™`.¸¸.× تجهيزات عرائس (ليبيا) لشهر صفر 1431-2010 م / الجزء = 7 ×.¸¸.'™

غادو وامورة
بنقوللكم بالنسبة للروائح راهوا فى محلات بضاعتهم من دبى يعنى مصنعة للشرق الاوسط راهوا تجارية ورحتها مش ثابتة يعنى اللى بتشرى منه لازم يكون محل ثقة
فى محل نأخد منه كويس هلبة وبضاعته حلوة وحتى الوليد اللى يخدم ملتزم وباله واسع
السيمافرو متع فشلوم و زاوية الدهمانى اول من تتطلعى منه وبتمشى لزاوية الدهمانى يجيك اول محل بعد المثلث على اليمين .
خديت منه لخطيبى هوت ووتر تعرفو 110 ملى بــ 80 د.ل بس
وريحتها روعة

بنات نبيكن تساعدني في الصالون شن احلي الالوان عادصاحبتك مترددة و نبي اماكن كويسة لبيع الصالونات في ناس نصحوني بالرويسات بس انا مزلت ما جيت شوره بكل وبيني وبيكن ما عندي حاليا وين اندسه انخافه ايضايقني

بنات ساعة المطبخ عاد حي عليا ما عرفت نشريها نبي حاجة حلوة انا مطبخي زعي بالبرتقالي المشماشي نبي ساعة حلوة وانا حاطه فيه زرع انشاءالله عشان نظبط الاوان والديكور يعني مخشية الاخضر فيه كزينة شنو زعمك الساعه نبي ساعة مودرن ودولوني علي محلات لهن

فى محل نأخد منه كويس هلبة وبضاعته حلوة وحتى الوليد اللى يخدم ملتزم وباله واسع
السيمافرو متع فشلوم و زاوية الدهمانى اول من تتطلعى منه وبتمشى لزاوية الدهمانى يجيك اول محل بعد المثلث على اليمين .
خديت منه لخطيبى هوت ووتر تعرفو 110 ملى بــ 80 د.ل بس
وريحتها روعة

اهلين بيكاتشو مش بعيد المحل بيطلع نفسه اللي قتلي عليه غادو :042: ولا شنو زعمة

وقولن بلمرة عاد تقلت عليكن اطقم الضيافه نشريه يا ما كلهن فضه او كريستال بس كم قطعة نشري متلا توا موضة اللوح بالفضة نشري كم قطعة و حجم كبير او كيف لو وحدة تفهمني نتعابها معاي وتكسب في اجر
وحاجة تانية نبي ملمع الفضة ماركة كويسة ممتازة بمعني اصح وين ايبيعو فيها و بكم سامحني ع التتقيل

يا بنات العطور عادة مفروض العروس تاخد كم عطر وكم قطعة مكياج بودرة وكريم اساس و هل مكياج السهرة اتخليه للسهرة بس مع العلم اني ما نمكيجج خارج المنزل الا في المناسبات والزيارات فقط

بنات امس نحكي مع صاحبتي متجوزة قالتلي ع الخلطة هدي للتبيض انا ما جربتش بس انقوللكن قاتلي خودي بودرة جنسون و خلطيها بمية زهر اتبيض خاصة الظهر ليسي بيها اظهرك و شوفي

غادة بدلة الصلاة ماشاء الله روعة مش غريبة عليك ديما افكارك عملية وراقية
يابيسو قاعدة ندورلك علىوحدة ادير فى السلطات
لكن لو امكانياتكم كويسة راهو مطعم توباكتس ايدير فى مقبلات خيال لكن اسعاره غالية
لكن حاجة مميزة ومافيش منها

بيسا لو تبي وحدة اديرلك اسلطات انا نعرف وحدات انظاف و يديرن في حاجة حلوة وعندي العنوان لو تبي

Ghado;11167392:

أمورة ..

رسمتلك خريطة بسيطة للمحل ...

المشكلة انه جديد مليشي هلبة فاتح و معنداش لافتة ..

بس هو محل كبير هلبة و فتريناته زجاج كبار و يجيك على الطريق على طول .. مقابل محل بن العميد الي في زاوية الدهماني...

بيكاتشو: كلامك مزبوط حبيبتي بالنسبة لجودة الروائح ..
ومحلات معينة بس الي تجيب في الأصلي ..

و شيني اسمه المحل ؟؟ هو الي يجي بحدا محل حنين للأطفال

ايه حيبيتى صح فى بجنبه محل بيبيات لكن مش مركزة شن اسمه
وصحيتى ان شاء الله اليوم والا غدوة بنمشيله المحل

نرجوسة بالنسبة للصالون انتى شن فى بالك مودرن والا كلاسك لازم تقررى قبل ما تفكرى فى الالوان لان نوعية الصالون وتصميمه يتحكم فيك وبنسألك يعنى انتى تبى تخدميه والا تبى تشرى جاهز .
انا من رأى تشرى جاهز فى هلبه موديلات راقية ولازم تاخدى خامة كويسة لان الصالون لازم يكون فخم
وبالنسبة للعطور والمكياج انى نشوف ان كل وحدة تعرف احتياجاتها
وللضيافة خودى فضة بالنسبة للسفر والمتارد وحاملة الكنيكس و طواسى الشاهى والكيسان خوديهم كرستال وما دابيك حاجة كلاسك يعنى باش ما طيحش موضتها فكيك من الالوان والصرعات الجديدة وان شاء الله ربى يوفقك

امورة خطيبي;11167538:

تعرفي اخلجتيني ياغدو :040::040:صحيتي وربي يعطيك الخير على رحابة صدرك ووسعة بالك وكلمة شكرا انحس فيها شوييييييية مقارنة باللي قدمتيه :087::025:

خير خير
بيسا فى وحدة فى الفويهات انا شخصيا واخذة منها سلايطها نظاف وحاجة راقية واسعارها كويسة بكل اسمها ابريكة او مبروكة الشاعرى بحدا السفارة السودانية الى فى الفويهات
حوشهم فيه محل

نظيفة ورخيصة

بنات معاش رديتوا على عارفة روحى متعبة

بعد خاطرها منو الى سمعت عن الدلكة السودانية وهل يبيعوا فيها

Ghado;11166387:

هيولة: صباح الخيرات يا سمحة...

و الله الصور شافتهم أختي مش عارفة وين من سنتين فاتوا قبل عرسها و نزلت الصور في اللابتوب متاعها .. أمس خذيتهم منها و نزلتهولكم ..

عموماً هي خيطت نفس اللون الوردي و التركواز وحدة غليظة و وحدة خفيفة .. و طلعوا حاجة حلوة هلبة ...

طبعاً جهزتهم قبل العرس ... لانه لفينا و لفينا ملقيناش حاجة حلوة و جاهزة في السوق...

خسارة الحق .. عجبونى هلبا .. بس زى ما قلتى ممكن يتنفدوا .. :072:

الدلكة اتجيك وحدة سودانية واديرلك خلطة لجسكمك
رائي صاحبتى دارتها مافيهش هذكى الفيدة

اميرة الانسات;11166443:


عموما بنات نبى نسالكن من جربت فازلين بزبدة الكاكو ؟؟ شريته وحسيته روعة

والله تصدقى يا اميرة الانسات ليا اسبوع بادية فيه وعجبنى والله كيف بنقولكم عليه


راهو رهييييييييييب ... كل يوم لما ادوشى وخلاص اتنشفى ادهنى جسمك كلللللللللله .. ليا اسبوع توا حسيت بشرتى بدت ناااااااااعمة ..



وسعره 3 دينار يعنى مش حتا غالى :013:

بنات شن رايكن اى احسن فرقة فى بنغازى
وراك تقولن سليمة الفاخرى ولانادية ستار هذينا نونونونو مانحبهن الحق نادية بسليمتها مانعرفهاش لكن سليمة بجوها
نبى وحدة كويسة وما تطلبش كثرة بنات يصفقن ويردن اصلا فى عائلتى مافيش كثرة بنات

هونيده;11166591:
ويامدام هائلة مش ناسيا الزيت والله اندور فية ملقيتة في الصيدليات القريبة لما انحصلة انقولك سامحيني البين علية طلب واجد ...

حبيبتى هونيدة سامحينى .. والله لما عطلتى عليا وصيت عليه من مكان تانى وقريب يوصلنى وهوا فعلا عليه طلب واااااااااااااااجد :072: