جمعتنا ولمتنا السورية لشهر شوال وكل عام وانتو بخيييير

اااه على هالايام الحلوة يا ستي هيك الدنيا الحمدلله

وطيبة الكشكة عرفتها تبعيت الخبز شهيتيني عليها والله

وعن جد متل ما قلتي على الجمعة كل شي طيب وعجقة السفرة كتير حلوة

لولية;10460406:
مسا الخير على أحلى بنوتات بالمنتدى كيفكن يا أمورات لا تؤاخذوني مادخلت الفترة الماضية بس والله بتعرفوا بالرياض بكون كتير مشغولة كإنه يعني أنا بفضى أصلا وقت بكون ببيروت يلا الحمدلله على الصحة والعافية
لك هلا والله حي الله ايه والله بمونو عكيدة التشات وأنا من وقت ما شفت الصفحات كتيرة قلت في شي جد على التشات أتاري جية مشرفتنا مونو كيفك يا حلوة وكيف إجازتك الحمدلله على حسب ما قريت إنك انبسطتي كتير الحمدلله إن شاء الله دايما يا رب ويخليلك زوجك وبنتك وتشوفيها عروس
دمشقية ايه والله ما حقه زوجك ضروري يجوا بيت أبو طلال اليوم يبعتلك الهنا ضحكتيني إنتي وسورية بس تقريرك الي حاططتي عن سوريه بيعقد والله كل هالأماكن أنا ما بعرفها ايه أنا ما بعرف منيح غير حمص وشايفتها جنة بقى كيف باقي الأماكن والله لازم ناخد ولادنا كرمال نورجيهن خير بلادنا بتعرفي حسستيني بأعراض نخوة فجائية ومسئوليه قومية
عم حكيكن هلق من الخبر ايجيت أنا وابن عمي من يومين يعني منها شغل لزرجي ومنها راحة واستجمام وتغيير شكل واليوم بإذن الله راجعين على الرياض والجمعة ان شاء الله طيارتي لبيروت
بنات ما حدا عم يحكي مع بيرل وين غاطة شو مونو بتقدري تحكيها أنا من يومين حكيت ياسمينة بحما وشكلها مشغولة شي بالشغل شي مع عريس الهنا الله يتمملها يا رب
خليكن متذكريني ايه لا تنسوني حتى لو اتأخرت شوي لإنه بتعرفوا هلأ أول ما بروح على بيروت بتكون كل المشاكل مخلينلي اياها بنوتاتي بقى بدي فترة بين ما حل مشكلة مشكلة بس طبعا كل ما صحلي بدخل وبطمن عليكي باي يا حلوات ديروا بالكن على ولاد عمكن واسمعوا كلامن

مية اهلا وسهلا بالست لولية والله انتي صايرة طلاتك علينا متل هلالات العيد بس لا تقوليها ومانشوفك الا قبل العيد... والله منشتاااقلك كتييير
والله يقويكي ياااارب دوبك زوجك ودوبك بناتك ومن بلد لبلد الله المستعان

وبالنسبة للنخوة القومية ااااه يالولية والله بلدنا جنة جنة لما رحت هالاماكن قول سبحانك ياربي خلقت وابدعت ... بقى روووحي وخدي بناتك والله رحلة غير شكل

لا تطولي علينا وان شالله توصلي بالسلامة يارب لبيروت وتفرحي ببناتك يارب

شامية للعظم;10461160:
مرحبا ياجماعة ماشالله اليوم عاملين صبحية وشربانين القهوة سوا

صارلي ساعة عم أقرا شو عاملين وشو طابخين وكيف رح تعملو شعركن

يالله ان شالله بتطلعو أحلى شي بالعرس


مونو حبيبة قلبي يسعد أوقاتك بوسيلي رورو كتير

لولية ضحكتيني على شعورك بالنخوة والمسؤلية القومية

يسعد اوقاتك يارب .... ورحنا على العرس وطلع حلو ونحنا كمان خخخخخ
غيرنا جو ....بتعرفي الروتين بيدبح وخصوصي اللي جالس لا شغل ولا مشغلة

يسعد صباح ومسا مون وشامية بعرف متأخرة بس متل ماقالت مون سهرتنا صباحي ههههه
والله اشتهيتكم مبارح بالفرح قلت اه لو كنا عصبة ياعين بتحلى الجلسة ههههه
يعني غيرنا جو ورجعنا على البيت الساعة 4 فجرا ... توقيت الافراح هون هيك بتبدأ الساعة وحدة وبتخلص بعد الخمسة
بس نحنا مامنسترجي والله كنت قاعدة على اعصابي مالي ابدا بالعادة اكون بفرح وارجع بهالوقت
ورجعت اربعة يادوبك شفت العروس بس ولما اجى زوجي ياخدني وطلعت كانو هلأ فاتحين البوفيه ولسى العروس بتقطع الكيكة..... يالله معناها ايمتى العالم بتروح بيتها والله ولا الساعة ستة الفجر.... غررررريب
طلعنا انا واختي ورجعنا البيت .... خفنا نكمل نقوم مانام ببيتنا اليوم هههههههههه

ايوا ... اممم يسلموا مون على الفطور بيجنن ونحنا دااائما منفطر بالشام عنا الفطور وجبة اساسية مامنتخلى عنها ابدا وانقطع هالشي بجيتي للسعودية وطلعا ابداااااا هون مامنفطر الا ناااااااادرا

واه ياشامية ذكرتيني بالفول والحمض والفجل اهم شي والجرجير ههههه والتسائي
اما الكشكة فخليها الك ولسورية انا مابطيق ريحتها استغفر الله
بس بحب الخضرا وينحط فوقها زيت ايييه شي ناهي

دمشقية انا عندي كشكة خضرا ياريتك قريبة لأبعتلك

أنا بفرملها بصلة وبقدونس وأوقات نعنع يابس وأوقات جوز وبغرقها بالزيت البلدي

و ممممممممممممممم شو طيبة

بتعرفي ضحكتوني ياخويفات قال أفلحتو ورحتو عرس

الرجال ما بيتقبلو نحنا عراسنا لل12 ويادوب يالله المهم اتسيلتو وشفتو شي جديد

أنا قاعدة عم اتفرج على منال العالم على أبو ظبي مو معقول شو هالوصفات شي ناهي

طبعا عالمنظر حكمت انا

يسعد صباح ومسا احلى بنات ومدامات ... من غير شر مافي حدا اليوم
والله انا مشغولة شوي مع محمود بلش الجد واليوم كان عندو الاختبار طبعا اتبلكم وانخرس وبطل يفهم
وخاف وتوتر يعني من كل النواحي هاد بالنسبة للانكليزي اما اختبار العربي فاخد 29 من 30 ممتاز ههههه
بس طبعا مابيغني عن الانكليزي المهم رضيوا انو يحطو اربع شهور kg2 وبعدها يحطوه اول ابتدائي بس مع توقيع وتعهد انو نساعدو حتى يفهم ويستوعب اللي فاتو ... على الله

************

الله يسعدك شامية خلص اعتبري الكشكشة الخضرا وصلتني ... امممم من ايدين مانحرمها يارب

وبالنسبة للفرح ههههه مية كلمة جبان ولا الله يرحمو ههههه
ويالله تغيير الجو حلو بين فترة وفترة

منال العالم لذوذة هالمرة واكلها حلو فنااااانة والله

**********

مونو وبيرل ولولية وبنوتة وسمورة وسورية وشامية يسعد اوقاتكم وقلبي معكم
طللوا علينا ماتقطعونا

يسعد مساكون صبايا كيفكون
لك اهللللللللللللللللللللللللللين بأحلى عقيد والله اي وحيا الله واي والله كيفك مون خانم شو اخبارك والحمد لله ع السلامة وان شاء الله تكوني انبسطتي بتعرفي انا اتصلت فيكي بس قالتلي اختك انك مشغولة وبترجعي بتحكي معي عن جد حبيت دردش معك شوي
كيفكون صبايا ما تواخذوني طلاتي عليكون قلال بس هيك ظروفي
الحمد لله رحت ع الشام واشتريت كم قطعة بس كان آخر الموسم يعني لحقت حالي تلحيق اشتريت مانطويين واحد طويل وواحد قصير وجبت طقم رسمس سكري هي اول مرة رح البس هيك شي وجبت كم قطعة منغنشة على ذوقي متل بنتكورات وبناطلين وبلايز قطن وشيفون وهيك شغلات
ومبارح الجمعة كنت انا وخطيبي بمشتى الحلو عم نتغدى وهيك مقضية ايامي
عم حاول اقرا اخباركون بس النت كتير بطيء ما عم يساعدني ان شاء الله تكونو بخير
سلامي للكل
وابقو تذكروني

لولية حبيبتي عم عزبك معي من شان الغرض يلي وصيتك عليه
كيف اخبارك واللي ببيروت بسلمو عليك لما كنت بالشام حكيت معها وسألتني عنك وكمان عم عزبها بكم غرض من بيروت
الله يخليلي ياكون
شو اخبار بناتك

اهلين سموورة مية اهلا بهالطلة والله
وان شالله مباركين عليكي الملابس تلبسيهم بالهنا ياااااارب .. ايمتى الهمة الكبيرة ؟؟؟

سمورة الله يبسطك انتي وخطيبك وقد ماقدرتي روحي معو واكسبي الوقت ايام الخطبة غير شكل ما بتتعوض
ان شالله بالهنا يااارب

انا زوجي سافر دبي اليوم من غير شر يصيبو وانا بكرا بدي تابع محمود وروح المدرسة وحاااالة
الله يهون هالمنهاج وهالمدرسة علي وعلى ابني لانو حاسة كانو صخرة على قلبي .... الله المستعان

موووون يعني كمان راح روح عالمدرسة بالباص تبع ابني ههههههه مثل السنة الماضية

صباحوووووووووووو نفر نفر

صباح باص المدرسة واللي راكبين فيه عم يسترجعوا الماضي ههههههههههههههه

كيف الجميع ؟

اخباري روتينية رجعنا على الحياة العادية ويوم الجمعة طلعنا وغيرنا جو


بيرل ........... هيدي مني (f) اشتقنالك :15:

الدمشقية;10468408:
يسعد صباح ومسا مون وشامية بعرف متأخرة بس متل ماقالت مون سهرتنا صباحي ههههه
والله اشتهيتكم مبارح بالفرح قلت اه لو كنا عصبة ياعين بتحلى الجلسة ههههه
يعني غيرنا جو ورجعنا على البيت الساعة 4 فجرا ... توقيت الافراح هون هيك بتبدأ الساعة وحدة وبتخلص بعد الخمسة
بس نحنا مامنسترجي والله كنت قاعدة على اعصابي مالي ابدا بالعادة اكون بفرح وارجع بهالوقت
ورجعت اربعة يادوبك شفت العروس بس ولما اجى زوجي ياخدني وطلعت كانو هلأ فاتحين البوفيه ولسى العروس بتقطع الكيكة..... يالله معناها ايمتى العالم بتروح بيتها والله ولا الساعة ستة الفجر.... غررررريب
طلعنا انا واختي ورجعنا البيت .... خفنا نكمل نقوم مانام ببيتنا اليوم هههههههههه

ايوا ... اممم يسلموا مون على الفطور بيجنن ونحنا دااائما منفطر بالشام عنا الفطور وجبة اساسية مامنتخلى عنها ابدا وانقطع هالشي بجيتي للسعودية وطلعا ابداااااا هون مامنفطر الا ناااااااادرا

ما شاء الله شو هالعرس لكن قلتيلي العروس بتدخل 1 :eek:
اي انا عرسي فك الساعة 1 لانه كان شتا معناتها نحن متخلفين هههههههههه
ولازم اللي بيحضر عرسهم يكون شبعان نووووووم

وانتو صح لازم يكون الفطور اهم وجبة بس بابا ابدا ما من انصار الفطور
مشان هيك كنا متشتتين

ومشان الكشكة اختي بتقلي ريحتها بتقرف
ما بعرف اذا انتي متلها بتحسي

الدمشقية;10479871:
يسعد صباح ومسا احلى بنات ومدامات ... من غير شر مافي حدا اليوم
والله انا مشغولة شوي مع محمود بلش الجد واليوم كان عندو الاختبار طبعا اتبلكم وانخرس وبطل يفهم
وخاف وتوتر يعني من كل النواحي هاد بالنسبة للانكليزي اما اختبار العربي فاخد 29 من 30 ممتاز ههههه
بس طبعا مابيغني عن الانكليزي المهم رضيوا انو يحطو اربع شهور kg2 وبعدها يحطوه اول ابتدائي بس مع توقيع وتعهد انو نساعدو حتى يفهم ويستوعب اللي فاتو ... على الله

الحمدلله الف مبروك والله يقويكم والله امتحان الانكليزي ما سهل الله يعينه
يعني نحن الكبار بنتلبك والله يقويكم بتدريسه
ما مشكلة المهم في معه مجال ليتدارك الموضوع ويمشي تمام مع الربع هههههههه

الياسمينة السمرا;10482522:
يسعد مساكون صبايا كيفكون
لك اهللللللللللللللللللللللللللين بأحلى عقيد والله اي وحيا الله واي والله كيفك مون خانم شو اخبارك والحمد لله ع السلامة وان شاء الله تكوني انبسطتي بتعرفي انا اتصلت فيكي بس قالتلي اختك انك مشغولة وبترجعي بتحكي معي عن جد حبيت دردش معك شوي
كيفكون صبايا ما تواخذوني طلاتي عليكون قلال بس هيك ظروفي
الحمد لله رحت ع الشام واشتريت كم قطعة بس كان آخر الموسم يعني لحقت حالي تلحيق اشتريت مانطويين واحد طويل وواحد قصير وجبت طقم رسمس سكري هي اول مرة رح البس هيك شي وجبت كم قطعة منغنشة على ذوقي متل بنتكورات وبناطلين وبلايز قطن وشيفون وهيك شغلات
ومبارح الجمعة كنت انا وخطيبي بمشتى الحلو عم نتغدى وهيك مقضية ايامي
عم حاول اقرا اخباركون بس النت كتير بطيء ما عم يساعدني ان شاء الله تكونو بخير
سلامي للكل
وابقو تذكروني

متذكرينك ولووو ومشتاقينلك يا حلوة
الله يهنيكي مع عريس الهنا
ومبروك على الاغراض تتهني فيهم وعقبال فستان العرس
وانا والله كنت حابة دردش معك بس عن جد عذريني والله كانت ظروفي ابدا ما تحت ايدي

الدمشقية;10482591:
انا زوجي سافر دبي اليوم من غير شر يصيبو وانا بكرا بدي تابع محمود وروح المدرسة وحاااالة
الله يهون هالمنهاج وهالمدرسة علي وعلى ابني لانو حاسة كانو صخرة على قلبي .... الله المستعان

موووون يعني كمان راح روح عالمدرسة بالباص تبع ابني ههههههه مثل السنة الماضية

متل ما ودعتي تلاقي دمشقية خانوم
والله يقويك ويهديك لاحسن الطرق بتدريسه

وما صار الا ورجعتلك الطفولة المتاخرة ههههههههههههههههههه
طيب شو بتاخدي معك نئرشات ولا بس مطرة مي :tongue:

يسعد صباحكن ياحلوين مونو وين الفطور؟؟؟؟؟؟؟؟؟؟؟


الحقينا

اتفضلووووا

صباح الورد شامية يسعد هالصباح الحلو يا حلو كيفك اليوم

وهي حطيت الفطور قبل ما شوف ردك وصحة وهنا

على قلبك صباحك فل وياسمين بلدي

شفتي أنا متعودة على فطورك لاء وكل يوم بتشكلي مشان ما نمل

كاني لمحت بيرل هون ولا أنا غلطانة؟؟

اي والله يا شامية بشكل وبنوع ومنها اذا عجبكم طريقة التقديم بتقدري تحفظي
الصورة بتلزم بالايام

اي والله كانه بيرل تحت انا ما انتبهت !!!!!!!!

بيرل انتي هون ؟؟؟؟؟؟ صديقتي الصدوقة ؟؟؟

ليكها الظاهر عم تقرأ المشاركات الماضية مشان تعيش الجو تعرف الأخبار

اي يمكن قولي حرام لازم لانه من زمان ما دخلت عن جد اشتقتلها من جواااااااة قلبي

المهم كيف كان الويكند معك؟

الحمد لله تمام

والله منروح ع المول منتسوق للأسبوع كله وبعدين منروح منقعد عالبحر شوي أوقات مناخد شوية نقرشة وعصاير

شو عاملة أكل اليوم ؟؟؟

صباح الخير على احلى بنات سوريات بالشات والله اشتقت لكن من كل قلبي و الله بيعلم اديش الكن وحشة عرفت أخباركن كلكن ومتل ما قالت شامية لازم اقرا حتى عيش الجو و بتشكر حبية قلبي مونو اللي نقلت لكن اخباري
المهم ياستات انا انقطعت عنكن فجأة و لظروف خارجة عن ارادتي لأن بيومها اجيت عالدوام وكنت مريضة كتير اعتذرت ومشيت على وقت شوي و بعد شي 3 ساعات واذ المدير عم يتصل علي عالبيت و بيقول لي انه رفيقتي اللي معي بالمكتب استقالت و انا بين النايمة و الصاحية وحرارتي مرتفعة ومارح قول لكن كيف قضيت يومين غير شكل كان يومها الخميس و بعدها الجمعة يعني فوق مرضي زاد المرض لأن بالصدق ما بعرف الطيخ من بطيخ بهالمكتب يعني فيكت تقولوا صفحة بيضا وما في حدا يقول لي وينك لأن السكرتيرة الأساسية كانت باجازة و التانية اللي استقالت على فجأة كانت جديدة بالمكتب اجت قبل ما سافر بشي اسبوعين يعني ما لحقت تقعد ابدا يعني لازم استلم مكتبي و مكتبها و مكتب اللي بالاجازة و اركضي اذا بتركضي والله العظيم ينحط قدامي فنجان القهوة و ينقام وانا ماشايفته حتى فطور ما افطر وما حس غير الوقت عم يركض مني يعني اول ايام الله لا يوريها لأحد بس الحمدلله رغم الضغط اللي كان علي قدرت اكسب رضى مديري و زملائي حتى المدير ماكان متوقع مني هيك وقال لي انه جبناك من مكتب لمكتب تاني ما بتعرفي فيه شي بس ماشاءالله طلعت قد الحمل وزيادة وانا كتير انبسطت بهالشي
المهم مبارح رجعت رفيقتي من السفر و استلمت مكتبها وفورا جابوا سكرتيرة جديدة للمكتب التاني و رجعت انا لمكتبي بس كمان لفترة مؤقتة لأن استلمت منصب جديد بالشركة و صرت السكرتيرة الأساسية لادارة المصنع يعني رح اترك مكتبي واستلم مكتب تاني وهذا الشغل انا متعودة عليه من فترة لأن كان زميلي روح اجازة وانا استلم منه كل سنة و صار لي بهالشغل 3 سنوات بس هو قدم استقالته الآن لهالسبب فورا مديره طلب من مديري اني استلم مكانه وقال له انه ما بدي تجيبوا لي ناس جديدة وانا موجودة و بعرف كيف شغلهم بس يابنات الحكي شكل و الفعل شي تاني يعني انا هو بس يسافر اجازة بكون عارفة رؤوس اقلام عن الشغل أما هل بدي استلم المكتب من بابه لمحرابه و ادارة المصنع ماشي سهل ابدا لهيك عتلانه همه كتير لهالسبب كمان رح انقطع عنكن لفترة لحتى بس اقدر استلم منه و آخد عالجو شوي و بعدين ان شاءالله برجع بحاكيكن من مكتبي الجديد
المهم اطمنأنيت عن اخباركن و الحمدلله انه الجميع بخير
الحمدلله عالسلامة مونو و كتير انبسطت لك انه انبسطت بالاجازة و ماتزعلي من شغلة المطار لأن الا يصير معك شي يعكر لك مزاجك بآخر الاجازة لهيك كلها خليها ورا ضهرك وما تذكري غير الشي الحلو
دمشقية حياتي اشتقت لك من كل قلبي الله يخلي لك محمود و تفرحي فيه يارب و عقبال لما تشوفيه بأعلى المراتب يارب
سورية حبية قلبي الشات منور فيك من زمان ارجعي استقري و طلي علينا والله اشتقنا لك والف الحمدلله على سلامتك و عقبال لما تركز امورك و اقامتك و تستقر نفسيتك يارب
ياسمينة الله يهنيك مع خطيبك يارب و عقبال الفرحة الكبيرة ان شاءالله بس اسمعي كلام البنات و ما تكتري تياب كله رح يغير موديلاته و رح يتغير جسمك صدقيني و اسألي المجربات قبلك
لولية اذا رجعت على بيروت الحمدلله على السلامة و ان شاءالله بتجتمعوا مرة تانية انت و عيلتك بخير و عافية يارب
شامية انا بنصحك ما تعملي مانع و خليها على الله أحسن شي يعني ايمتى ما صار حمل يصير أنا هيك بسمع من الدكاترة انهم ما بيحبذوا يكون في مانع قبل اول ولد
بتمنى ماكون نسيت حدا و اذا نسيت لا تعتبوا علي مشتاقة لكن كتير و ان شاءالله برجع بحاكيكن عن قريب