تجهيزات واستفسارات حوامل مصر :)

Eng. BoB;10908789:

وهو البيبى لازم ياخد أعشاب؟؟؟؟؟؟؟؟؟؟ واحدة صاحبتى بتقولى ماتديلهاش حاجة قبل 6 شهور ولو جالها مغص اجيبلها دوا اسمه نيو اكوافيرا
ايه رأيكم؟؟؟ ياريت الماميهات يردوا عليا :confused:

واجيب كام كوفرتة؟؟؟
انا مقتنعة اكتر بصراحة بالسالوبيت التقيل فى الخروج هو والسليب باج
وهولد ان شاء الله فى مارس
واكتوبر برد جدا جدا جدا
اجيب بقى كام سليب باج وكام سالوبيت مبطن؟

لا عادى بيخدوا اعشاب عادى والدكتوره كمان هى اللى كتبتلى على اعشاب وكمان ساعات ممكن ادي نور ينسون هو المهم ميكونش رضعه اساسيه بس ممكن كل يومين مثلا كدا يعنى
بس اللى سمعته ان مش بديها مايه لحد متكمل 5 شهور

السالوبيت المبطن احسن بكتير فالخروج وممكن تجيبى اتنين كفايه لان البيبى بيكبر بسرعه وهيتركن لما يكمل سنه
وجيبى سليب باج واحد كفايه وممكن 2 كوفيرته
بس انا مش فهمه انتى هتولدى فى مارس مالو بئا اكتوبر
لو هتولدى فى مارس عقبال مايجى الشتا هيكون البيبى عنده 8 شهور تقريبا فحاولى تراعى المقاس لو هتجيبى دلوقتى

على فكره يا مورو غساله الاطفال كانت عمليه ايام الكوافيل عشان كان البيبى بيستهلك كتير لكن دلوقتى مفيش غسيل كتير غير لما تغيريله الهدوم بس
الديبرز حلت الموضوع ده

حد ياجماعه يعرف حاجه عن حفاضات بامبى

Eng. BoB;10908789:

وهو البيبى لازم ياخد أعشاب؟؟؟؟؟؟؟؟؟؟ واحدة صاحبتى بتقولى ماتديلهاش حاجة قبل 6 شهور ولو جالها مغص اجيبلها دوا اسمه نيو اكوافيرا
ايه رأيكم؟؟؟ ياريت الماميهات يردوا عليا :confused:

واجيب كام كوفرتة؟؟؟
انا مقتنعة اكتر بصراحة بالسالوبيت التقيل فى الخروج هو والسليب باج
وهولد ان شاء الله فى مارس
واكتوبر برد جدا جدا جدا
اجيب بقى كام سليب باج وكام سالوبيت مبطن؟

انتي فين يا بيبو قلقتينا عليكي مش بتدخلي ليه، بصي الامهات اغلبهم اجمعوا علي اعشاب اسمها ميلوبا هيربل تى ، قالوا دي حلوة اوي بجانب الرضاعة الطبيعية، وفيه قالوا بيبي درينك كمان ، بس انتي بلاش تجيبي حاجة من دلوقتي لوحدك اصبري لما تشوفي الدكتور اللي هتتعاملي معاه هيقولك ايه بقي.

crazy ananas;10908811:
هو عشان مصنع فبيبيعواا البناطيل والاندر وير بالكيلو وممكن بالواحد عادى
هو تدخلى من الشارع اللى فيه مدرسه الشهيد مصطفى حافظ

ميرسي يا انوس خلاص هحاول ادول عليه بس حاسة اني هتوه بردو :o:o:o

crazy ananas;10908857:
لا عادى بيخدوا اعشاب عادى والدكتوره كمان هى اللى كتبتلى على اعشاب وكمان ساعات ممكن ادي نور ينسون هو المهم ميكونش رضعه اساسيه بس ممكن كل يومين مثلا كدا يعنى
بس اللى سمعته ان مش بديها مايه لحد متكمل 5 شهور

السالوبيت المبطن احسن بكتير فالخروج وممكن تجيبى اتنين كفايه لان البيبى بيكبر بسرعه وهيتركن لما يكمل سنه
وجيبى سليب باج واحد كفايه وممكن 2 كوفيرته
بس انا مش فهمه انتى هتولدى فى مارس مالو بئا اكتوبر
لو هتولدى فى مارس عقبال مايجى الشتا هيكون البيبى عنده 8 شهور تقريبا فحاولى تراعى المقاس لو هتجيبى دلوقتى

ميرسى يا اناناسة
انا قصدى انى ساكنة فى 6 اكتوبر والجو هنا عندنا برد اكتر من القاهرة :lol:

CuTie KaTkOoTa;10908897:
انتي فين يا بيبو قلقتينا عليكي مش بتدخلي ليه، بصي الامهات اغلبهم اجمعوا علي اعشاب اسمها ميلوبا هيربل تى ، قالوا دي حلوة اوي بجانب الرضاعة الطبيعية، وفيه قالوا بيبي درينك كمان ، بس انتي بلاش تجيبي حاجة من دلوقتي لوحدك اصبري لما تشوفي الدكتور اللي هتتعاملي معاه هيقولك ايه بقي.

ميرسى يا ايمى ربنا يخليكى
انا كويسة الحمد لله بس كنت مشغولة مع اخت جوزى اليومين دول كانت بتتجوز :adore:
طب انا اختار الدكتور ازاى :o؟؟

ازيكم ياحوامل مصر ياقمرات ربنا يتمم لنا جميعا على خير
عايزه انزل صور اللبس بتاع البيبى بس مش عارفه انزلهم
ياريت حد يقولى ازاى انزلهم لانهم على الكمبيوتر ومش عارفه اعملهم رابط وانزلهم وميرسى ياقمرات

ارفعيهم فى مركز رفع الملفات الى جمب لوحه التحكم يا جميله

طيب بالنسبه للغساله
انتم عارفين ان هدوم البيبى بتحتاج نضافه اول باول لانها بتتوسخ بسرعه
كمان الغساله العاديه بتنضف احسن
وحسها فعلا عمليه ما شاء الله لو الهدوم قليله
هى اه شطف والكلام دا
بس حاجات بسيطه ايه رايكم ان شاء الله

وبالنسبه للفوطه اللفه يتجاب منها اتنين ولا واحده ان شاء الله
والكوفرته العاديه والقطن برده كام ان شاء الله

كتكت دول ليكى

على فكره يا بنات انا متبعاكم من قبل ما احمل وبجد بستفاد
منكم كتير ادعولى ان ربنا يثبت جنينى ويكملى على خير يارب
انا عايزة اعرف المفروض ابدء تجهيزات البيبى من الشهر الكام جوزى وولدتى
بيقلولى فى الاخر خالص بس انا شايفعه ان هيبقى متاخر قوى يعنى ممكن اجهز من
الشهر الخامس او السادس باذن الله ولا بيبقى بدرى عن كده انا عارفه ان سؤالى ده
بدرى عليه بس هعمل ايه الشعننه بقه

لا يا جميله ممكن من السادس بس خفيف خفيف بحيث لحد التاسع ان شاء الله
تكونى جيبتى كل حاجه ان شاء الله
وربنا يثبتلك حملك ان شاء الله يارب يارب يارب
وابقى تعالى تجمع حوامل مصر بقا معانا ان شاء الله

جزاكى الله خيرا ياصوت العيون حملتهم وربنا ييسر وينزلوا عموما باباه هو اللى اشتراهم وصورهم وانا هاكمل الباقى بأذن الله وياريت تقولولى رأيكم ايه

جميل ما شاء الله
بس شيلى واحده لانه متكرر
وقولى بقا منين وبكام يا جميله ممكن
وعقبال ما النونو يلبسهم ان شاء الله يارب يارب يارب
وربنا يقومنا كلنا بالسلامه ان شاء الله يارب يارب يارب

دول جزء من الملابس اللى اشتراها زوجى لانى نزلت ودورت على لبس ولقيت حاجات زى دى كده
واسعارها كويسه بس الخامات كانت خفيفة وبأذن الله هاولد فى شهر 3 يعنى برد على البيبى
وهاقلق حتى اذا كنت هالفه فى بطانيه لان البيبيهات جسمهم بيبقى ضعيف فى البداية
الصور اول مرة انزل صور فى المنتدى جزاها الله خيرا صوت العيون عرفتنى ازاى انزلهم بس لسه هاتعلم اظبطهم بعد كده بأذن الله
كمان صورة البطانيه اللى بكباسين انا منزله صورتها على العلبه من بره دى اللى ناويه اجيبها بأذن الله بس كمان كام يوم
معلش ياقمرات اجيب بامبرز مقاس ايه واجيب اد ايه يعنى اجيب مثلا علبه كبيره ولا كفايه علبه اصغر عشان المقاس بيتغير
وياريت حد يقولى على اسعار السراير اللى بتطبق بعد البيبى مايكبر وتتخزن فى مكان صغير
وياريت يكون حد من المحلة أو المنصورة ويعرفنى الاماكن
انا كنت شفت حاجات فى شكرى بس الكلام ده من فترة طويله من اكتر من سنه
ومش فاكرة فين بالضبط بس فاكرة ان شكله كان تحفة وعجبنى يومها جدا
معلش ياقمرات طولت عليكم بس انا مش باعرف ادخل غير كل فترة
لاسباب كتير منها شغلى جزاكم الله خيرا ياقمرات
يارب متزهقوش من تطويلى عليكم

بصى ياصوت ياقمر زوجى اشتراهم من عند ماكس بس فى الكويت
انا شفت زيهم فى العباسى فى المحلةسلوبتات وبيجاماتالسلوبت ومعاه كاب كان سعره48
والبيجامه كانت ب42
وكان فيه بيجامه مع الكوفرته بتاعتها والبافته وكاب ب95
والسلوبت بالكوفرته والباقته وكاب ب102
بس خاماتهم كانت خفيفه شويه عن دى بس بصراحه شكلهم كان تحفه
لما قلت لزوجى قالى طيب استنى ومتشتريش وجاب الحاجات اللى انا نزلت صورها دى
ربنا يتمم لنا جميعا على خير ويقومنا كلنا على خير وبالسلامه يارب

CuTie KaTkOoTa;10905542:
معلش يا قمر يمكن هايظهر بعد بقي، واسألي الدكتور بردو كده خدي رأيه، انا بنوتة ان شاء الله جودي لغاية دلوقتي، بس انا لما رحت الصياد مشوفتش زيها هناك، او يمكن انا عشان مكنتش مركزة فيها لسه مخدتش بالي، هحاول ابص تاني عليها ان شاء الله

عندك حق هاسأل الدكتور المرة الجاية باذن الله
ماشاء الله جودي اسم جميل عقبال ماتيجي بالسلامة ان شاء الله وان شاء الله تلاقي اللفة المرة الجاية ولو مش موجودة ماتغلاش عليكي يا قمر ;)

صوت العيون;10908139:
بقلكم محدش جاب سيره غساله الاطفال ليه

متهيألي مالهاش لازمة يا مورو كانت زمان فعلا

crazy ananas;10908811:

هاتى ياسوسى قبل ماتولدى احسن ومتقلقيش مفيش لبن بينزل قبل الولاده اللى ممكن ينزل بس مش كتير قوى ده سائل تانى مش عارفه اسمه بس مش بيكون ملحوظ

جزاكي الله كل خير F:

روميو دى;10909826:
دول جزء من الملابس اللى اشتراها زوجى لانى نزلت ودورت على لبس ولقيت حاجات زى دى كده
واسعارها كويسه بس الخامات كانت خفيفة وبأذن الله هاولد فى شهر 3 يعنى برد على البيبى
وهاقلق حتى اذا كنت هالفه فى بطانيه لان البيبيهات جسمهم بيبقى ضعيف فى البداية
الصور اول مرة انزل صور فى المنتدى جزاها الله خيرا صوت العيون عرفتنى ازاى انزلهم بس لسه هاتعلم اظبطهم بعد كده بأذن الله
كمان صورة البطانيه اللى بكباسين انا منزله صورتها على العلبه من بره دى اللى ناويه اجيبها بأذن الله بس كمان كام يوم
معلش ياقمرات اجيب بامبرز مقاس ايه واجيب اد ايه يعنى اجيب مثلا علبه كبيره ولا كفايه علبه اصغر عشان المقاس بيتغير
وياريت حد يقولى على اسعار السراير اللى بتطبق بعد البيبى مايكبر وتتخزن فى مكان صغير
وياريت يكون حد من المحلة أو المنصورة ويعرفنى الاماكن
انا كنت شفت حاجات فى شكرى بس الكلام ده من فترة طويله من اكتر من سنه
ومش فاكرة فين بالضبط بس فاكرة ان شكله كان تحفة وعجبنى يومها جدا
معلش ياقمرات طولت عليكم بس انا مش باعرف ادخل غير كل فترة
لاسباب كتير منها شغلى جزاكم الله خيرا ياقمرات
يارب متزهقوش من تطويلى عليكم

مبروك يا جميلة عقبال ماتشوفيهم علي البيبي ان شاء الله
بصي انزلي شكري وشوفي في المحل اللي اسمه دباديبو اللي قدام لانسل الجديد وجمبه تفاريح هاتلاقي عنده برده سراير وعربيات ومشايات وكرسي الاكل والحاجات دي
وروحي برضه بيت اولادنا اللي قدام سعد محمد سعد انا ماروحتوش ولا مرةمع انه في شارع ماما بس قالولي عنده حاجات حلوة
هاسألك اصحابي ولو عرفت محلات تانية هاقوللك

بصوا ياقمرات الميلوبا خليها رضعه واحده بالليل لو لاقيتى البيبى مش عايز ينام وهى كلها اعشاب جميله والدكتور كان قايلى احط عليها دوا للمغص اكوا فيرا او اكوا بلاس او سبازموتال نقط ولازم السبازموتال تبقى عندك اساسى على فكره وبتتخلط بالمشروب ده او لو مش هاتدى اعشاب يبقى سبازموتال مع ماء غريب المستورد
او اى اكوا سواء فيرا او بلاس اة اكوا سيد كلهم واحد على فكره

ميكو تحفة البيجامات وسعرها حلو ما شاء الله انتي جبتيهم منين؟

بنات انا جبت حاجات جديدة لمومو قولوولي بقى ايه رأيكم





دول لبس خروج مقاس من 3-6 عشان دكتور السونار قالي انه ما شاء الله طويل


دا كان التي شيرت ب 45 ج و الشورت ب 25 ج من سنتر بوينت



دا التي شيرت ب 35 ج و البنطلون ب 43 ج من ماكس



دا التي شيرت ب 53 ج والبنطلون ب 43 ج من ماكس


دا كان التي شيرت ب 45 ج والبنطلون ب 43 ج من ماكس

انا مش عارفة ليه الكاميرا بطلع الحاجات عملاقة بالرغم انها تيني و نونو جدااااا :D


دي الشنطة


دي الشنطة ب 130 ج من سنتر بوينت
دول بقى لبس بيت :D

من الابراهيمية ب 15 جنيه بس


دا المفروض لونه زيتي غامق معرفش الكاميرا مطلعاه اخضر فلحو :lol::lol:




دا المفروض بيستاج :D

كل سالوبيتات البيت ب 15 جنيه بس

و دا المفروض ابيض حلوة الارشادات دي :D

روميو دى;10909853:
بصى ياصوت ياقمر زوجى اشتراهم من عند ماكس بس فى الكويت
انا شفت زيهم فى العباسى فى المحلةسلوبتات وبيجاماتالسلوبت ومعاه كاب كان سعره48
والبيجامه كانت ب42
وكان فيه بيجامه مع الكوفرته بتاعتها والبافته وكاب ب95
والسلوبت بالكوفرته والباقته وكاب ب102
بس خاماتهم كانت خفيفه شويه عن دى بس بصراحه شكلهم كان تحفه
لما قلت لزوجى قالى طيب استنى ومتشتريش وجاب الحاجات اللى انا نزلت صورها دى
ربنا يتمم لنا جميعا على خير ويقومنا كلنا على خير وبالسلامه يارب

ما شاء الله الحاجات جميلة يتهنى بيهم البيبي يا رب و فعلا ماكس حاجته حلوة اوي واسعاره حلوة بردو

دول حاجات اخت جوزي جابتهالي هدية من اليابان

بس الجهل وحش انا مش فاهمة ايه دي



دا الباملفت بتاعها باليباني :study:
وطبعا اختكم بطيخة مش فاهمة حاجة خالص :D


دي البريست بادز اللي هي بتترمي


حد بقى يفيدني افادكم الله ايه البتاعة الصفرا دي و حستخدمها ولا ايه الكلام