تجهيزات واستفسارات حوامل مصر :)

بنااااااااات حد جاب القصافة و المقص و الفرشة والمشط و الحجات دى
ياريت ترشحولى ماركة
و ياريت لو حد منكم جاب حاجة يحط صورتها

حجات العناية الشخصية للبيبي ممكن تقولولى الحجات بالظبط عشان هنزل اشتريهم

m@hy;10905638:
بنااااااااات حد جاب القصافة و المقص و الفرشة والمشط و الحجات دى
ياريت ترشحولى ماركة
و ياريت لو حد منكم جاب حاجة يحط صورتها

كله والله يا بنتى زى بعض
انا جبت المشط والفرشاة عالم سمسم
والقصافة مش فكرة نوعها ومجبتش مقص

dew.dew;10902590:
بيجون طبعا
دى الاولى على مستوى الخليج ولبنان
اسالى جوزك هيقولك انها بتتباع اكتر من اى بيبرونه تانيه
على فكره دول بلستك مش بيركس
بس بلستك نضيف قوووووى كانه ازاز

ايوا فعلا اكتر حاجه بتباع بايجون بس دول بايجون بيركس فيه بلاستيك زيه بالضبط بس انا مجبتهوش واخر واحده ده الملونه بايجون بلاستيك

dew.dew;10902618:
الغطا بيتغير كل مره كا تعقيم يعنى
امان عشان تستخدميه مره واحده
زى غطيان الشيشه على القهاوى كده عشان ماتتنقلش العدوى ......فهمانى
يعنى ممكن اصلا تشيلى البلستكه وتستخدميه عادى
وممكن تخسلى البلستكه وترجعى تستخدميها

هوبي انا سالت محمد وقلي الجهاز ب280 ريال والبلاستيك ده بتغير لو قسيتي لشخص تاني او حصلها حاجه البلاستكيه زي ماقالت ديو بس كده ولو عايزني ابعتوهللك قوللي

ماهي ده طقم القصافه والمقص والمبرد ماركه نوبي وده الصوره ياقمر

وده طقم الفرشه والمشط وده ماركه بايجون

جبت البجامات ده بس قوللو رايكم بجد
بس بردو بكم قولت عادي اشمر الكمام وكمان مش غالين ب 10 ريال الواحده وهي بلبس من 3-6
ده بتاعه ادهم

وده بتااعه لارا

m@hy;10905638:
بنااااااااات حد جاب القصافة و المقص و الفرشة والمشط و الحجات دى
ياريت ترشحولى ماركة
و ياريت لو حد منكم جاب حاجة يحط صورتها

الفرشة دوختني عقبال ما لقيت واحدة شعرها ناعم ومش خشنة علي البيبي وهو صغير، بصي بتاعتي اهي ماركة فارلين واكيد طبعا فيه انواع تانية كتير حلوة بردو.



والقصافة بقي طقم مع بعض مع المقص والمبرد وزي ما ندي قالتلك غالبا مش هتفرق كتير، المهم تشوفي بس حاجة تحسيها متينة ومش تتخلع وكمان تبقي ماسكتها ليكي مريحة وتعرفي تتحكمي فيها وكان فيه بنات مجربة قبل كده وبتقول لو هتستخدمي المقص يبقي الافضل تجيبي السلاح بتاعه قصير خالص مش طويل.
ودول بتوعي ماركة ديزني

هي ماركه ديزني ده ماركات اطفال اصلي انا جايبه نفس الماركه ده في لبس للنونو بس ماكنتش اعرف انها ماركه

miko85;10906860:
هي ماركه ديزني ده ماركات اطفال اصلي انا جايبه نفس الماركه ده في لبس للنونو بس ماكنتش اعرف انها ماركه

اه ماركة شفت منها حاجات كتيرة بس كلها في اللوازم دي مشوفتش منها انا بقي اللبس ده.
بس متسألنيش علي اسعار دلوقتي

كتوت ده صوره الببرونه بتاعت الادويه والفتامينات

miko85;10906948:
كتوت ده صوره الببرونه بتاعت الادويه والفتامينات

اه عارفاها يا ميكو شكلها كميلة موووووووووت عايزة العب بيها لنفسي :lol::lol::lol:

بصي دي كمان:


وفيهالقطارة العادية بقي اهي:



بتبقي شبه دي كده.

mashimaro16;10904108:
ربنا يخليكى ياررررررررررررررب يا هوبى بجد ربنا يباركلك يابنتى بجد شكرا اوىىىىىىىىىىىىىىى
مش عارفه اقولك شكرا قد ايه :adore:F:F:F:
صح كده ستارز احسن .. حروح الصبح بقى ان شاءالله فى السريع كده ويارب اجبهم هما دول اكتر حاجه ناقصانى ومديقانى انى مش جبتها لسه
شكرا يا هوبى اوى تسلم ايديكى يارب وربنا يباركلك يارب فى دودو ويحفظه



لا بييجى معاه بلاستيكات اضافيه كتيره علشان تتغير علشان تعقيم مش اكتر بس لو حتستخدميه لنفس البيبى عادى اعتقد مش لازم تتغير ممكن تمسحيها بالديتول او بكولونيا زى الترمومتر العادى كنوع من التعقيم مش اكتر
وعلى فكره ده بجد احسن ترمومتررررر فى رايى .. هوا جوزى جايبه للشغل بس انا سطوت عليه :lol::lol::lol: ابنى اولى بيه :lol::lol:

على ايه يامنوره انا معملتش حاجه ياسكر ..وبالنسبه للترمومتر ميرسي ربنا يخليكي يارب

miko85;10906251:


هوبي انا سالت محمد وقلي الجهاز ب280 ريال والبلاستيك ده بتغير لو قسيتي لشخص تاني او حصلها حاجه البلاستكيه زي ماقالت ديو بس كده ولو عايزني ابعتوهللك قوللي

ميرسي اوي اوي يا ميكو كويس انك قلتيلي سعره بالضبط ..وتسلمي ياحبيبتي انا كنت مكلمه بنت خالي تبعتهولي بالويسترن يونيون ان شاءالله

dew.dew;10895592:
هى دى الترامس وفى منها اشكال والوان تانيه



وده بيكون حجم الترمس


والغلايه شبه دى

فعلا يابنات الترمس مهم جدا انا كنت بغلى الميه واسيبها لماتدفى خالص واحطها فى الترمس عشان تبقى جاهزه على طول مش لسه هاتبردى

dew.dew;10887754:

whiteoff;10884394:
دلوقتي حتلاقي الشتوي مافيش صيفي بس عندك يا سيتي سنتر بوينت وماكس و ماذر كير وstep في كارفور و فيه كما au pareil au meme



لا موجود ماكس في اليكس يا جميل في كارفور وسنتر بوينت موجود هناك برده

واييه نظام الاسعار

بالنسبه للبنوته اللى كانت بتسال عن فايده الاندر وير المشمع
ده بيستعمل لما البيبى بيتم السنه
بتستعمليه وقت النوم يعنى بليل والضهر
فايدته ان الطفل عند النوم بيعمل حمام كتييير وخصوصا فى الشتا فابيكون كميه اكبر من اللى بيستحملها الحفاض فابيبتدى يسرب على هدومه
وطبعا لو غيرتى لطفلك بليل وسط النوم مش هايرضى ينام تانى
فعشان كده الااندر وير المشمع ضرورى والاحتياط واجب برده
لكن قبل السنه الطفل هو اللى هيصحكى عشان تغيريله لكن بعد السنه مش بيحس بحاجه وبينام عادى


ان شاء الله هجيب برفان جونسون هو عباره عن سائل مش رش
هستخدمه عند الخروج او لو جالى ضيوف
هاحطه على كتافه فوق الهدوم
عشان رحته تبقى حلوه ويضيع ريحه اللبن اللى بتبقى طلعه من جلد الاطفال

البرفان ده تحفه مش بستغنى عنه ابدااا وكمان كلونيا اطفال اسمها هامول

بقلكم محدش جاب سيره غساله الاطفال ليه

صوت العيون;10908139:
بقلكم محدش جاب سيره غساله الاطفال ليه

ايه غسالة الأطفال دي يا مورو، قصدك يعني هدومه تتغسل لوحدها في حاجة معينة؟

لو كده يبقي لا ملهاش لزوم خالص، كل اللي مجربين حتي بيغسلوهم عادي في نفس الغسالة وبنفس المسحوق كمان.

صوت العيون;10908139:
بقلكم محدش جاب سيره غساله الاطفال ليه

الغساله بتاعت البيبى كانت زمان مفيده علشان صغيره وعلى قد حاجات صغيره تغسليها بسرعه بدل ما تغسلى على ايديكى بس دلوقتى الفول اتوماتيك بقت احسن علشان مش لسه حتشطفى وتعصرى على ايديكى
فمبقاش حد بيجبها علشان كده
هيا كانت عند ماما هنا وكانت مفيده زمان بس طبعا خلاص بقت تحفه فنيه معماريه فى الحمام :D

انا عايزة اعرف لو سمحتم فين لفلى اللى فى الدقى وفين سيف ستورز اللى فى المهندسين :confused:
او لو حد عنده نمر تليفوناتهم يبعتهالى :o

وهو البيبى لازم ياخد أعشاب؟؟؟؟؟؟؟؟؟؟ واحدة صاحبتى بتقولى ماتديلهاش حاجة قبل 6 شهور ولو جالها مغص اجيبلها دوا اسمه نيو اكوافيرا
ايه رأيكم؟؟؟ ياريت الماميهات يردوا عليا :confused:

واجيب كام كوفرتة؟؟؟
انا مقتنعة اكتر بصراحة بالسالوبيت التقيل فى الخروج هو والسليب باج
وهولد ان شاء الله فى مارس
واكتوبر برد جدا جدا جدا
اجيب بقى كام سليب باج وكام سالوبيت مبطن؟

وسؤال كمان
انتوا بتلبسوا عادى البيبى كذا شاية او فانلة بكباسين فوق بعض من غير مايضايقوا البيبى؟ ولا حاجة واحدة بس بكباسين احسن والباقى من غير؟

CuTie KaTkOoTa;10902046:

كلية الهندسة من ابراهيم عبد الرازق، طيب مصطفي حافظ منين هناك مش عارفة داخلته بتلخبط وبنسي.
بس غريبة اوي موضوع الوزن ده اول مرة اعرف انه ممكن حاجة زي كده في اللبس.

هو عشان مصنع فبيبيعواا البناطيل والاندر وير بالكيلو وممكن بالواحد عادى
هو تدخلى من الشارع اللى فيه مدرسه الشهيد مصطفى حافظ

sosiii-cat;10902563:
مبروك عليكي يا ماهي حلوين ماشاء الله

اجيب يا بنات البريست بادز دي من دلوقتي ولا استني لبعد الولادة لما اشوف ظروفي الاول اصلي سمعت هنا في المنتدي قبل كدة ان اللبن بيبدا ينزل من قبل الولادة من السابع ولا حاجة وانا لسة مافيش حاجة لدلوقتي (بس ماحدش يضحك عليا في السؤال دة:o )

هاتى ياسوسى قبل ماتولدى احسن ومتقلقيش مفيش لبن بينزل قبل الولاده اللى ممكن ينزل بس مش كتير قوى ده سائل تانى مش عارفه اسمه بس مش بيكون ملحوظ