بناااااااااات البحرين أبيكم

ايوت مشكوره وصلني الرقم وعلى فكره في دي جي الانوار وايد حلو
بالنسبه للحمام المغربي انا ما قط سويت بس اسمع عن صالون عروس البحرين يقولون زين
اما بخصوص فساتين السهره فعلا في السعوديه واي احلى وارخص بس في محل ليدي ميلانو ييبون حلو

هلا اختي مراحب ويا مراحب بج في محل في مدينه حمد سوق واقف يبيع جلابيات حلوه اسمه اماسي وبالنسبه لجلابيات البيت في شيتل في سوق المحرق واي استفسار انا حاضره

campoocha سعر التنظيف 15 دينار والكريمات الى تستخدمها كلها ماركات

ميمي صالون كنوز في عالي تقريبا
وبالنسبة حق فساتين السهرة في محلات وايد بس انا من كم يوم رحت لبس اللي في سوق الرفاع منزل اشياء حلوة وراقية بس عاد حق العصاقل يعني اذا منفوخة ما يدشون عليج :):)

:y_hi:

صج الأخت(((shujoon)))

:shy:
ابي اعرف وين هذا وين بالضبط هذا(( البس )) لأن اسمع عنه ولكن ولا مرة رحتة ياريت دلوني لأن ودي اروحة


تسوين فيني خير لو تدليني علية بالتفصيل الممل :z_thanks:

وصالون كنوز اللي في عالي اسمع يقولون في سشورا تمام واسعارة اوكي والفير بعد بس انا ما جربت عندهم إلا سشوار وانا شعري يعني نص ضهري وسونه لي 4 دينار زين لا:clap:

يعطيك العافية اختي نسيم البرايح على الموضوع الحلو
اللي الصراحة بالنسبة لبنات البحرين صار لنا برنامج يضيع وقت فراغنا


الصراحة بغيت اسأل البنات اذا وحده منهم جربت خلطة المملكة اللي من ام محمد اللي في سعوديه تقولولي عن تجربتها
لان انا طلبت ووصلت لي الخلطه بس خايفة استخدمها
ياريت تفيدوني


وتحياتي لكم bro0og
;)

الف شكر لج حبيبتي نورة ويعطيج الف عافيه

هاي بنات


ممكن اعرف احسن دكتوره للحمل والولاده؟؟؟؟؟؟؟؟؟؟؟؟


وشنو احسن مستشفى للولاده؟؟؟؟؟؟؟؟


وشكرا

مرحباااااااااا بنات

اصايل...ممكن رقم ايفا و وين محلها.

اموووووونة...بخصوص البجامات لاسنزا اللي بالسيف عنده بجامات حلوه وعندهم تخفيض روحي بسرعه قبل لا يخلص التخفيض... :D

نسيم البرايح...سلامات ومايشوف شرويعطيج العافيه

ايوت...في شيره اسمها ميم وايد زينه

مراحب2000...بجامات لاسنزا وايد حلوه وهذي المحل موجود بالسيف وموجود بالسعوديه
وبسوق سويكت في بجامات وجلابيات وايد حلوه والجلابيات عندكم احلى وارخص عنا

Campoocha...ممكن رقم الحنايات واللي تمكيج ;)
وعن الصبغ انصحج بالرجنسي

صبحكم الله بالخير ،،، بصراحة ما اقدر اوصف فرحتي بشوفة تواصلكم ،،، يا زين بناااااااات البحرين

على العموم انا طلبت تثبيت الموضوع


اللي تسأل عن الحلاوة أنا استعمل الحسناء أو الجزيرة بس الأخيرة أحسن ما تيبس

صالون جوليانا اللي تسوي حلاوة في هندية وفي بحرينية بس انا آخذ الهندية المتينة صج راعية ذمة تدور لج شعرة شعرة بس لا تخافون من جسمها

رانيا البحرينية اشوفك تدلين كل المحلات بالمحرق ،، أنا اصلي محرقية بس توني من 6 شهور شريت بيت جديد في عراد


حياكم بنات البحرين تعالوا لي على غذا ،،، اش رايكم ،،، انت وعيالكم


بنات سؤال شوي محرج : تعرفون رجال زين يبي يعرس عندي خوووووش بنت بس ما لها حظ كل ما تقدم لها احد ما تتوفق اللي عنده يراسلني على الخاص


ترى أنا مو خطابة :D2

Emanee وين بالضبط لاسنزا اللي في الخبر؟ لأن منبطة جبدي من لاسنزا البحرين كل شي ماعندهم وكله مايعرفونه وماقط سمعوا عنه...


بحرينية 78.. مادري شو قصدتي بدكتورة نساء ولادة؟ هل للمعالجة عن الحمل أو متابعة المرأة فترة الحمل؟ بس عندج دكتورة وايد زينة آسمع عنها
أسمها د. صباح أمل بيغ في مركز البحرين لخدمات أمراض النساء والولادة والعقم، عندي قريبة دورتها مو منتظمة وصار لها سنتيت ماحملت وقبل شهرين حملت بفضل الله ثم بفضل علاجها وايد يروحون لها ، بس حق ولادة عندج أبن النفيس بنات شغلنه مايولدون إلا هناك..

نسيم البرايح.. هلا ببنت المحرق مشكورة على العزيمة ترى آنه قريبة منج أي وقت بتسمعين الجرس ترى آنه زايرتج،

بنات المخبز اللي قلتوا عنه في جدحفص هل أسمه المنار ؟ وين بالضبط لأني مادل المنطقة هناك عدل.

اللللللللي اصايل حلو العرس اللي مسويته لنا ونااااسه ناقصنا ديجي بس هههههههه وطبعا بوفيه اهم شي

اي والله صدقتي انها برامج ترفع الضغط يعني الواحد اذا ياته دوره بدال مايعطونه حلاوه يفتحون له قناة البحرين عدل :D :D :D

وبالنسبه حق اصيله يالله انا مستعده اشترك معاج هالشهر اشراااايج ;)

هلا والله اختي مراحب 2000 وحياج الله في البحرين .. اعتقد ان البنات ماقصرو وماعندي شي اضيفه بس بقولج اذا رحتي البوكواره في محل حق الجلابيات اسمه نهر الفنون وااايد حلوين وراعيت المحل اتييب بضاعتها من الهند بس على فكره مو جلابيات بيت ... :cool2:

هلا هلا عسوووله صباح الخير :D2


هلا اختي campoocha شوفي حبيبتي اذا ويهج نظيف لاتجاكمين بعمرج نصييييييحه وحمدي ربج على النعمه :shy:


meme22 فندق الخليج مب خلط؟؟ :eek2:


اختي bro0og شنو هذي خلطة المملكة حق شنو؟ اول مره اسمع فيها ..


بحرينية 78 انصحج في التخصصي مال الزيانيه احدث مستشفى ووايد كشخه :up:

نسيم البرايح ذبحتينييييييي من الضحك على سالفت الخطبه اشوف الموضوع انقلب ميلس نسوان وسوالف بس تبين الصج ولد خالتي يدور وحده هااا اشرايج نجمع راسين بالحلال؟ :up::D2

راينا البحرينيه تره لاسنزا بالسعوديه في كل مكان في كل مجمع تلاقين واحد وصاجه تره اغراضهم غير عن اللي عندنا واذا كنتي تقصدين النكهات وهالسوالف انصحج لاتاخذين انا شريت من عندهم وطعمه اييب الوهيه في اللسان (انشالله فهمتي قصدي عاد ) ههههه :o

وبالنسبه حق المخبز اي اسمه المنار او مكانه اممم لحظه بتصل حق امي بسألها ههههههه ...... تقولج امي اول مادشين جد حفص من صوب الدولي امشي سيده بتلاقينه على يسارج.. تره اعلانه كبير ويبين من بعيد :smile:

نوره لا مب خلط في جيم خاص حق الليديز

bro0og ما سمعت عن هالخلطه ما اقدر افتي

بغيت اسألكم ما تعرفون اماكن تبيع فساتين سهره حلوه لليهال

نورة تعاااالي وين ولد خالتج ييبيه تراها خووش بنت لا تفوته بنت أياويد وجامعية وتشتغل بس قول لي هو وين يشتغل يعني حليووووو



:D2:D2:D2 صج مت من الضحك انبطحت على المكتب من سالفة النكهات اللي يابت الوهيه حق زوجك الله يعينه من قال له يعيل :D2 اشوه اللي ما شريت منه جان ورا حلج زوجي هههههه


بنات يوزوا عن الزياينة احممممممممممممم خصوصا التخصصي تراني منهم وفيهم لا تغلطون

نوره يالله عزمنا على اصيله :yes:


campoocha
انا بعد اقولج لا تجازفين لان اعرف وحده وجهها ناعم و سوت تنظيف و الله الحين تشتكي من كثر الحرار اللي طلع لها بسبه التنظيف الله يعينها و مثل ما قالت اختي نوره حمدي ربج على النعمه :angry: :angry: كأني عصبت ما عندي سالفه (r)

bro0og :no: والله ما قط جربت هالخلطه انشاء الله البنات يفيدونج

راينا البحرينيه لاسنزا اللي في السعوديه شغالته وايد احلى و توني شاريه من عنده انا رحت فرعه اللي في الراشد و بتلقينه قريب من النافوره اللي تتنطط مو العوده لا الثانيه بيكون مقابل محل مونسون انشاء الله عرفت اوصف شكلي طلعتج من بوابه الراشد :think: ولا يفوتج عنده تخفيضااات 50% (r) و رحت بعد اللي في البحرين ولا عنده شي كله لوعه :sad:

على فكره الاخت الي سألت عن دكتوره النساء والولاده في دكتوره اسمها عفاف الشافعي وايد شاطره

اصايل ونسيم انشاء الله تعزمونا جريب على العرس :clap::clap: ودام ان انفتحت هالسيره انا بعد بطلب منكم طلب :o بنت خالي مسكينه حايسه تدور شغل مو محصله :cry: :cry: حتى نفسيتها اعتفست وصارت حالتها حاله :mad2: الي تسمع منكم ان في مكان طالبين موظفين يا ريت اتقول لي:up:

meme22 مونسون عنده اشياء وايد حلوه فساتين ناعمه للبنوتات و حتى حق ام البنوتات



و يارب يوفق بنت خالك و تلقى وظيفه انشاء الله و البنات ما بيقصرون معاج انشاء الله يساعدونج