الرئيسية أركان العروس والجمال ركن المكياج كل ما تريدين معرفتة عن منتجات اوريفليم

كل ما تريدين معرفتة عن منتجات اوريفليم

أنوش 18-09-2009 1,011 رد 119,678 مشاهدة
ا
الحب هو الحياة
عروس ماسية
20-09-2009 | 05:10 PM
مي مسعد;10295725:
الله يبارك فيكي ياأنوش
بس ف أي وقت بنلاقي الحاجات موجودة ولا بتخلص زي أفون من أول العرض؟؟؟

لو عملتى الاوردر ولقيتى حاجات خلصت بتتحجز ديراكت
ومدة الحجز 3 شهور

تسلمى يانوشا على الذوق بجد ربنا يكرمك ويسعدك
أ
أنوش
مشرفة سابقة
20-09-2009 | 05:10 PM
roro cat;10296361:
والله يا انوش انا حجزت حاجت فيا لعروض الداخليه والبنت حجزتها عادي بس لسه مجتش معرفش بقى
بصراحه بقى الكحل الكريمي انا متعقده نه ومش ممكن اجيبه تاني حتى لونه مش واضح ومطلع عيني في البري وركناه خلاص مش بستعمله

رورو انا هصورلك البراية اللي نفعت عندي هي بتبريه كويس من غير ما تقصفه بس براحة يعني بلفه براحة ولما بتبريه لونه بيوضح اوي لان بيكون عليه زي طبقة شمع كده بتروح ولونه بيكون احلى
بالنسبه للعروض انا لما الباور شاين خلص البنت هناك قالتلي العروض لما كميتها بتخلص مش بتيجي الا بئه لو حجزتيها و نزلت في عرض داخلي تاني زي ماانتي عملتي كده
ي
يارب وفقني مرمر
عروس ذهبية
20-09-2009 | 05:46 PM
أنوش;10295712:
لا ياقمراية الدرجة اللي الموديل حطاها هي رقم 2 في الصورة دي او اللي مايل عاليمين دا






اللي عندي هو اخر واحد عالشمال لونه روز على موف شوية بس والله يا مريوم نفس الصورة التأثير هو هو وان شاءالله البنات اللي جربته بردو تيجي وتأكد على كلامي بس هو مشكلته مش ثابت لكن ريحته تحفة وناعم موووووت زي البلسم واحسن كمان .. في منه عينات ب 3.5 هاتي منها ياقمر وجربيها

بالنسبة للكحل الحمدلله انه عجبك الاخضر بئه انا شور هيعجبك اكتر لانه طلع قنبلة بجد ههههههههههه


اهااااااا صح
الاتنين احلى من بعضض(f)
انا هتجنن واجيب الاخضر خلاص :confused::D
أ
أنوش
مشرفة سابقة
20-09-2009 | 07:03 PM
mariam87;10296458:
اهااااااا صح
الاتنين احلى من بعضض(f)
انا هتجنن واجيب الاخضر خلاص :confused::D

هههههههههه بعد الشر عليكي
حاولي تجبيه الشهر دا لان سعره جميل
او استنى جايز تنزل عروض داخليه وحاجه تعجبك فيها وتجبيها معاكي بالمره
انا بردو عايزة اشتري حجات بس هستنى العروض الداخلية اهو مشوار مره واحدة :D
ك
كيوت لولا
عروس مبدعة
20-09-2009 | 07:28 PM
انا جربت منهم شامبو الجوز هند كان عادي اوي بصراحة


هو بجد انا اساسا عمري ملقيت شامبو فظيع كده احس معاه بفرق
أ
أنوش
مشرفة سابقة
20-09-2009 | 07:36 PM
لولا صيدلانيه;10296648:
انا جربت منهم شامبو الجوز هند كان عادي اوي بصراحة


هو بجد انا اساسا عمري ملقيت شامبو فظيع كده احس معاه بفرق

The Same Problem :(
c
cherry..
عروس نشيطة
20-09-2009 | 09:22 PM
طب بنات ايه رأيكم فى بودرة التلك بتاعه اوريفليم ...
انا هجيب جيوردانى او ديفين حد جربها وهى عمليه ولا ريحتها مش بتفضل ...

وبتخلص بسرعه ول اعملية ولا ايه ... يعنى لو اجيب منها عبوتين لو حلوة بالمرة ...

ها قولولى رأيكوا
ب
بنوته اخر دلع
عروس جديدة
20-09-2009 | 09:29 PM
للرفع
m
miko85
عروس فضية
21-09-2009 | 07:07 AM
cherry..;10296825:
طب بنات ايه رأيكم فى بودرة التلك بتاعه اوريفليم ...
انا هجيب جيوردانى او ديفين حد جربها وهى عمليه ولا ريحتها مش بتفضل ...

وبتخلص بسرعه ول اعملية ولا ايه ... يعنى لو اجيب منها عبوتين لو حلوة بالمرة ...

ها قولولى رأيكوا

انا جبت بودره لوشيا وجورداني حلوه وريحتها جميله وبتفضل
m
miko85
عروس فضية
21-09-2009 | 07:29 AM
أنوش;10295712:
لا ياقمراية الدرجة اللي الموديل حطاها هي رقم 2 في الصورة دي او اللي مايل عاليمين دا






اللي عندي هو اخر واحد عالشمال لونه روز على موف شوية بس والله يا مريوم نفس الصورة التأثير هو هو وان شاءالله البنات اللي جربته بردو تيجي وتأكد على كلامي بس هو مشكلته مش ثابت لكن ريحته تحفة وناعم موووووت زي البلسم واحسن كمان .. في منه عينات ب 3.5 هاتي منها ياقمر وجربيها

بالنسبة للكحل الحمدلله انه عجبك الاخضر بئه انا شور هيعجبك اكتر لانه طلع قنبلة بجد ههههههههههه

جميل اوي الروج ده انا جايبه نفس الدرجه ال هي الروز وكنت في شهر ب28
أنوش;10293470:
البني حلو يا مارو ؟؟
انا جبت الاخضر الشهر دا وعجبني مووووووت
طيب قوليلي البني لونه واضح كده وباين ولا عامل ازاي عشان لو كده اجيبه لما العروض الداخليه تنزل اهو بالمره
ماسك الطماطم والبرتقال دول حبايبي الطماطم بيخلي الوش منور ومشدود كده بيعجبني الاحساس دا اوووويييي ياريت ينزل عليه عرض اجيبه
حجات فيجنز مش عارفة ليه بخاف منها عمري ما جربتها انا بدوس في جيورداني واوريفليم بيوتي بقلب جامد لكن فيجنز متخوفة منها بس هجرب الروج بتاعها الشهر الجاي باذن الله هجيب الدرجة فابلس على موف هي
الشعر بردو مش جربت منها اي حاجه بس احتمال كبير اوي اجرب منها لان هي اصلا خربانه خربانه جايز ربنا يوضع السر في اوريفليم خصوصاااا الشامبوهات عقدة حياتي :D(f)(f)

بردو انا كمان حاجات بتاعه الشعر ماعجبتنيش..
ماسك البرتقال حلو موووت وبينضف بعمق
الحب الضائع بين السنين;10293628:
هاى ياجميلة برفم دفين حلو جداااااااااااا
الاحمر بجد روعة والازرق كمان جميل
بس البرفم دة ازراق لازم تجربية الاول (f)(f)
الاى شدو بصراحة عادى جدا

الازرق حلو بس الاحمر ماعجبتنيش تقيله اوي
الحب الضائع بين السنين;10293634:
سؤال يا بنات انا عايزة كريم اساس يكون شكله طبيعي اوي يعني لا يفتح ولا حاجة مجرد بس انه يخلي الوش لونه موحد .. انا عارفه ان انتو بتشكروا في جيورداني لكن اولا انا حاساه غامق ثانيا انا عايزا حاجة تغطيتها اخف منه...تفتكروا اساس فيجنز هيبقى زي م انا عايزه ؟ و هو احسن الاساس و الا الجل الملون ؟ يا ريت لو حد جربه يقولي

جيورداني البورسلين هو كويس معايا يعني بيغطي العيوب بس انا لوني خمري علشان كده يمكن بيغمق وعلي فكره فيجنز بردو الوانها غامقه
[COLOR=red]انا اساس جوردانى معاية بيغمقنى اوى بصراحة رغم انى جايبة درجة البورسلين
وانا بيضا البياض المصرى
بس هو حلو جدا
[/QUOTE]
مانا قولت بردو نفس الكلام
أ
أنوش
مشرفة سابقة
21-09-2009 | 11:54 AM
cherry..;10296825:
طب بنات ايه رأيكم فى بودرة التلك بتاعه اوريفليم ...
انا هجيب جيوردانى او ديفين حد جربها وهى عمليه ولا ريحتها مش بتفضل ...

وبتخلص بسرعه ول اعملية ولا ايه ... يعنى لو اجيب منها عبوتين لو حلوة بالمرة ...

ها قولولى رأيكوا


انا عايزة اجرب حاجه منهم بس البنات بتشكر فيها وان شاءالله هجيب الجيورداني او الديفين :D(f)

بنوته اخر دلع;10296836:
للرفع


تسلمي ياحبيبتي عالتواجد والرفع مرسيه :)(f)
م
مي مسعد
عروس رائعة
21-09-2009 | 01:30 PM
الحب هو الحياة;10296388:
لو عملتى الاوردر ولقيتى حاجات خلصت بتتحجز ديراكت
ومدة الحجز 3 شهور

تسلمى يانوشا على الذوق بجد ربنا يكرمك ويسعدك

ازاي ياتوتي يعني لو خلصت حتى ممكن آخدها الشهور اللي بعد كده بنفس سعر الشهر اللي حجزت فيه؟؟؟
أ
أنوش
مشرفة سابقة
21-09-2009 | 01:34 PM
مي مسعد;10298551:
ازاي ياتوتي يعني لو خلصت حتى ممكن آخدها الشهور اللي بعد كده بنفس سعر الشهر اللي حجزت فيه؟؟؟

اه بس الحجز لمده 3 شهور بس لو المنتج منزلش الحجز بيتلغي
م
مي مسعد
عروس رائعة
21-09-2009 | 01:42 PM
أنوش;10298563:
اه بس الحجز لمده 3 شهور بس لو المنتج منزلش الحجز بيتلغي

بجد نظام حلو جدا أنا كنت فاكرة زي أفون لكن كده حلو جدا
أنا طلبت كريم القدم اللي قلتي عليه ياأنوش وكمان كريم اليدين بالكشمير وجل العين بالصبار وكريم الليل أوبتيمالز الأخضر ولوشن التفتيح وصابونة التفتيح وكريم الهالات لفوق 35سنة لبنت خالتي
اللي جرب حاجة من دول يعرفني الأخبار وأول لما يوصلوني وأجربهم هقولكم رأيي
ا
الحب هو الحياة
عروس ماسية
21-09-2009 | 05:34 PM
cherry..;10296825:
طب بنات ايه رأيكم فى بودرة التلك بتاعه اوريفليم ...
انا هجيب جيوردانى او ديفين حد جربها وهى عمليه ولا ريحتها مش بتفضل ...

وبتخلص بسرعه ول اعملية ولا ايه ... يعنى لو اجيب منها عبوتين لو حلوة بالمرة ...

ها قولولى رأيكوا

بودرة اورفليم عموما جميلة
ديفين ريحتها خفيفة لكن جودرانى ريحتها اتقل وبتثبت
أ
أنوش
مشرفة سابقة
21-09-2009 | 05:57 PM
مي مسعد;10298576:
بجد نظام حلو جدا أنا كنت فاكرة زي أفون لكن كده حلو جدا
أنا طلبت كريم القدم اللي قلتي عليه ياأنوش وكمان كريم اليدين بالكشمير وجل العين بالصبار وكريم الليل أوبتيمالز الأخضر ولوشن التفتيح وصابونة التفتيح وكريم الهالات لفوق 35سنة لبنت خالتي
اللي جرب حاجة من دول يعرفني الأخبار وأول لما يوصلوني وأجربهم هقولكم رأيي


اه جميل فعلا بس انا مش عملت حجز قبل كده لان مشياها انا ونصيبي لما تنزل اجيب خلص يبقى خلاص بئه مش مهم :D

الحجات اللي جربتها من اللي قولتي عليه

كريم القدم :: عجبني اوي لانه مش بيلزق وبيخلي الجلد ناعم كده بيزحلق احساسه حلو وريحته نعناع وترطيبة مناسب جدا مش اوفر ولا خفيف

كريم الكشمير :: بردو ترطيبة جميل وبيخلي الايد ناعمة وكمان عبوته 150 مل يعني مضاعفه وبتمن جميل وعجبني اكتر من بتاع افون سولوشن لانه مش تقيل زيه

جل الصبار :: هو مرطب فقط يعني مش بيعمل حاجه انا بستخدمه قبل الميك اب عشان يحمي المنطقه دي من الكريم او الكونسيلر والايشادو وكده يعني

صابونة التفتيح :: انا كمان هجيبها ان شاءالله وسارة بتشكر فيها بتقول انها بتنور الوش:)(f)(f)
س
ساره افندي
عروس ماسية
21-09-2009 | 06:12 PM
اه يانوشا الصبونه لحد دلوقتي انا لسه علي رائ ممتازه بجد بتروق الوش وبتنوره اوي
حتا الصبونه الطبيه اللي جبتها مش بتعمل المفعول ده
كريم الاساس جورداني طلبته خلص من الشركه هيجي ليا الشهر الجاي
كريم القدم اللي لونه اخضر عاجبني بردوه لانه ناعم ومش بيدهنن
W
Warde
عروس رائعة
21-09-2009 | 06:26 PM
السلام عليكم ورحمة الله وبركاته

إزيكم يابنات ؟ :)

صورتلكوا الحاجات اللى جبتها من أوريفليم منذ 10-2008 كده تقريبا حتى الأن، لأن قبل كده مكنتش أعرف خالص أوريفليم.

نبتدى بمنتجات العناية بالبشرة والجسم:

بسم الله







بصوا أنا هاجيبلكوا الكلام اللى بيوصف كل منتج على سايت أوريفليم بالعربى وهاقلكوا مدى صحة الكلام بناءا على تجربتى :D

- - -

1. مجموعة الشاى
أنا جبت منهم بس (الإستيك، المحلول، الغسول)

كفر استيك
مذدوج المفعول يعالج الحبوب ويزيل البكتريا. له جهتان جهه خافيه للحبوب ومعالجه في نفس الوقت وجهه مجففه ومعالجه فى نفس الوقت. 14مل
معالج بقع البشرة
معالج الحبوب يحتوى على زيت شجرة الشاى والانتوين الذين يقللان من ظهور الحبوب وأزاله بقايا الالتهاب من الجلد وتنقيته من الشوائب وزيت الكافور الذى يجفف الحبوب. 4g
بالنسبة للإستيك والمحلول، أنا كنت جبتهم ليا بس إستعملتهم شوية محستش بنتيجه قومت سبتهم :D فأختى الصغيرة راحت مستخدماهم هى برده بشرتها دهنيه وفيها حبوب.

المهم هى قالتلى إن المحلول مجبش معاها نتيجه!

الإستيك عجبها جدا: وقالتلى إنه جاب نتيجه وقالتلى هو بيعمل زى عازل كده وبالذات وإنتى نايمه عشان الحبوب متتنقلش عشان المخده بتنقل !!

غسول منظف ودامج للمسام
اثنين فى واحد منظف بالرغاوى ينظف ويدمج المسام فى ان واحد يحتوى على خلاصة الجنتين يساعد فى التحكم فى افراز الدهون. 150مل
هو صح الكلام بس حتة دامج للمسام ديه، مش عارفه مش حاساه عمل معايا كده !!

- - -

2. مجموعة بيور سكن

كريم مزيل لدهون البشرة
كريم مزيل لدهون البشرة يقلل دهون البشرة ويرطبها كما يساعدعلى أزالة عيوب البشرة. 50مل
الكريم ده كنت جايباه لماما، إستعملته كام مره وقالتلى عليه حلو وبعدين مبقتش تستعمله!

- اللى عليه رقم 2 ده بقى محلول للبثور السوداء، هو نازل جديد فى شهر9/2009 ، أنا بحطه على قطنه وبعدين بمسح بيه عندى مناخيرى كده ودقنى لأنهم مليانين بثور فابحس إنه بينضف الدهون وكده بس لسه مش حاسه هو قلل من ظهور البثور ولا لأ!

- - -

3. كريم المساء من مجموعة أوبتيملز

أنا جبته لأن كتير أوى من البنات هنا شكروا فيه!



جل ليلى لأعادة توازن البشرة. طريقة الأستخدام:- تنظف البشرة بالليل كما النهار غسول ثم تونر وبعدها جل الليل , يؤخذ القليل أيضا من هذا الجل ويوزع بالخنصر والبنصر مثل جل النهار مع مراعاة عدم إدخاله لدائرة عظمه العين. جل الليل مفيد جدا لأنه يوضع بالليل حيث تتنفس مسام البشرة وتتفتح لتقبل هذا الكم الهائل من الغذاء والترطيب والتنعيم يستخدم يومي بعد التنظيف. 50 مل
أنا حاساه إنه كويس، مرطب وبينعم .. يعنى أنا مبقاليش كتير مستعملاه بس مبدئيا هو حلو.

- - -

4. قناع البرتقال من مجموعة الماسكات

قناع البرتقال للبشرة العادية و المركبة. يحتوي على : 1:-مادتين هما, اللتان تقومان بعمل طبقه على الجلد عند نزعها تقوم بتقشير الخلايا الميتة rvol540 pvp وتترك الجلد انعم وأكثر بريقا وأكثر أشعاعا 2:-خرج البرتقال : غني بالسكريات وفيتامين ب و ج وذالك لجعل البشرة أكثر نعومة وترطيبا وتقوم بتحسين الدورة الدموية داخل البشرة والتقليل من التجاعيد 50مل
مش عارفه أحكم عليه، بس أنا محستش بالكلام ده !

- - -

5. مجموعة سويدش سبا
( مقشر للجسم، كريم ليلى لليدين)

مقشر للجسم بخلاصة المعادن البحرية ، أظهرى نعومة جسمك بهذا المقشر الملطف بخلاصة الطبيعة يزيل الخلايا الميتة وينعم المناطق الخشنة، يهدىء ويلطف الجسم. 150 مل
فعلاً. هو عجبنى أوى، ولسه خلصان إمبارح على شاور العيد بقى وإنتوا طيبين :D:D:o.

كريم ليلى لليدين وعلاج مغذى، يساعدك على ترطيب اليدين وتوحيد لونهماوإضفاء نعومة فائقة بخلاصة معادن البحر. 100 مل
تمام ماشاء الله، بس توحيد لونهما ديه لأ مش تمام! :D:confused:

- - -

6. مجموعة العناية بالأرجل

كريم يعمل على اضفاء نعومة لقدميك فهو يحتوى على مرطبات وخلاصة الكاموميل وزهرة الربيع التى تقلل جفاف القدمين.75مل
والتانى الأخضر ده بالأفوكادوا وده اللى عجبنى أكتر من الأولانى !

- - -

7. كريم لحماية اليدين والأظافر





ده خلص من عندى! ، بصراحه تحفه تحفه أحلى كمان من بتاع سويدش سبا، بينعم أوى!

- - -
بس كده ، إنتظروا تجربتى مع منتجات التجميل من أوريفليم!
- - -
لا تنسونى من صالح دعائكم :)
ا
الحب هو الحياة
عروس ماسية
21-09-2009 | 06:34 PM
مي مسعد;10298551:
ازاي ياتوتي يعني لو خلصت حتى ممكن آخدها الشهور اللي بعد كده بنفس سعر الشهر اللي حجزت فيه؟؟؟

اه ياقمر دى ميزة مهمة عندهم وحلوة اوى كمان لو المنتج مش موجود ولسه حيجى تقدرى تحجزيه ومدة الحجز 3 شهور ومعطم المنتجات بتجى فى خلال شهر من الحجز ده لو طولت او شهرين بالكتير وبتاخديه كمان بالسعر اللى انتى حجزته بيه ودى برضه ميزة حلوة
مي مسعد;10298576:
بجد نظام حلو جدا أنا كنت فاكرة زي أفون لكن كده حلو جدا
أنا طلبت كريم القدم اللي قلتي عليه ياأنوش وكمان كريم اليدين بالكشمير وجل العين بالصبار وكريم الليل أوبتيمالز الأخضر ولوشن التفتيح وصابونة التفتيح وكريم الهالات لفوق 35سنة لبنت خالتي
اللي جرب حاجة من دول يعرفني الأخبار وأول لما يوصلوني وأجربهم هقولكم رأيي

مبروك عليكى حاجات تتهنى بيهم ياقمر
كريم القدم نوشا بتشكر فيه بس انا مش جربته
كريم الايد جميل جدا حيعجبك
جل العين هو للترطيب مش اكتر بس شغال برضه
لوشن التفتيح والصابونة حلوين ياقمر
كريم اوبتمالز الليلى مش جربته بس المجموعة دى حلوة احلى مجموعات اوبتمالز
كريم الهالات اللى بالكولاجين اسمع انه حلو اوى وطالما مناسب ليها يبقى تمام
ا
الحب هو الحياة
عروس ماسية
21-09-2009 | 06:37 PM
ساره افندي;10299006:
اه يانوشا الصبونه لحد دلوقتي انا لسه علي رائ ممتازه بجد بتروق الوش وبتنوره اوي
حتا الصبونه الطبيه اللي جبتها مش بتعمل المفعول ده
كريم الاساس جورداني طلبته خلص من الشركه هيجي ليا الشهر الجاي
كريم القدم اللي لونه اخضر عاجبني بردوه لانه ناعم ومش بيدهنن

فعلا كريم الافوكادو من احلى كريمات القدم فى اورفليم وكمان البطيخ حلو

حد جرب بودرة القدم من اورفليم ؟
X