اللى عايزة تظبط مصروف البيت تتفضل بسرعة لو سمحت

lifedrop;10876011:
برافو عليكى فى مصروفك دة
انا بقول لجوزى انا عايزة مرتب ام وزوجة وهوم مانجر(اى كلمة غير خدامة يعنى)
كدة بقى انا المفروض اخد اكتر منه:)

ما شاء الله ربنا يعدى الشهر معاكى على خير ان شاء الله

انا حاااااااااسة ان الجبن عدوة التوفير......... فظيعة
احنا بناكلها وهيا بتاكل المرتب8o|

ليه بقي يا ندي لانها سهله اجي احضر فطار ببقي عايزه حاجه في السريع جبنه اجي احضر عشا بكسل و احط جبنه

ده غير انها اسرع تصبيره

lifedrop;10876003:
قضوها عدس لاااااااااااااخر الشهر :)
لا بجد نظمى ترتيب الاكل عشان متحسيش بتقشف اوى
ومتسيبوش نفسكم براحتكم فى المصاريف لحد اول ما يقبض ونظمه بقى المرتب

انا بحس ان كل حاجة ممكن تتخزن... بس فين المكااااان؟؟؟
يعنى الطماطم بتتضرب فى الخلاط وتتعان والبصل بيتفرم ويتعان وكذلك التوم والبسلة بتتفصص وتتعان والفاصوليا وبتتقطع وتتسلق شوية وتتعان دة غير اللحمة والفراخ والقشطة بتاعة اللبن انا بشيلها برضه على امل انى اعمل سمنة ومورتة وكمااان بواقى الاكل والخضار الفروزن....
انا حاسة ان الفريزر مش حيقضى كل حاجة

البصل بتعينيه ازاى يا لايف هوا والتوم ريحته مش بتتغير لما يتحط فى الفريزر ^o)^o)
وانا بصراحه فى الزمن اللى احنا فيه دا حاسه ان الديب فريزر من اساسيات الجهاز مينفعش بيت من غيره
اه صحيح الفاكهه ويا عينى على الفاكهه انا لما الاقى فاكهه حلوة ورخيصه يعنى فراوله مانجو جوافه او حتى موز بجيب واحط فى الفريزر بعد ما اظبطها يعنى المانجا اقشرها واقعها شرايح وفى كيس وفى الفريزر الفراوله بغسلها كويس واحط عليها حبه سكر صغيرين اووووووى واقطعها واسيبها شويه برا وبعدين فى كيس وفى الفريزر الجوافه بشيل البزر وفى كيس برضوا حتى الموز لو قعد عندى شويه اقشره واقطعه حتت وفى كيس وبعمل بيه احلى موز باللب بيبقا تحححححفه عشان بيبقا ساااقع كده وتحفه اوى

انا مش بشتغل و المرتب 2000 ساعات كانت بتخرف مننا بس سبحان الله ربنا كان بيسترها و تحصل حاجه تسد العجز

انا قاعده فى الرياض يا شوشو

nemonamanemo;10876005:
يعني ديه فلوسك ولا تعتبر تبع الفلوس اللي محوشينها انتي و جوزك

هو اتفق معايا بدل قعدتي في البيت اخد منه مرتب شهري ويبقي معايا وهو كل مره بيديني مرتب كده حوشت منه 1600 ريال لحد دلوقتي الحمدلله
انا قلي حاول اقلل المصروف شويه واديكي 300 بس انا قولتله 500 اخر كلام ههههه

ال مصاريف 2000 جنيه شامل ايه اكل بس ولا حاجه تانيه يانيمو

بوسي علي فكره احنا ظروفنا غير ظروف مصر لان مصر الفاكهه والخضار اسعارهم كويسه لكن هنا الاسعار نااااااااااااار
كيلو اليوسفي ب 15 ريال
نفسي فيه بس عني ماكلته

miko85;10876061:
ال مصاريف 2000 جنيه شامل ايه اكل بس ولا حاجه تانيه يانيمو

مهي ديه الفكره ان مش اكل بس سبحان الله يا بنتي كل شهر تطلع مصيبه من تحت الارض تاكل الفلوس

انا اصلا باخد تموين من عند مامتي الي هو الزيت و السكر و بابا لحد دلوقتي بيجبلس رز و لحمه و فراخ و حاجات تانيه كتير

ده غير اني ساكنه مع حماتي و بتديني فاكهه و خضار ساعات كتير

امووت و اعرف بقي فين المشكله

miko85;10876067:
بوسي علي فكره احنا ظروفنا غير ظروف مصر لان مصر الفاكهه والخضار اسعارهم كويسه لكن هنا الاسعار نااااااااااااار
كيلو اليوسفي ب 15 ريال
نفسي فيه بس عني ماكلته

miko85;10876067:
بوسي علي فكره احنا ظروفنا غير ظروف مصر لان مصر الفاكهه والخضار اسعارهم كويسه لكن هنا الاسعار نااااااااااااار
كيلو اليوسفي ب 15 ريال
نفسي فيه بس عني ماكلته

اه والله عندك حق وبعدين هوا اليوستفندى اللى هنا ليه طعم
دا بتاع مصر دا والله كنت باكل منه ومبشبعش ولا الجوافه اههههههههههه متفكرنيش
منا عشان كده كنت بقولك الغالى بلاش منه لانه غالى ومش حلو
بس على فكرة هيثم كان جابهولى ب5 ريال كان عليه عرض من بنده كبير كده ومعقول يعنى بس هوا فين وبتاع مصر فين واللى نفسى فيها اوى الجوافه كنت باكل منها اكل لما كنت فى الاجازة يا الله كانوا بيقولولى خدى شجرة معاكى وانت ماشيه

ايه يا بنات مقلتوش البصل ازاى بيتخزن فى الفريزر وطعمه مش بيغير هوا والتوم ولا ايه

miko85;10875978:
كنت محوشه كاااااااااااام طيب واخدهم منك

مكنتش لسه حوشت حاجه.انا كنت عاوزه احوش اللي هيتبقي من مصروف الشهر..وخدهم بقي :'(

bossy2;10876050:
انا قاعده فى الرياض يا شوشو

انا جايالك كمان شهر
قوليلى ايه النظام عندك

bossy2;10876085:
ايه يا بنات مقلتوش البصل ازاى بيتخزن فى الفريزر وطعمه مش بيغير هوا والتوم ولا ايه

انا بخرطه واحطه فى اكياس واحطه فى الفريز ولا بيغير ريحه ولا طعم

shimaaafifi;10876018:
بنات انا بخلص ورق سفرى لجوزى ونفسى اوى اوفر وانا هناك واحوش ادعولى ربنا ييسرلى

ربنا ييسرلك اللى فيه الخير يا قمر

nemonamanemo;10876029:
ليه بقي يا ندي لانها سهله اجي احضر فطار ببقي عايزه حاجه في السريع جبنه اجي احضر عشا بكسل و احط جبنه

ده غير انها اسرع تصبيره

دى مشكلتها انها اسرع واسهل اكلة

bossy2;10876036:
البصل بتعينيه ازاى يا لايف هوا والتوم ريحته مش بتتغير لما يتحط فى الفريزر ^o)^o)
وانا بصراحه فى الزمن اللى احنا فيه دا حاسه ان الديب فريزر من اساسيات الجهاز مينفعش بيت من غيره
اه صحيح الفاكهه ويا عينى على الفاكهه انا لما الاقى فاكهه حلوة ورخيصه يعنى فراوله مانجو جوافه او حتى موز بجيب واحط فى الفريزر بعد ما اظبطها يعنى المانجا اقشرها واقعها شرايح وفى كيس وفى الفريزر الفراوله بغسلها كويس واحط عليها حبه سكر صغيرين اووووووى واقطعها واسيبها شويه برا وبعدين فى كيس وفى الفريزر الجوافه بشيل البزر وفى كيس برضوا حتى الموز لو قعد عندى شويه اقشره واقطعه حتت وفى كيس وبعمل بيه احلى موز باللب بيبقا تحححححفه عشان بيبقا ساااقع كده وتحفه اوى

انا لسة مجربتش البصل ... بس فى الخطة ان شاء الله
انما التوم بعمله عادى.... بجيب التوم وافرمه واحطه فى كيس واقفله كويس وبعدين احطه جوا برطمان او جوا علبة حلاوة او اى علبة بلاستيك وبس

بس سؤال بقى...انتى ليه بتشيلى بذر الجوافة ...دة بيبقى حلو فى عمايل العصير؟؟؟

nemonamanemo;10876043:
انا مش بشتغل و المرتب 2000 ساعات كانت بتخرف مننا بس سبحان الله ربنا كان بيسترها و تحصل حاجه تسد العجز

انا رائى انك تدخلى جمعية ب 500 جنيه
حتحوشو اجبارى وترشده استهلاكو وحتعيشو عيشة كويسة ان شاء الله

nemonamanemo;10876074:
مهي ديه الفكره ان مش اكل بس سبحان الله يا بنتي كل شهر تطلع مصيبه من تحت الارض تاكل الفلوس

انا اصلا باخد تموين من عند مامتي الي هو الزيت و السكر و بابا لحد دلوقتي بيجبلس رز و لحمه و فراخ و حاجات تانيه كتير

ده غير اني ساكنه مع حماتي و بتديني فاكهه و خضار ساعات كتير

امووت و اعرف بقي فين المشكله

انا تقريبا زيك بالظبط

ودة اللى خلانى اشوف الفلوس بترح فين ؟؟؟
وان شاء الله حظبطها

shimaaafifi;10876101:
انا جايالك كمان شهر
قوليلى ايه النظام عندك

بجد تنورى يا قمر هتيجى هنا فين بالظبط
بصى هنا يا ستى حالنا احسن من مناطق تانيه كتير ولله الحمد
فى سوبر ماركت اسمه بنده وفى العثيم وفى كارفور وفى الدانوب بس دا غالى حتى عروضه مبتبقاش حلوه احسن حاجه بنده او العثيم بيبقا فيهم عرووووض كتير حلوة والعثيم يوم الاتنين بيبقا منزل عروض جامد هعلى الفاكهه والخضار كيلو عليه كيلو مجانا بس مش كل حاجه حاجات وحاجات وفى اللحمه انصحك تجيبيها من مكان اسمه التلاجه رخيصه وحلوة والفراخ بقا فى فقيه دى بتبقا صابحه كنت بجبها اول سنه بس غاليه شويه وبعدين قرفت منها كده فى بقا مجمده اسمها دو حلوة موووووووووووت رهيبه وحاجات تانيه بس لما تيجى ان شاء الله اقولك عليها
اه واعملى حسابك هنا مفيش فاكهه غير موز وتفاح دول احلى حاجه اى حاجه تانيه انسى خالص
وانت جايه بقا كده زى الشاطرة هاتى معاكى سكر يا حلوه عشان السكر هنا ال10 كيلو ب30 رياال ههههههههه يعنى 45 جنيه تقريبا ولو تقدرى تجيبى رز مصرى كمان ماشى بس السكر اهم لانه مرة واحده غلى اوى الرز المصرى ال5 كيلو ب 22او 23 لغايه 25 ريال على حسب العروض

انا من قبل الجواز و انا بقنع جوزي بالجمعيه بس هو رافض تمام

محدش في عليتهم بيعمل جمعيه بيشيلوا علي طول في البنك و هو رافض الفكره تماما بيخاف نتزنق مع ان ده المطلوب

shimaaafifi;10876110:
انا بخرطه واحطه فى اكياس واحطه فى الفريز ولا بيغير ريحه ولا طعم

بتخرطيه صغير كانه للصلصه يعنى وبتسويه قبل ما تحطيه ولا بتحطيه نى ^o)

nemonamanemo;10876074:
مهي ديه الفكره ان مش اكل بس سبحان الله يا بنتي كل شهر تطلع مصيبه من تحت الارض تاكل الفلوس

انا اصلا باخد تموين من عند مامتي الي هو الزيت و السكر و بابا لحد دلوقتي بيجبلس رز و لحمه و فراخ و حاجات تانيه كتير

ده غير اني ساكنه مع حماتي و بتديني فاكهه و خضار ساعات كتير

امووت و اعرف بقي فين المشكله

نيمو ماينفعش خالص لانك كل ال بيتصرف بيجيلك من اهللك لما اللحمه والفراخ والرز والسكر والفاكهه بتجيللك من اهلكم امال بتصرفي فين
لازم تعاقبي نفسك انتي وجوزك ههههه وادجخلي جمعيه واخليكي اخر واحده زي ماقالت ندي علشان تضطري تحوشي وانتي قولنا صرفتي مثلا ايه الشهر ده ال خلي 1500 يطيرو

bossy2;10876076:
اه والله عندك حق وبعدين هوا اليوستفندى اللى هنا ليه طعم
دا بتاع مصر دا والله كنت باكل منه ومبشبعش ولا الجوافه اههههههههههه متفكرنيش
منا عشان كده كنت بقولك الغالى بلاش منه لانه غالى ومش حلو
بس على فكرة هيثم كان جابهولى ب5 ريال كان عليه عرض من بنده كبير كده ومعقول يعنى بس هوا فين وبتاع مصر فين واللى نفسى فيها اوى الجوافه كنت باكل منها اكل لما كنت فى الاجازة يا الله كانوا بيقولولى خدى شجرة معاكى وانت ماشيه

صح واللخ قال كيلو جوافه ب 10 ريال ويياريت حلوه طيب ماده بردو كتير علينا

mitcy;10876092:
مكنتش لسه حوشت حاجه.انا كنت عاوزه احوش اللي هيتبقي من مصروف الشهر..وخدهم بقي :'(

المرمه الجايه ان شاء الله

انا لسة مجربتش البصل ... بس فى الخطة ان شاء الله
انما التوم بعمله عادى.... بجيب التوم وافرمه واحطه فى كيس واقفله كويس وبعدين احطه جوا برطمان او جوا علبة حلاوة او اى علبة بلاستيك وبس
بتشيليه فى الفريزر ولا التلاجه
بس سؤال بقى...انتى ليه بتشيلى بذر الجوافة ...دة بيبقى حلو فى عمايل العصير؟؟؟

اصل جوزى مش بيحبه خالص فى العصير وببقا لازم اصفيه لو مشلتش البذر وانا مش بحب اصفى عصير الجوافه بحب حتت القشر الصغننه اوى دى تحسى انه مش مايه كده فاهمانى

bossy2;10876170:
بتخرطيه صغير كانه للصلصه يعنى وبتسويه قبل ما تحطيه ولا بتحطيه نى ^o)

اه نى ياقمر وبخرطه صوغنن بحيث انه يخرج عالزيت على طول ماتستنيش يفك