كوباية مايه;11070854:
انا بقى مبسوطه الحمدلله
الميزانيه ماشيه تماااااااام التمام
مفيش اى حاجات بره اللى حسبتها ولو مشيت على كدا لاخر الشهر هوفر مبلغ لا بأس به
بس ادعولى ربنا يرحمنى من جوزى عامل زى العيال الصغيره كل شويه يفتح الظرف ويشوف فيه كام ويفتح المحفظه ويشوف فيها كام ويضحك
والاقيه عايز يبوظلى الميزانيه بأى طريقه
يعنى يروح يجيبلى عسل
طيب مانا عندى برطامن عسل نص كيلو لسه مخلصش :047:
وايه يعنى يا بنتى اصل شكله عجبنى :039:
والاقيه يجى جرى زى العيال الصغيره يقولى انا جيبتلك مخلل انهارده ب 5 جنيه ويروح واخد 5 جنيه ويلاقى جمبهم 2 ولا 3 جنيه فكه يروح واخدهم :096::096::096:
بس الحمدلله يارب الحمدلله الحمدلله الحمدلله
انا الشهر دا ولاول مره يجى عليا يوم 14 فى الشهر ويبقى معايا فلوس كل شهر الفلوس بتخلص يوم 4 والله الحمدلله
الحمد لله يا كوباية مية انك مشيتى فى السليم الشهر ده وعامة جوزك مصيره حيتعود لما يلاقى ان فيه توفير كده حيفرح ان فيه فلوس عشان لو حبيتم تجيبوا حاجات ليكو فى البيت او للنونو
* كلاسيك *;11070771:
احنا عاملين بند الزيادة
يعني مصروف البيت
مصروفات ثابته بتاعت المية والنور والنت وخلافة
والباقى ده للدكاترة او لو فضل نجيب بيه حاجة ف الجهاز ليا
لكن الشهر ده علشان كلنا تعبنا وانا كمان مصاريف علاجي كتير
فخرجت الامور عن السيطرة شوية :(
سلامتك يا قمرة وتبقى فعلا تعملى حسابك على بند الطوارئ
miko85;11071350:
طيب يابسبس انتي عامله كام في الشهر مصاريفكم يعني علشان اعرف انا كده كتير ولا لا
انا بردك اول ما روحت السعودية قاللى احنا بنصرف 1500 قولتله ليه انا مش حاسة بكده بس ممكن عشان كنت فى الاول وجبت حاجات للمطبخ وللبيت عشان كان فيه حاجات ناقصة بس اعتقد 1000 ريال كويس بردك لفردين فى السعودية اكل وشرب وموبايلات وكهربا وميه هو انتى فين فى السعودية يا ميكو