اللى عايزة تظبط مصروف البيت تتفضل بسرعة لو سمحت

والله يا بنات انا سمعت ان جوزه الطيب لو على قد البشره الصغيره دي مش حرام...بس كميه قليله جدا وكمان مش في كل الاكل نبشرها ..انا بحطها بس في البشاميل وكميه بسيطه جدا ,,والله اعلم

انتوا عارفين لو الشهر دا عدى زى مانا مرتبه بجد هبقى فخوره بنفسى جداااااااااااا


ادعولى عاااااااااااااا

miko85;11086955:
حاطه ميزانيه 1000 ريال لقيتني صرفتها كلها هو لسه في اكل في الفريزر بس طبعا لسه فيه عيش مثلا بيبيسي خضار فاكهه بتجاب

لا انا قصدى الميزانية انتى مقسماها ازاى يعنى مصروفات ثابتة ولوم وخضار وخزين والبان وكده يعنى ولا ايه وايه اللى عمل كده

أم عمرومنة;11091120:
ربنا معاااااااااااااااااااااااااكم والاقي حد عمل انجاز
لاني برضه مش عارفة الم المصروف وعندنا زيادات بالهبببببببببببببببببببببل
مش قلتلك يا ندى الموضوع صعب قوووووووووووي

ربنا معاكى فعلا الموضوع عاوز ارادة وكمان تحكم فى الاغراءات اللى بتبوظ المصروف

حبيبه قلبه انا;11095069:
ماشاء الله عليكم بجد موضوع تحفه ياريتنى شفته اول الشهر عموما انا كده كده مبوظه الدنيا الشهر ده نبدا بقه الشهر الجديد ان شاء الله على مايه بيضا ههههههههههه

اهلا بيكى معانا فعلا الواحد يبدأ على ميه بيضا بس انا لسه شوية لما اسافر لجوزى

كوباية مايه;11098114:
انتوا عارفين لو الشهر دا عدى زى مانا مرتبه بجد هبقى فخوره بنفسى جداااااااااااا


ادعولى عاااااااااااااا

بندعيلك من كل قلبنا عشان تاخدى الوسام بردك هههههههه وعامة انتى حتستفادى ان شاء الله فى المستقبل لما يجى النونو

ياااااااااااااااااااااااااا بسبس بقي انتي عايزة تمشي الشهر ب 1000 جنيه و مش عارفه؟؟؟؟؟؟؟؟؟
أنااااااااااااااااااااااااااا بصرف 1000 جنيه أنا و 3 فانلات الرجالي اللي عندي ههههههههههههههه بس بدفع كهربا و اشتراك وصله و أكل و شرب و كده لكن اشتراك النت نبع جوزي عشان احنا عندنا روتر و جوزي بيدفع 225 جنيه نت ماليش دعوة أنا .......... شوفتي بقي مفروض تدوني الوسام ههههههههههههه

انتو عارفين يا جماعة انا كنت متصورة ان اللى بياخد معظم الميزانية مصاريف البيت اللى هى الاكل و الشرب و خزين البيت عموما بس الشهر ده بعد ما بدات اكتب و كده لقيت ان فى بنود تانية بتاخد مبالغ كبيرة الواحد مش كان متوقع انو بيتصرف عليها كل ده حكاية الكتابة دى خلت الواحد يكتشف بلاوى و انا كنت اقعد اقول الفلوس بتروح فين
الشهر ده انا لسه مخرجتش عن المبلغ المحدد بس ربنا يستر و يكمل على خير

medowawa;11098056:
والله يا بنات انا سمعت ان جوزه الطيب لو على قد البشره الصغيره دي مش حرام...بس كميه قليله جدا وكمان مش في كل الاكل نبشرها ..انا بحطها بس في البشاميل وكميه بسيطه جدا ,,والله اعلم

ماكان كثيره مسكر فقليله حرام

بسم الله الرحمن الرحيم
{ [FONT=Arabic Transparent]إنما الخمر والميسر والأنصاب والأزلام رجس من عمل الشيطان فاجتنبوه لعلكم تفلحون } { إنما يريد الشيطان أن يوقع بينكم العداوة والبغضاء في الخمر والميسر ويصدكم عن ذكر الله وعن الصلاة فهل أنتم منتهون }[/FONT]
والخمر عند العرب أى حاجة مسكرة
والرسول أمرنا باجتناب الشبهات
احنا عمرنا ماجبنا جوزة الطيب دى واهو عايشين الحياة مش هتقف عليها

انا مش عمله خطة ولا حاجه انا باخد المصروف 800 ج بشيل الكهرباء والمياه والبواب
وبشيل كمان 100 على جنب و عمله حسابى على اللى موجود وبسسسسسسسسس
وربنا بيستر وبتمشى تمام وبيتفضل كمان

Boody we zady;11098158:
ياااااااااااااااااااااااااا بسبس بقي انتي عايزة تمشي الشهر ب 1000 جنيه و مش عارفه؟؟؟؟؟؟؟؟؟
أنااااااااااااااااااااااااااا بصرف 1000 جنيه أنا و 3 فانلات الرجالي اللي عندي ههههههههههههههه بس بدفع كهربا و اشتراك وصله و أكل و شرب و كده لكن اشتراك النت نبع جوزي عشان احنا عندنا روتر و جوزي بيدفع 225 جنيه نت ماليش دعوة أنا .......... شوفتي بقي مفروض تدوني الوسام ههههههههههههه

ههههههههههه ربنا يخليهوملك يا ستى بس انتى متعرفيش ظروفى عاااااااااااااااااا

يعنى انا المشكله ان جوزى هو اللى كان بيصرف فا كل حاجه مش محسوبه ومش مقيده

وجوزى كمان من النوع اللى هو مثلا اقوله هاتلى فاكهه الاقيه جايب ب3 وال 4 كيلو من كل صنف ويجيب صنفين تلاته واحنا اتنين وتقريبا مش بيجيلنا ضيوف خااااااااالص فا مفيش استهلاك وتلت تربع الوقت ممكن نبقى مسافرين وكدا

ويقولى اروح اقول للراجل هاتلى كيلو قولتله لا قول للراجل هات 2 كيلو بس من صنف واحد بس او اتنين بالكتير مش بالمنظر دا


اقوله هاتلى كيس رز يجيبلى شكاره
اقوله هاتلى 2كيلو طماطمالاقيه بيقولى انا جيبتلك 5 كيلو على بعض اهو عشان متطلبيش كل شويه وتانى يوم يقولى هنسافر فا اخدهم انزلهم عند مامته او اخدهم معايا عند ماما وارجع اشترى تانى انا من الاول تانى

tobe;11100973:
انا مش عمله خطة ولا حاجه انا باخد المصروف 800 ج بشيل الكهرباء والمياه والبواب
وبشيل كمان 100 على جنب و عمله حسابى على اللى موجود وبسسسسسسسسس
وربنا بيستر وبتمشى تمام وبيتفضل كمان

ربنايباركلك يا قمره

newlife;11098147:
لا انا قصدى الميزانية انتى مقسماها ازاى يعنى مصروفات ثابتة ولوم وخضار وخزين والبان وكده يعنى ولا ايه وايه اللى عمل كده

ربنا معاكى فعلا الموضوع عاوز ارادة وكمان تحكم فى الاغراءات اللى بتبوظ المصروف
اهلا بيكى معانا فعلا الواحد يبدأ على ميه بيضا بس انا لسه شوية لما اسافر لجوزى

بندعيلك من كل قلبنا عشان تاخدى الوسام بردك هههههههه وعامة انتى حتستفادى ان شاء الله فى المستقبل لما يجى النونو

لاه مقسماهم كل حاجه مصاريق اكل وتاجير عربيه مرتين في الشهر 200 ريال و100ريال علاج وادويه
وباقي باقي لحوم واكل وخضار
700 ريال دول بس هناا كل حاجه غاليه بصراحه

RAINBOW2000;11100421:
انتو عارفين يا جماعة انا كنت متصورة ان اللى بياخد معظم الميزانية مصاريف البيت اللى هى الاكل و الشرب و خزين البيت عموما بس الشهر ده بعد ما بدات اكتب و كده لقيت ان فى بنود تانية بتاخد مبالغ كبيرة الواحد مش كان متوقع انو بيتصرف عليها كل ده حكاية الكتابة دى خلت الواحد يكتشف بلاوى و انا كنت اقعد اقول الفلوس بتروح فين
الشهر ده انا لسه مخرجتش عن المبلغ المحدد بس ربنا يستر و يكمل على خير

طيب يا رينبو ممكن تقوليلنا على سبيل المثال ايه هى الحاجات اللى ممكن تاخد فلوس ومش مهمة اوى فى حياتنا وممكن من غيرها تتظبط الميزانية ربنا يسترها ان شاء الله معاك الشهر ده

miko85;11103013:
لاه مقسماهم كل حاجه مصاريق اكل وتاجير عربيه مرتين في الشهر 200 ريال و100ريال علاج وادويه
وباقي باقي لحوم واكل وخضار
700 ريال دول بس هناا كل حاجه غاليه بصراحه

ايوة يا حبيبتى انا عارفة ان السعودية غاليه فى اسعارها بس فى خضار بيتجاب بالشوال او بالقفص والفاكهة شرحة فليه مش تجربى تجيبى من الانواع اللى انتى عاوزاها وتخزنى فى الفريزر كده للشهر كله كمان بالنسبة للخزين بصى حطى عينك على العروض بتاعة بندا والعثيم وكده بتبقى كل أسبوع فروحى فى وقت عرض اول الشهر لما يبى معاكى الفلوس لسه بخيرها كده ههههه وبعدين شوفى الحاجات اللى انتى كتباها وعاوزة تجيبيها وتشوفى عليها عرض جيبيها حتنفع اوى زى الزيوت او المكرونة او الرز او الدقيق او العصاير كده يعنى
بصى انا مش قعدت كتير فى السعودية بس الناس هناك بتجرى على العروض وبتبقى حلوة وتقعد معاكى بالشهر والشهرين كمان بالنسبة للحوم والفراخ بردك ممكن يكون فيها عروض فبصى بردك ولا انتى بتجيبى من السوبر ماركت العادية بس والجزارة العادية هناك وخلاص عامة شوفى كده وربنا يسترها الشهر الجاى ان شاء الله خير

mitcy;11062002:
ربنا معاكي يا كلاسيك وتكملي الشهر كدا باذن الله

قولو لنا يا بنات المربي دي بتتعمل ازي؟؟؟؟؟؟؟؟

ناني فيبس.......وفي يا جميل.انا عملت العيش اللي انتي كنتي قلتي عليه.وطبعا تسلم اديكي.....

بس شوفي يا ستي.هو اول لما طلع من الفرن وكان سخن جدا بس طري وحلو اوي.

بس سبته شويه يبرد وبقي ناشف اويييييييييي.قوليلي ايه حل المشكله دي

انا العيش بيفضل حلو وطري طول الوقت مش عارفه بقي يمكن الفرن عندك حامي بزيادة ولاايه

طيب انتي سبتيه في الهوا كتير مش عارفه انا بيطلع حلو وطري وبسيبه يبرد شويه وبحطه في كيس وبشيله في الفريزر وكل ما احتاج اخد منه واسخنه يبقي زي الصابح بالظبط

kitty_kity;11062339:
ميتسي بصي ياجميل
انا جبت الفراولة غسلتها وشلت البتاعه الخضرا دي
وغسلتها كويس وقطعتها اربع ارباع
وبعدين حطيت عليها السكر وماحطيتش ولا نقطة مية عليها
وسبتها هي ف السكر كدا يجي 6 او 8 ساعات مش فاكرة بس حتى ممكن تبيتيها
هتلاقيها سردت مية كتييييييييير وبقى طعم لفراولة نفسها مسكر اوي كانها اتنقعت ف مية
تحطيها على النار بقى لحد ما المية دي تعقد زي الشربات كدا
في طريقتين بقى
لما الفراولة تطرى تشيليها وتسيبي الصوص بتاعها يتقل لحد مايعقد وبعدين ترجعي الفراولة تاني له...وكدا هيبقى عندك مربى فراولة فيها قطع فراولة
والطريقة التانية الي انا عملتها سبت الفراولة من الاول للاخر ف الصوص فبقيت طول مانا باكلها حاسه انها كلها فراولة فاهماني؟ مش حتت صوص وحتت فراولات لا
تحسي زي ماتكوني ضاربه الفراولة كدا
مش عارفه اوصلها بس يارب تكوني فهمتي قصدي ههههههههههههههههه

انا كمان دي طريقتي في الفراوله بس انا مش بقطعها وبغسيبها علي النار كلها مع الصوص وبتبقي بردوا فيها قطع فراوله باينه

واهم حاجة مع المربي ان اول ما نطفي النار عليها علي طول وهي سخنه نحطها في برطمانات ونقفل عليها كويس جدا
ونرة عملت مربه فراوله مع مشمش كانت تحفه

يا بنات طيب انا عايزة اعرف ازاي بتوفروا منمصاريف الشهر يعني ايه هو اللي بيتشال ومش بيتجاب في الشهر وهو دة اللي بيعمل فائض في الميزانيه ؟

يعني مثلا اللي متعود يصرف الف ازاي يخليهم ٨٠٠ مثلا ؟

يعني انا مثلا عندي الخروج دة اساسي ماينفعش افضل في البيت عشان اوفر

ومصاريف الاكل اوفر فيها ازاي إلا لو انا لغيت وجبه مثلا ؟؟؟؟؟

نانى انتى مش لازم تلغى حاجة بس تدورى على بدايل
يعنى الزيت مثلا مش لازم تجيبى اغلى نوع .. اوقات بيبقى فى انواع تانية حلوة ورخيصة
لو السوبر ماركت اللى بتشترى منه بيغلى فى سعره شوفى حاجتك من مكان تانى

newlife;11108325:
طيب يا رينبو ممكن تقوليلنا على سبيل المثال ايه هى الحاجات اللى ممكن تاخد فلوس ومش مهمة اوى فى حياتنا وممكن من غيرها تتظبط الميزانية ربنا يسترها ان شاء الله معاك الشهر ده



[QUOTE=ناني فيبس;11110936]يا بنات طيب انا عايزة اعرف ازاي بتوفروا منمصاريف الشهر يعني ايه هو اللي بيتشال ومش بيتجاب في الشهر وهو دة اللي بيعمل فائض في الميزانيه ؟

يعني مثلا اللي متعود يصرف الف ازاي يخليهم ٨٠٠ مثلا ؟

يعني انا مثلا عندي الخروج دة اساسي ماينفعش افضل في البيت عشان اوفر

ومصاريف الاكل اوفر فيها ازاي إلا لو انا لغيت وجبه مثلا ؟؟؟؟؟

newlife
ربنا يستلرها معانا جميعا

نانى فيس وحشتينا بقالك كام يوم مش باينة خلصتى العزال و لا لسه ربنا يعينك لانها بتبقى علقة

بصوا بقى بالنسبة للحاجات اللى هى بتاع البيت الاكل و الشرب و المصاريف الثابتة دى انا لاحظت اننا ممكن نحكمها الفكرة ان فى بنود تانية انا اكتشفت انها بتاخد مبلغ كبير زى المواصلات مثلا احنا بنصرف مبلغ محترم على التاكسيات كل شهر كل شهر تلاقى طلع حاجة كده عاوزة مبلغ مرة دكتور مرة هدية لحد مرة .... حجات كدا انا لما كنت مش بايد المصاريف مكنتش فاهمة هى الفلوس بتروح فين
حاجة تانية بقى و دى ليكى يانانى بخصوص الخروج اصل انا زيك كده برضه مينفعش تقولولى متخرجيش عشان نوفر عشان نبقى متفقين يعنى:013::013: و نانى هتحمينى منكو لو اعترضنوا ههههه
بصى بقى هى حلها ان احنا مثلا لو بنخرج فى الويك اند يعنى اربع مرات فى الشهر نخرج مثلا خروجتين كويسين و خروجتين اقل شويه يعنى لو هناكل بره مش لازم كل مرة مطاعم غالية و كده ممكن مرتين و مرة حاجة مش مكلفة و مرة مش لازم اكل مشيها كافيه او حاجة خفيفة دى كلها لسه اقتراحات و مدخلتش حيز التنفيز بالنسبالى
بالنسبة بقى للتوفير فى الاكل اظن كلنا مش بنرمى حاجة فمش هقول منهدرش فى الاكل بس احنا ممكن نقلل من الحجات اللى هى مضرة و بتصرف مبلغ كبير فى الاخر فنبقى ضربنا عصفورين بحجر فى الاخر زى البيبسى و العصاير الجاهزة و الشوكولاتة و الشيبسى و الحجات دى كلها
فى بقى ملحوظة انا لاحظتها بخصوص اللحوم و الفراخ و كده الحجات مثلا زى البفتيك و الباانيه و كده بحسها موفرة اكتر لان كيلو البفتيك مثلا بيطلع اكتر من اللحمة القطع العادية و كذلك الفراخ البانية مش عارفة اللى بقوله ده صح و لا غلط بس انا من ملاحظاتى خلال الشهر ده بقيت احس كده ممكن نتجه للحجات دى شوية لامها كمان بتتعمل باشكال كتير مرة مثلا فراخ بانيه عادية مرة شيش طاووق مرة كوردون بلو و هكذا
لو افتكرت حاجة تانية هقولكوا ده اللى فى بالى دلوقتى بس انا بجد الشهر ده اكتشفت حجات كتير اوى مبسوطة انى عرفتها و مبسوطة بيكو عشان بنشجع بعض

ناني فيبس;11110936:
يا بنات طيب انا عايزة اعرف ازاي بتوفروا منمصاريف الشهر يعني ايه هو اللي بيتشال ومش بيتجاب في الشهر وهو دة اللي بيعمل فائض في الميزانيه ؟

يعني مثلا اللي متعود يصرف الف ازاي يخليهم ٨٠٠ مثلا ؟

يعني انا مثلا عندي الخروج دة اساسي ماينفعش افضل في البيت عشان اوفر

ومصاريف الاكل اوفر فيها ازاي إلا لو انا لغيت وجبه مثلا ؟؟؟؟؟

بصى انا عملت حاجه لطيفه اوى يعنى لما حسبت الوجبات وحسبت الاستهلاك لقيت انى ممكن مثلا اجيب حاجات بزياده وتبوظ او مش تستخدم او ممكن تتساب بالشهر والشهرين وبعدين تستخدم زى الكمبوت والحاجات دى

اكتشفت ان كمان عمل الحلويات فى البيت بيكلف اوى عن الفاكهه فا قولت بدل ما كنت كل يومين اعمل صنف حلو جديد بقيت اعمله مره فى الشهر بس وباقى الشهر فاكهه بقى

لقيت انى بجيب اغلى نوع رز فى السوق وهو مش حلو زى الانواع التانيه فا جيبت نوع احلى وارخص بس طبعا انا عندى هنا جوزى عنده مبدأ كل ما هو غالى فهو الافضل وانا بكره المبدأ دا

لسان العصفور لقيت استهلاكى فيه عاااااااااااالى اوى اوى فا قولت بدل ما اجيبه اكيس هجيبه سايب وفعلا جيبته سايب حلو جداااااااااااااا

الرز بردو ليه اجيب شكاره 5 كيلو وانا جوزى اصلا مش بيحب الرز وانا بس اللى باكله وبتقعد الشكاره ب 3 وال 4 شهور فا بقيت اجيبه بردو سايب رووووووعه والله وتحسيه من نضافته كريستال كدا

الزيت بردو كنت بجيب كريستال ال 3 لتر بقيت اجيب زيت الاصيل حلو جدااااا ولونه فااااااااتح عن كريستال واخف خالص

الخروج بقى انا بخرج بس بالعقل شويه يعنى مثلا خروجه نقضى اليوم كله بره ونتغدى بره وكدا وخروجه تانيه تبقى تمشيه ونقعد فى حته ناكل ايس كريم وخلاص مش لازم كل مره تبقى خروجه متينه فهمانى؟؟؟

بس لما افتكر حاجه تانيه هقولك يا قمر

Eng. BoB;11111267:
نانى انتى مش لازم تلغى حاجة بس تدورى على بدايل
يعنى الزيت مثلا مش لازم تجيبى اغلى نوع .. اوقات بيبقى فى انواع تانية حلوة ورخيصة
لو السوبر ماركت اللى بتشترى منه بيغلى فى سعره شوفى حاجتك من مكان تانى

ايوووووووووووه صح فى كدا كتير

ربنا معااااااااااكم انا مش قادرة اشارك لان حاسة اني فاااشلة بجد
وادي بقية فرطة اكتر من جووووزي

أم عمرومنة;11112320:
ربنا معااااااااااكم انا مش قادرة اشارك لان حاسة اني فاااشلة بجد
وادي بقية فرطة اكتر من جووووزي

انا لو منك اخد افكار واحاول استفيد

يسلمووووووووووووووووووووووووووووالموضوع مفيد كثير الله يعطيك العافيه

حلوة اوى افكارك يا بسبس بجد

ان شاء الله هعمل كده

لأن فى حاجات فعلاً بنجيبها بتقعد بالشهور

بس مش مفيدة او لو جيبنا ع القد احسن

وفي حاجات جملتها احسن من السايب

المشكلة انى مبعرفش اشتري اصلاً حاجة خالص من دماغي

يعني نادر اوي لما اجيب حاجة من بره

بس بحاول والله من ساعة ما مسكت المصروف

يعني الاسبوع ده خرّم معايا شوية لأنى اشتريت هديه لماما

هبدأ شهر جديد من اول الاسبوع وهنظم اكتر ان شاء الله

علشان احس انى بستفيد

كوباية مايه;11112518:
انا لو منك اخد افكار واحاول استفيد

ححاول ان شاء الله علشان كده بدخل اتابع
وشكرا يا جميل على التشجيع