تجمع ورغى حوامل مصر لشهر ذي القعدة 1430 يارب قومهم كلهم بالسلامة

miramiro;10636251:
لا الف سلامه عليكى يا دندونه
طب لسه معرفنيش من ايه؟
و مروحتيش كشفتى امبارح؟

بصي انا رحت النهاردة للدكتورة وقالتلي تشطيف خارجي واحاول ادخل شوية بس ده عشان الحمل

بنات انا نازلة رايحة للدكتورة دعواتكم

miramiro;10633803:
يا اخواتى فى الله

انا متجوزه بقالى 3 شهور الحمد لله و حوزى مسافر

و فى يوم فرحى حصل موقف ان بابا وماما و اختى الوحيدة و جوزها كلهم كانوا فى عربيه جوز اختى و هو اللى كان سايق
بعد ما الزفه كلها جت اخذتنى من عند الكوافير رووحنا الاستديو نتصور
لكن جوز اختى و جوز خالتى ركنوا العربيات فى شارع جانبى مش ورا العربيات كلها
و انا مكنتش عامله فرح زى ما انتم عارفين و فكنا هنعمل زفه و نلف شويه عقبال ما ميعاد كتب الكتاب يجى

بس لما طلعت من الاستديو مشينا و روحنا شارع بيت حماتى علشان ناخذ ناس من هناك
و لقيت اختى بتكلمنى انهم تاهوا من الزفه و هيسبقونا على قاعه الشرطه علشان كتب الكتاب

لكن اكتشفت بعد كده انهم مش كانوا تاهوا و لا حاجه و ان جوز اختى عقبال ما جاب العربيه كنا مشينا و هو زعق و قعد يقول دى ناس مش محترمه و مش بيحترمونا و ازاى ام العريس هى اللى تركب قدام فى عربيه العروسه

واخت جوزى كلمت اختى تقولها انتم فين مش معانا ليه و كان هو بيزعق و صوته عالى و بيشتم فيهم فاختى قالت لها احنا تهنا وكده
ولما روحنا عند قاعه كتب الكتاب بابا قالهم ان جوز اختى زعلان فاخو جوزى الكبير راح قاله لا الا زعك انت مين بس اللى زعلك فجوز اختى قال انتم مش محترمينا و سبتونا قام اخو جوزى التانى قاله لا احنا محترمين و مش عجبه الكلام بس خال جوزى و بابا سكتوهم و خال جوزى اخذ اخو جوزى بعيد و كده و طبعا الناس اخذت بالها من الصوت العالى بتاعهم

انا معرفتش كل ده الا بعد جوازى بفترة

و كان جوز اختى حالف انه مش هيدخلى بيت بس رجع فى كلامه بس امر اختى ان ملهاش اى دعوه نهائى بالناس دى

و هى فعلا مش بقت تكلمهم الا لما يكون بره او نايم و قليل جدا لما حماتى ملت عمليه و كده بس

لكن المشكله ن اختى بعتت رساله لجوز اختى تطمئن عليها فجوز اختى عرف
فاخذ الموبيل بتاعها و زعقلها انها لسه على اتصال بهم
و بعت رساله من موبيل اختى لاخت زوجى يقولها انه عرف و هو كان قايل لى انى اقطع علاقتى بكم علشان كذا و كذا
ومترنيش عليا تانى و لا تتصلى بى علشان بيتى هيتخرب دلوقتى

تصوروا بقى منظرى و الكلام اللى سمعته من حماتى و اخت جوزى
طبعا قلتلهم والله ما اختى ده هو يا جماعه لانه من يوم الفرح و هو مضايق و كده

انا دلوقتى مش عارفه اعمل ايه
انا حاسه ان علاقتى باختى باظت مش هقدر اروح بيتها تانى و لا هى هتقدر تجيلى

وانا بجد مش طايقه جوزها ده خالص انا و بابا و ماما مصدومين
الموضوع ده بقاله 4 ايام دلوقتى
و هو من اقوله ايه بس ياربى تانى يوم بيدينى انا و ماما رنه على الموبيل عادى جدا و لا كانه عمل حاجه
و النهارده برضو رن لماما و لا كانه عمل حاجه

مع اننا قلنا للاختى امبارح احنا ملناش دعوة به تانى مدام مش عمل احترام لينا

بس معنى انه رن تانى انه مش يعرف كده وانا براحه هتفقع منه هطق اعمل اييييييه؟
ده غير ان حماتى هتقول لجوزى لما يجى مصر اعمل ايه يا جماعه لما يعرف ان اخته اتهزقت كده
اعمل ايه و اقول ايه اتصرف ازاى قولولى بالله عليكم

واسفه انى طولت بس كنت عايزه اقول بعد التفاصيل علشان مش اكون ظلماه و فى اسباب تانيه هو بيقولها عليهم برضو بس لو عدت اقولها كلها يبقى هكلم للصبح

اتصرف ازاى يا جماعة؟

لازم باباكى ياخد موقف مع جوز اختك واختك كمان دى غيرة سلايف وهبل وانتى حاولى تلطفى الجو مع حماتك

شكرا ياقطه بس انا مش حساسه ولا حاجه انا بس تعبت من كتر المشاكل

المشكله اللي عندي ان محدش بقى بيعمل اعتبار لحد
وامي بتكره جوزي اوي والمشاكل كلها وقعت فوق راسي
من جهه مشاكلي مع جوزي ومن جهه تانيه مشاكلي مع امي
انا هنا في بيت اهلي حاسه نفسي مراقبه يعني لو اتكلمت مع جوزي واخويا سمع يروح يصنط عليا ويقول لامي
ولو امي سمعتني بتكلم مع جوزي تروح حاطه ودانها على الموبايل وتسمع

انا والله استحملت كتير من الطرفين ومش عارفه اعمل ايه دي امي وهو جوزي

تعبت

مين هنا

miko85;10640527:
مين هنا

مكاميكو كنتي فين طول اليوم وبالليل

ازيكم عاملين ايه ؟؟؟

معلش يا زوكا ربنا يفك همك


ميرا ميروووووو اخبارك ايه

ميكو عامله ايه هبعد عنك رايحه الريااااض انا عرفت بيقولى الروضه يا ايمااااااان

ديووووووووووووووو اخبارك اييييه فينك يا عروسه عامله ا يه واخبار الجواز ايه ؟؟؟؟ انتى حامل ؟؟؟

يا حبايبى يا حلوييييييين
عاملين ايه وحشتونى

حبيبه مادو;10640724:
ديووووووووووووووو اخبارك اييييه فينك يا عروسه عامله ا يه واخبار الجواز ايه ؟؟؟؟ انتى حامل ؟؟؟

حبيبتى ازيك انتى عاملة ايه انا الحمد لله تمام
انا سألت عليكى والله بس قالواالنت عندك بايظ
ايه اخبار الجواز والحمل اههه انا حامل شوفتى الصدف السعيدة
مع بعض برضه يارب دايما مجمعين فى كل حتة عقبال تجمع الامهات يا رب

قوليلى عاملة ايه فى الحمل ؟
بتروحى لدكتور مين ؟؟

كتكوت ازيك ياقمر وازى نونتك ؟؟؟

du;10640761:
حبيبتى ازيك انتى عاملة ايه انا الحمد لله تمام
انا سألت عليكى والله بس قالواالنت عندك بايظ
ايه اخبار الجواز والحمل اههه انا حامل شوفتى الصدف السعيدة
مع بعض برضه يارب دايما مجمعين فى كل حتة عقبال تجمع الامهات يا رب

قوليلى عاملة ايه فى الحمل ؟
بتروحى لدكتور مين ؟؟

كتكوت ازيك ياقمر وازى نونتك ؟؟؟

ازيك يا دو يا قمر، هو انتي اسمك الحقيقي ايه بقي :D:D
حبيبة مادو مش هنا دي في السعودية.

كوكي يعني انتوا لسه مسافرتوش، اومال هايبقي امتي ان شاء الله

الف مبروووووووووووووووك يا ديو يا حبيبتى بس للاسف انا فى السعوديه سافرت مع جوزى من شهر كده

وان الحمدلله حامل فى اول التانى ربنا يقومنا ب السلامه اننا وانتى انتى بتاخدى ايه الدكتور كتبلك ايه؟؟؟ واخبار النونو ايه مغلبك زى؟؟

انا مسافره اهوووو بعد شويه يا كتكتووتى هقوم البس الساعه 12 وهمشى 12 ونص الطياره ميعادها 2 ونص ان شاء الله

CuTie KaTkOoTa;10640780:
ازيك يا دو يا قمر، هو انتي اسمك الحقيقي ايه بقي :D:D
حبيبة مادو مش هنا دي في السعودية.

الحمد لله انتى ازيك
انا اسمى غدير انتى اسمك ايه ؟؟
وعايزة تسمى ايه ان شاء الله ؟؟

حبيبه مادو;10640785:
الف مبروووووووووووووووك يا ديو يا حبيبتى بس للاسف انا فى السعوديه سافرت مع جوزى من شهر كده

وان الحمدلله حامل فى اول التانى ربنا يقومنا ب السلامه اننا وانتى انتى بتاخدى ايه الدكتور كتبلك ايه؟؟؟ واخبار النونو ايه مغلبك زى؟؟

الله يبارك فيكى يا قمر مبروك ليكى انتى كماان
يااه وايه اخبار الحياة فى السعودية ؟؟

ربنا يقومك بالسلامة النونو مغلبك ازاى؟؟؟؟
انا لسه فى الاول فا مش حسيت حاجات لسه بس بنام كتيييييييييير اوى
انا باخد فوليك اسيد 500 قرص واحد فى اليوم وهاروح للدكتور تانى يوم الاحد عشان طلب منى تحاليل كتير اوى هعملها و اروحله

حبيبه مادو;10640798:
انا مسافره اهوووو بعد شويه يا كتكتووتى هقوم البس الساعه 12 وهمشى 12 ونص الطياره ميعادها 2 ونص ان شاء الله

تروحوا وتوصلوا بالسلامة ان شاء الله متقلقيش يا كوكي، كل سفرية وفيها خيرة :D:D

du;10640817:
الحمد لله انتى ازيك
انا اسمى غدير انتى اسمك ايه ؟؟
وعايزة تسمى ايه ان شاء الله ؟؟

انا ايمان يا جميلة، وان شاء الله لغاية دلوقتي مستقرين علي جودي

انا جييييييييييييت

نورت البيييييييييييييييييييييت

ادعووووووووووووولى لولى تنام شوية عشان انتم واحشنى قوى قوى قوى قوى

هدى ازيك عاملة ايه وايه اخبار بلبلة ؟؟؟
سلمى عليها وبوسيهالى
ايه اخبار جسمك بعد الولادة خسيتى
ينفع اعرف انتى كنتى كام كليلو قب الحمل واثناءه وبعده
لو مكنش يضايثك يعنى يا قمر