مسلمة موحدة;10888976:
انا هجاوبك بإذن الله على اللي اعرفه
انا مبحبش أكل الخيار والخس لوحدهم باكلهم في الغالب مع السلطة والخضار عشان كده مبجسش بطعمهم أوي وعموماً هنا في مصر الخضار والخضرة مرشوشين ومعرفش الحاجه الأورجنيك فعلاً أورجنيك ولا زي الباقي لاني مبحسش بفرق كبير لما اكل من ده أو ده
بالنسبة للجبنة القريش هاتيها من كارفور وفي نوع منها اسمه إخوان البطة طعمها رائع فعلاً
جزاكى الله خيرا يا مسلمة
يعنى ان شاء الله الاقى جبنة اخوان البطة دى فى السوبر ماركت العاديه اصلى انا مش من القاهرة
N0rma;10889115:
نور انتى مشكلتك زىى
انا بردو بعشق الرز والعيش بحبهم اكتر من نفسي:lol: وانتى كمان نفس وزنى قبل مااخس بس انتى اطول
انا اوزعه انا 165 انا هاكتبلكم نظام الدايت اللى الدكتوره ادتهولى
طيب كويس لقيت حد زى:D بيحبهم
وهى 165 الايام دى اوزعة :)دا الطول المثالى انا اللى طويلة
N0rma;10889141:
وجبة الفطور
ربع رغيف بلدى+4معالق فول بدون زيت او سمن
او
ربع رغيف بلدى+بيضه مسلوقه
او
ربع رغيف بلدى+قطعة جلن قريش(50جرام)
او
2ثمرة فاكهه وامسموح بيها من الفواكهه هى(تفاح-برتقال-كمترى-كانتالوب-برقوق-يوستفندى-جوافه-موز)
+
كوب شاى(بمعلقة سكر واحده او شاى بحليب من غير سكر
ملحوظه
مسموح بتناول 2معلقة سكر يوميا او عسل نحل
وجبة الغداء
أ-النشويات
ربع رغيف بلدى
او
3ملاعق رز
او
3معالق مكرونه
(المعكرونه والارز من اللى بتطبخوه عادى فى البيت مالهوش طريقه طبيخ معينه)
اهو شفتو الدلع
هههههههههههههه
ب-الخضروات
1-طبق سوتيه او شوربة خضار بدون بطاطس
(يراعى ان تكون على ماء او شوربة لحم )
+طبق سلطه خضراء(بثمرة طماطم واحده)
ج-اللحوم
شريحة لحم احمر مسلوق او مشوى(150جرام)
او
ربع فرخه مسلوقه او مشويه بفضل الصدر
او
3سمكات مشويه(متوسطه الحجم)او تونه مصفاه وتشطف بالخل والليمون
او
2بيضه مساوقه
د-الفاكهه
ثمره واحده من الفاكهه اللى ذكرتها فوق متوسطة الحجم
وجبة العشا
كوب حليب منزوع الوش وبدون سكر
او
كوب زبادى وسط ممكن اضافة معلقه رده بعد تحمبصها
او
قطعة جبن قريش+خياره+طماطم(ثمره واحده)
او
فاكهه2ثمره
الممنوعاااااااااااااااااااااات
لبان الدايت
اللب والسودانى
الشطه والمخللات
القهوه والمياه الغازيه
الكبده والكلاوى والبسطرمه واللانشون
القلقاس والقرنبيط والبسله والبطاطس
البقوليات فيماعدا الفول من غير زيت
الحمام البط الوز الديك الرومى
الخضروات الناشفه
يجب المشى نص ساعه يوميا
انا بمشيهم ف البيت على فكره
ههههههههههه
بس ويارب ينفعكم انا خسيت عليه اول اسبوع 3 كيلو
ماتنسوش تدعولى وتقيمونى
:worn_out:
النظام دا انا فضلت ماشيه عليه 3 اسبيع
كل اسبوع كنت بنزل 3 كيلو الحمدلله وبعد مابدئت انزل 2 كيلو الدكتوره غيرتلى النظام دا
عشان كدا بقلك اوزنو عشان اللى تقل عن معدل نزول اول اسبوع اديها النظام التانى
وربنا معاكم
جزاك الله خيرا
نظامك دا بئى اللى كنت ناويه امشى عليه ان شاء الله بس من غير رز على الغدا عايزة ابطله خالص علشان لو خدت شويه هاقعد اسحب كل شويه ونفسى ازود حاجات عليه كنظام صحى ممكن تتخن بس برضو عايزاها انى اشرب ماية وعسل الصبح على الريق واحط زيت زيتون على السلطة
محدش يعرف احسن نوع زيت زيتون بلاقى انواع كتيرة فى الوكاله عندنا
ومن ناحيه الخس بورقه كده ممكن يتخن؟ اصلى مش معقولة اقعد ارمى الورق هو اه مش من حلاوته بس انا جيت على نفسى النهارده وقاعده اكل فيه طول النهار زى الارانب :)مش فى سلطة كمان علشان احس انى شبعانة وماكولش فى الغدا واه برضو كده استهلاكى هيزيد قوى لو كلت العود بس
سؤال للكل انتوا بتعملوا ايه ما تكونوا زهقانين ومش فى دماغكم الا انكم بتعملوا ريجيم
اصلى لبخت شويه النهارده على الغدا من زهقانى مش حكاية جوع مع انه اول يوم:(