´ˆ تجهيزات عرائس { ليبيا } لشهر شوال 1430 - 2009 م " الجزء 4 " ˆ`

امورة خطيبي;10323214:
مدام غادة هدايا المعازيم امتى انقدمهم اول مايخشو ويسلمو على امي وخواتي ولا لما يروحو ياريتك تشرحيلي
وحاجة تانية شن رايك في لقطة رقص العروسة في حفلتها قدام عريسها

هدايا المعازيم : بصراحة يفضل و هما داخلين لانهم لما يروحوا ممكن يطلعوا بسرعة ويكونوا مستعجلين .. أو ميشوفوش الماما و مش حلوة يقعدوا يدوروا فيها باش ياخدوا هداياهم .. صح؟
و لقطة الهدايا على الطاولات غلطة شنيعة لان احني في ليبيا ما زال مطورناش للدرجة هادي .. في عرسي حطيت حلويات Marzipan أو المعروفة بعجينة اللوز أو الحلويات التونسية على كل طاولة مترد فضة مليان من أول الحفلة و عينك متشوف الا النور الي تنقز على الطاولة الي جنبها و تفضيلها المترد و الي تعبي في كلينكس و تعبي شنطتها .. الخ.
من الخطأ جداً ان العروسة ترقص بروحها قدام عريسها و المفروض انهم 2 يرقصوا مع بعضهم و يستحسن مش لفترة طويلة .. لان العريس مشغول بأمور تانية في باله و مش فاضي للامور هادي بعكسنا حني البنات ...:wink:

يا بنات انا مش كل حاجة في القائمة الي نكتب فيها شريتها بس اهو اموتية القائمة عشان لما انجي بنشري ما ننسي شئ و بنكمل عقاب القوائم توا قررت اني انكمل حاجات الدار بنشريهن كلهن الا الفرش بنخليه بعدين قريب الفرح لاني ما عندي وين انحطه كان شريته توا وبنشري المكنسة الكهربائية الشهر الجاي

يا بنات بنسالكن علي حاجات الحمام الي في السلات انا بندير السلات ابروحي و مش عارفه سلة الحمام شن فيها و قوللي

dr_gmd;10322193:
وين بالزبط وشن بالنسبة للشعر ؟

حبيبتي هذا رقم المركز :
الأرضي: 0217106092
النقال: 0923139794

سلة الحمام فيها كل شي خاص بالحمام زي الشامبوهات والبلسم واللوشنات والشاور جل والصوابين والكريمات المعطرة وغيرها والمعاجين والفرش والليف وعدة البديكير يعني الحاجات هادي نرجوسة

انتباه
المكياج له صلاحية فيعني يفضل انك ما تشريشي قبل الفرح الا بحاجة شهر او عشرين يوم و انتبهي للمدة و المكياج و الكريمات عادة مرسوم عليهن حكية كريمة اما مكتوب عليها 6M 12M
معناتها انه يستعمل 6 او 12 شهر من يوم فتحه و بعدها ترميه و لا يستعمل مرة تانية و انتبهن للفرش ابتاع احمر الخدود حتي هن يبن ديمة تغير كل بعد 6 او 8 شهور لانهن من كترة الاستعمال تقعد فيهن بكتريا اتسبب التهاب للعين

امورة خطيبي;10323473:
سلة الحمام فيها كل شي خاص بالحمام زي الشامبوهات والبلسم واللوشنات والشاور جل والصوابين والكريمات المعطرة وغيرها والمعاجين والفرش والليف وعدة البديكير يعني الحاجات هادي نرجوسة

شكرا امورة بس قوليلي حتي البودرة المعطرة انحطها فيها

يا بنات هكن امس درت ماسك لشعري حسيته تحسن اشوية منه انا عادة اندير في زبادي و صفار بيضه لانه شعري جاف و احيانا انضيفله كشيك حبة البركة مطحونه مع كشيك زيت درة بس امس القيته بدي فيه الحرق و التقصف شوي درت زبدة دايبه ما سيحتهاش ع النار خليتها اتسيح بروحها و خديت شعري و قسمته 4 طروف و قعدت اندير و كاني نصبغ فيه و بعدها لفيته و غسالته و الله الله اكبر و مشاءالله قعد يلمع و رطب و انشالله نستمر عليه مرتين اخري
علي فكرة انا قعدت نغسل بشامبو جونسون للاطفال جنين القمح حسيته ممتاز جربنه

ما تعرفنش حاجة مجربة اطول الشعر والله الراجل مسكين ايحب الشعر الطويل و خاطره هالشعر يطول كل يوم يسال طول شعرك والله مزال ايقولي ع الاقل خليه لعند نص اظهرك بالاكش تعرفن تكسبن اجر في هالعريس المسكين

نرجوسة مادابيك يتكون الزبدة بلدي خير يعني كان تعرف ناس عندهم بقر يربو فيهم ويديرو في السمن والزبدة البلدية خير ضربة ضربة للشعر وفيه قناع قالي عليه هنو الدلوعة معانا في المنتدي حتى هو كويس اني جربته في تطويل الشعر مش عادي
هو عبارة عن عسل حقاني + صفار بيض ومادا بيك البيض العربي + نسكافيه او فرنفل + زيت زيتون اصلي مش عادي القناع براك الله فيها هنو الدلوعة

يا بنات مكينة بروان ازالة الشعر انحطها في السلات او لا

امورة خطيبي;10323598:
نرجوسة مادابيك يتكون الزبدة بلدي خير يعني كان تعرف ناس عندهم بقر يربو فيهم ويديرو في السمن والزبدة البلدية خير ضربة ضربة للشعر وفيه قناع قالي عليه هنو الدلوعة معانا في المنتدي حتى هو كويس اني جربته في تطويل الشعر مش عادي
هو عبارة عن عسل حقاني + صفار بيض ومادا بيك البيض العربي + نسكافيه او فرنفل + زيت زيتون اصلي مش عادي القناع براك الله فيها هنو الدلوعة

انشالله انجربه حتي انا

وينكن يا عرايس اليوم

عروس ليبيا;10324013:

صباح الخير

عرايس ليبيا منورات

مشاء الله نرجوسه مش مخليه جهد ربي يفرحك ويوفقك يااااااااارب

اسمعوا انا بنستشيركم في حاجه انا امس طلعت للسوق وشفت روب دخول خياااااااااااال يا بنات والله فوق الخيال ليكن لقيته ب 25 دينار لو تصدقوا تلات ممرات نمشي ونرجع نسال عن السعر نبي نتأكد ما تخيلت ونفس الوقت خفت يكون فيه عيب مع اني فصفصته طرف طرف لا والاغرب انه 15 قطعه خياااااال فيه طرفين رواب واحد طويل وواحد قصير وقصتهم حلوة ورقيقة ,ومعاه ديشمبر خارجي فيه ريش مع اني مانحب الريش وقلت لو خديته بندير صرفه للريش عند اي خياط ماهر ,ومعاه لانجري حلووو ورقيق ومعاه بيجامه شورت طويل وكت حلو وحاجات تانيه حسيتها ماليها لزمه بس حلوة هكي مناديل وحاجات هكي بس يا بنات شني تنصحوني ناخده ولا لا بجد انا خايفه يكون فيه عيب هكي او هكي لاني في محل تاني لقيت واحد اقل منه قطع واقل منه حلاوة ب95 دينار...؟

صباح النور يا احلي عروس و الروب الي شفتيه سعره خيالي و حسيته حلو و كان اعجبك امشي خوديه و ما تاخريش خير ما اتجي وحدة تانية و تاخده

قوليلي عروس ليبيا حتي انتم في البيضا يعطوكم افلوس و يقوللوكم اشروا دبشكم برواحكن والله بس بنغازي يعني انا نحكي علي دبش السلات و البدلة العربية و الدي منو

عروس ليبيا;10324067:

نرجوسه بالنسبة للسلات الحمام انا شفت امس سلات حمام سعف ووحدات لوح ومش ناقصهم شي وشغلهم حلو حلو الصراحه بناخد منهم بعون الله شوفي منهم اكيد بيعجبوك ومش غاليات الكبيرة ب80 والصغيرة ب60 بس حلوات ورقيات وحتى تخليهم في الحمام طول الوقت يكون منظرهم سبشل

تعرفي انا مش مشكلتي في شكل السلات انا مشكلتي شن الي نشريه و انحطه في سلة الحمام لانهم هم بيعطوني افلوس و نشري حاجاتي كلهن ابرروحي و علي ذوقي

يا بنات شن جوكن في البدلة العربية والله امس خشيت للمحل القيت روحي كيف الهبلة ماني عارفة نختار حاجة والالوان و الاشكال و حرت وانا بنقوللهم يعطوني نشري البدلة توا شن رايكن الي عندها خبرة اتقولي