´ˆ تجهيزات عرائس { ليبيا } لشهر شوال 1430 - 2009 م " الجزء 4 " ˆ`

عروس ليبيا حبيبتي انا بنموووووووووووووت خلاص خايفه وقلقه من المزينات
انا كنت بنمشي لهناء عزام خدت شهره مأخرا وطلعت صاحبتي ماشاءالله عليها ولا نبيناتنا معرفه مشيتلها من حظي الحلو طلع فرحها مع فرحي يابختي صاح..
وماعندي خيار الا مدام عيده لاني الميك اب متاعي لازم يكون سلو ومش اوفر لاني مشيت لنساء العالم صاح الميك اب متاعهن حلو وحديث بس مايمشيش معايا اوفر بكل طلعني كبيره وبالذات الفيلو نبيه سنبل...
قالتلي هناء عزام امشي لعيده نصحتني بيها بس عيده عصبيه وقالوا معاش تميج بناتها توا شفتي حظي وبنحجز خلالالاص خايفه يستكفوا ....

هلا يا غويده بنقولك شي بالنسبة للصدارة وبما انك بتباني حاجه من الاخير تحملي البدله الكبيرة وثقلها لانه بديهي بتكوني جالسة طول الوقت نصيحتي البسي الكبيرة راهو بتقعدي فهيا مميزة وحلوة وانا نحبها لدرجه خياليه صدقيني وخصاصا عاد مع هداك الدهب الكامل والمكياج الحلو بتكوني حاجه من الاخير اسمعي نصيحتي سلم خيتي

بنات ارجوكم ساعدوني خلا رفحي قريب وانا ميته من الحيره والخوف شن اندير...

سألت على العربي مافي حد رد عليا؟؟؟؟؟؟

..روح دودي..;10332030:
عروس ليبيا حبيبتي انا بنموووووووووووووت خلاص خايفه وقلقه من المزينات
انا كنت بنمشي لهناء عزام خدت شهره مأخرا وطلعت صاحبتي ماشاءالله عليها ولا نبيناتنا معرفه مشيتلها من حظي الحلو طلع فرحها مع فرحي يابختي صاح..
وماعندي خيار الا مدام عيده لاني الميك اب متاعي لازم يكون سلو ومش اوفر لاني مشيت لنساء العالم صاح الميك اب متاعهن حلو وحديث بس مايمشيش معايا اوفر بكل طلعني كبيره وبالذات الفيلو نبيه سنبل...
قالتلي هناء عزام امشي لعيده نصحتني بيها بس عيده عصبيه وقالوا معاش تميج بناتها توا شفتي حظي وبنحجز خلالالاص خايفه يستكفوا ....

روح دودي ما تعقدي نفسك بالعكس خليك ريلكس وهدي بالك المفروض توا تكوني مرتااحه على الاخر عشان وجهك ما يكون ذابل ومجهد,بالنسبة للعربي كنه تبي تاخدي لون معين قلتي صح توا فيه الوان حلوة بس في البيضاء فيه محلين يجيبوا في الجديد الفطيسي وعبد السميع بس الباقي اعيه ,ولكن نصيحتي امشي لبنغازي خودي العربي من غادي وبالالوان اللي تناسبك وخيرة عينك

عروس ليبيا اها مشيتلها هناء وفرحها يوم صباحيتي وقالت بنقفل المزين من شهر 10 والله انا بجد عابيه عليها بس قدر الله ماشاء فعل وبالنسبه لمدام عيده هي صاح الميك اب متاعها سلو وسنبل بس نحس فيه سلو واجد يعني لبيان صاح بس زفاف لا وشفت اكتر من وحده في عرسها طالعه عندها ماعجبتني مش عارفه خايفه وهذا غير المبالغ الهائله الي تطلب فيهن والله بجد محتاره..
وبالنسبه لسوزي مش عارفه ماشفتش حد طلع عندها مأخرا خاطري نشوف صور عرايس مطلعاتهن زعمه ندير بروفه للميك اب؟؟؟
من هذي هويدا بجد حلو مكياجها انا قالي عليها خطيبي قالي صاحبة اخته وتشكر فيها بس مش عارفه ساعديني ارجوك بلكي عندك خبره في المزينات وطبعا مستحيل نمشي لفيروز ولا حميدة الحبشي يعععععععععع لمعه لمعه لمعه لمعه....

قصدك بتسكر المحل هناء نهائي خسااااااارة والله يالله نصيب مش مشكله

تعرفي دودي انا نفكر نمشي لاي مزين من بنغازي شنو هو الوقت ساعتين وسيارة مكيفه ماتحسي بيها في النهاية ليلة العمر ولازم تطلعي صح بس انا توا حاطه علي هويدا بوحرارة وعلى سوزي بعون الله وحده منهم لو ظروفي ماسمحت ومشيت لبنغازي.

وبالنسبة لحميده ردي بااااااااالك تتوكبي فيها راهو ميكاجها هبل هههههههه

ومن فيروز هدي جديده ماعمري عرفتها .

تعرفي دودي شهر 8 طلع عرس ولد عمي مشيت لكوافيرة استشورت ودرت لمسات على وجهي هيا ليبيه وبديوة لكن تعرفي رسمتلي عيني وماكنت نتوقع حد يتقهنا الا هناء عزام مشاء الله عليها وشفت عندها عروس جاهزة يوم فرحها عجبتني بس الله اعلم مزلت ذاله منها وهي قالتلي تعالي وتفرجي قبل العروس باسبوع وقالتلي لو تبي نجربلك المكياج هي في كوافير مصوراتي عبير اللي في بداية البيضاء الجديدة مقابل لمحل باب الحارة في الدور الثالث .

بجد حتى انا محتارة وحسك زعلتيني من هناء خسارة والله .

بنحاول نطق فيها ونفهم منها هل يومين

عروس ليبيا;10332086:
هلا يا غويده بنقولك شي بالنسبة للصدارة وبما انك بتباني حاجه من الاخير تحملي البدله الكبيرة وثقلها لانه بديهي بتكوني جالسة طول الوقت نصيحتي البسي الكبيرة راهو بتقعدي فهيا مميزة وحلوة وانا نحبها لدرجه خياليه صدقيني وخصاصا عاد مع هداك الدهب الكامل والمكياج الحلو بتكوني حاجه من الاخير اسمعي نصيحتي سلم خيتي

شكراً حبيبة على الرد الحلو و انشاء الله بناخد بنصيحتك .. لكن الذهب و ربطة التسمال و حطة الشنبير و الاكسسوارات .. كيف بالزبط.
سمعت انه موضة اللولي طالعة توا .. يعني سوارات نصهم ذهب و نصهم لولي ..
مزبوط؟؟؟

انقوللكن عليش انا زدتهم فلوس على العربى امتاعهم اصلهم دارولى ذهب صقع بكل وغالى وااااجد فتحشمت منهم وما اصتخسرت فيهم شى
ويانرجس حتى انا مضايقة اشر منك تعرفى انا مواليد1987 ومخطوبة من شهر1 سنة 2007 وفاتحتى مقريا وتوا قريب نخش على رابع سنة وملييييييييييييييييييييييييييييييييييييت وهوا مش عارف ما يغليش كيفى
والله يا بنات جربت كل الطرق الزن والنقنقة والدلع لكن توا نبى نجرب اخر وسيلة
وهى انى معش نبى نخليه يشوفنى بكل مع انى مرايفة عليه وهلى اصلا ما يخلوش ايج للحوش بس الله غالب انتحمل
والله ما عرفت كيف نصرف
وبالنسبة اللعربى رانى شاطرة فيه بس ماعرفتش شنو سؤالكم
بس الموضة فى الوانه التركواز والفوشى والزيتى المعجون بالبنك
ويكون مش سادة اى الوانة متداخلة شوى
وبالنسبة للى تسال على سوق المصرية فى محل غادى اسما الساحلى والله عندا حاجات راقية وعندا كريستال البوهيمى الحلو نص الطزينة50
بس عقاب السوق بصراحة تلفى تلفى تلفى ممكن اطلعى حاجة حلوة بس حاجة استعمال اوكهربائيات
لكن حاجة راقية بكل وصقع مفيش
تعرفن اللى تبى حاجاة حلوة لدار النوم محل الابانوس اللى فى البيبسى والله راقى وحلو

يا[FRAME="11 70"]
بنات اى سؤال عن اى محل فى بنغازى رانى لفتهن كلهن رحلة 3 سنين من البتات
وطبعا مش حنحكيلكن شن شريت اصلى كان بديت مش حنكمل طبعى نحب الحاجة السمحة وانتحشم وفى النهاية تجى على راسى
لكن الحمدد لله كملت البتات مزال الستاير متاع المطبخ ودار المقعد زدار النوم وفرشة دار النوم البببببباقى خلاص الحمد لله
[/FRAME]

غويده الحلوة بالنسبة لطلبك هدا والله مانعرف الصراحه عندي عرس يوم الخميس في سرت لو عرسك مزال تبي تصبري عليا نين نمشي ونرجع ونقولك اخر الطرحات شني ,طبعا في الفرح هدا اختي بتكون وحده من الصدرات ماهو فرح ولد خالي بس انا متاكده بتكوني زي القمر

عروس رايقه عطاك ربي وربي يزيدك يا رب ويباركلك في كل شي شريتيه

بالنسبة للسؤال عن سوق المصرية انا سألت والحق اللي شفته حلو وعجبني وحسيته حتى قمة في الذوق والرقي بس بنفس الوقت خايفه من شي واحد بحكم اني مانقدر نقعد اكثر من اسبوع في بنغازي فما نقدر انا نجازف ندخل للمصرية طول وناخد حاجاتي ونلاقيهم في اماكن اخرى احلى وارقى

انا مايهمني السعر بقدر ماتهمني فخامة الحاجه مع رقتها الحقيقة وقيمتها في حلاوتها وذوقها هكي نحس فيها .

يا رايقه حتى ولو جابولك دهب حلو ماهو الكل يجيب المشروط بس المهم في النهاية هما اللي في وجههم الحاجات هدي فانا من وجهة نظري نحس انه كل شي عليهم في وجههم والباقي اللي عليا اكيد بنخليها ولا اروع

عروس ليبيا;10332313:
غويده الحلوة بالنسبة لطلبك هدا والله مانعرف الصراحه عندي عرس يوم الخميس في سرت لو عرسك مزال تبي تصبري عليا نين نمشي ونرجع ونقولك اخر الطرحات شني ,طبعا في الفرح هدا اختي بتكون وحده من الصدرات ماهو فرح ولد خالي بس انا متاكده بتكوني زي القمر

و الله حشمتيني معاك بأسلوبك السمح..
و انشاء الله ألف مبروك للعريس مقدماً و تمشوا و تجوا بالسلامة..
و براحتك عرسي أسبوعين ثانيات..
و صحيتي يا عيوني ..

انا توة بالنسبة للبتات انحس في الصورة وضحت عندي يعني عرفت شن نشري و شن ما نشري و رايقة قوليلي كم فوطة خديتي شكلي انا مجنونة فوط و شن جو الفرش ابتاع الدار تبي اي نوع المحفر او المكرونة و قوليلي شوية ع محلات الارواب الي سعرها حلو و شكلها حلو

صح يا روح دودى والله فكرة توا نبدا بيها عجبتنى قوية بكل يعنى نظام عينى تحقها وايدى ما طقها
ونرجوسة اسم الله الكريم مازلتى فى البداية ان شاء الله ربى ما يطول موضوعبس يعنى مازال بدرى على الزعل راه الراجل يضايق يقول كنها مستعجلة
وبالنسبة
وحبيبتى عروس ليبيا كلامك صح عين العقل اللى يجبوه فى وجوجهم وقوليلى انتى شن تبى تشرى بالضبط وانا حنقولك على ارقى المحلات عن تجربة يلا نراجى فيك

عروس رايقه انا بنسلك على العربي انا خاطري في لون التركواز طبعا كيف ماقات ممزوج زعه شو الاحلى ممزوج بالفوشي ولا حاجه تانيه لاني نبي ناخد فستان بالفلوس الي بيعطوهن ليا عشان نلبسه يوم الصباحيه شن رايكن اللون حتى هوا تركواز عشان الميك اب...

تعرفى يا نرجس نصيحة اشرى روبين غاليات وفخمات والباقى كلا المهم الستايل والالون وتعرفى كان جسمك رقيق فى محل اسما الفويهات فى نهاية البيبسى جنب المميز هوا امتع دبش لكن من جوا يبيع فى ارواب امتاع جو قصار وبيبى دول تعرفى ينزل بضاعتا من هن ادجى بعد يومين تلقيها كاملة حاجاتا كاملات لان رخيص وبضاعنا والله سمحا اللى كيفا برا اغلى بواجد اسعارا 10 و20 وفيه محل فى الحدائق فى نهايتة قدام الخفيفى المحل هضا روووووووووووعة بجديات احلى محلين وتعرفى احسن ارواب ماركة ياسمين مكتوب بالنجليزى تركيات وقماشتهن حلوة واسعارهن 30 35 وفيه NBB حتى هنا حلوات

شن رايك ياعروس ليبيا ورايقه جو سمح صاح واهو توا فرحي تحدد وحتى هيا اشر واشر الراجل ذااااااااااااااااااااااايب خليه اصلا ياما جاياتنا من ايام حلوه نين يمل هههههههههههههههه...
انا الطريقه هادي نصحتني بيها وحده متزوجه جربتها ودرتها وفعلا ميه ميه

رايقه هلا ياحلوة

طبعا انا مزال راهو في البداية يادوب مخطبوة شهر 2 وفاتحتي شهر 3 اللي فات يعني حتى انا عليك استعجال هههههههههه بس الحق العمر يجري راهو ياعرايس انا عروستكم مش صغيرونه من مواليد78 بس انا اللي مضايقني لما جوا يخطبوا قالوا العرس في شهر 7 بعدين اجلوا عشان ولد عم بوهم توفى بعدين خلاص معاش حكولي على العرس وبسلامته هو يقولي قريب قريب محمطني بكلمة قريب واااااك

ششوفي رايقه انا جبت فيلوي من سوريا وجبت الكروت والبنبونيره بس لما اجلوا العرس عطيت الكروت والبنبونيره لولد عمي هديه وانا شايفه حاجات ي سان استيفانو ا بمصر احلى من اللي جبتهم .

لكن اللي نبيه من بنغازي نبي تيايير مشكله يعني بناطيل على قونات قصار على طوال ونبي بلايز عرايس هكي حلوات والوانهم زاهيه لشهر العسل ونفس الوقت نلبسهم في حوش عيت عمو ونبي شنط جلد اصلي متاع طلعات. توا هدا اللي جا في بالي واهم شي نفكر فيهم

والباقي بنسألك مانستغناش.