
عروسة نيسان .. يا حلوة ..



درت سيرش على النت توا و ملقيتش أي رد ايجابي بخصوص منتجات منع أو تقليل ظهور الشعر و هذا من ناس مستعملين المنتجات هادي ..


لان حسب ما قالوا الشعر يبدا يطلع تحت الجلد و يسبب حبوب و أكياس تحت الجلد ..
و هذا يشمل منتج جونسون لتخفيف الشعر...



و طبعاً هذا يختلف من شخص لشخص لان كل واحد و بشرته ..


كلامك صح ياغويده بس عندي ملاحظه صغنطوطه علي جونسون تعرفي أني جربته أني وقريباتي وهو مايمنعش طلوع الشعر ولا يخفيه نهائي بالعكس الشعر يطلع وفي وقته بس كل مره الشعر تبدا ضعيفه مش غليظه زي الاول وتطلع ناعمه والشعر مايختفيش نهائي يكون موجود لكن مش نفس السمك الأول والمنتج بالفعل ممتاز .
ن
نرجس الشرق
عروس برونزية
27-01-2010 | 11:44 AM
عروسة نيسان;11183275:
يابناااااااات كنت نتفرج علي مجله لقيت فيها اعلان عن الكريم هذا..


صورت الصفحه طوووول وجبتها..
بالك وحده منكم شابحاته هنايا في ليبيا؟؟..
ولا مجرباته؟؟

ولا تعرف كريم ليه تأثير كويس زي مامكتوب عنه..


يا روحي بننصحك نصيحة وانتي حرة تاخديها او ترميها و النصيحة هدي من اخت خايفه علي خواتها راهو كل شئ زي ماله فوائد له مضار وانخاف تستعميلها اتكون مش امنه خليك ع الحاجات الطبيعيه خيرلك
ه
هنو الدلوعه
عروس رائعة
27-01-2010 | 11:44 AM
نسيت صباااااااااااح الورد والفل والياسمين
ه
هنو الدلوعه
عروس رائعة
27-01-2010 | 11:47 AM
وجونسون مصنوع من الصبار وهو طبيعي وأمن وفيه مزايه الي هيا ترطيب وتنعيم وريحه تجنن للبشره وفي نفس الوقت يخفف الشعره مش معاش يخليه تطلع بالعكس تطلع لكن زي ماقلت كل مره ترق وماتبداش غليظه أن شاء الله تكونو فهمتوني لكن المنتجات الي زي سموثي مش مشكوره لأنه تقضي علي ظهور الشعر وهذه حاجه طبيعيه ولازم تطلع
G
Ghado
عروس مبدعة
27-01-2010 | 11:51 AM
هنو الدلوعه;11185809:
كلامك صح ياغويده بس عندي ملاحظه صغنطوطه علي جونسون تعرفي أني جربته أني وقريباتي وهو مايمنعش طلوع الشعر ولا يخفيه نهائي بالعكس الشعر يطلع وفي وقته بس كل مره الشعر تبدا ضعيفه مش غليظه زي الاول وتطلع ناعمه والشعر مايختفيش نهائي يكون موجود لكن مش نفس السمك الأول والمنتج بالفعل ممتاز .




هنو .. صباح الخيرات و النورات :025: ..

و الله يا حبيبة شي يحير لكن زي ما قلت كل شخص و بشرته و تركيبة جسمه و الهرمونات ليها دور كبير.. أختي جربت كريم نبات السعد بعد ما نصحوها بيه صاحباتها .. دارلها اسوداد فظيع .. و قعدت تعاني في مشكلتين بدل مشكلة .. مع انه صاحباتها مشي معاهم يا سلام ..

أني بصراحة نخاف من الأمور هادي :02:
ب
بيكاتشو
عروس رائعة
27-01-2010 | 11:57 AM
صباح الورد اليوم اربعاء يعنى يوم صور تفرجوا وقولولى رايكم بصراحة
G
Ghado
عروس مبدعة
27-01-2010 | 12:04 PM
هنو الدلوعه;11185841:
وجونسون مصنوع من الصبار وهو طبيعي وأمن وفيه مزايه الي هيا ترطيب وتنعيم وريحه تجنن للبشره وفي نفس الوقت يخفف الشعره مش معاش يخليه تطلع بالعكس تطلع لكن زي ماقلت كل مره ترق وماتبداش غليظه أن شاء الله تكونو فهمتوني لكن المنتجات الي زي سموثي مش مشكوره لأنه تقضي علي ظهور الشعر وهذه حاجه طبيعيه ولازم تطلع





هنو انتي شيني نوع بشرتك؟؟؟

و لو ممكن تحطيلنا صورته المنتج و من وين تشري فيه و بكم؟؟؟؟؟

و سؤال أخير : كم خديه وقت باش لاحظتي النتيجة؟؟؟

لو سمحتي ؟؟؟


:093:
ب
بيكاتشو
عروس رائعة
27-01-2010 | 12:08 PM
طبعا كلها للبيت بس الشنطة عجبتنى هلبه كنت بنلبسها بس بعدين فكرت وقلت انخليها احسن

















ادعولى ربى يكملى على خير وييسر امور البنى
ه
هنو الدلوعه
عروس رائعة
27-01-2010 | 12:14 PM
Ghado;11185872:
هنو .. صباح الخيرات و النورات :025: ..



و الله يا حبيبة شي يحير لكن زي ما قلت كل شخص و بشرته و تركيبة جسمه و الهرمونات ليها دور كبير.. أختي جربت كريم نبات السعد بعد ما نصحوها بيه صاحباتها .. دارلها اسوداد فظيع .. و قعدت تعاني في مشكلتين بدل مشكلة .. مع انه صاحباتها مشي معاهم يا سلام ..


أني بصراحة نخاف من الأمور هادي :02:


عندك الحق وخيتي تخافي وبنقولك وخيتك هنو مشعرررررررره وزي الغوريلاه هههههههههههههه والشعر قوي لدرجه ماتتصوريهاش وبشرتي حساسه جدا وفعلا كريم نبات السعد مش مشكور نهائي وأني سبحان الله مارتحتش بي فكرة نبات السعد نهائي
لكن منتجات جونسون عندي فيها ثقه وتوكلت علي الله وجربته والكلام هذا من فتره .
ه
هنو الدلوعه
عروس رائعة
27-01-2010 | 12:20 PM

هذا هو يا غويده وأني بشرتي زي ماقلت حساسه وتقريبا سعره بي 9 دينار أو 8 لكن توه نجيبلك السعر بالضبط وبالنسبه ليه تستخدميه بعد الحلوه وهو يستخدم يوميا زي اللوشن يعني زي ماقلت مرطب يومي فهمتيني والنتائج تبان ماتعطلش لانه هو ميزته مش ممل يعني
ومش يتلصق ولا ريحتة مش حلوه بالعكس متاع كله ههههههههههه
ه
هنو الدلوعه
عروس رائعة
27-01-2010 | 12:21 PM
بيكاتشو حوايجك يهبلو وعجبوني ياريت تعطيني التفاصيل من وين وبكم يعني كل حاجه وسعرها ومن وين تقرير مفصل نبو يعني
ب
بيكاتشو
عروس رائعة
27-01-2010 | 12:24 PM
هنو الدلوعه;11186082:
بيكاتشو حوايجك يهبلو وعجبوني ياريت تعطيني التفاصيل من وين وبكم يعني كل حاجه وسعرها ومن وين تقرير مفصل نبو يعني


شكرا يا هنو قوليلى شن اللى بتسألى عليه لان فى اللى من هنى وفى اللى من بريطانيا - ايطاليا:087:
ه
هنو الدلوعه
عروس رائعة
27-01-2010 | 12:27 PM
بيكاتشو;11186097:
شكرا يا هنو قوليلى شن اللى بتسألى عليه لان فى اللى من هنى وفى اللى من بريطانيا - ايطاليا:087:

هههههههههههههههه معناها صقع علينا باهي خلاص قولينا علي من اهني وتفاصيلهم
ب
بيكاتشو
عروس رائعة
27-01-2010 | 12:35 PM
هنو الدلوعه;11186126:
هههههههههههههههه معناها صقع علينا باهي خلاص قولينا علي من اهني وتفاصيلهم




الشنطة من محل فى شارع عمر المختار هو متاع شناطى بس لكن ما نعرفش شن اسمه
يجيك على اليمين فى البداية وسعرها بــ 40 د.ل
والبدى الاصفر من محل مرحبا فى شارع ميزران بـ 10 د.ل
والشورت اللينو من بن عاشور تقريبا بـ 35 د.ل
اسفة نسيت القفطان البينك من محل نواعم اللى فى بن عاشور تقريبابــ 25 د.ل مش عارفة بالضبط لاننى خديت معاه مجموعة اندووير
ب
بيكاتشو
عروس رائعة
27-01-2010 | 12:39 PM
هنو بالنسبة لازالة الشعر انت تستعملى فى الة بروان والا فى الحلوة
ه
هنو الدلوعه
عروس رائعة
27-01-2010 | 12:48 PM
بيكاتشو;11186203:
هنو بالنسبة لازالة الشعر انت تستعملى فى الة بروان والا فى الحلوة

أني نستعمل في الأثنين عندي براون سيلك بيل لكن حاليا الاكثر الحلوه عشان قلت براون بنخليها بعد الزواج أفضل يعني بعدين بنستخدمها بشكل يومي
وبالنسبه للمنطقه الحساسه نستخدم في مزيل شعر لانه الحلوه مانقدرهاش وغير هكي بشرتي حسااااااسه
X