´ˆ تجهيزات عرائس { ليبيا } لشهر شوال 1430 - 2009 م " الجزء 4 " ˆ`

صبايا .. شكراً على الترحيب الحلو..
و عندي نقطة مهمة جدا جدا ضروري تاخدوها بعين الاعتبار و الحمد لله أني ماشية عليها من زمان و موفقة بيها الصراحة:
عمرك ما تمشي بالدارج ولا الي على الموضة أبداً
و دايماً شوفي الي انتي يناسبك و يناسب وضعك في كل شيء سواء ان كان مكياج أو تسريحة أو لبسة .. الخ.
و الله الصيف الي فات و الصيف هذا شفت عرايس يخوفوا مدايرين هديك الرسمة في العين .. و الله تبان عينها متمزقة .. و الله.
و تلقيها قصيرة و جسمها مليان (بصحتها يعني) و لابسة فيلو كل كربالات و مكشكش من لوطا و من فوق علي أساس كورساج بالكرستال مقنوط عليها لين وجهها مولي أحمر و عاد هذاك الصدر فايج من كل تركينة..

صدقوني هذا كله غلط و ظلم .. بعد فترة بسيطة الي فات كله معاش حيكون عالموضة و حتتفرجي على صورك وتتحسري و تحسي روحك زي الشوشباني.
مفيش أحلى من البساطة الراقية التي لا تزول مع الزمن في كل شي...

و الله ماما صور عرسها لتوا أحلى من 100 عروسة شفتهم اليومين هادم..

و انتظروني ..

Ghado;10311675:
صبايا .. شكراً على الترحيب الحلو..
و عندي نقطة مهمة جدا جدا ضروري تاخدوها بعين الاعتبار و الحمد لله أني ماشية عليها من زمان و موفقة بيها الصراحة:
عمرك ما تمشي بالدارج ولا الي على الموضة أبداً
و دايماً شوفي الي انتي يناسبك و يناسب وضعك في كل شيء سواء ان كان مكياج أو تسريحة أو لبسة .. الخ.
و الله الصيف الي فات و الصيف هذا شفت عرايس يخوفوا مدايرين هديك الرسمة في العين .. و الله تبان عينها متمزقة .. و الله.
و تلقيها قصيرة و جسمها مليان (بصحتها يعني) و لابسة فيلو كل كربالات و مكشكش من لوطا و من فوق علي أساس كورساج بالكرستال مقنوط عليها لين وجهها مولي أحمر و عاد هذاك الصدر فايج من كل تركينة..

صدقوني هذا كله غلط و ظلم .. بعد فترة بسيطة الي فات كله معاش حيكون عالموضة و حتتفرجي على صورك وتتحسري و تحسي روحك زي الشوشباني.
مفيش أحلى من البساطة الراقية التي لا تزول مع الزمن في كل شي...

و الله ماما صور عرسها لتوا أحلى من 100 عروسة شفتهم اليومين هادم..

و انتظروني ..

آهلين أم نضال
صدقتي والله البساطة حلوة ومش معنى الحاجة بسيطة يعني مش حلوة ومش نازكة بالعكس والله الحاجة النازكة نزاكتها في البساطة مش التكلف ، والا مكياج الخليجين اللي متعلمينه ، اني علي الخليجيات ومش طايقاته .
ربي يخليلك أم ونضال وتسلمي عالنصائح وكثري منهم والله محتاجينهم .

عموماً .. أختكم طرابلسية و أغلب الأفراح الي نحضر فيهم في طرابلس و من النوعية الراقية شوية (ذوقاً و ليس مادياً) و القطة الجديدة الي طالعة موضة توا و الي أني عاجبتني هي هدية العروس للمعازيم و هي عبارة عن شمعة شكلها راقي و مكتوب عليها اسم العروسين مع التاريخ .
وفيه حاجة ثانية و هي صح من بدع الخليجيين بس أني عاجبتني (ممكن لاني من الناس الي يرقدوا بكري كان ميحصلوش علي بكرج قهوة عربية من الي يحبه قلبك) و هي ترمس محطوط فوق الطاولة طول السهرة معبي قهوة عربية مع الفناجيين النويزكات.. الصراحة حركة حلوة و مش مكلفة..










بصراحة لقطة الشمعات حاجة حلوة و Original درتها هدية لصاحبتي في سبوعها شريت شمع على السماوي واتي و ربطته بنستروا أبيض و طبعت ورق ملون صغير عندي في المكتب عليه اسم البايبي و لصقته على السريع بالقلو قن .. حركة حلوة و مش مكلفة أبداً أبداُ و الناس هبلو فيها الصراحة

نرجس الشرق;10311149:
مستلزما ت الدار الي انا بناخدهن انشالله والي خديت منهن
1- فرش دار النوم الخيارات متعددة عندك الموضة توا في المكرونة و المحفور و طبعا حتختاريه علي لون الدار نحنا اتفقنا انشالله دار النوم قهوية و حنمشي المحل و هو حيعطيني الخيارات
2-بطانية الحمدلله خديت وحدة و خير واجد هو ايجيب وحدة اخري
3- امخاد صوف وطبية انا في البداية كنت بناخد 6 صوف و 2 طبيات بس بعدها قلبتها في راسي القيتهن مصاريف زايدة و انا مش حنستعمل العدد هضا كله فقلت ناخد 2 طبيات و 4 صوف خير واجد
4- 6 اوجوه مخدات تشريهن ابروحن في اشكال و الوان في 2 ب 10 و في الوحدة ب 7 يعني علي حسب شن رايكن ناخد نبيتي او ابيض او سكري مع انه الورغان سكري حيجن معاه اوجوه
5-مفارش و نبيكن تعطني نصيحة شن ناخد لونهن
6-خديت 8 امخاد عزقة هدين الصغيرات و المربعات اكيد عرفتنهن بدون اوجوه مزلت ما شريت الاوجوه لاني بناخد منهن كم وحده وانحطها مع صالوني تعطي رونق للصالون
7-المناديل و السلة
8-بناخد صندوق لوح
9-خديت انصولة يستك منشف
10-انصولة ايطاليه 4 قطع (( انصولة تلبيسة ورغان+انصولة يستك+2 وجه مخده ))
11- خديت 4 فوط املونات
12- بناخد فوطتين لون واحد سادة ابيض + فيروزي او اصفر مش عارفه حنمشي المحل و انشوف
13- ورغان خليجي خديته لونه دمي بالسكري
14-الورغان عاد ما تنسنه اهم حاجة والله القيت ورغان ايجنن ب 320 خاش فيه شغل راقي بكل بس ولله ماني عارفه ناخده او ناخد ابتاع 125 حتي هو حلو انا انحاول انقص علي روحي المصاريف بصراحة

اقرن و قولن رايكن يا احلي عرايس و ربي ايكمل علينا بالخير

ام نضال مشاء الله حاجات راقيه وكلاسيك وحلوة

يلا نستنوا الباقي

كيف حالكم يا بنات
عروسه شني أخبارك وشني امورك وين وصلتي من التجهيزات
نرجس ماشاء الله عليك شكله مش مخليه حاجه في السوق ومش شاريته تبارك الرحمان ربي يعاونك وخيتي
كاندي حبيبتي اني زيك حاجات هلبه قاعده ماشريتهمش لكن تعرفي بديت نتشجع ونفكر نبدا نشري
أمورة خطيبي كيف حالك وشنو اخبارك
أنجل ومن وبالنسبه للمحل الي تسالي عليه لتفصيل الاكسسوارت ويدرلك الموديل الي تبيه حتى لو مرسوم أني صاحباتي عرايس يختارو من النت في الاطقم والتاج للفيلو ويفصلو فيه عندهم توه نبعتلك أسمه على الخاص وتعرفي توه نجيبلك رقمه المحل بس هو في بنغازي راهو
أم نضال تشرفت بيك وافكارك حلوه وأني نموت في الشموع وبأذن الله نستفيد منك في تجهيزات واني متفقه معاك في قصة الموضه والعرايس بصراحه راحو يخلعو زمان العروسه رمز الانوثه والرقه زي الملاك توه قعدت زي الشطان اللطف

خير خواتى انا ليا زمان ما هدرزتش معاكم من تجمع شعبان
انا عندى استفسار بسيط
انا شريت الفيلو امتاعى قبل ما يحددوا الفرح تسرعت شوى هو الفيلو راقى وفخم وعاجبنى موت لكن الطرحة طويلة والفيلو ما فيه ذيل لانو مبوج منفوخ يعنى
وتوا الفرح حيكون فى شهر 4 باذن الله وانا والله عليا فى اللبس يجنن الفيلو بس خايفة ان موضتا راحت والا انتو شن رايكم

خطرها انا من بنغازى ورانى عندرى خبرة لفيت محلات وكوافيرا بنغازى كلهن فاى استفسار حاااااااااااااااااااااااااااااااااااضر
لكن ردن عليا على موضوع الطرحة
وخيتى نرجس الشرق قريت كلامك ماتزعلى روحك على البتات الله غالب هذينا عوايدنا والله انا كلفنى مبلغ مستحيل تصدقيه غالى عليا الحاجة الراقية وجت على راسى
عادى المهم يقدرو البشوات العرسان يعنى الموضوع هضا

عروس رايقة;10312893:
خير خواتى انا ليا زمان ما هدرزتش معاكم من تجمع شعبان
انا عندى استفسار بسيط
انا شريت الفيلو امتاعى قبل ما يحددوا الفرح تسرعت شوى هو الفيلو راقى وفخم وعاجبنى موت لكن الطرحة طويلة والفيلو ما فيه ذيل لانو مبوج منفوخ يعنى
وتوا الفرح حيكون فى شهر 4 باذن الله وانا والله عليا فى اللبس يجنن الفيلو بس خايفة ان موضتا راحت والا انتو شن رايكم

دلوعة خطيبها اهلين بيك ومقصد باحدية شهر العسل المريحة اللي ما تتعبي بيها وتكون واطية .
وياهنو الدلوعة مشكورة ياحبيبتي نستنى فيك

[FRAME="11 70"]
شكرا ياهنو الدلوعة بس بصدق الموضة توا الطرحة الطويلة ولا القصيرة انا عندى حالة وفاة وليا فترة عالاعراس اصلى انا مش هاين عليا نبدل طرحتى هى فخمة جدا ومطرزة روووووووووووووعة خسرت واجد عليها وعاجبتنى فى اللبس بس خايفة تكون خلاص موضتها ولت فعطونى رايكم بصراحة
[/FRAME]

عروس رايقه خلاص حبيبتي مدامه عاجبتك الطرحه ماتغيرهاش وعلى فكره الطرحات الطوال عمره موضتهم ماتحيش ابدا لأنهم موجودات من زمان ولاتوه افضل أنواع الطرحات لأنهم يدلو على الفخامه والطابع الملكي يعني يا سعدودك حصلتي طرحه تعجبك وياريت تقوليلي وين حصلتيها عشان اني ندور في وحده طويله تكون مميزه وفخمه وانتي شكلها حاجاتك نازكه وتحبي التميز
وعروس ليبيا كلامك مزبوط واحسن حاجه تهنيتي على الفيلو وبعدين أني عندي قناعه انه العروسه هي الي تميز الفيلو مش هو صح

صباح الخير عرايس ليبيا

جمعه مباركه للجميع

هلا هنو صدقتي الفيلو العروسه تميزه مش هو يمزيها عجبتني الفكرة هههههه صحيتي ياحلوة

عروس ليبيا;10317414:
صباح الخير عرايس ليبيا

جمعه مباركه للجميع

هلا هنو صدقتي الفيلو العروسه تميزه مش هو يمزيها عجبتني الفكرة هههههه صحيتي ياحلوة

عروسه قوليلي حصلتي روب الدخول يكون نازك ولو حصلتي وصفيه ليا واعطيني التفاصيل تعرفي قاعده ماشريتاش ونفكر نمشي نتفرج ونشريه من توه شنو رايك

dr_gmd;10317922:

:wink::wink:

السلام عليكم

كيف حالكم يا صبايا ومدامات ليبيا انشالله بخير:wink:

سمعت دوة هكي على الارواب صح؟

عندي ليكم روب يجنن جبته لصاحبتي من دبي من نعومى قلت بالك نوصفهولكم تاخدو واحد زيه لانه بجديات اللى يشوفه يهبل عليه روعة المهم حتا انا بناخد واحد انشالله المرة الجاية وندسه:wink:

المهم لونه offwhite يعني ابيض مطفى شوية زى البيج هذا الطرف اللى لوطة ساتان مفتوح صدر مع شغل داننتيل على الصدر باليد طبعا راقي جدا وسيور دانتيل لزوم الانوثة
ومن الخلف ذيل زي فساتين السواريه ومخدوم بالدانتيل طبعا على شكل 3 طبقات فوق بعض

وفي الظهر ضرب لزوم الجاذبية والاغراء:15: طبعا بالستان طبعا

والطرف الثاني هو الذوق مخدوم بالدانتيل يدويا والخرز الرقيق البيج فيه ربطة في الوسط والصدر مفتوح حتى يبان اللى تحته:wink:
والاكمام 3 ارباع واليدين نازلات وطروف اكيد فهمتوها
وطويل ومن الخلف ذيل زي اللي تحته ..ا

انشاالله يكون عجبكم واستفدتو حتا بالفكرة على الاقل لاتحرموني من ردودكم (})

هنو الدلوعه;10318033:

هلا ياحلو


أكيد حلو ويعجبنا لكن ياوخيتي هذا في دبي كيف نبي نوصله تعرفي خاطري في روب يكون مميز وانثوي جدا ومانبيش نتسرع ونشري اي واحد وبعدين نلقا واحد ثاني يعجبني بعدين نندم

حبيبتي انا لما عرضت الروب للفكرة يعني حطيه في بالك وانت دوري مش شرط تشريه بس تقدري تشري زيه هنا بس الحق انا ملقيتاش هنا..........لو لقيت حنقولك...اكيد بس متقعديش تقولى مزال مزال اللى يعجبك هلللللبة خوديه خير من معادش تلقي بكل وبالتوفيق حبيبة(y)(y)

dr_gmd;10318226:
حبيبتي انا لما عرضت الروب للفكرة يعني حطيه في بالك وانت دوري مش شرط تشريه بس تقدري تشري زيه هنا بس الحق انا ملقيتاش هنا..........لو لقيت حنقولك...اكيد بس متقعديش تقولى مزال مزال اللى يعجبك هلللللبة خوديه خير من معادش تلقي بكل وبالتوفيق حبيبة(y)(y)