اللى عايزة تظبط مصروف البيت تتفضل بسرعة لو سمحت

ازيكوا يا بنات

بتوحشوني اوي

ماشاء الله عليكي يا كيتي سيت بيت ممتازة لا لا مايتخفش عليكي الحمد لله

وتسلم ايدك علي المربي

انا بقي جوزي خلاص مبقاش ياكل مربي جاهزة ابدا المربي لازم انا اعملها لدرجة انه بيقولي اعملي مشروع المربي دة وهعملك مصنع هههههههههه

mitcy;11053859:
قولولي يا بنات
انا بستخدم زيت عافيه في القلي.وانتو كنتو قلتو اني استخدم زيت قلي
هو بيبقي مكتوب عليه ايه في السوبر ماركت
طبعا انا في السعوديه ومش عندي تموين والكلام دا

انا بجيب زيت بيكون مكتوب عليه زيت قلي بصراحة مش فاكرة اسمه

ساعات بجيبه في ازازة وساعات في جركن ٢ لتر

lifedrop;11058363:
انا مكسوفة منكو اوى والله


مش عارفة انظم حاجة فى اى حاجة
هوا اه انا مش مبذرة بس كان نفسى اكون منظمة اكتر من كدة

يلا ابتدى بقى من الشهر الجاى ان شاء الله( يا شماتتة ابلة ظاظا فيا)

هههههههه تعاليلي بقي يا حبيبتي :085:

فرصتي جت لحد عندي

سوماريد;11060399:
الموضوع ده رائع جدا
بس ممكن اسال سؤال ايهم افضل يكون المصروف مع الراجل ام مع الزوجه

طبعا الزوجه

لان الرجاله بتصرف وخلاص



يا بنات انا الشهر دة ماسكه نفسي جدا اه مش بناكل برا وكدة بس لحد دلوقت جبت حاجات من السوبر ماركت ب ١١٠٠ درهم ولسه نص الشهر

هو كدة الحمد لله يعتبر كويس جدا وكمان الشهر الجاي هقلل اكتر لان معظم المصاريف دي ادوات نظافه عشان انا بنقل زي ما انتوا عارفين وتنضيف الشقة الجديدة وكدة

الحمد لله وفرت الأسبوع ده 100 جنية ماشاء الله

دفعت 50 جمعية لأن مصروفي اتصرف :D

وجبت فستان صيفي ب 25 ( عندي جنون الفساتين بعيد عنكم )

وفاضل 25 الحمد لله

يعني من اول الشهر وفرت 180 جنية ياهوووو

ولسه فاضل اسبوع بقى ان شاء الله

ربنا معاكي يا كلاسيك وتكملي الشهر كدا باذن الله

قولو لنا يا بنات المربي دي بتتعمل ازي؟؟؟؟؟؟؟؟

ناني فيبس.......وفي يا جميل.انا عملت العيش اللي انتي كنتي قلتي عليه.وطبعا تسلم اديكي.....

بس شوفي يا ستي.هو اول لما طلع من الفرن وكان سخن جدا بس طري وحلو اوي.

بس سبته شويه يبرد وبقي ناشف اويييييييييي.قوليلي ايه حل المشكله دي

ناني فيبس;11061746:


هههههههه تعاليلي بقي يا حبيبتي :085:

فرصتي جت لحد عندي

هو ده اللى كنت خايفه منه انك ماتصدقى يانانى وتمسكى حاجه على ندى ربنا معاكى يا ندى ههههههههه
عديها المره ديه يا نانى خلاص مش نديها وسام التبزير بتاعك:03:

* كلاسيك *;11061886:
الحمد لله وفرت الأسبوع ده 100 جنية ماشاء الله

دفعت 50 جمعية لأن مصروفي اتصرف :D

وجبت فستان صيفي ب 25 ( عندي جنون الفساتين بعيد عنكم )

وفاضل 25 الحمد لله

يعني من اول الشهر وفرت 180 جنية ياهوووو

ولسه فاضل اسبوع بقى ان شاء الله

انتى شطورة يا يارا وانت المستفيد فى الاخر يا قمر ماشى معاكى حلاوة :085:

ميتسي بصي ياجميل
انا جبت الفراولة غسلتها وشلت البتاعه الخضرا دي
وغسلتها كويس وقطعتها اربع ارباع
وبعدين حطيت عليها السكر وماحطيتش ولا نقطة مية عليها
وسبتها هي ف السكر كدا يجي 6 او 8 ساعات مش فاكرة بس حتى ممكن تبيتيها
هتلاقيها سردت مية كتييييييييير وبقى طعم لفراولة نفسها مسكر اوي كانها اتنقعت ف مية
تحطيها على النار بقى لحد ما المية دي تعقد زي الشربات كدا
في طريقتين بقى
لما الفراولة تطرى تشيليها وتسيبي الصوص بتاعها يتقل لحد مايعقد وبعدين ترجعي الفراولة تاني له...وكدا هيبقى عندك مربى فراولة فيها قطع فراولة
والطريقة التانية الي انا عملتها سبت الفراولة من الاول للاخر ف الصوص فبقيت طول مانا باكلها حاسه انها كلها فراولة فاهماني؟ مش حتت صوص وحتت فراولات لا
تحسي زي ماتكوني ضاربه الفراولة كدا
مش عارفه اوصلها بس يارب تكوني فهمتي قصدي ههههههههههههههههه

كيتي انا اول مره اعرف ان الدكاتره شطار قوي كده
حلوه طريقه المربي دي قوي
وعجبتني اللي اتني عملتها عن الاولي

ربنا يخليكي يابنبونة دي من زوقك ياقمر
انا عملت مربى فراولة وكنت عملت قبل كدا مربى عنب
وهعمل ان شاء الله قريب مربى جزر وبرتقال..بابايا بيحبها
هي ميزة المربى البيتي عندي اني بقللها السكر :) يعني كيلو الفراولة حطيتله اقل من نص كيلو سكر..يجي تلت كيلو كدا
ومع ذلك طلع مسكر هههههههههههههه
وبتاعت بابا هعملهاله بسكر فركتوز مش سكر عادي عشان تبقى ريجيم اكتر

هي فعلا ميزه المربي البيتي السكر يعني انا اصلا بضه
مش بحب السكر عالي في اي حاجه فا لما بتتتعمل في البيت
الواحد بيتحكم في السكر
قوليلي بقي عملتي مربه العنب دي ازاي؟

كانت ف موسم العنب ياقمر
جبت العنب واعدت انقيه واشيل الراس بتاعته دي
عنب بناتي طبعا عشان السؤال الذكي الي صاحبتي سالتهولي وعملتي ف البذر ايه ههههههههههههه
وبعدين حطيت عليه السكر وحطيته على النار مانقعتوش
هتلاقيه نزل ميه برده هتسيبيه لما المية تعقد ويبدا لون العنب يغمق تقلبيه قلبه قلبتين كدا وتطفي عليه وهو بمبي كدا لانه هيغمق بعدها
وماتسيبيش البتاع لما يجمد دايما وانتي بتعملي مربى ماتستنيش توصل لقوامها الي بتشوفيه ف الجاهزة وهي ع النار
لا بتبقى سايله شوية
لما بتطفي عليها بتجمد
لو استنيتي عليها تجمد وهي على النار لما تطفي هتبقى حجرررررررر
انا حصلت معايا مرة ومابقيتش عارفه اشيلها بالمعلقة
قمت مزوداها مية وحاطاها ع النار تاني ههههههههههههه
وسيبتها تفك وتعقد تاني وطفيت عليها بس طلعت حلوة
اه وماتستنيهاش تغمق اوي لان العنب عامل زي الكراميل لما بتطفي بيغمق زيادة
وده شكل المربى الي عملتها ياقمر

ده العنب مغسول ومتنفي


ده لما حطيته ع النار نزل مية لوحده


ده شكل المربى
نسيت اقولك انا بحط ملح لمون لحاجتين
اولا مادة حافظة...بالذات مع مربى العنب لان اي حاجه فيها عنب بخاف منها لاتبقى نبيذ هههههههههه على راي نفس الصاحبة الي سالت فوق عن البذر..بتقولي هو ده كدا مايبقاش نبيذ
وثانيا الملح بيكسر طعم السكر ومايخليهوش يجزع
طبعا ذرة مش كتير بس برده بيأثر :)

kitty_kity;11060653:
امبارح عملت حاجتين عجبوا ماما اوي :)
اول حاجه عملت مربى فراولة وطلعت على حسب كلام ماما احلى من الجاهزة ميت مرة
مع ان ماما كانت معترضه اني اعملها وكانت بتقولي المثل الشهير بتاعها ههههههههههه شرا العبد ولا تربيته

وعملت ايه بقى؟ جبت كيلو بسلة و2 كيلو فاصوليا وكيلو جزر
وفصصت البسلة وقطعت الفاصوليا وخرطت نص كيلو الجزر
وغسلتهم
الفاصوليا خدت منها الاول 3 اكياس كل كيس حوالي 400 جرام...لوحدهم عشان لو هنطبخ فاصوليا لوحدها
وبعدين خلطت الباقي مع البسلة والجزر وعبيتهم ف اكياس كل كيس 400 جرام بردو
بحيث اني احطهم ف الفريزر واطلعهم اضيفلهم البطاطس ويبقى خضار مشكل
عمل معايا 5 اكياس
كلفني كام بقى الحوار ده؟
كيلو البسلة 2 جنيه
الفاصوليا جبت 2 كيلو ب2 جنيه برده
الجزر بجنيه
يعني 5 جنيه
طلعلي 8 اكياس طبيخ
الكيس لو عملته يكفي يومين
وف الوقت نفسه معمول ف البيت وعلى ايدي ومنضفاه بنفسي وعارفه اصله وفصله :)

والله برافو عليكى يا كيتى فعلا الخضار لما نجيبه ونضفه ونكيسه ونحطه فى الفريزر بيبقى انجاز بس انتى بتغليه الاول غلوة كده ولا بتشيليه اخضر بس

miko85;11061286:
وانا كمااان ياندي فشلت هذا الشهر بس انا صرفت 1000 ريال في 17 يووم طيب اعمل ايه
بعدين الاخضار والفاكهه غاللين اووي هنااا

ميكو بقولك ايه هو انت فى السعودية صح ممكن جوزك يجيبلك الخضار والفاكهة بالقفص او بالشوال بس بيكون اوفر يعنى شوال الكوسة مثلا جبته لما كنت هناك ب 5 ريال بس وهكذا انتى تجيبيه وتنضفيه وتحطى فى الفريزر على اد الاكله حتلاقى عندك خضار لكل الشهر ان شاء الله وبالنسبة للفاكهة شرحه بردك وفى الفريزر

* كلاسيك *;11061886:
الحمد لله وفرت الأسبوع ده 100 جنية ماشاء الله

دفعت 50 جمعية لأن مصروفي اتصرف :D

وجبت فستان صيفي ب 25 ( عندي جنون الفساتين بعيد عنكم )

وفاضل 25 الحمد لله

يعني من اول الشهر وفرت 180 جنية ياهوووو

ولسه فاضل اسبوع بقى ان شاء الله

شاطرة يا يارا ربنا يحرصك وانتى فعلا المستفيدة فى الآخر يا حلوة:014:

kitty_kity;11063401:
كانت ف موسم العنب ياقمر
جبت العنب واعدت انقيه واشيل الراس بتاعته دي
عنب بناتي طبعا عشان السؤال الذكي الي صاحبتي سالتهولي وعملتي ف البذر ايه ههههههههههههه
وبعدين حطيت عليه السكر وحطيته على النار مانقعتوش
هتلاقيه نزل ميه برده هتسيبيه لما المية تعقد ويبدا لون العنب يغمق تقلبيه قلبه قلبتين كدا وتطفي عليه وهو بمبي كدا لانه هيغمق بعدها
وماتسيبيش البتاع لما يجمد دايما وانتي بتعملي مربى ماتستنيش توصل لقوامها الي بتشوفيه ف الجاهزة وهي ع النار
لا بتبقى سايله شوية
لما بتطفي عليها بتجمد
لو استنيتي عليها تجمد وهي على النار لما تطفي هتبقى حجرررررررر
انا حصلت معايا مرة ومابقيتش عارفه اشيلها بالمعلقة
قمت مزوداها مية وحاطاها ع النار تاني ههههههههههههه
وسيبتها تفك وتعقد تاني وطفيت عليها بس طلعت حلوة
اه وماتستنيهاش تغمق اوي لان العنب عامل زي الكراميل لما بتطفي بيغمق زيادة
وده شكل المربى الي عملتها ياقمر

ده العنب مغسول ومتنفي


ده لما حطيته ع النار نزل مية لوحده


ده شكل المربى
نسيت اقولك انا بحط ملح لمون لحاجتين
اولا مادة حافظة...بالذات مع مربى العنب لان اي حاجه فيها عنب بخاف منها لاتبقى نبيذ هههههههههه على راي نفس الصاحبة الي سالت فوق عن البذر..بتقولي هو ده كدا مايبقاش نبيذ
وثانيا الملح بيكسر طعم السكر ومايخليهوش يجزع
طبعا ذرة مش كتير بس برده بيأثر :)

شاطرة والله يا كيتى انا مش جربت مربى العنب دى بصراحة خالص بحب الفراولة والتين والبرتقال كده يعنى كويس وقوليلى بردك الفراولى بتحطى عليها لمون او ملح لمون ولا لا

حلوه قوي يا كيتي
تسلمي يا حبيبتي
وما تقلقيش انا مش ذكيه قوي كده ههههههههه

شااااااااااااااااااااااااااطرة قوي يا كيتي ما شاء الله بس نفسي أشوفك بتعملي كل ده و بتجري ورا ولادك في الشقه ههههههههههههههههه زي ما بعمل تمااااااااام هههههههههههههههه

ههههههههههههه عسل يا ام بودي
شكلك عايزه تفرحي فيها

أصلي يا بنبونة بيطلع عيني و الله يعني اللي جرالي ده من شويه يللا الحمد لله ههههههه

ناني فيبس;11061746:


هههههههه تعاليلي بقي يا حبيبتي :085:

فرصتي جت لحد عندي

انا قولت يا شماتة ابلة ظاظا فيا
وادى ابلة ظاظا جت:040:

بس على فكرة يعنى
انا وفرت فى مصاريف الاجبان والرفاهيات
بس التقصير ان احنا مشغولين جدااااااا فى فرح اخت جوزى فمبلحقش اشوفه عشان اقرره هوا صرف ايه واكتبه فى الاجندة
يعنى مش مبذرة:03:

لا تظهر الشماتة لاخيك ( اللى هوا انا)يرحمه الله ويبتليك:072:

* كلاسيك *;11061886:
الحمد لله وفرت الأسبوع ده 100 جنية ماشاء الله

دفعت 50 جمعية لأن مصروفي اتصرف :D

وجبت فستان صيفي ب 25 ( عندي جنون الفساتين بعيد عنكم )

وفاضل 25 الحمد لله

يعني من اول الشهر وفرت 180 جنية ياهوووو

ولسه فاضل اسبوع بقى ان شاء الله

ما شاء الله يا يارا
عاملة شغل جامد فى البيت

بصراحة انتى وكيتى ما شاء الله عليكو

tobe;11062091:
هو ده اللى كنت خايفه منه انك ماتصدقى يانانى وتمسكى حاجه على ندى ربنا معاكى يا ندى ههههههههه
عديها المره ديه يا نانى خلاص مش نديها وسام التبزير بتاعك:03:

انا فى السليم يا بيه ومحدش يقدر يمسك عليا حاجة :049:

Boody we zady;11065137:
أصلي يا بنبونة بيطلع عيني و الله يعني اللي جرالي ده من شويه يللا الحمد لله ههههههه

ربنا معاكى يا ام بودى ويديكى الصحة
يا استاذتنا كلنا
كلنا بنتعلم من سيادتك

ربنا يقويكي يا ام بودي يارب
ويباركلك فيهم

nemonamanemo;11015420:
بناااااااات انا بعون الله انتزعت المصروف من جوزي اخيرا :013::013::013:

امبارح جاين ننزل نجيب حاجات بفتح درج الفلوس لقيت 600 جنيه قعدن نص ساعه اصوت و بعدين قولتله انت فاشل :03: وانا اللي همسك المصروف

وفعلا نزلت اشتريت كراسه و بدأت اكتب بس الشهر ده طبعا خلاص باظ اكيد مش هكمل الشهر ب 600 جنيه عااااااااااااااااااااا

قولولي بقي نصائح حلوه مش عايزاه يشمت فيا :040:

هههههههههههههههههههههه

newlife;11019387:
اهلا يا نيمو كويس انك حتبدأى تشيلى مسئولية البيت ومصاريفه وربنا يقدرك ان شاء الله
فيه تقسيمة كانت عملاها كوباية مية ممكن تبدأى بيها وتقيدى كل اللى صرفته فى أجندة وتجمعى

يعنى هى كانت مقسمة كده
المصروفات الأساسية: الميه والنور والنت والتليفون والغاز والموبايلات
اللحمة والفراخ
الخضروات والفاكهة
الالبان والجبن والعيش
الخزين زى المكرونة والرز والزيت والسمنة والبقوليات
بند الصدقة
بند الطوارئ

وكل بند ليه مظروف كده مكتوب عليه وبالنسبة للخضار والفاكهة هى مقسماهم أربع اظرف على اربع اسابيع عشان تتظبط كويس
وطبعا كل واحد بميزانيته وانتى شوفى السعار الحالية للمنتجات كلها وتحطى ميزانية تقديرية لكل حاجة وتظبطى الميزانية وتوزيعها على الأظرف يا رب أكون افدتك مع انى لسه مش عملت زيك بس ناوية ان شاء الله


ايه الحلاوة دى تستاهلى :087: عامة كويس ك
ه حيوفر معاكى ان شاء الله بس الكوسة انتى بتقليها ليه هو لما تبقى بالبشاميل لازم تتقلى عامة بالهنا والشفا مقدما يا جميل

اعملوها يا بنات انا بجد الشهر دا تماااااام الحمدلله والتقسيمه فعلا عامله معايا شغل جامد

nemonamanemo;11019784:
شطوره يا بيبو


بصي يا هبه المشكله اني عايشه في بيت عيله يعني الكهربا و الغاز و المايه حمايا بيدفها و بنحاسب عليها متجمعه مش كل شهر و بالتالي ممكن شهر يبقي في مبلغ و شهر لا

الخضار و اللحمه و الفاكهه حمايا اللي بيجبها فطبعا مش بقدر احطلها ميزانيه انا بطلب حاجات و هو بيجبهالي و بعدين بيحاسب جوزي عليها مع الكهربا و الغاز و اي حاجه تانيه

انا المشكله عندي مش في حاجه البيت انا المشكله عندي في مصاريف جوزي

انا عملت ايه بقي جبت الكراسه و قسمتها

تاريخ - بند - مستلزمات البيت - جوزي - انا - خروجات - ادويه - طواريء- عربيه- نت وغاز و كهربا و مايه - اي حاجه تانيه

واي حد بيجيب حاجه يكتبها في خانه البند و يكتب سعرها في الخانه بتاعتها


يعني انا جبت صابون اكتب في البند صابون و اكتب السعر في خانه مستلزمات البيت لو جبت حاجه ليا اكتبها في خانتي و هكذا

انا عملت كده عشان نشوف فين البند اللي بياخد الفلوس و كمان عشان جوزي يتكسف لما يكتب الحاجات الهايفه اللي بيشتريها يمكن يبطل ههههههههههههه

يبقى كل شهر تشيلى جزء من الفلوس عشان فى الاخر لما حماكى يجى يحاسبكوا يبقى متجمع على شهور بدل ما تقطعيه من شهر واحد وتحسى بالعجز

واللحمه والخضار نفس الحوار

العمليه سهله اوى بس متقوليش مش عارفه واسئلى وانا هظبطك :037:

100000;11032138:
انا عجبانى فكرة موضوعك جدا
بس انا عايزه اقترح اقتراح
وهو انك تخصصى مبلغ للحاجات التافه وتحاولى ما تصرفيش اكتر منه
يعنى حددى مبلغ مثلا 50 جنيه
حبيتى تاكلى ايس كريم
شيبسى
شكولاته
او حتى تعملى حاجه حلوه مره فى الاسبوع
انا بعمل كده
وبجد
احيانا كتير بلاقى نفسى ما صرفتش اكتر من 20 او 30 جنيه

انا مش عملالها بند ولا حاجه انا الفكه اللى بتتبقى من جوزى او منى حتى لو بريزه والله بشيله فى علبه الفكه ودى علبه جوزى عملها من اول يوم جواز قالى دى بقى عشان لو الست اللى مسحت السلم جات تقومى تاخدى منها علطول وتديها ومتسيبيش باب الشقه مفتوح وتمشى

ودلوقتى خليتها للبان كمان وللحاجات اللى بتقولى عليها دى وللست اللى بتمسح السلم كمان :025:

Boody we zady;11037786:
ههههههههههههههههههههههه انتي حامل يا بسبس انتي حامل يا بسبس هههههههههههههه

ههههههههههههههههههههههه انتي حامل يا بسبس انتي حامل يا بسبس هههههههههههههه

هههههههههههههههههههههههههههههه
وحياة ربنا وحياة ربنا لما شوفتها قلبى اتخطف كدا هههههههههههههههههههه

مش متخيله يا جدعان هههههههههههههههه

Boody we zady;11037829:
الأسعار زادت يا بنات عندكم؟؟؟؟؟؟؟؟؟؟ظ لبن بخيره بقه ب 5 و ربع و الحلاوة 350 جرام بقت ب 7 جنيه انتوا ايه النظام؟؟؟؟؟؟؟؟؟؟؟؟

لييييييييييييييييه انا بجيب كيلو اللبن ب 3 ونص :041::041::041::041:

* كلاسيك *;11045629:
معقول يا كيتي

يمكن علشان كان عندك حاجات من قبل

ربنا معاكي

انا برضه المصروف ماشى تمام

بس ميزانية ماما هي اللى خربانة علشان كلنا تعبنا الشهر ده

ورحنا للدكتور ولسه كمان:(

انا عامله بند للدكتور وللدوا بتاعى فى بند الطواريئ

ابقى اعملى بند زى دا عشان لو حصل لا قدر الله حاجه يبقى فى حاجه تصرفى منها ولو محصلش يبقى اللى انتى حطاه دا تشيليه وتوفريه

احنا عاملين بند الزيادة

يعني مصروف البيت

مصروفات ثابته بتاعت المية والنور والنت وخلافة

والباقى ده للدكاترة او لو فضل نجيب بيه حاجة ف الجهاز ليا

لكن الشهر ده علشان كلنا تعبنا وانا كمان مصاريف علاجي كتير

فخرجت الامور عن السيطرة شوية :(

انا بقى مبسوطه الحمدلله
الميزانيه ماشيه تماااااااام التمام


مفيش اى حاجات بره اللى حسبتها ولو مشيت على كدا لاخر الشهر هوفر مبلغ لا بأس به

بس ادعولى ربنا يرحمنى من جوزى عامل زى العيال الصغيره كل شويه يفتح الظرف ويشوف فيه كام ويفتح المحفظه ويشوف فيها كام ويضحك

والاقيه عايز يبوظلى الميزانيه بأى طريقه

يعنى يروح يجيبلى عسل

طيب مانا عندى برطامن عسل نص كيلو لسه مخلصش :047:

وايه يعنى يا بنتى اصل شكله عجبنى :039:

والاقيه يجى جرى زى العيال الصغيره يقولى انا جيبتلك مخلل انهارده ب 5 جنيه ويروح واخد 5 جنيه ويلاقى جمبهم 2 ولا 3 جنيه فكه يروح واخدهم :096::096::096:

بس الحمدلله يارب الحمدلله الحمدلله الحمدلله

انا الشهر دا ولاول مره يجى عليا يوم 14 فى الشهر ويبقى معايا فلوس كل شهر الفلوس بتخلص يوم 4 والله الحمدلله