بناااااااااات البحرين أبيكم

بنات البحرين ...تحياتي لكم كلكم ..وحده..وحده..وعندي سؤال اتمنى تردون عليه..سمعت أن عندكم في الصالونات ايسون ريلكس للشعر ..ويصير حلو وايد..سؤالي..هل هو نفس التمليس؟!!! أو انه شي ثاني؟ أنا شعري نعومته عاديه يعني النعومه الطبيعيه فهل ينفعني الريلكس؟.. انتظر جوابكم ..للأني بزور البحرين الأسبوع الياي ..ونسيت أقول ..إذا يسون ..في أي صالون؟؟ وآسفه للإطاله ..وعاشت لناالبحرين..وعاشوا أهلها.

والله انا مستانسة حدة :D

يعني هالكثر البحرينيات متعواونات



انا بعد ابي اعرف عن اسعار الليزر

وبكم الجلسة

وكنت ابي اسأل عن مكان الوحدة ممكن تروحة مع زوجها يعني غير امجمعات
لأن زوجي ما يحب الزحمة


ادري طولت عليكم بس من الفرحة أن في بحرينيات بيردون عليّ


وووووووووواي شي ترى راسلوني على الخاص

وشكرا لكم كلكم

هلا مرحبا اختي ام شواخ أسمحيلي أرد عليج ..الريلاكس غير التمليس الريلاكس عبارة عن فيتامينات ومقويات للشعر وتنفع الشعر الناعم او متوسط النعومة..التمليس يكون أقوى وتنفع الشعر الخشن فأذا كان شعرج متوسط النعومة او ناعم أنصحج بالريلاكس وفي البحرين وايد صالونات تسوي هالاشياء وغالبيتهم ما شاء الله يسوون شغل حلو..انا عن نفسي أسويه في صالون آن بس ممكن البنات يفيدونج بالصالونات اكثر مني بعد

مع تحياتي

تسلمين حبيبتي ...هدى النور ..مشكوره على الرد و ماقصرتي ..بس وين مكانه هذا الصالون؟

هلا وغلا بأحلى بنات على فكره انا بعد بحرينيه ومعاكم في هالمواضيع الحلوه وانشاءالله نفيد ونستفيد
واول شي بسألكم من تعرف حفافه زينه وعلى مستوى;)

آآآآآآآآآآآآه نسيت اقول لكم ناريس فعلا شغلهم وايد حلووو وفي وحده من الخوات قالت عن وحده تسوي مكياج وايد حلو ياريت ترسل لي اسمها وعنوانها

هلا حبيبتي أم شواخ..هذا الصالون مكانة في مدينة عيسى بمجمع مدينة عيسى..ان شاء الله قدرت أفيدج

مع تحياتي

سمعوا عاد انه زعلانه منكم وايد وايد :( :(
ليش محد عبرني :mad:

مرحبا بنات ديرتي ..
نشكر الاخت نسيم البرايح على انها جمعتنا علشان نفيد ونستفيد ..
بالنسبه حق الاخت عروس الحياه فيه مستحضر اسمه (سيريوم) يوضع بعد الاستشوار وبعد يعالج تقصف الشعر ويمكن بعد تستخدمينه والشعر مبلول جربيه وااااايد زين . يبيعونه في جيان او الصيدليات .

اما عن الاخوات اللي يسئلون عن قص الشعر في وحده تقص الشعر وايد زين اسمها منى في صالون اصيله في الرفاع .


في وحده من الاخوات قالت عن وحده تحط المكياج وايد حلو ياريت تقول لنا عنها ؟

هلاااااا ببنات ديرتي


بخصوص الحفافة أنا اتعامل وأحب صالون العروسة بالمحرق حتى ان صديقاتي يوم جافوني صاروا يجيون لها من الرفاع ومن مدينة حمد أنصحك بها اول وحدة هندية طويلة وضعيفة بس ترا وايد زحمة عندهم


الريلاكس اختي مسويته في الريجنسي بس واااااايد حلوووووووووو ومضمون

حبيباتي ... البحرينيات ... اشلونكم ...:shy:

يمكن أكون متطفلة عليكم ... لأني من دبي وانتو من البحرين .. بس فيني عرج بحريني وماقدرت ماأدخل عليكم واسولف وياكم .. لأن
( أمي بحرينية ) ... وأنا أحب البحرين وأهلها ...
وأتردد بين كل فترة والثانية على البحرين .. وواايد إطرشون لنا أغراض وأشياء من البحرين ... فأنا أحب البحرين وأغراضها والشغلات اللي فيها ... مع إن انتو إتحبون الأشياء اللي في دبي !!!!!!!!!!!!!!!
المهم مابطول عليكم ... لأن عندنا مناسبة زواج بنت خالي .. وطبعاً في البحرين ... فحبيت أعرف أحسن مكا ن ... أو ... أحسن وحدة ... للشعر و المكياج ..............
أصايل ...... انت قلتي في وحدة اتحط مكياج فظيع ياريت اتخبريني منو إهيه ... وكم رقمها ... وأسعارها ...
وبالنسبة لناريس ... شوهذا صالون .. ولا وحدة اسمها ناريس ... ياريت اتخبروني بالتفصيل ... لأن المناسبة اللي عندي في نص شهر سبتمبر ... يعني مستعيلة ... مافي وقت .... وأتمنى إنكم تخدموني ..وسلامتكم .:shy:

هلا اخواتي


شكرا على كل من الردود والمساعدة وبالنسبة للمستحضر (سيريوم) هو زين يعني اذا سشورت شعري ما يخترب بعدين ويظل فترة طويلة ؟؟؟

واي احسن بنظركم freezولا (سيريوم) ومشكورين خواتي على المساعدة:clap:

اسفه اخواتي طولت عليكم بس كان الجهاز عطلان :( المهم انا برسل رقم اللي تمكيج لاخواتي اللي طلبوه على الخاص

اما عن كوفي شوب هادئ بصراحه الاسماء اللي ذكرتيهم اختي sambosa
ليلوز و كازا بلو سامحيني بس بصراحه سمعتهم مو زينه :( في كوفي شوب اسمه الفرندا هادئ جدا و انارته و قعدته رومانسيه و في قسم للعائلات و هذا في العدليه بعد

السلام عليكم
اختي ام شواخ نصيحه من قلبي اذا تبين تسوي ريلاكس اختاري صالون مجرب ويعطونش ضمان.. الريلاكس وااايد خطير واخطر من التمليس.. لين خرب شعرش مالش الا تقصينه بوي وبتم يطيح ويطيح لش لين ما تصيرين صلعه.. بنت عمتي سوته في صالون لطيفه مسكينه صاحت على شعرها اسبوع كامل وبعدين قصته من قريب ركبتها لي رقبتها.

اختي المها.. شكرن على شعورش اللطيف.. انا بعد يدتي وخواتها اماراتيات وحلوين مررررره.. بس ما يشترون شي من البحرين يقولون وايد cheap .
بالنسبه لناريس هذي بنت تسوي الشعر في بيتهم.. يعني اذا تبينها روحي لها البيت بس اتصلي لها قبل باسبوع احجزي موعد لأن على طول زحمة.. ماشاء الله عليها يدها خفيفه على الشعر وما تقصفه ولاتطيحه مثل باقي الصالونات.
والمكياج والحمام المغربي اللي تبي مافي احسن من صالون الأميره.. يجهزون عارضات الأزياء والممثلات.. وايد عجيب بس التسريحات مو حلوة.

بنات ما تعرفون لي وين احصل الزيت الفلبيني مال التقشير هذا؟

يعني شمعنة اني محد يرد عليّ


يعني ليش والله بصيح:confused:

ليش ليش:confused:

السلام عليكم يا نسيم البرايح

بغيت اسالئك وين موجود باالضبط صالون العروسة في وسط سوق المحرق ولا بعيد عنا واجد

مرحباااااا حبيباتي البحرينيات والنعم والسبعة أنعاااام

ماتدرون شلون الفرحه مو سايعتني وآنه أقرأ الاشياء الموجوده في البحرين والتواصل بين أعضاء المنتدى >>>> وااااااااااااااااااااي

مستانسسسسسسسسسسسسسسسسه واااااااااااااااااااااااااايد

على العموم انشاء الله تفيدوا وتستفيدوا ياااااااارب

انزين بغيتكم بخدمه انشاء الله ماتردوني ابي اعرف وين أحسن مكان للحلاوه ، لأني مليت من كثر مااروح الصالونات اللي تنتف جلدي ومايعرفون يشيلون زين واذا ممكن تقولون لي اسعارهم بعد وفي وين بالضبط

وشاكره لكم تواصلكم

ومسامحه على الاطاله !!!!!ّ

هاي بعد انه من البحرين والفكره روعه واذا
تبون اي شي ترى انه حاضرره لكم واختي
نسيم البرايح تسلملي هالفكره الحلوه الي
طالعه عليييييج ومشكورررره
بيبااااااااااااااااااي

مرحبا
عرسي جريب
وابي اسم صالون اوكي حق التسريحات والمكياج
وممكن صالون زين حق الشمع