تجهيزات واستفسارات حوامل مصر :)

مبروك عليكي يا قمر ماشاء الله حلوين

اللي لونها اصفر دي الشيالة علشان تستخدميها في الخروج بتخلي فيه حرية اكتر في الحركة وانتي بتشتري حاجة او كدة مش شايلة البيبي وبرضه مش ملخومة بالعربية :)

حلويت اوي ياتوتا وعقبال محمد خطيب بنتي يلبسهم
قوللي كل حاجه وسعرها

توتا سنتر بيونت فيه ماركه جونيور وماكس ولا ماكس فاتح لوحده
وكان في دسكوند ولا ايه عليهم

miko85;10913099:

توتا سنتر بيونت فيه ماركه جونيور وماكس ولا ماكس فاتح لوحده
وكان في دسكوند ولا ايه عليهم

لا ما كانش فيه ديسكاونت :( وماكس فاتح لوحده ايوة
و سنتر بوينت كله ماركة جونيور :D

whiteoff;10912569:
ميكو تحفة البيجامات وسعرها حلو ما شاء الله انتي جبتيهم منين؟

من محل اسمه زهره الاندلس موجود في كل حته برضو وبقولك كمان سالبوتات ال جبتها للار ماركه ديزني جبتها من مول كده اسمه الضباء برضو ليه فروع كتير ....ماكسي باه مافهوش حاجه معرفش ليه

Eng. BoB;10908789:
انا عايزة اعرف لو سمحتم فين لفلى اللى فى الدقى وفين سيف ستورز اللى فى المهندسين :confused:
او لو حد عنده نمر تليفوناتهم يبعتهالى :o

وهو البيبى لازم ياخد أعشاب؟؟؟؟؟؟؟؟؟؟ واحدة صاحبتى بتقولى ماتديلهاش حاجة قبل 6 شهور ولو جالها مغص اجيبلها دوا اسمه نيو اكوافيرا
ايه رأيكم؟؟؟ ياريت الماميهات يردوا عليا :confused:

واجيب كام كوفرتة؟؟؟
انا مقتنعة اكتر بصراحة بالسالوبيت التقيل فى الخروج هو والسليب باج
وهولد ان شاء الله فى مارس
واكتوبر برد جدا جدا جدا
اجيب بقى كام سليب باج وكام سالوبيت مبطن؟

الاعشاب مفيده للبيبى عشان المغص وبتديله كميه قليله حوالى 25 مل بس وبالنسبه للادويه فى ماء غريب زى اكوافيرا حلو اوى وتجيبيه المستورد وفى سايمثيكون ب3جنيه او دنتينوكس ب 17 جنيه التنين زى بعض هاتى واحد منهم

السالوبيت المبطن عملى حدا احسن من كلفتة البطاطين وكفايه واحد بس عشان كبيره شهر هيلبسه بما انك هتولدى فى مارس ان شاء الله

Eng. BoB;10908961:
ميرسى يا اناناسة
انا قصدى انى ساكنة فى 6 اكتوبر والجو هنا عندنا برد اكتر من القاهرة :lol:

ميرسى يا ايمى ربنا يخليكى
انا كويسة الحمد لله بس كنت مشغولة مع اخت جوزى اليومين دول كانت بتتجوز :adore:
طب انا اختار الدكتور ازاى :o؟؟

انا كمان بردو فهمت زي انوس وقلت اكتوبر ايه اللي جابه دلوقتي :lol::lol::lol:
بصي مش عارفة لسه بس كنت لسه بقول لجوزي امبارح احنا لازم من دلوقتي بقي ندور ونشوف هنمشي مع انهي دكتور ويكون كويس عشان منضيعش وقت بعد الولادة وتبقي المتابعة من البداية كده، بس الرخامة بقي ان التأمين اللي انا تبعه ده كنت فاكرة اني هاروح به بردو لدكتور الأطفال، طلع لازم نعمل كارنيه تاني لجوجو بردو :lol::lol::lol:
بس لسه هنسأل في الموضوع ده تاني، بس هما اصلهم بجد حاطين دكاترة ومراكز كويسة اوي ومعروفة في كل الفروع، ولو مكنش بقي هشوف اي حد من بره او هسأل ابنات او الدكتورة نفسها يمكن تنصحني بحد كويس، او اسأل عمي عشان دكتور بس في المنصورة وبيجي هنا مؤتمرات وحاجات كتير ممكن يبقي عارف.

صوت العيون;10909129:
كتكت دول ليكى

تسلمي يا مورو يا قمر، بتهيألي اخر واحد ده اكمتر حاجة شبه اللي عندي، انا حجزت المرتبة خلاص الحمدلله وهتتعملي عمولة تبه محل هالة وقلتلهم يعملوها دابل عشان هاتتحط علي خشب مش سرير مبطن ومن غير الخشبة بتاعتها طبعا، وفي الكافر بتاعها وكله، وهاتتكلف 160 ولو كانت المفرد العادية هاتبقي ب 120.
ولفيت في تاكي ويانسن وفوربد ومحلات اطفال تانية وكلهم عقدوني ومنفعش وخصوصا كمان عشان انا مقاسي غير اللي موجود وفيه منهم مش بيعملوا اصلا.

roro8484;10909388:
على فكره يا بنات انا متبعاكم من قبل ما احمل وبجد بستفاد
منكم كتير ادعولى ان ربنا يثبت جنينى ويكملى على خير يارب
انا عايزة اعرف المفروض ابدء تجهيزات البيبى من الشهر الكام جوزى وولدتى
بيقلولى فى الاخر خالص بس انا شايفعه ان هيبقى متاخر قوى يعنى ممكن اجهز من
الشهر الخامس او السادس باذن الله ولا بيبقى بدرى عن كده انا عارفه ان سؤالى ده
بدرى عليه بس هعمل ايه الشعننه بقه

لا عادي يا قمر من السادس مثلا ابتدي وواحدة واحدة عشان الحاجات كتيرة وكمان عشان متتعبيش من اللف وكده، ولو استنيتي للاخر خالص هاتبقي مرهقةاوي ليكي وكمان هتكوني تقلتي شوية والحركة بقت صعبة، وغير كده عشان متدفعيش الفلوس مرة واحدة :lol::lol::lol:

sosiii-cat;10910760:
عندك حق هاسأل الدكتور المرة الجاية باذن الله
ماشاء الله جودي اسم جميل عقبال ماتيجي بالسلامة ان شاء الله وان شاء الله تلاقي اللفة المرة الجاية ولو مش موجودة ماتغلاش عليكي يا قمر ;)

تسلمي يا جميلة، بصي انا لسه مروحتش الصياد بس سألت عليها في التوحيد والنور ولقيت بورت شبها بس بسوستة وفيه منه نفس الخامة المبطنة الفيبر دي وهو من بره جينز كده وكان ب 105، وسألت في محل لافلي لقيت واحدة حلوة اوي بسوستة بردو بس جميلة اوي بجد، بس حسيت انها كبيرة شوية والبيبي هايلق جواها :lol::lol: فأجلتها لغاية ما اشوف بقي في الصياد.




توتا مبروك علي مومو الحاجات الكميلة دي حلوين اوي بجد ما شاء الله، والبتاعة الصفرا دي البيبي كاريير بس معمولة بوضعية النوم كده وبتبقي حلوة اوي.

هوبي انا شفت ترمومتر الاذن في محل هالة ب 125

وديو انا شفت البافتة اللي بكم ومن قدام بشكير ومن ظهره مشمع، والظهر نفسه بتاعها نص الظهر بس مش كامل في هالة بردو ب 37.5

وبرا الرضاعة هناك ماركة اسيل ب 85

واسفنجة البانيو ب 45

ولقيت جراب الببرونة الصغير اخيرا في لافلي بس طقم مع واحد كبير ونسيبت سعرهم دلوقتي، بس يا إما حاجة و20 او حاجة و30

ربنا يخليكم يابنوتات ويتمم لنا على خير
ميرسى ياسوزى ياقمر وجزاكى الله خيرا
ربنا يكرمك بأذن الله اروح واتفرج وهاحاول اشوفهم النهارده
بس متعرفيش ايه اسعار السراير هناك

دي الجوانب اللي جبتها بتاعة السرير الخشب وهي طقم معاها ملايتين وكيس مخدة ب 186 وكان فيه جوانب تانية ب 100 بس دي عجبتني اكتر:

الشنطة من بره :D:D



وده شكل الجوانب نفسها وبتتربط بالشرياط دي من فوق وتحت في الخشب:



وده من ظهرها :



ودي رسمة الملاية وكيس المخدة:



ودي بقي مخدة لوحدها معاها كيس بردو جبتها عشان لما تكبر شوية هي ب 17 وكان فيه انواع تانية ب 24 وب 10 باين:

وده مشمع غيار من التوحيد والنور ، قلت اجيب واحد تاني للبيت غير اللي مع الشنطة ده هخليه للخروج، ب 3.15 :lol::lol::lol:



وبردو انا كنت جايبة طقم بشكير وفوطة كبيرة وفوطة صغيرة، فجبت فوطة كمان عشان لما اغسل التانية، دي ب 25ولونها سيمون علي فكرة بس مش واضح في التصوير



ودي بنطلونات بابيون، الواحد ب 8



وده شفاط الأنف ب 14.75



ودي قطارة الدواء ب 8



ودي البادز اهي بتاعة كوتون لاند، الاتنين ب 9



وده الحلق الطبي ب 10 انجليزي، بس معلش الصورة مهزوزة ومش واضحة

ما شاء الله جمييييييييل
عقبال ما تلبسهم يارب يارب يارب
بس ايه شفاط الانف دا وايه اهميته هو والقطاره ان شاء الله
والبادز منين

صوت العيون;10916122:
ما شاء الله جمييييييييل
عقبال ما تلبسهم يارب يارب يارب
بس ايه شفاط الانف دا وايه اهميته هو والقطاره ان شاء الله
والبادز منين

تسلمي يا مورو، بصي شفاط الانف ده عشان يشفط المخاط بتاع البيبي عشان ميسدش مناخيره ويتعبه بدل القطن والكلام ده.
والقطارة دي عشان لما تيجي تدي اي دوا تحطي علي اد النسبة اللي مطلوبة هي مرقمة كده بالمللي، بتبقي اسهل واحسن وفيه كمان بدل القطارة ببرونة نونو كده مخصوصة للدوا، زمان بقي ولغاية دلوقتي بردو فيه ناس كتير بتستخدم السرنجة للدوا او المية في البداية عشان بتبقي بسيطة.

والبادز من لافلي

ماشاء الله مبروك يا كتكوتة
بقوللك هو لازم اجيب الحلق الطبي ولا الدهب مرة واحدة وخلاص ؟

روميو دى;10915618:
ربنا يخليكم يابنوتات ويتمم لنا على خير
ميرسى ياسوزى ياقمر وجزاكى الله خيرا
ربنا يكرمك بأذن الله اروح واتفرج وهاحاول اشوفهم النهارده
بس متعرفيش ايه اسعار السراير هناك

العفو يا قمر علي ايه للاسف ماعرفش اسعار والله لاني مابجيش المحلة غير خميس وجمعة فمابلحقش الف علي المحلات هناك دنا كنت هاقوللك لو نزلتي ابقي قوليلي تقرير عن الحاجات اللي شوفتيها وعجبتك واسعارها وكدة علشان اقول لماما تنزل تجيب :biggrin:

sosiii-cat;10916234:
ماشاء الله مبروك يا كتكوتة
بقوللك هو لازم اجيب الحلق الطبي ولا الدهب مرة واحدة وخلاص ؟

بصي اللي اعرفه انه لازم ده اللي يتخرم به الاول عشان ميحصلصش اي تلوث او التهابات وكده وده هايبقي اول مرة تتخرم فيها وبتقعد به اسبوع او 10 ايام حسب ما الدكتور يقول بقي وده نفسه بيتحط للكبار كمان لما بيجوا يخرموا بردو، ولما تقلعه بقي تحطي الدهب مكانه عالطول عشان الخرم ميتسدش وهما صغيرين.

ما شاء الله الحاجه تحفه يا ايمي تتهني فيهم يارب والبادز دول الي انا جيباهم وجمال جدا بجد

دموع اشتياقي;10916335:
ما شاء الله الحاجه تحفه يا ايمي تتهني فيهم يارب والبادز دول الي انا جيباهم وجمال جدا بجد

ومش بيسربوا ولا حاجة يا ايمي، هما فعلا حلوين وحنيين اوي واحسن من التانيين وارخص كمان.

لا يا ايمي مفيش تسريب وحنينين وناعمين خااااااااااااالص