nemonamanemo;11019784:
شطوره يا بيبو
بصي يا هبه المشكله اني عايشه في بيت عيله يعني الكهربا و الغاز و المايه حمايا بيدفها و بنحاسب عليها متجمعه مش كل شهر و بالتالي ممكن شهر يبقي في مبلغ و شهر لا
الخضار و اللحمه و الفاكهه حمايا اللي بيجبها فطبعا مش بقدر احطلها ميزانيه انا بطلب حاجات و هو بيجبهالي و بعدين بيحاسب جوزي عليها مع الكهربا و الغاز و اي حاجه تانيه
انا المشكله عندي مش في حاجه البيت انا المشكله عندي في مصاريف جوزي
انا عملت ايه بقي جبت الكراسه و قسمتها
تاريخ - بند - مستلزمات البيت - جوزي - انا - خروجات - ادويه - طواريء- عربيه- نت وغاز و كهربا و مايه - اي حاجه تانيه
واي حد بيجيب حاجه يكتبها في خانه البند و يكتب سعرها في الخانه بتاعتها
يعني انا جبت صابون اكتب في البند صابون و اكتب السعر في خانه مستلزمات البيت لو جبت حاجه ليا اكتبها في خانتي و هكذا
انا عملت كده عشان نشوف فين البند اللي بياخد الفلوس و كمان عشان جوزي يتكسف لما يكتب الحاجات الهايفه اللي بيشتريها يمكن يبطل ههههههههههههه
ههههههههههههه ما هو يختى هم الرجالة كده خروبين وعاوزين يتظبطوا قولتيلى بصى انتى عاملة زى انا كمان ساكنة فى بيت عيلة وحمايا بيدفع المية والنور بس كده مفيش حد بيجيبلنا اللحمة والخضار والفاكهة عشان بحب اعتمد على نفسى عاوزة المصاريف تبقى معروفة ليا وانزل اعمل فيها ست بيت شاطرة واعرف الأماكن واشترى اللى انا عايزاه فممكن عشان طبعا جوزى مسافر دولوقتى وكمان ممكن اسافر معاه اعمل ميزانية لينا هناك عشان نظبط نفسينا وفى الاجازة اعمل ميزانية تانية وممكن اخرج منها النور والمياه والغاز بس عشان هم اللى بيدفعوه وهو بقى يحاسبهم وباقى البنود حظبطها ربنا يسهل بس والأمور تمشى والهم يزول والواحد ونصيبه
* كلاسيك *;11026132:
يااااااا اكيد فاتني كتير اوى للأسف مش هلحق اقرا
بس انا الحمد لله ماشية ف المصروف كويس
اول اسبوع حوشت 30 جنية جبت بولة صيني كده ليا ف الجهاز وحاجات ف البيت
وتانى اسبوع وفرت 50 جبت بيهم قمصين قطن قصيرين تحفة
ولسه احنا ف التالت بقى وقررت انى ادخل جمعيه ب 50 جنية على قدي :D
لما لقيت نفسي بوفر وخليت خطيبي كمان يدخل معايا بمية علشان عيد الأم
ايه رأيكم شطورة ؟
طبعا شطورة وتاخدى دى :083::087:وعقبال الوسام كمان ويارب تفضلى علطول كده بعد الجواز عشان تفيدينا بخبراتك بقى ههههههههه