RAINBOW2000;10877779:
ما شاء الله الموضوع سخن و بقى مليان افكار
عارفة يا نيمو شيلى انت مبلغ كده كل شهر 300 جنيه مثلا حتى من غير ما يعرف و قوليلو اتصرفوا عادى فى المصروف و بعدين قوليله اخر الشهر هتلاقيه فرح اوى و الله طالما هو رافض الجمعية
بالنسبة لموضوع التخزين هو حلو جدا طبعا بس المشكلة الفريزر مش بيساع كل ده انا بخزن الفاكهة كمان بقطعها و اشيلها بتنفع كتير وقت زنقة
المشكله اننا بنحط المرتب كله في الدرج و ننزل نشتري اي حاجه سوا فبيبقي عرف احنا صارفين ايه
انتي عارفه بقي ايه احسن حاجه و اللي نجح معايا فعلا الشهر ده
انا جوزي بيقبض بال ATM سحبنا الشهر ده المبلغ اللي عايزينه بس و نضغط علي نفسنا عشان نخلص بيه الشهر اما الاول كنا بنسحب المرتب كله و نصرفه كله ههههههههه و كمان ناخد قرض من حماتي:D
مشكله الرجاله انهم مش زينا يعني ممكن اي واحده مننا تضغط نفسها و تمشي بمبلغ علي قدها اما الرجاله لا
يعني مره كنت نازله للكوافير و كنت هاعمل حاجه ب 150 او 200 جنيه و معايا يادوب المبلغ اللي هحتاجه جوزي كان بيوصلني لقيته و قف جنب البنك انا مدتيتش خوانه:D
لقيته راجع ب 500 جنيه و بيقولي خليهم معاكي
والله يا بنتي ال 500 جنيه دول خلاص طاروا في خلال يومين في اي هبل اللي بيتسحب من البنك بيطير علي طول احسن حاجه تسحبي علي قدك و تاخدي الكارت من جوزك تخبيه;)
little_princess20;10878651:
انا بمسك مصروف البيت وبعمل اساسيات تتجاب اول الشهر الاريال الصابون الزيت .... وبعد الحاجات دى انا بحب كل شىء طازه بقسم باقى المصروف على عدد الاسابيع واخلى جزء احتياطى لو امكن وانظم المشتروات بالاسبوع واحدد الاساسيات ثم الكمليات وابداء صرف اسبوع اسبوع وساعات بتعدى على خير الحمد لله.
ههههههههههههههههه ساعات طيب والله في امل:lol::lol:
kitty_kity;10878762:
بنات انا همسك مصروف البيت ابتداء من الشهر ده ان شاء الله
ادعولي ربنا ينصفني كدا وقولولي احتياجات البيت ايه وكدا
انا عايزة ميزانية ماتخرش المية هههههههههههه
لقيت ماما بتصرف 4 الاف ف الشهر حسيت اننا هنروح النار حدف
قولتلها انا همشي البيت بنصهم
بما فيهم مصروفي ومصروفها وفلوس بتندفع ف حتت تانية والكهربا والميةو كله
مفترية انا صح ههههههههههههههههه
ههههههههههه النص مره واحده ده ايه الجبروت ده:D
لا انتي ممكن تصرفي انتي و مامتك 2 بس الفلوس اللي بتتدفع في حتت تانيه خليلها ميزانيه لوحدها
bonbona we bas;10879510:
احنا عملنا نفس الفكره في الادويه بتاع بابا الله يرحمه
جمعناها كلها السليم منها
ووديناها للصيدليه اللي بنتعامل معاها وخدنا فلوسها
والحمدلله طلعناها صدقه علي روحه
وطبعا فعلا اللي مش هينفع معاه كده ممكن يوديها اي مستشفي خيري او جمعيه خيريه حتي لان بيبقي عندهم حالالات اعتناء بالمرضي برضه
ربنا يرحمه و يغفرله
bonbona we bas;10879615:
لو حابه يا قمرايا تنتكلم عن طريقه تخزين كل حاجه لانها بتفرق عن التانيه
نحن في الخدمه وهقولك كل حاجه بتتخزن ازاي ؟
هو غالبا الخضار ليه طريقه واحده
العصاير كذلك ليها طريقه وهكذا
بالنسبه للحمه هي ممكن تتجاب وتتشال بس ما تبقاش المده كبيره يعني من الشهر للشهر كفايه والفراخ بقي انا مش بحبذ انها تتشال خالص لانها عامه سعرها مش بيفرق كتير طول السنه فا بفضل اني اجيبها في ساعتها واطبخها
ده اللي في دماغي دلوقتي عن موضوع التخزين
وليا عوده
اوكي يا ندوه ياريت تقولي طرق التخزين ;) احسن اكون بعمل حاجه غلط
و مشكله الفراخ مش سعرها الفكره انها تبقي موجوده لان اللي بيشتغل بيبقي عايز حاجات متوفره قدامه