hoobie;10871529:
بسبس الابليكشن جامد اوي ..بجد تقسيمته حلوة اويهقعد املاه دلوقتي ..بس ضحكتيني انتي وندى على موضوع الحصالات ههههههههههههههه
:D:lol:
كوباية مايه;10871770:
بصوا يا قمرات بقى هقول كام نصيحه:
1- ممكن ما موسم خضار معين يجى ويبقى رخيص نجيب ونخزن يعنى مثلا الطماطم قدامها شويه وهترخص ويبقى اللكيلو ب 60 قرش ساعتها هنجيب كميه ونعملها صلصه لجميع الاغراض ونسيبها فى الفريزر
2- التوم نفس الحوار نجيبه ونفرمه وفى الفريزر
3- ممكن بدل ما اجيب مسحوق تنضيف للاراضى مخصوص والتنضيف يبقى بدل ما اجيب ماركه اروح اجيب من الصابون او المنظفات السايله اللى بالكيلو دى افضل على ما اظن
مش فاكره بقية الحاجات مع ان كان فى مخى كتير
4- اه افتكرت لما يتبقى مثلا نوع من الفاكهه واحده ولا اتنين مترميهومش شيليهم فى الفريزر ولما تجمعى كزا نوع فاكهه فى الفريزر هاتيهم واعملى عصير كوكتيل
:thumbs_up::thumbs_up:
kitty_kity;10871948:
طب ياريت يابنات لما يجي موسم خضار معين او فاكهه نفكر بعض بيه
انا بجيب البامية والبسلة والحاجات دي وبخزنها
والتوم بخزنه فصوص
عشان بحتاجه فصوص كدا اقطعها حتت صغيرة مش مفرومة
والطماطم برده
اممم ايه تاني
هفكر واقولكم الي ف دماغي
:thumbs_up::thumbs_up:
كوباية مايه;10873486:
ايوه صح يا كيتى شطوره احنا فعلا فى موسم كل نوع نقول لبعض وياريت لو نقول السعر كمان عشان نجيبه لما يرخص تمنه مش اول ما يكون طالع ويبق غالى اوى
انا بجيب البسله وافصصها واشيلها فصوص زى ماهى كدا والتوم بردو كنت بخزنه زيك كدا يا كيتى بس بقيت افرمه واستسهل عشان الحمل وكدا مليش خلق اقعد ادق فى الهون :confused:
وياريت اماكن الرخيصة برضه...خليكو ناصحييييييييين :$::study:
كوباية مايه;10873526:
بصوا بقى نظرا لان كلكم تقريبا بتصرفوا المرتب على الجبن والالبان فانا هقول اقتراحين
اولا يا حلوين ايه رأيكم بدل ما تفطروا اجبان تفطروا كيك؟؟؟ اه كيك وشاى باللبن او لبن زى ماتحبوا
انا علطول بعمل كيك او كورواسون لجوزى فى الفطار او بسكويت او كدا انما جبنه وعيش وكدا لا خالص
والجبنه بخليها للعشا بس
بالنسبه بقى للزبادى والناس اللى بتحب الزبادى او عندها اطفال عايشين عليه بدل ما تجيبوا علبه الزبادى ب جنيه ونص فى اليوم وطبعا مش بنجيب واحده داحان بنجيب على الاقل 4 عشان النونو وكدا ال 4 هيكلفوكى 6 جنيه طيب ليه متجيبيش لبن وتعملى الزبادى فى البيت؟؟؟ اظن هيبقى اوفر بكتير ليكى وبعدين كيلو اللبن بيعمل 6 كوبايات او 8 فى ماكينه الزبادى واللى معندهاش مكنه زبادى ممكن تعملها فى الفرن عاااااااااادى وبيبقى زى بتاع بره واصح كمان لان بتاع البيت بدون مواد حافظه يعنى ضربتى عصفورين بحجر
ها ايه رأيكوا؟؟؟
بالنسبة لفكرة الزبادى حلوة اوى ...وفعلا جربتها وموفرة وبتبقى حلوة وصحية
بالنسبة للكيك حاساها مش هتنفع معايا اوى .... بس لوعرفت حعملها
بس انا ناويت ان مش كل يوم جبنة
حكتر البيض والفول
kitty_kity;10873561:
انا بعمل كيك فعلا يابسبس
بس مش بفطر بيه :)
اساسا انا معرفش بنودي الجبنة فين هههههههههههه انا بفطر ممكن نص رغيف فينو
او بيضايه مسلوقه
ومش بشرب لبن خالص
بجيبه للحلويات والبشاميل بس
بتاكلو الجبنة للتلاجة;)
kitty_kity;10873578:
انا مش بدق ف الهون يابسبس :)
انا لما باجي اعمل ملوخية مثلا بجيب التوم الفصوص على القطاعه واخرطه بمخرطة الملوخيةههههههههه
تعرفي اني شارية المخرطة للتوم بس؟
الملوخية بعملها ف مفرمة الملوخية
بخرط التوم بالمخرطة او السكينة كدا للملوخية والبامية
هو لما كيلو التوم بيرخص يوصل كام؟
وعايزة اعرف امتى بيبقى حلو وكبير وبيتقشر بسهولة
الثوم الصينى حلو وعملى
العتب;10873618:
بالنسبة لميزانية البيت انا وزوجي نحطها في بوك او المحفظة وخلاص معروفة السالفة هذا بوك حاجيات البيت ما ينصرف الا للبيت نشتري الأغراض شهرياً ....
صحيح انا مبذرة هههههه بس الحمدالله بما ان فيه جمعيات اسويها واشارك فيها المبلغ يتجمع واقدر اخبي شيء للمستقبل الجمعيات كثير مفيدة خاصة إذا كانت فوق 100 الف او حتى 50 الف تكون طيبة وتنفع بطريقة ما ينحس فيها
العتب تشكر صاحبة الموضوع
العتب
وصاحبة الموضوع بتقول جزاكى الله خيرا على المشاركة:D
كوباية مايه;10873632:
اه انا بخرطه بالمخرطه لو كان مثلا بعد ما فرمته واتلج خلاص لقيت فص فات من المفرمه فا بخرطه فى السريع بس معنديش وقت كل شويه بردو اخرط يمكن عشان بعد كد مع النونو والحوارات دى بقى انتى عارفه
بصى بصراحه انا ماما بتجيب عندها التوم فى اول الموسم بيبقى ملهوش قشره كدا وبتحطه فى المفرمه علطول من غير اى قشر بيبقى تحفه وطعمه قوى جداااااااااااااا لدرجه انها بتعمله فوق السطح عشان مره عملته فى البيت اغمى عليها من الريحه
انا بجيب التوم الصينى ب 4 جنيه وبجبه اتنين فى السنه
بسبس انتى كنتى قلتى ان ينفع نخزن التوم الصينى بحاله كدة من غير ما يتفصص ولا يتقشر ...صح ؟
* كلاسيك *;10873648:
معاكي ف موضوع الزبادي ده فكرة حلوة اوى
لكن الفطار لألألألألألألألأ مش معاكي خالص يا بسبس
اولاً فى ناس كتير بتعمل دايت
وبيبقى صعب انها تاكل كيك رغم انه عادي برضه
بس كمان وجبه الفطار دي اهم وجبة
يعني الواحد يدوس فيها مهما يدوس عكس العشا
يعني صعب الكل يطبق الفكرة دي
هو ممكن الواحد يجيب نوع او نوعين جبنة ف الاسبوع
وكل اسبوع يغير او كل اسبوعين يغير النوع
بحيث ميكونش حرم نفسه برضه من حاجة
فكرة حلوة برضه يا يويو...بس برضه موفرناش اوى
احنا عايزين نقلل استهلاك الجبنة ييعنى يبقى ليها بداااااااااااااائل
ناني فيبس;10873850:
هههههههههههههههه ايه الشر دة
طيب انا النهاردة دخلت السوبر ماركت وانا مش محتاجة اي حاجة بس رحت مع وحدة صاحبتي وطبعا عيني زاغت جبت فراوله ومكسرات ولحم روستو للفطار :thumbs_down:
كوبايه الخطه بتعتك حلوة اوي
بس انا بجيب كله من مكان واحد لحمه وخضار وكله مش بعرف اقسم بيكون كله في نفس الفاتورة
طيب وفين بند الخروج ولا مش هيبقى في خروج خالص؟
ارعق يعنى:mad:؟؟؟؟
ايه الدلع دة ؟!!!
عقابا ليكى مفيش الخروج اللى بتسالى عليه دة:p
كوباية مايه;10873899:
بصى يا ستى انا عندى جوزى بيحب يفطر خفيييييييف وبدين انا مش بقولك كيكه وبس بقولك كيكه او كورواسون وتحشيه اللى انتى عايزاه براحتك وبعدين اللى بيعمل رجيم بيبقى له اكلات معينه بره البرنامج بتاعنا دا خاااااااااالص
بالنسبه بقى للجبن وفكره التغيير كل اسبوعين حلوه فعلا بس الحمدلله انا وجوزى مش بناكل غير الجبنه البيضه والنيستو فقط لا غييييييييييير
وساعات بجيب بسطرمه بس مش دايما اولا عشان جوزى مش بيحبها وانا بس اللى بحبها وثانيا الدكتور قايلى مكترش منها فى الححمل فا جوزى بيجيبلى مره كل شهرين ولا حاجه من نفسى بس عشان منساش طعمها :worn_out:
انتى بطفشى الزباين ليه؟؟؟:-#
بتوع الرجيم معانا يا جماعة ...اوعى تمشو
بس هوا مش المفروض ان بتاع الرجيم يقلل فى الاكل يعنى موفر
يعنى اقل حاجة يصرف عليها هيا الجبن والحاجات اللى تخن ويحطها فى فاكهة وخضاااااااااار ... ولا ايه؟؟؟!