´ˆ تجهيزات عرائس { ليبيا } لشهر شوال 1430 - 2009 م " الجزء 4 " ˆ`

نرجس الشرق;10306164:
ما اتخافيش منها واله ساهلة مع الوقت الجلدة اتموت و اتعودي عليها المهم ابدي من توا عشان ما ايجي يوم الفرح الا وانتي متعودة عليها وحتي او كان طلعلك حب مش مشكله خليه لعند ما يطفي و حتي لو طلع الشعر و بعد ما يطفي الحب ديري اخري لعند ما انشالله اتعودي عليها و تقعد ساهل انا هكي دايرة

اني مانقدرش مانخافش ، سم ياوخيتي، هيا في يديا وماتحملتهاش بينتحملها غادي:confused:
صعب الموضوع ، كان ايخلوني اندير مزيل وخلاص:o

انتباه

في حال عندكن حب في الاماكن الحساسة ناتج من الحلوة ردي بالك اديري حلوة الا بعد ما يختفي الحب لانه مكانه يقعد امعلم و ما ايحولش

عليك فظايح ندوا ع الموضوع علني عيني عينك ربي يسترنا كلنا امين يا رب

كاندي انا زيك كنت نخاف من الحلوة وماعمري درتها بس درتها في الفاتحه سااااااااهله قلت ياريت ماخفت ولا شلت حملها .

والله يابختكم يا كاندي بجد انتم في طرابلس كل شي على الراجل والبنت همها نفسها ولبسها وكان تبي تاخد ذهب مش مضطرة يا بختكم مش زينا قريب كل شي يقعد على العروس والعريس مرتاح ههههه

وزي ما قالتلك نرجس لو خايفه على بشرتك تتاثر من اول مرة من الحلوى جربيها اكثر من مرة لعند ما ياخد عليها الجسم والبشرة .

اني خديت الحوايج بس
امتعات النوم وامتع الحوش جو البرمودات والقونات القصار وجو الأمريكاني والقعدات امتع العشية بروحنا بس والباقي لتوا ماخديت شيء ممكن الأسبوع الجاي نكمل كل شيء

عروس ليبيا;10306198:
كاندي انا زيك كنت نخاف من الحلوة وماعمري درتها بس درتها في الفاتحه سااااااااهله قلت ياريت ماخفت ولا شلت حملها .

والله يابختكم يا كاندي بجد انتم في طرابلس كل شي على الراجل والبنت همها نفسها ولبسها وكان تبي تاخد ذهب مش مضطرة يا بختكم مش زينا قريب كل شي يقعد على العروس والعريس مرتاح ههههه

وزي ما قالتلك نرجس لو خايفه على بشرتك تتاثر من اول مرة من الحلوى جربيها اكثر من مرة لعند ما ياخد عليها الجسم والبشرة .

والله مابعدكم الحق ، وبالنسبة للحلوة اني من غير شيء بشرتي حساسة وخايفة من الحبوب اكثر من الألم عالاقل الألم يمشي ، لكن نحاول نجرب الفيسودين يشكروا فيه هلبة ويستر الله ادعولي بنات تربحوا بالله عليكم وربي يسخرلكم ويهنيكم .

شكرا عروس ليبيا بس تعرفي ماركة بلاك اند ديكر ماركة ممتازة جدا صناعة المانية عيبها الوحيد انها عندها اشوية منتجات غالية اشوية و ربي يستر و اتساعدني الميزانية

ما رديتنش عليا بخصوص الفيلو نشريه توا او لا خاصة انا القيت واحد حلو و سعره مناسب

مش عارفه موقعنا معندش شهرة والله كيف لاني حسيت البنات اشوية و مفيش من بنغازي الا انا

نرجوسة مايوجكش خاطرك ، لو من بنغازي كنت رديت عليك
بالحق امتا عرسك انتي ولا مازال ماحددولكش

candy libya;10304858:
مرحبتين بيك سموحة بين وخياتك

شك كاندي ليبيا را
بس ياريت نفهم حاجة(i)(i)عادي نحط اي شئ مثلا حوايج عجبوني صورهم طبعا لووول
يعني موضوع نحسه مفتوح مش محدد شن الاشياء اللي لازم نتكلمو عليها ؟؟؟؟؟؟
ومنورين المنتدى يا مصقعات هههههههه يعني cools

اهلين يابنات
وكل سنة وانتن طيبات ان شاء الله العام الجاي ستات يارب
فرحي تأجل لأجل غير مسمى سلفي فسخ خطبته وقاعدين يدوروله في عروس
المهم اني وثيت بعض الحاجات وناقصاتني هلبة حاجات
نبي منكن اللي تعرف حد يصمم في اكسسوارات فرح يخبرني يعني نقصد الخراصات ولتاج نبي تصميم خاص بيا كان تعرفوا وين نلقى اوصفولي المكان يا ريت اني من طرابلس.... وماعندي مشكلة حتى مع بنغازي كان في كيف.
ويابنوتات بنغازي اللي تعرف فيكم رقم فرقة بنات قرطبة تبعثه ليا علي الخاص يا ريت..
وتوا خلوني نخبركم شن وثيت لحد توا:
طبعا خديت 5 حقائب يدوية سوداء-قهوية -حنية بالقهوي-بنفسجية-حمراء- صفراء كبيرة شوية اسطايل لشهر العسل
خديت بوت لونه قهوي-حذاء نانسي عجرم الاخير-سندل ابيض-شبشب اسود عالي -قبقاب-كندرة قهوية ووحدة سوداء-مازال ماخديت احدية شهر العسل ابتاعات التدهوير
خديت شموع 6 أشكال .. وخديت اربع بجامات ابتاعات الشرت وروبين بيض واحد قصير وواحد في الركبة
وخديت روبين ابتاعات طرفين(الكت والكبوط)
خديت كبوط نوم-قفطان قطني ابتاع شاطي..ومازال الملابس الداخلية ماخديتهن
خديت فرش مكياج شنطة فيها كل الفرشات وشنطة قلامة اظافر لي ولزوجي ان شاء الله-خديت اظافر وكم طرف ظلال وكحل واقلام رسم
العطور طبعا احني من االلي يديروا في صندوق بخور وخمرة وعطر ثقيل(وثيته مازال التزيين بس مش عارفة عند منو بنزينه) عطور فرنساوية مازال ماخديت...خديت شنطة حمام ومكواة شعر وفير وماكينة البدكير والماكير و ماكينة خلاقة نسائية للمهمات السريعة وبراون ما زال ماشريتها وخديت 2شرتات و4 قونات قصيرات و8 بديهات ملونة
وتوا نمشي نطل عليهن الحاحات عشان نتذكر شن ثاني
تصبحن ع خير ولنا لقاء وراكن تنسني

صباح الخير على الحلوين...
الصراحة أنا مدام من سنتين و نصف و عندي وليد زي القمر ربي يخليهولي..
لكن هوايتي تنظيم الأفراح .. و عائلتي و عائلة زوجي أفراحهم كلهم طلعوا على ايدي..
و الصراحة وخيتكم ذوقها راقي (شكار روحه ) و شوية على الاوروبي يعني...
فأي خدمة تفضلوا و انشاء الله ربي ميحشمنيش معاكم..
و أني حاسة اني بين وخياتي و الله..
أم نضال

بس ياريت نفهم حاجة(i)(i)عادي نحط اي شئ مثلا حوايج عجبوني صورهم طبعا لووول
يعني موضوع نحسه مفتوح مش محدد شن الاشياء اللي لازم نتكلمو عليها ؟؟؟؟؟؟

اهلين حبيبتي انستينا في تجمعنا وتقدري تتكلمي على كل شئ خاص بالعرائس وتجهيزاتهم وتحطي صور لاي شي شريتيه او خاطرك فيه واذا كان عندك افكار جديدة خاصة بالافراح والصالات والتسريحات والماكياج

انجل وومان اهلا بيك وانستي حتى انتي صار قلتيلي تأجل فرحك الله غالب اوخيتي كلنا في الهوى سوى حتى اني توفت حناه وعلنو الحزن خلاص :confused: يلا ان شاء الله في كل تاخيرة خيرة

خلينا نوتو روحنا لين ربي يفرج وبالنسبة لتصميم التاج والاكسسوارات مرات تلقي في المحل نفسه امتع الفيلوات بنات عندهم خبرة في هالمجال وبعدين اكوافيرة اللي بتحجزي عندها هي ادلك واتقولك شن يمشي معاك حبيبتي

وين بتمشي شهر العسل وقصدك كنادر شهر العسل بروحهم ناخدهم ولا كيف ؟؟؟ اني كنت انخمم نشري من غادي بعدين

يا بنات خاطري نعرف شن خديتن للحمام و انا المكياج مزلت ما خديتش لاني خايفة من الصلاحية

امورة خطيبي حتي انا عمهم توفي واجلوا الفرح و قالو حزنهم يقعد سنه والله ربي يستر و خلاص هم علي قولتهم قالولي الفرح في اول 7 لكن انشالله خير انا ما نبيش كلام نبي فعل و كلام رجالة و حجز صالة عشان نعرف راسي من كرعيا

اهلين قادو او ام نضال انستي ونورتي
ياريتك اتقولينا على اخر طرحات الضيافة في يوم الحفلة مثلا شن يقدمو في الاول والاتيكيت المتبع حاليا ( وحدة خاشة طول ) وشن تنصحينا على لقطة الفيلو مثلا وكيف خشة العروسة للصالة يعني هدرزيني على هالامور مادامك خبرة

بنات لما بتاخدن التاج لازم ايكون متطابق و متناسق مع الفيلو و الطاقم الي في رقبتك يعني لو الطاقم فيه لولي لازم حتي التاج فيه حبات لولي و لو كريستال لازم التاج حتي هو كريستال و مش تلبسي فيلو خاش فيه الذهبي و اديري تاج ابيض بلاتيني انتبهن

في حاجة تانية يا بنات نصايحي واجدة انا معليش تحملن :tongue:في كوفير اتقولك يوم الحنة ما انديرلكش تاج مش عارفه ليش ايقول بتحطي من عندها او بفلوسها يعني هي شن دخلها المهم اتصكر راسها و تقولك لا زي ما دارت شادية مع صاحبتي خليها غصبن عنها اديره لك و اتفقي معها من الاول (a):D_smil1:

صباح الخير عرايسنا

منورات مشاء الله وناشطات ايوه هكي خلونا زي قبل رمضان الصراحه كنا كساد

ونرنا العرايس الجدد منورات الدويرة يا حلوات

بالنسبة للي سألت على عنوان فرقه في التجمع السؤال عن الفرق والغناء غير مسموح بيه والباقي كله مسموح وبرضوا الهدرز ة العاديه بدون استفسارات غير مسموح.

نورتن واللي في بالكن اسألن عنه واللي تعرف اكيد مش حتبخل عليكن ربي يحمينا كلنا ويفرحنا ياااااارب

شكلي نحكي بروحي وانتن يا بنات مش امعدلات عليا و انا شايله همكن انا زعلانه منكن و لا وحدة قالتلي علي حاجة الحمام باهي باهي شكلي بنزعل و انسيبكن