™`.¸¸.× تجهيزات عرائس (ليبيا) لشهر صفر 1431-2010 م / الجزء = 7 ×.¸¸.'™

السلام عليكم و رحمة الله و بركاته

مساء الخير عليكم عرايس ليبيا القمرات

أنا أختكم امل من مصر. ربنا يسعدكم و يهنيكم و يتمم لكم اعراسكم على خير يا رب

عندي سؤال و يا ريت اللي تعرف الاجابة ترد عليا على الخاص عشان نحافظ على قوانين الموضوع و اسفة على التطفل

أختنا عروس ليبيا غايبة من يوم 21 يا ريت اللي تعرف عنها اخبار تطمني عليها او لو رقم هاتفها مع اي واحدة فيكم ترسله لي عالخاص عشان اتصل عليها اطمن عليها ربنا يخليكم ضروري جدا لاني قلقانة عليها و ما لقيت غيركم يطمني

اسفة على الازعاج و تمنياتي لكم بكل التوفيق و الصحة و السعادة

amaladel;11205980:
السلام عليكم و رحمة الله و بركاته

مساء الخير عليكم عرايس ليبيا القمرات

أنا أختكم امل من مصر. ربنا يسعدكم و يهنيكم و يتمم لكم اعراسكم على خير يا رب

عندي سؤال و يا ريت اللي تعرف الاجابة ترد عليا على الخاص عشان نحافظ على قوانين الموضوع و اسفة على التطفل

أختنا عروس ليبيا غايبة من يوم 21 يا ريت اللي تعرف عنها اخبار تطمني عليها او لو رقم هاتفها مع اي واحدة فيكم ترسله لي عالخاص عشان اتصل عليها اطمن عليها ربنا يخليكم ضروري جدا لاني قلقانة عليها و ما لقيت غيركم يطمني

اسفة على الازعاج و تمنياتي لكم بكل التوفيق و الصحة و السعادة

هلا اختى مرحب بيك معانا سؤالك عن عروس ليبيا هي غايبه من فتره
لكن اشالله خير هيا تحدد حفل زفافها بعد شهرين ولسه ما خلصتش تجهيزاتها ممكن انشغلت كثير لانو ما توقعت انو يتحدد بي هالوقت القريب

ربي يسعدك ويسعدها

نفس الشى بس عروسة ليبيا ياريتك تفطنى الى كلمة انشاءالله هى اصلا تكتب ان شاء الله مش انشاء الله وسامحينى

بارك الله فيكن يا عرايس الكل اللي سألت عني مشكورة وسامحوني شغلتكم عليا

وكل اللي باركتلي على الفرح مشكورات والعقبه ليكن كلكن ويتحدد عرسكن في اقرب وقت

بيسو الفيلو عجبني جدااااااااا بس انا مانفكر ناخدته توب نبيه خااااااطري في واحد كم طويل زعمه نلاقي ولا هدا في الخيال؟؟؟؟؟؟؟؟؟

بنات اللي شايفه فيلو كم طويل وياريت الكم يكون جوبير تقولي وين والسعر ياريتكم لانه معاش معاي وقت والفيلو دوخني

عروسة ليبيا;11206344:
هلا اختى مرحب بيك معانا سؤالك عن عروس ليبيا هي غايبه من فتره
لكن اشالله خير هيا تحدد حفل زفافها بعد شهرين ولسه ما خلصتش تجهيزاتها ممكن انشغلت كثير لانو ما توقعت انو يتحدد بي هالوقت القريب

ربي يسعدك ويسعدها

جزاكي الله خيرا على ردك عليا حبيبتي و ان شاء الله ربنا يسعدكم و يهنيكم كلكم و يتمم لكم افراحكم على خير

عروس ليبيا;11206563:
بارك الله فيكن يا عرايس الكل اللي سألت عني مشكورة وسامحوني شغلتكم عليا

وكل اللي باركتلي على الفرح مشكورات والعقبه ليكن كلكن ويتحدد عرسكن في اقرب وقت

عود أحمد يا عروستنا و ان شاء الله ربي يحفظك من كل سوء و يتمم فرحك على خير

و أمانة لكل عرايس ليبيا اللي تعدي فيكم على طمينة او قصر أحمد تفتكرني و تسلم لي عليهم و تدعيلي دعوة حلوة :ok:

ربي يهنيك بفلوك يابيسو والله يهبل :ok:تلبسي بالهناء ان شاء الله

عسولات لقيت موضوع حلو ان شاء الله يفيدكم وهو خاص بالاظافر:072: وكل مايتعلق بيهم

ياناعمة اليدين اسمعيني صوت خلخالكي ..

في امان الله

بيسا الفيلو حلو ووبكم شريتيه و الملابس الداخلية احلي تبارك الرحمن و ين مكانه بن سعود بالضبط

محل بن سعود يانرجوسه

في شارع دبي لاصق في حلواني نهر الرضا

نرجس الشرق;11211593:
بيسا الفيلو حلو ووبكم شريتيه و الملابس الداخلية احلي تبارك الرحمن و ين مكانه بن سعود بالضبط

نرجوسه كيف حالك

سؤال المخالفه

رااااااااااااااااااااااااااااااااااااااايقه هل حصلتي محل ديكور حلو ومناسب

امشي شوفي الانامل الذهبيه الي قلنا عليه لك انا وبيسااااا وشوفي شغله



تانيا وين كنتي وووووووووووووووالله شغلتينا عليك نورتي وارجوك طلي فاللمه في امور جديده وحلووووووووووووة


وانا ف الماسنج لو تبي حويجه

بنات فى محل فيلوات حلو بكل هو فى شارع دبى تقريبا فى تركينة مش على الرئيسى فيه طروف حلوات

بنات انا بكرة ان شاء الله كان سخر الله بنمشي لطرابلس اختي شافت فيلو في محلات البيت قالتلي حاجه مش عاديه صح ب4000 شراء مش تاجير لكن مش مشكله لو كان يستاهل ناخده مع ان خواتي يقولولي حرام 4 مرة وحده بس انا نحس اهم شيء الفيلو مع العلم ان بنشريه بروحي مش اهل زوجي باخدوه ليا لانه سبرهم في درنه هكي مايشروش يأجروا للعروستهم بس وانا قتلهم نبيه شراء.

وحتى بناخد فستان الحنه من كشمير حاجه حلوة وتعجب .

اه على فكرة فيلوي اللي جبته من بريطانيا الحمد لله حصلت فيه بيعه لكوافيرة في طرابلس هي صاحبة اختي وشافاته في حوش اختي وقالتلها ناخده ب2200 قلت احسن من حقه لاني بجد كرهته وكنت واخدته وانا ضعيفونه وجسمي رفيع بس توا متاكده لو نلبسه حيبيني سمونية .

ادعولي بنات ربي يسهلي انا زر عليا الوقت ودخت مع الحاجات وخصوصا الفيلو تعبني بنرتاح عليه بكري .


عروسة انا مشيت لبن سعود الاسبوع اللي فات والصراحه ماقصر في المعامله والاسلوب وساعدني في الاختيار وحاجات واجده انا حطيت عيني على واحد بس مش كم وانا زي ماقتلكم نبيه كم لانه بيتزوج معاي سلفي والراجل يبيه كم ونحس في الكم يعطي تميز اكتر .

انا سألته على واحد كم بن سعود قالي مافي مشكله لو تبي نوفرلك قبل شهر بس لما اتصلت بيا اختي حجزت وقلت نمشي نشوف قبل وبعدين نقرر أي احسن .

وبنجيب برضوا صناديق البكلاوة حتى هما اختي لقتهم حاجات حلوة في المهاري وفي سوق الثلاث شافت الشوالات اللي تنحط فيهم الحنه والسواك والعطور والبخور واللوبان قالت حاجات جديده وحلوة نتفرج ونشوف وان شاء الله لو جبت شي نوريه ليكم .

اه عرايس انا تميت المطبخ وخاطري انزل الصور بس والله ماعاد حصلت فرصه سامحوني بجد بديت حتى النوم معاش نرقد من كتر التفكير ونبي ربي يسترني ويتمملي بخير وتجي كل حاجه زي مانبي انا وخواتي خصوصا ان امي متوفيه وحاجات واجد نفكروا فيها بروحنا .

بيساااااااا حاجاتك حلوة وفيلوك مشاء الله ربي يطولك عمر امك وبوك يارب ويجعلهم سند لك طول عمرك .

بيسا بنسألك على طاقم الحمام فخار ولا ابلاستك انا لقيت زيه في البيضاء بس ابلاستك وانا نبيه فخار خديت واحد ابيض ساده فخار بس طرازه ورسمته حلوة حلوة الصراحه .

تبيدي حاجاتك كلها بالهناء بيسا مشاء الله .

معاك حق هنو الدلوعة كلامك عين العقل

مش عارفة حسيت هرجة على بن سعود مع انه فى احسن واجد وحسيته تما مفحرة كل وحدة تشرى منها

على فكرة هو شعبى عام مش زى ماقلتى ياعروسة يعنى الناس كلها تشرى منه بس اكيد مش انا لانى فى راسى سريب واحد اخر

على فكرة بنات بنغازى لقيت فى محل الاسكافى كنادر رررررروغة بس غالى واجد وفيه موديلات زى الى حطتهم غادة

خير ياحبيباتى
اول شى سلام مبرررررررررررررروووووووووووووووك يا بيسا على الفيلو
تعرفى قماشتا مش عادية كلاسيك وفخمة جو مسلسل بريطانى ولا اسبانى قديم انحبا الجو هذا وديزاينا غريب فيه لقطة الحق مميز عجبنى يا بنت زهدتينى فى فيلوى
بس عالعموم انتى طيبة وتستحقى كل خير
ثانى شى سلام حاااااااااااااااااااااااار لحبيبتى عروسة شكرا على سؤالك وتسلمى ياذوق
هنو حبيبتى انحبك يا شينة
طرابلسية لسرتاوى شكرا على السؤال
سؤال المخالفة ماعنديش شن رايكن فى هدية ام العريس ضرورى طاقم وخواتا وحتى العم يهدولا

بخصوص فساتين الزفاف

هنو الدلوعه;11213266:

عرووووووووسة كيف حالك

سلم حالك حبيبتي هلا وغلا

كلامك عين العقل علي بن سعود وفعلا كل حاجاته رووووووعه وتبو الحق مبالغ فيهم اسعاره وبصراحه حرام التبذير عل الفاضي
كلامك سليم 100 100 اهو بدليل اغلب الي شرن فيلوات بعدين يبدن يدورن ف بيعات او ايجار لهن ومحوتك ما يحصلن والكلام يشملني برضو
هههههههههههههههههههه ضحكتيني علي فستان اختك بس اشاعه مش حلوه متاع البحيري لأنه حسب ماوصفتي متاع أختك حلو والبحيري موديلاته شلافطيه الحق وماتعجبنيش

حبوتي اهو هما هظا الي يعرفو الباين والحق فستان اختى برغم الاضاافات كان ناعم جدااا بس زادته شويه بريق وكان شغل رقيق
انا معاك و عندك حق هاني اخر 3 سنوات بدا كله اوفر over وشغله فنتازيا يعني يبالغ بس والله اول ماطلع كان عنده قطع , وفساتين حلوة

وشكلكم ماشاء الله عليكم تحبو تتفننو وديرو لامساتكم والي يعجبني فيك ديمه عندك خيارات وأفكارك ربي يحفظك وخيتي

سلمك هنوشه كلامك فرحني بذات منك لانك ذواقه ورايك تاج عالراس جديات وهي شكلها وراثه ف عيلتنا كلها هالحركات عارفه هايله قريبتي عندنا امها ذواقه هلبا ووكل عماتي يحبو شغل اليد واللف والحركات الاضافيه ويحبو يلبسن خياطه مع انه مقاسهن متوفر وحتى بنوتات العيله ف تربولي كلهن يخيطن فكل مناسبه برغم اجسامهن باربيات مش بطات كيفي

يعني ميوووول شكله عند الناس يبي وسعه بال ومزاج مروق

وعندك مثلا ماماعملي ذوقها ماتحبش تزيد شي حويجه واتيه عالسريع وحزت

وبالنسبه للخياطه راهو حظوظ وانتي حظك تمام الي حصلتي خياطه كويسه ودارتلك الي تبيه

صح يا باشا حظوظ ومع ان فيلويا حلوو وعاجبني لكن برضو لو كان عندي خياررات راح نغير فيه :037: شكلها هوايه عندي عموما اول مره تجيني خياطه صح صح بدقه كان الفيلو

ويابنااااااااااااااااااات ياعرايس صدقوني بن سعود راهو الي زايده الموقع يعني تحصلو في محلات ثانيه وكل بنت تستاهل

هظا اهم شئ الي قلتيه لان المكان وديكور المحل والايجار متاع الموقع يرفعن من اسعار البضاعه اكيد وانا معاك الي عرسه ف الصيف مزال عندها الخيار ادور كويس وتفتش ما تستعجلش وربي يوفقهن كلهن