اللى عايزة تظبط مصروف البيت تتفضل بسرعة لو سمحت

والله يا ام بودي احنا غيرنا العداد قبل كده بسبب الموضوع ده وبرضه زي ماهي الفاتورة ..بس زي ما على طريق العرس قالت هي تقريبا مش بتتحسب على حسب الاستهلاك بس انا ساكنه في فيصل مش مكان واو ولا حاجه ..

على فكره بالنسبه للحمه انا كنت زمان بجيب الكيلو من الجزار ب45 بس لما بنروح ماما بتوزنه بتلاقي الكيلو مش كيلو لا ناقص 100 او 200 جرام ..السبب في كده ان الجزار بيخليكي تختاري القطعه اللي انتي عاوزاه ويوزنها كيلو وبعدين يبدأ ينضفها ويشيل الدهن وكده ..فبيصفى على اقل من الكيلو بحوالي 200 جرام ..فبصراحه جربت مره اجيب من مترو لقيته بيخليني اختار القطعه وينضفها ويظبطها وبعدين يوزنها فباخد كيلو صافي لحم احمر ..والفرق في الكيلو حوالي 8 جنيه فبقيت اشتري منه على طول كمان لان عشان اروح الجزار واجي باخد تاكسي ب10 جنيه فلقيت ان هي هي ..ولحمة مترو نضيفه اوي ماشاء الله مش زي الاشاعات اللي طالعه انه بيجيب لحمه مستورده والكلام ده ..اللي عاوزة اعرفه بقىالفراخ بكام انابجيب الفرخه حجمها معقول يعني مش كبيره اوي ولا صغيرهه في حدود العشرين كده معقول وللا كتير

nemonamanemo;10879830:









اوكي يا ندوه ياريت تقولي طرق التخزين ;) احسن اكون بعمل حاجه غلط

و مشكله الفراخ مش سعرها الفكره انها تبقي موجوده لان اللي بيشتغل بيبقي عايز حاجات متوفره قدامه

طب ما انتي شطوره اهو وبتعرفي تخزني ههههههههه
نركن احنا علي جنب بقي

ناني فيبس;10880237:
طريقة المسقعه بناء علي طلب الجماهير


بقطع بصله واحمرها في شوية زيت ومعاها قرن فلفل حراق وفص توم وبعدين اكون عصره طماطم تقريبا ٣ حسب الكميه واحطها علي البصل واسيبهم يتسبكوا

وطبعا اتبل بملح وفلفل اسود وشوية بهرات صغيره ونص معلقة سكر صغيره

اقلي اباذنجان واصفيه علي ورق مناديل واحطه للصلصه واحط غطا خل واسيبهم شوية بتاع ٥ دقايق كدة وخلاص بس

وطلعت هايله الحمد لله

ناني انا بعملها بنفس طريقتك يا قمر
بس معلش يا بناويت عشان الموضوع مش يتلخبط يا ريت الاكل يبقي في موضوع الاكل بتاع ام بودي

e_walaa;10880317:
ممكن تزودو عليها كمان فلفل اخضر متحمر او بطاطس محمرة للى بيحبوها كده

انا فعلا بزود عليها فلفل بس بطاطس دي ما حبتش الفكره اصلا

كوباية مايه;10883493:
اشتغلينى بقى انتى وست ندى والله اجى اعضكوا

الواد اسمه حمبوزو لاوى بوزه عشان تاعبنى ومخلينى موجوعه علطول لاوى بوزه فى وشى :(

انتوا ايه حكايه العض معاكوا

كوباية مايه;10883519:
قبل ما امشى عايزه اعرف كيلو الرز بكام والمكرونه الكيس بكام واللحمه الكيلو بردو بكام عشان انا عملتها تقديريه كدا واضايقت جداااااااا من النتيجه

بصي يا جميل علي فكره ممكن تدوري علي محل او سوبر ماركت يكون حلو وموثوق فيه وتيجبي الحاجات دي سايبه بالكيلو هتبقي ارخص
يعني هنا عندنا سوبر ماركت كبير وموثوق فيه وحاجته نضيفه جدا
والله بجيب منه المكرونات السايبه ولسان العصفور وكده بالكيلو ولا بتفرق خالص عن الماراكات
بس زي ما قتلك لازم يكون ثقققققققققه

Boody we zady;10883552:
علي فكرة لو شيلتي الجزر معصور في الفريزر لما تيجي تتطلعيه حيكون خفيف عشان بينزل ميه يا اما تشيليه مبشور مثلا و تشيلي البرتقال عصير عادي

لا يا جميل انا مش عايزه اشيل الجزر معصور انا هشيل عصير البرتقال والجزر مع بعض لان انا بحب طعمه جدا بس مش عارفه هينفع يتخزن ولالا ؟
يعني كوكتيل جزر مع برتقال

كوباية مايه;10883643:
:'(:'(:'(

بصى انا حسبتها ازاى: اللحوم : 4 كيلو فى الشهر = 150 جنيه
الطيور : 4 فرخات صحيحه ويلو بانيه = 110
الارز : 3 كيلو فى الشهر = 10 جنيه
المكرونه انا عملتها تقديريه ب 15 جنيه فى الشهر
الخطار: 50 جنيه اسبوعيا= 200 جنيه
العيش = 30 جنيه
الالبان = انا بشرب تقريبا 10 كيلو وباللى بستخمه كمان فى الاكل = 30 جنيه
الاجبان ' احنا ملناش فيها اصلا بس تقريبا بنجيب ب 20 جنيه بس

المجموع بقى : 150+110+10+15+200+30+30_20=565 :'(


الاستهلاك: الكهربا = 100 جنيه تقريبا
النت = 45 جنيه
المايه = 15 جنيه
التليفون 20 جنيه فى الشهر وانا اصلا مش بستخدمه عشان معرفش حد فى البلد دى اكلمه

المجموع بقى : 100+45+15+20=180 :|:|

الصدق: 15 جنيه
التوفير اليومى : 45 جنيه
التوفير الاسبوعى 50 جنيه
الطواريئ:150 جنيه

المجموع بقى:15+45+50+150 =260 :confused::confused:


المجموع الكلى بقى: 565 +180+260= 1005 :badly::badly::badly::badly::badly::badly:


بقلكم ايه لو انا كاتبه حاجات غلط يقولى لانى عملاها تقديريه لانى مش بنزل من االبيت اصلا فا معرفش اسعار الحاجات كام وكمان لو انا كدا حسباها غلط قولولى ولو فى اى اقتراحات يااااااااااريييييييييييييت :hysterical::hysterical::hysterical::hysterical::hysterical:

بسبس انا كنت مش مكعبره لغاية التامن وفجاءه وبدون مقدمات بقيت حاااااامل

امال فين الزيت والسمنه والسكر والمنظفات يابسبس والبيض والدقيق والكلام ده

nemonamanemo;10884121:
طيب حد يقولي بيطلع كام قطعه؟؟

تقريبا كده بيطله 8 قطع لانى مش بنقطع اللحمه كبيره بنحبها صغيره

nanoo99;10884191:
تقريبا كده بيطله 8 قطع لانى مش بنقطع اللحمه كبيره بنحبها صغيره

النص كيلو بيطلع 8 حتت ازاااااااااااااااااااااااااااااااااااااااااااى عايزه افهمها دى طول عمرى الكيلو بيطلعلى 10 حتت بس يعنى النص كيلو 5:|

shimaaafifi;10884210:
النص كيلو بيطلع 8 حتت ازاااااااااااااااااااااااااااااااااااااااااااى عايزه افهمها دى طول عمرى الكيلو بيطلعلى 10 حتت بس يعنى النص كيلو 5:|

انا بقطع اللحمه صغيره لان انا وجوزى مش لينا فى اللحمه اوى ؟؟؟؟

shimaaafifi;10884185:

بسبس انا كنت مش مكعبره لغاية التامن وفجاءه وبدون مقدمات بقيت حاااااامل

امال فين الزيت والسمنه والسكر والمنظفات يابسبس

فجاءه وبدون مقدمات خاااالص بقيتى حامل هههههههههههههههههههههههههههههههههههههههه

ربنا يكون فى عونا كلنا

تعرفوا ان صنيه البطاطس المحشيه بتبقى لذيذه وموفره فى اللحمه عن اكلات كتير بجد ماما بتعملها بتبقى روعه وطعمها ملوش حل وبتوفر فى اللحمه المفرومه مقارنه بغيرها وفى ناس بتضيف ليها اضافات غير اللحمه بازلاء وجبنه بتبقى الذ فى الطعم واكثر فى التوفير.
ايه رائيكم اننا نشترى فى الارز كميه بتكفى ب6 شهور وكمان السمنه والزيت والسكر والكبريت والملح والكمون والكزبره والفلفل الاسود والقرنفل وبعض التوابل(مش مفروم يتفرم فقط عند الاستخدام)والمكرونه والشعريه والحاجات دى . وبعض المنظفات و الاريال والصابون لانها ملهاش تاريخ صلاحيه ينتهى قريب وخزين فى البيت.

nanoo99;10884191:
تقريبا كده بيطله 8 قطع لانى مش بنقطع اللحمه كبيره بنحبها صغيره

اه كده ينفع تقضي يومين بس انا جوزي بيحب الهوبر ههههههههه:lol:

nanosa311;10884207:

موضوع جامد جدا من ساعة اما اتجاوزت وانا بحاول اعمل كدة ومفيش فايدة

جوزى مش مدينى فرصة ابدا لانة ايدة مخرومة وبيجيب حجات طول الوقت مالهاش لزمة(لذيذ قوى)

ههههههههههههه

وموضوع الحصالة دة انا كنت بعملة وجوزى كان بياخد اللى فية يوم الجمعة ويتصدق بية الحمدلله

بس معرفش الحصالة راحت فين

ههههههههههه

طيب يالا اتشطري و وريه العين الحمرا:mad:

little_princess20;10884231:
فجاءه وبدون مقدمات خاااالص بقيتى حامل هههههههههههههههههههههههههههههههههههههههه

ربنا يكون فى عونا كلنا

تعرفوا ان صنيه البطاطس المحشيه بتبقى لذيذه وموفره فى اللحمه عن اكلات كتير بجد ماما بتعملها بتبقى روعه وطعمها ملوش حل وبتوفر فى اللحمه المفرومه مقارنه بغيرها وفى ناس بتضيف ليها اضافات غير اللحمه بازلاء وجبنه بتبقى الذ فى الطعم واكثر فى التوفير.
اما ان فى الارز بنشترى مثلا ب6 شهور زمان وكمان السمنه والزيت والسكر والكبريت والملح والكمون والكزبره والفلفل الاسود والقرنفل وبعض التوابل(مش مفروم يتفرم فقط عند الاستخدام)والمكرونه والشعريه والحاجات دى .

خلاص ياقمر انا عزماكى عندى بكره لانى محضرها عشان اطبخها وبعمل معها كمان كوسه محشيه لحمه مفرومه

سؤال هو ليه لما اتخزن الكرنب مسلوق عندنا مرات اسود لما استوى اذاى بتخزنوه ومش بيسود

nanoo99;10884257:
خلاص ياقمر انا عزماكى عندى بكره لانى محضرها عشان اطبخها وبعمل معها كمان كوسه محشيه لحمه مفرومه

تسلم ايدك وبالف هنا وشفا صحه وعافيه ربنا يباركلك F:

انا ماما بتسلق الكرنب عادى وبتيشله فى الفريز بس بلاحظ ان الورقه مش بتستحمل لاكن مش بيسود خالص

اكتر من مره اسود فى الحله ورميناه بس ليه مش عارفه الغلطه عند فين

تصبحوا على خير بجد بستفيد منكم جدا ربنا يكرم الجميع

nanoo99;10884284:
انا ماما بتسلق الكرنب عادى وبتيشله فى الفريز بس بلاحظ ان الورقه مش بتستحمل لاكن مش بيسود خالص

احنا كمان بنسلقه نص سلقه وبنحط فى الميه كمون وملح وبنطلعه فى ميه ساقعه ونصفيهوندخله الفريزر ولما نطلعه تانى بنسلقه نص دقيقه تانى

shimaaafifi;10884210:
النص كيلو بيطلع 8 حتت ازاااااااااااااااااااااااااااااااااااااااااااى عايزه افهمها دى طول عمرى الكيلو بيطلعلى 10 حتت بس يعنى النص كيلو 5:|

ازااااااااااااااااااااااااااي الكيلو عشرة بس!!!! أنا بعمل نص كيلو و بيطلع 10 حتت يا بنتي بس احنا بنجيبها موزة مش ملبسه و لا حمرا

Boody we zady;10884369:

ازااااااااااااااااااااااااااي الكيلو عشرة بس!!!! أنا بعمل نص كيلو و بيطلع 10 حتت يا بنتي بس احنا بنجيبها موزة مش ملبسه و لا حمرا

طيب مااحنا كمان مابنجيبش غير موزه ياام بودى قولولى انتوا بتجيبو منين كيلو اللحمه اللى بيعمل 20 حته

kitty_kity;10881504:
انتي فين ف الدمام ياميتسي

انا في الجلويه يا كيتي....

bossy2;10883451:
يا بختكوا ياللى فى الدمام والله احلى ايامى كانت هناك فعلا حلوة جدا الواحه مول وجزيره المرجان واللسان والفان تايم اخخخخخخخخخ
هناخد زمانا وزمن غيرنا ههههههههه على فكرة الاسماك والجمبرى والسى فود عموما عندكو بتبقا رخيصه وحلوة اوى علشان القطيف جنبكو وبيبقا فيها ما لذ وطاب

انتي سيباها بقالك اد ايه يا بوسي.
لا دي اكيد اتغيرت وكل يوم بيعملو فيها حاجات جديده...
فين الواحه مول ؟انا اعرف مارينا والشاطئ .وسنتر بوينت الحاجات دي بس..مشفتش الواحه دا

shimaaafifi;10884210:
النص كيلو بيطلع 8 حتت ازاااااااااااااااااااااااااااااااااااااااااااى عايزه افهمها دى طول عمرى الكيلو بيطلعلى 10 حتت بس يعنى النص كيلو 5:|

علي حسب تقطيع كل واحده يا شيما.يعني انا بجيب كيلو الا شويهيعني 800 جرام مثلا .لانها بتبقي علي بعضها ومتقطعه جاهزه بتطله تقريبا 20 قطعه او اكتر شويه وبعملها علي 3 مرات

بنات انا نفسيا متدمره ادعولى بجد من قلبكم