بناااااااااات البحرين أبيكم

نسيم البرايح

ويين بالضبببببط وصفي اكثر عمري
وبجم تبييييييييعهم

صباااح الخيرررر على احلى بحرينيات

رانيا هذا هو المحل اللي اقصده شيلاااته وايد حلوة وما تحصلين منها يعني مو منتشرة وايد بس عيبها انها تنكمش بعد الغسال يعني شويه تقصر مو وايد بس اشكالها غريبة

المحل بالضبط

مدرسة عبدالرحمن الناصر مقابله مسجد ومجلس البنعلي لفي يسار كانك بتروحين مركز الشرطة بس هو المحل على ايدك اليمين عليه مظله زرقه عندها بعد قمصان نوم من كويت للبيت بس موديلاتهم غريبة الشيلات والقمصان على 3 ونص وعندها ملابس داخلية بعد حلوووة

ارجوا اني وضحت

شابات اللي حصل الزيت الفلبيني يقول جننوني هالمنتدى

بنات انا مو من البحرين بس كنت عايشة هناك لفترة وحبيت البحرين واهل البحرين..والصراحة لما قريت موضوعكم عورني قلبي وودي ارجع البحرين وادرس في جامعتها واشتري الشيل الحلوة واقص شعري عند ريجنسي..
يالله بس الصراحة انا استفدت منكم وايد وان شاء الله بوصي على الشيل اللي قلتوا عنها وياريت توضحون لي اكثر قصات العبايات الجديدة عشان اوصي عليها..عموما حبيت اضيف بالنسبة للشراشف احلى شي محل بداية اللي في مجمع يتيم..
وبالنسبة للدكتورة سميرة المتروك كنت اتعالج عندها ومانفعتني للاسف:mad:
وبالنسبة للي قالت عن صالون الرونق واللي تقص اللي اسمها وحيدة الصراحة قصتتها لي كانت حلوة وايد والمرة شاطرة..
حبيت ايدكم..اشتقت لكم وايد يابنات البحرين:confused:

والله فرحتوني يعني في ناس وايد يدور في بالهم مثل اللي يدور في بالي


زين وانا بعد بحرينية يا بناتالبحريييييييييييييييين


ومشكورة اختي الحلوة

:clap::clap::clap:

يااااااااي وناسه مو قادره اتصور انه صار لنا ركن اهني بروحنا بنات ديرتي والله وناااسه صج :D2
ويسلمو نسيم البرايح على الفكره الخطيره هاذي والبادرة الطيبه :cool2:

خصوصا بنات البحرين ما شاء الله عليهم كلهم طيوبين ويحبون المساعدة

وانا بحرينية مثلكم واتمنى اني استفيد من الطرح الجيد هذا باذن الله

لفت نظري اختي ام ياسمينا اقولها فديتج وكل بنات البحرين مشتاقين لج وانشاء الله اتزورينا عن قريب باذن الله .

تحياتي لكم
نور العاشقين

هاي بنات البحرين



ممكن اعرف محل يبيع مزيلات عرق طبيه وتكون واااااايد اوكي ...اتعرفون جونا الحلو........



وشنو احسن مكان يبيع ثياب بنوتات حلوه واسعارها اوكي.



وشنو احسن مطعم رحتوه ........



وبغيت اسم دفة راس اوكي .........




وفي شنط تقليد ماركات وين احصلها




وآخر شي بغيت اعرف محل يبيع ملابس نوم للدبدوبااااااااات........




وشكرا:o

احسن محل مزيلات ---->بدي شوب تلاقينه في سوق بكواره
احسن مكان ثياب بنوتات -----> مادري
احسن مطعم-----> يميم تري في سند فيه اصناف متنوعه وخدمات سريعه ومكان واسع والباركات متوفره.. والصراصير بعد متوفره.. بس صدق صدق صدق اذا انتي من النوع اللي تحبين السمك خبرج عندنا في البحرين الحب الأول والأخير للسمك وبس.. روحي لهنغري فشر مان بتلاقينه في شارع العدليه
دفة راس .. شنط تقليد..ملابس نوم--> مادري وين

بنات سمعتو عن ناريس؟ اللي تسوي تسريحات وميكب
بصراحه.. احلى تسريحات شفتها في حياتي كانت على يدها
من سمعت عنها؟

الأخت أم ياسمينا .. مشكورة على مشاعرك الطيبة وإنشاء الله نشوفك عما قريب في البحرين، والله فرحني كلامك.


بنات تبون أحسن مطعم Sea Food في البحرين مطعم Waves في الكراون بلازا (الهوليدي أن سابقاً) المدخل من برع ، أطباقه حلوة تختارون السمك من طاولة العرض ثم يطبخونه لكم والأسعار وايد معقولة أحسن من وايد محلات مو كأنه مطعم في فندق بس للأسف فيه شرب وهاذي الكريهه في السالفة.، وعندكم مطعم مامية إيطالي في الرفاع هو صج صغير بس أكله روعة.

:clap:

ما شاء الله عليكم وعيني عليكم باردة صج انكم بردتوا قلبي ... بنات اللي تسأل عن قمصان نوم في محل سناء اللي بجيان منزل حلوين واسعارهم زينة ... عندكم إيتام في جيان مسوي 50% تخفيض اشغاله روووووووعه
اذا تعرفون محلات غير خبروني

:eek2: والله من الأناسة مو عارفه شا اكتب

سؤال: انا شفت في بيت وحدة اعرفها برواز (اطار) حاطه فيه صورة زواجها بس الإطار روووعه هو بسيط مربع وأطرافه دنجل مال لول ومخيط بحبل وجزء منه طالع خيشه يا الله من يحل اللغز :up:

وين احصله ؟؟؟؟ واللي بتدلني لها بووووووووووسه من نسيم البرايح بس تدلني بيتهم:D2

نسيت أسألكم عن المنتوجات الأندونيسية ؟؟؟ ليكون ما عندنا في البحرين وعن النسوان اللي يسوون هالخلطات مثل أم خليفة وأم محمد بالسعودية احنا وين نسوانه :D2 أكيد ذبحهم الحررررررررر والرطوبة واختربت كريماتهم



اللي عنده خبر ينشر خلنا نتلاحق عمرنا حر و أزواج و رطوبة الله يعينه :D2

اختي ام ياسمينا انتي اخت عزيزه و غاليه فديتج و انشاء الله تجينا مو زياره الا تقيمين عندنا على طول


و اما عن مزيل عرق وايد زين اخذي من عند بودي شوب او ماركس اند سبنسر وايد زين

ثياب حق بنوتات صغار السيف ما يقصر bhs ,zara وايد محلات غيرهم

قمصان نوم للدبدوبات و غير الدبدوبات ماركس اند سبنسر عنده روعه حتى ملابسه الداخليه تجنن

احلى مطعم ابل بيز جديد اول ما تدخلي باركات مجمع البحرين بيكون على يدج اليمين هو ايطالي و اكله شغل محترم و عجيب
و مطعم هنغري فشر مان كان اكله روعه بس بعد فتره رحت و اكله ما عجبني تغير وايد

دفه راس و الله الوالده تبلس حرير رزه وايد :) بس بسألها و اخبركم من وين

شنط تقليد ما انصحج تاخذين من البحرين لان تقليدهم وايد cheap و مو درجه اولى يعني يبين انه تقليد ما ينفع

اما عن ناريس بصراحه ما سمعت عنها انا ولا مره شفت احلى من تسريحات وحيده و اذا رحتي للحفله لازم احد يسألج وين مسويه شعرج من حلاته
:)

اما النتجات الاندونيسيه و الخلطات و الله ما اعرف عنهم شي جن ساعدتج اختي نسيم

رجعت لكم عقب ما سألت امي عن الدفه قالت لي من دنيا الاناقه حرير طبيعي و هو يفصله لكم

:)

اي والله ناريس انا سمعت عنهاا وسوويت بعد عندهااا بصرراحة وااايد حلووة شغل عدل والله يعطيها الف عافية


وتحياتي:)

اشكرك اختى نسيم البرايح
على طرح الموضوع
وايد عجبنى التفاعل من قبل العضوات البحرينيات
وانا هم وحده من البحرين اتمنى افيد واستفيد
وتحياتى




ام النور :) :D :)

بنات عندي استفسار انشالله تجاوبون عليه

شنو نحط في الشعر بعد الاستشوار علشان ما يخترب
او بعد الاستشوار؟؟؟
انا عندي كريم بعد الاستشوار من ويلا بس ما ادري يمكن فيه احسن منه
وعندي رش
ومن وين نشتري المستحضرات؟؟؟
ومشكورين يا بنات البحرين:clap::clap:

مشكورين ما قصرتوا



وننتظر المزيد من المشاركات



اختي اصايل المطعم الي ذكرتيه ابل بيز شنو الاكلات الي عنده بس ايطاليه و شنو اسعاره؟؟؟؟؟؟؟

اختي عروس الحياه اللي يحطونه قبل الاستشوار او بعده في منه عنده اسامي و انواع و افضل انك تروحين مؤسسه نزيه او صبايا في منطقه الحوره قريب من اشرف لان عندهم كل مستلزمات الشعر و الصالونات ياخذون من عندهم و راح تلقين اللي تبغينه و اكثر بس اذا ما تقدرين تروحين لهم روحي لاقرب صيدليه وسأليهم عن freez هذا تقدرين تحطينه على شعرك و هو رطب قبل الاستشوار او بعد ما تستشورينه و انا بصراحه احطه قبل و اذا كان شعرج من النوع اللي يكش وايد مع الرطوبه و الحر حطيه قبل و بعد بس ينحط بكميه قليله لان بيصير الشعر مدهن
:cool2::cool2: و انشاء الله افدتج

بحرينيه 78 حبيبتي ابل بيز اكله وايد روعه عنده اطباق ايطاليه لذيذه وايد انا بصراحه رحت مطاعم ايطاليه بس هذي اكله احلى منهم عنده باستا و عنده ستيكات بأنواعها و سندويشات بعد هذا غير المقبلات و الحلويات الحلوه و بعد عنده انواع عصاير تجنن و اسعار وجباته في حدود 2.800 و في 3 و زود و في اكثر هذا طبعا غير سعرالمشروب و المشروبات الغازيه ريفيل يعني تشربي قد ما تبين :) بس اكلهم يشبع يعني وايد و تدرون صار خاطري الحين في اكله يممممممممم :p و اللي بتروح تقول لي خل اروح معاها اونسها و اشجعها على الاكل ;):up::up::shy:

وأنا بعد وياكم يا بنات البحرين والله منورين كلكم وحلو الموضوع نتشارك في الخبرات..

هدى النور

بييه يوعتوني يوم يبتو طاري الاكل ههههههه

اللي يسمع عاد انا اكل ههههههههه

اللي بتروح لا تاخذني معاها تره ما اشجع

و على فكره ابل بيز حلو يعني بس مو ايطالي هو

هو من النوع الامريكي يعني نفس تشيليز و بنيجان

في كل انواع الاكلات و الحلويات و المشروبات اللي تبينها

و اسعاره حلوه يعني

بنات انا ابي اسألكم عن كافيهات رومانسيه و حلوه :o

انا احب هالاماكن البعيده ما احب الزحمه

اللي تعرف هالاماكن خل تقولنا نستفيد

انا اعرف ليلوز و كاندلز و كازا بلو و البارح بس صار قديم و كابتينو كافيه و ايزيز

بس ابي اماكن بنفس المستوى بس يديده

و اللي تكون عاده في العدليه او ام الحصم

حتى اذا تعرفون مطاعم نفس الشي

بس اهم شي الهدوء و الرومانسيه

تعبت من الزحمه و الشباب

لاعت جبدي من المجمعات هههههههههه

ابي رومانسيه و هدوء و رقه و ستاااايل