بناااااااااات البحرين أبيكم

والله انا نظفت بشرتي عند صالون الوزان قرب مسجد الصادق وسعره وا يد زين 15 دينار و هناك موجودين خبيرات للبشرة

أختي emanee_ والله ماعرف صالون للشمع لاني ماحب اشيل بالشمع :)

اختي sweaty90 في صالون يحف الجسم بخيط!! شنو ذي تعذيب مو حفاف ههههههههههههه

مو تعذيب للي يشيلون لها لا .. تعذيب حق اللي بتقعد تشيل وبتجووولع لهالخيط

الداد لها ههههههههههههههههه

لا في صالون ازهار يشيلون بالشيره عادي وبالنسبه عن الالم عادي عني مو وايد

night girl حبيبتي geta لازم تقولين لها انك ما تبين تشيلين الحواجب من قدام لانها ما تقرا افكارج لازم تحددين لها او حتى حق اي وحده ثانيه لازم تقولين لها شتبين

و عن رشنا بصراحه شغل اخترب قبل كان وايد حلو بس الحين روحوا لهم و بتشوفون اللي ينقشون بنات صغار ولا يعرفون شي بس الحنا زين يصبغ

اختي نوره و لله صاجه مافي محل حلو في البحرين المجمعات فوضى و الجو حر و رطوبه و ملل وين الواحد يروح و زوجك ما يحب الكوفي شوبات بعد روحي food garden اللي صوب بديع هذي مجمع صغيرون وهادي شوي و غيره و الله مافي بالي الحين بفكر و برد عليج يالغاليه

وره طرشي لي الرقم

اصايل لا تنسين الرقم

اختي بالنسبه لتنظيف البشره في صالون بروفايل اكثر من رائع عندهم وحده فلبينيه شغلها عجيب

نوره ليش ما تروحون البندر يوم كامل تغيير

مرحبا

وينكم بنات

اتمنى اتردون على سؤالي

وممكن سؤال ثاني

بقيت فرقه او عده تكون اوكي او دي جي

وافكار حلوه حق العرس

عقبالكم

وايد مستانسة عليكم صرنه نستفيد من هاليمعة الحلوة، emanee بخصوص ال DJ آنه يبت يوم عرسي من عند تسجيلات صابرين اللي مع محلهم اللى بالرفاع أهناك الحجز المحل قرب كنتاكي والقهوة الشعبية قبل مجمع عبدالله وله كان شغلهم حلو وآنه طلبت بنات وأرتحت منهم وايد وأسعارهم معقولة.

الأخت نورة .. صدقتي ماعندنه مكان نروحه في البحرين وايد ملل وحر آنه صار لي بعد شهرين متزوجة وماعندنه مكان نروح له، إذا تحبون البحر ليش ماتروحون حوار في الويك أند في الفندق او الشاليهات....

اختي نوره تذكرت في منتجع جديد اللي قرب المحرق اسمه دانه البحرين سمعت انه وايد حلو ليش ما تجربون ليله هناك تغيير ؟:D

وينكم محد يدل صالون العروسة:confused: :confused: :mad:

الأخت أموووووووووونة، صالون العروسة في المحرق مقابل محطة البترول اللي عند محلات تايلوس ومدرسة الإستقلال مجاور لمحمصة الجزيرة.

مشكوووورة اختي

مرحبا بنات
في وحدة سألت عن الحفاف بالشمع
في نفس الصالون اللي قالت عنه اصايل يحفون بالشمع وشغلهم زين
وحتى حفافهم وايد حلو وبالنسبة للحواجب مثل ما قالت اصايل لازم تقولين لها شنو تبين مو تخلينها على راحتها لانها بتطيرهم لج :):)
وفي نفس الصالون في فلبينية تحف بعد وايد زين اسمها راكيل
وبنات بالنسبة للحنايات بليز عطوني اسم وحدة ورقمها بس يكون حناها حلو وايد مو شي تقليدي
اننتظركم ..
في امان الله ..

هلا يا حبيباتي يا حلوات

night girl
مشكوره حبيبتي انا رايحه فرندز من زمان مع انه هادي وراقي بس سبحان الله ما ادري ليش ما حبيته و بيني و بينج انا سمعت عنه كلام مو حلو يعني ان في اشياء مو حلوه تصير

مع اني ما يهني الكلام الصراحه دام انا عارفه انا شنو اسوي ما يهمني الكلام

بس ما ادري ليش ما دخل قلبي فريندز

انا اموت في كاندلز و كازا بلو و ليلوز

بس ابي اماكن ثانيه بعد

و اذا في مطاعم هاديه و بعيده عن الزحمه اي وحده تعرف تقولي عنها بليز

و على الي يسألون عن تنظيف البشره انا جربت بروفايل حلو هو

بس بعد جربت صالون بيتسي مكانه مو سهل يعني لازم اتدعسين في المنامه ما اعرف شلون اوصفه بالضبط بس هو قريب من فنادق اليت اللي على الشارع اللي يوديج صوب النادي الاهلي

و الله ما اعرف ادلي و خاصه هالنطقه انا اتصلت لها و هي دلتني

صراحه مكانهم هااااادي و راقي

هي فيلا و روعه

اول مره رحت لهم كانت روسيه اللي سوت لي و فعلا فعلا روعه

سوت لي تنظيف و بعد مساج كالعاده لكن الشي المختلف انها حطت لي ماسك طين على الظهر و انا حدي حدي دخت ههههههه

بس لما رحت المره الثانيه الروسيه ما كانت موجوده بس الفليبينه اللي هناك اوكي يعني مثل مالت بروفايل

يقولون ان في صالون العز قبل كانت في فلبينيه شاطره بس راحت الحين

ما قط جربتها بس صديقتي تجربها و تقول حلو شغلها

انا انصحج يا تروحين بروفايل او صالون بتسي

اتصلى على بتلكو يعطونج الارقام

و انا بعد ابي اعرف مكان حلو حق الشيره بالمحرق في اماكن زينه بس على الحظ ساعات تلاقين وحده شاطره سااعات وحده تنتف لج جسمج و يبقى شوي شعر

ابي مكان شاطر شاطر في المحرق شوفو لنا و قولو انا

و مشكورات كلكم و الله حبيباتي

بنات شهالزين شهلاحلاة


حلاتكم بنات ديرتي ووووااااايد سنعين وطيبين طالعين على اهلكم اهل البحرين


سمعو

عن فراشات السرير في محل اسمه مركز المنتوجات الصينيه وااايد حلوه فراشاته وهو عند مفروشات بوكنان ومفروشات باقر في ذيك المنطقه

وفي محل يبيع اشجار زينه هم حلوه شغلاته اسمه رفيرا بشارع المعارض

اما عن صالون ازهار وااااااااايد حلو حفافه انه مجربه عندهم وكلا اروح اهناك


وعن الحنايات الي تبي بنيه اتحني بس تقول لي وانه بالخدمه

انزين


شنو تبون انه حاضره
في حواج وايد زين اسمه الجواهري يبيع شغلات زينه وعنده حق كل الامراض وكل الاعشاب واعتقد يمكن اتحصلون عنده زيت ام الجدايل يمكن

اي نسيت

طلبتكم تدلوني على محل يصبغ الشعر ويكون مضمون صبغته ابي لونه مثل الاشقر الفاتح الي الحين موضته البيج

ابي صالون مضمون لاني عجزت وانه ادور في هالصالونات وما حصلت هاللون

وابي اسم مخبز زين حق اكل الحفلات الاعراس لان عرسي قرب وابي مخبز محترم اكله


ابي محل زين يبيع عطورات ومكياج اصلي ماركات غير الحواج لان اسعاره نار مكياج يكون راقي وين احصل محل زينه اسعاره ومنتوجاته زينه


ادري كثرت الطلبات بس تكفون لاتردوني مكسورة الخاطر


اخر طلب ابي اسم صايغ ايبيع ذهب حلو صياغته وشغلاته حلوة ومش تقليديه بعد اتعرفون العروس لازم تجهز من الذهب حق الكشخه الزينه


الي تعرف الاشياء الي طلبتها بكون ممنونه لها وبدعي لها على طول

بنات ليش ما انخلي المشرفات يثبتون الموضوع اي على فكره المطعم جنغل لاند وااايد حلو اكله والمكان مميز هو في مارينا مول



يالله انتظر ردودكم على طلباتي واي سؤال وطلب انه حاضره ومستعده

سلملم

اختي ايوت
تبين صايغ حلو و سعره محترم عندج مجوهرات الزين و المديفع اما اذا تبين احلى و احلى عندج الشيراتون كل المحلات الراقيه عنده

بالنسبه حق الصبغ عندج الريجنسي روحي عند نهاد شاطره في الصبغ هي اي لون تبين هي تصبغ لج

بالنسبه حق المخبز ما اعرف بصراحه

بس حق العروس عندج ليلو اكله راقي و حلو بس يعتمد على ميزانيتج

عنده انواع و اشكال من الحلوبات و الموالح فناااتق

و هذا اللي في بالي الحين

:cool:

قصيت عليكم هذا مو اخر طلب



الي تعرف صالون يسوي مساج وتنظيف الجسم بالاعشاب وبالحمام المغربي تدلني عليه بسرعه

مشكوره عزيزتي على ردج السريع بس انه سمعت عن الريجنسي تعرفين اتسعاره كم

او اذا عندج صالون ثاني هم حلو صبغاته لا تبخلين علي

وعن الصايغ الشيراتون وين يصير هو ويا المديفع ويا الزين ؟؟؟ وين مكانهم

واذا اسعارهم مناسبه لو لا

مشكوره حبيبتي يا ريت البنات هم يساعدوني

اتمنى احصل على كل طلباتي ادري اني طماعه بس اعرف اهل ديرتي كريمين واحنا بعد نستاهل

ثانكس

ايوت شسمها الحنايه ورقمها

انا عندي فكره غير تثبيت الموضوع ليش ما يحطون من ضمن العناوين الرئيسيه منتدى بنات الخليج وبعدين تحته يجي بنات البحرين , الامارات , السعوديه الخ
شرايكم ;)