´ˆ تجهيزات عرائس { ليبيا } لشهر شوال 1430 - 2009 م " الجزء 4 " ˆ`

هنو الدلوعة ، عروس ليبيا منورين وربي يسخرلكم ويسخرلي آآآآآآآآآآآآآآآآآآآآآآآآآآآآآمين
هنو ياريت تبعتيلي الارقام بالله عليك

عروس ليبيا;10302700:
نرجس صدقتي حتى انا اكثر شي مخليني نبيهم يحددولي الموعد عشان نطلع ونجيب حاجاتي لان بصراحه الحق اهلي بالعكس كل يوم يقولولي العي واشقي بروحك بس انا متحشمه بحكم اني اصغر وحده وقاعده مش عارفه نتصرف لكن الذهب انا الحمد لله كله كامل خديته ومن زمان واخده لينا بوي الله يرحمه مش ناقصني شي الا شوي خواتم صدارة وطاقم بلاتين نبيه على الفيلوا وطاقم ذهب على فستان الحنه والباقي عادي كله عندي وحتى هل طاقمين لو ماحصلتهم مش مشكله عندي غيرهم بس انا نبي حاجه جديده ماحد شايفها .

نرجس ياريت تكتبيلنا القائمة اللي كاتبه فيها كل احتياجياتك.

شني رايكم يا بنات كل وحده ادير قائمة فيها احتياجات كل عروس وانزلوهم هنا وكل وحده تستفيد من التانيه على الاقل اللي ناسيه حاسه التانيه تفكرها بيها ..؟

هيا انا نستنى ردكم شن رايكم.

حتي انا الذهب الحمدالله ماما شاريتلي بس مزال الخواتم و حدايد نلبسهن ع العباية الخليجية مزلت ما كملتهن قلت خليني ننهي برنامجهن خير ما بعدين يكترن عليا الحجات و ننساهن
وحاجة تانية ايقول انتي قاعدة في قلبي يا احلي عروسه حتي انا بنديرلكم اليوم قائمة بالحاجات الي انا امحضرتهن و انشالله ما ننسي شئ و كاني ناسية و قظوني وبنبدا بالحاجات المهمه
الكهربائيات

الاشياء الكهربائية ........................
اولاالمكنسة الكهربائية انا في الاول قلت بنشري بلاك اند ديكر ب 145 د.ل بس بعدها حسيت الناس يشكروا في هومر و قلت نشري ابتاع السطل بس في الي ايقولي لاء شن تبي فيها خليك علي حاجة اصغيرة اتساعدك حتي في التخزين
2 - حداد بخار علي حسب لو تبي تشري البخار العادي و الله زي ابتاع المحلات انا قلت التانية خير لاني انحدد و انا واقفة خاصة العبايات و فساتين السهرة يبن حداد زي ابتاع المحلات
3- مكينة التوست شن رايكن اي احسن ماركة والله محتارة kenwood او بلاك اند ديكر لو تعرفن ماركة اخري قولن ((كينوود ب 60 د.ل))
4-ست البيت بلاك اند ديكر ب45
5- مضرب البيض بلاك اند ديكر 45
6-عصارة البرتقال و الله ماني عارفه ضرورية و الله لا علي اساس انا بنعصر برتقال شوف الكدب ما عصرته في حوش هلي هههههههههههههههههههههههه عاطني الهناء و خلاص
7-الخلاط بلاك اند ديكر ب 58
8- كوشه بلاك اند ديكر 125 تقريبا بس انا حسيت انه المكرويف افضل بالنسبة ليا لاني نشتغل ولازم اندور حاجة سريعة اتسخنلي خير
9- سخان اميه (( كاتل ) كاس لتسخين الميه هذي نبي فيها شطارتكن قوللي ماركة اكويسة
الحاجات الدفنقي كيف ما انقولوا نحنا الشراقة :
1- قلاية البطاطا والله انا حسيتها دفنقي زايد وتاخد زيت واجد لكن اهو حركات علي اساس نحنا قاعدين علي بنك روما و انبعزقوا في اللفلوس
2- طاجين البيتزا شوف الكدب علي اساس انا بنطيبله بيتزا و كنه الطاجين العادي و الكوشه العادية و الله ماني عارفة

انتباه :
1- ماتشريش ست البيت الكبيرة الي فيها اكتر من قطعة لانها مسرع ما تخرب و التركيز يقعد علي ماتوري واحد و بالتالي تخرب بسرعة اشري كل وحدة ابروحها
2-لما بتشغلي قلاية البطاطا لازم اتحطي الزيت الاول و بعدين تعلقي في الضي لانها حتنحرق و تخرب القلاية
هضا في الوقت الحالي الي درته و امس و الله قريب ساعة وانا ماسكة هالمذكرة وانبهت و شي ما شريت حاجة مع اني قادرة نطلع نشريهن في وقتهن لاني بنمشي للوكيل لكن......................كترت الرايات اتودر و انا قلتلكن كان عندكن راي او تعليق قولن عشان انساعدوا بعضنا و انشطن يا احلي عرايس عشان انكملوا بسرعة و انتفكوا و ما تبخلن بالنصيحة
و الله ايربحكن ادعلي انشالله ايكمل ربي عليا علي خير و يسرلي انا و هو

نرجوسة الحلوة شن الاخبار فعلا شكك واخدة الموضوع بجدية صحيتي وخيتي على القائمة لكن اني مانبي نشري هادا كله والله غير صرف فلوس خلي هو يشريهم اني يادوب نشري حاجاتي اني الدهي مازال ماشريت شي شايطة فيه النار
يابنات اني شريت حوايج صيفية على اساس كنت نحساب عرسي في الصيف لكن اهو الشتي بيخش تو بنعاود نشري ملابس شتوية لكن زعمة يجي نلبس بديهات وحركات في الحوش في الشتي عادي ولا مع شرطات ولا جيبات قصيرة

ان شاء الله يابنات حتى اني تو انزللكم قائمة امتاعي
فكرة حلوة عروس ليبيا منورة

الاحدية
1. كندرة فضية تمشي مع البدالي والصدرة بشنطتها
2. كندرة نحاسية هادي جابوها في البيان تمشي مع البدالي والصدرة مع شنطتها
3. كندرة كحلة مهمة الكحلة تمشي مع كل شي بدلات او سواريه مش ضروري شنطة
4. كندرة الفيلو بيضاء عالية قريب 14 سم حي عليا تو انطيح في الصالة من غير شنطة
5. كندرة حمرا فرنيز ومازال بناخدلها جيزدان احمر مش كله شناطي
6. كندرة زيتونية غامقة عجبني لونها
7. كندرة قهوية فيها لمعة وهادي الحق جتني هدية
8. كنادر عملية قدم متوسط قهوية وزرقاء وكحلة ومشماشية طبعا هادو قدم ليهم فترة واخدتهم في التخفيض
9. شبشب فضي امتع صبع ومازال شبشب ابيض قدم متوسط للروب مازال اندور ماحصلتش
10. شبش دهبي عالي شوية للحركات في الحوش فاهميني طبعا وشبشب موف قدمه شفاف عالي حتى هو للدلع
11. شباشب حوش للمطبخ ودار النوم امتع الدبدوبات مادا بيك الشبشب يكون لون التوتة او البيجاما

الشنط
1. شنطة كحلة حجم كبير عملية
2. شنطة قهوية حجم كبير عملية
3. شنطة بيضاء حجم كبير عملية حتى هي ومازال خاطري في حمراء لكن قلت ناخدها بعدين لما نمشي لمصر بعد الزواج .
4. شنطة زيتونية شومواه شكلها زي الهلال صغيرة يدوب يجي فيها الموبايل وطرف كلينكس هههههه !!!

ويلا يابنات نبو همة ونشاط كل وحدة تكتب شن شرت باش نستفيدو من بعضنا ونتبادلو الاراء ووجهات النظر
وتو عييت ان شاء الله تو انزللكم بقية حاجاتي زي اللبس والاكسسوارات

يعوينكن يا بنات الغرب و ربي يحفظكن انشالله شكلكن ما تجيبن في شئ غير دبشكن الشخصي اسملي عليا انا بنحط تروة شكلي لا و امس نحكيله و قتله الصالون اقريب ايخش ع 1300 و معاها ايقولي لاء ما تجيبيش حاجة غاليه يبي هله يكلوني و انا حية

عروس ليبيا;10305789:

صباح الخير عرايس

كيفكم اليوم

هنو الحلوة كيفك بالنسبة للكنفيت هو زي ما انتي حكيتي عليه وانا اهو جبتلك صورة كنفيت فاتحتي شوفيه وهذا بسيط جداً يعني يختلف شوي كنفيت الفاتحه على كنفيت العرس وطبعا انا بنجيبهم مجسمات كبيرة من مصر زي ماقلتلكم بس شوفوا هدا وقولوا رايكم هدا كنفيت فاتحتي كانت في شهر 3 اللي فات.

اه عرفته انديروا فيه في بنغازي بس الاسم يختلف

امورة خطيبي;10305616:
نرجوسة الحلوة شن الاخبار فعلا شكك واخدة الموضوع بجدية صحيتي وخيتي على القائمة لكن اني مانبي نشري هادا كله والله غير صرف فلوس خلي هو يشريهم اني يادوب نشري حاجاتي اني الدهي مازال ماشريت شي شايطة فيه النار
يابنات اني شريت حوايج صيفية على اساس كنت نحساب عرسي في الصيف لكن اهو الشتي بيخش تو بنعاود نشري ملابس شتوية لكن زعمة يجي نلبس بديهات وحركات في الحوش في الشتي عادي ولا مع شرطات ولا جيبات قصيرة

ان شاء الله يابنات حتى اني تو انزللكم قائمة امتاعي
فكرة حلوة عروس ليبيا منورة

حبيبتي ولا ايهمك البسي الي يعجبك شتاء صيف مش مشكلة انتي عروس و في حوشك و بعدين حيكون في تدفئة يعني ما اتخافيش من الصقع

يا بنات ياريت انخشو علي حاجة الحمام و المناشف لانهن بجد بيطلعنلي عقلي و الي دايرة قائمة فيهن ما اتاخرش علينا

الطواقم

توا بنخشوا علي الحاجات الزجاج الي تقعد باينه و واضحة في البيان ::::
1- طقم عشاء صيني انا بناخد واحد عجبني 125 قطعة و صاحب المحل بيساعدني فيه شن رايكن فضي او ذهبي انظني الفضي خير
2- طاقم كريستال ابتاع الطفيات انا مزلت ما شفته بس قالو في واحد ابتاع طفيات و الاخر فيه كاس امية
3- طزينة كبابي عصير
4- طزينة فناجيل قهوة
5-طزينة طاسات شاهي
انتباه :::::
قالو لما تاخدي طاقم الاكل ذهبي لازم تاخدي العصير و الشاهي و القهوة فضي و العكس بس انا مش مقتنعة شن رايكن انتن
6- طاقم اشوك و كواشيك و امواس (( ما نصحونيش بابتاع الشنطة مش عارفة ليش )) شن رايكن
7-كاس امية كامل ابتاع عرايس
8- اسفر عرايس + ابتاع المناديل و الله ماني عارفة ابتاع المناديل هدي اتجي في طاقم والله ناخدها ابروحها
نصيحة
انا خديت طاقم غداء للاستعمال اليومي لانه انتي مش لازم امواعينك ايكونن الوان مختلفة
توا يا امورات نشطن اروحكن و عاطن رايكن

نرجس الشرق;10305929:
اه عرفته انديروا فيه في بنغازي بس الاسم يختلف

خاطري اتكون في بنت من بنغازي هنا عشان اتساعدني اشوية لانه حسيت نحنا بتاتنا مش زي بتات بنات طرابلس

حيه قصدك يرفعوا في اماعين؟
اني ماخديت حتى حاجة اماعين
هنو انقذيني

عروس ليبيا;10306105:

صباحو نرجس

ايوة حتى نحن فيه من يقوله اسم مختلف اللي هو بنبونيره صح:wink:

صباح النور حبيبتي كيف حالك
اتصدقي انا هضا هو الحاجة الوحيدة الي مش شايله همها في الفرح بكل و لا فكرت فيه حسيته مقدور عليه انا همي في الحاجات الاخري

نرجس الشرق;10306120:
صباح النور حبيبتي كيف حالك
اتصدقي انا هضا هو الحاجة الوحيدة الي مش شايله همها في الفرح بكل و لا فكرت فيه حسيته مقدور عليه انا همي في الحاجات الاخري

اتصدقي يا نرجوسة انه اني اللي شايلة همه هو الحلوة:o فقط لا غير والباقي ربي يسهله ان شاءالله ويسهل عليا الحلوة وعذابها .

candy libya;10306114:
حيه قصدك يرفعوا في اماعين؟
اني ماخديت حتى حاجة اماعين
هنو انقذيني

خليني ساكته يا كانودة فيه الي تلقيه حتي كاشيك ما حاطلك دولاب المطبخ فاضي ما فيه حتي كباية بس ممكن انتي من طرابلس مش حياتر عليك لانه اكيد عارف طبايعكم خاصة ان اخته متجوزة في طرابلس و ربي ايهنيك انشالله

نرجس الشرق;10306136:
خليني ساكته يا كانودة فيه الي تلقيه حتي كاشيك ما حاطلك دولاب المطبخ فاضي ما فيه حتي كباية بس ممكن انتي من طرابلس مش حياتر عليك لانه اكيد عارف طبايعكم خاصة ان اخته متجوزة في طرابلس و ربي ايهنيك انشالله

زعمة بالك يتسهوكوا عليا ؟
اني ماقاليش حد عليها زعمة انفوت الموضوع والا نسأله ؟ والله شكلي بندير روحي حولة وخلاص ، مش ناقصني مصاريف الحق ، ربي يهنيك حتى انتي ويسخرلك آمين يارب

candy libya;10306127:
اتصدقي يا نرجوسة انه اني اللي شايلة همه هو الحلوة:o فقط لا غير والباقي ربي يسهله ان شاءالله ويسهل عليا الحلوة وعذابها .

ما اتخافيش منها واله ساهلة مع الوقت الجلدة اتموت و اتعودي عليها المهم ابدي من توا عشان ما ايجي يوم الفرح الا وانتي متعودة عليها وحتي او كان طلعلك حب مش مشكله خليه لعند ما يطفي و حتي لو طلع الشعر و بعد ما يطفي الحب ديري اخري لعند ما انشالله اتعودي عليها و تقعد ساهل انا هكي دايرة

مشاء الله يا نرجس شاده الهمه بس تعرفي انتي مهونتيها انا خديت حاجات والله كلفوني فوق اللازم وعلى فكرة نرجس انا من اليضاء وعوايدنا زيكم بالزبط وحتى نحن بتات البنت توا يكلف اكثر منعرس الراجل

توا انا صايمة يا بنات وراسي مصدع بنطلع نرقد شويا وبنجيبلكم قائمتي بعيدن واول مانبدأ بيه المطبخ لانه هو اللي خديت أغلبه لتوا بس وعلى فكرة نرجوسه اغلب حاجاتك تشبهني

ونصيحتي ليك احلى ماركه كانوود ولا هومر بس بس الباقي شك ولوح.

هيا عرايس نبوا تفاعل في القوائم عشان اللي تكون ناسيه شيء التانيه اتنبها .