كل ما تريدين معرفتة عن منتجات اوريفليم

maro;10293384:
انا جربت الكحل البنى والاسود حلوووين جدااا وماسك الطماطم تحفه ومجموعه بيور سكين حلوووه بودره فيجنز مش حلوه كريم اساس فيجنز حلو بس مش تغطيه جامده مجرتش خالص حاجه لشعر منها

البني حلو يا مارو ؟؟
انا جبت الاخضر الشهر دا وعجبني مووووووت
طيب قوليلي البني لونه واضح كده وباين ولا عامل ازاي عشان لو كده اجيبه لما العروض الداخليه تنزل اهو بالمره
ماسك الطماطم والبرتقال دول حبايبي الطماطم بيخلي الوش منور ومشدود كده بيعجبني الاحساس دا اوووويييي ياريت ينزل عليه عرض اجيبه
حجات فيجنز مش عارفة ليه بخاف منها عمري ما جربتها انا بدوس في جيورداني واوريفليم بيوتي بقلب جامد لكن فيجنز متخوفة منها بس هجرب الروج بتاعها الشهر الجاي باذن الله هجيب الدرجة فابلس على موف هي
الشعر بردو مش جربت منها اي حاجه بس احتمال كبير اوي اجرب منها لان هي اصلا خربانه خربانه جايز ربنا يوضع السر في اوريفليم خصوصاااا الشامبوهات عقدة حياتي :D(f)(f)

بنات حد جرب الجيل اللي ب14 ده انا جربت الكريم اللي ب39 ومكنش فعال اوووي علشان الحيوب يمكن علشان بشرتي دهينه اجرب الجيل ده

mnne;10293496:




بنات حد جرب الجيل اللي ب14 ده انا جربت الكريم اللي ب39 ومكنش فعال اوووي علشان الحيوب يمكن علشان بشرتي دهينه اجرب الجيل ده

مين ياربي قالت انها جابته ذاكرتي مش مساعده
بس في بنوته قالت ان اختها جابته وكان مش ليه لازمه

الكريم اللي ب 39 انا بستخدمه وبشرتي دهنية بس بحطه قبل لما انام وشغال معايا تمام :)

roslish;10292517:
طيب انا جربت اللب جلوس فيجنز و حلو جحدااا بس انا محتاجة الاي شدو بتاعه حد جربه؟ وكمان بيرفيوم ديفين حلو؟

هاى ياجميلة برفم دفين حلو جداااااااااااا
الاحمر بجد روعة والازرق كمان جميل
بس البرفم دة ازراق لازم تجربية الاول (f)(f)
الاى شدو بصراحة عادى جدا

سؤال يا بنات انا عايزة كريم اساس يكون شكله طبيعي اوي يعني لا يفتح ولا حاجة مجرد بس انه يخلي الوش لونه موحد .. انا عارفه ان انتو بتشكروا في جيورداني لكن اولا انا حاساه غامق ثانيا انا عايزا حاجة تغطيتها اخف منه...تفتكروا اساس فيجنز هيبقى زي م انا عايزه ؟ و هو احسن الاساس و الا الجل الملون ؟ يا ريت لو حد جربه يقولي [/QUOTE]
[COLOR=red]انا اساس جوردانى معاية بيغمقنى اوى بصراحة رغم انى جايبة درجة البورسلين
وانا بيضا البياض المصرى
بس هو حلو جدا

أنوش;10293311:
لو عملتي النهارده يبقى كده 90 نقطه + ان في مضاعفه نقاط لاخر رمضان يبقى المفروض 180 نقطه دا لو النقطه عاملة 3.5 ان شاءالله

أنا جيت أعمل عضوية انهرده منفعش عشان الشحن أجازة لبعد العيد وكمان قالتلي ان مضاعفة النقاط خلصت من يوم الخميس بس العضوية الشهر ده مجانا
بس ياأنوش مفيش هدايا الا فوق ال150 نقطة والنقطة ب 3 جنيه يعني 450 جنيه ودا كتير أوي وطبعا الحاجات اللي أنا عوزاها أقل من كده بكتير فأكيد مش هاخد هدايا:confused:
وبتقولي لو الطلبية أكتر من 120جنيه هما بيخصموا 30 جنيه بتوع الشحن من الفاتورة يعني شحن ببلاش بس مش مصدقة لأن صحابي بيدفعوا شحن 30 جنيه وطلبيتهم بتكون كبيرة عن 120جنيه وقالت لو أقل من كده بيشيلوا نص الشحن بس مش مقتنعة بالكلام ده:ss:
عموما أنا هجيب البروشور والفلاير من المنسقة ف العريش وبعد العيد هطلب بس عرفيني يا أنوش كل حاجة عن العضوية بقا:)

مي مسعد;10293271:
طب لو أنا هعمل عضوية انهرده ب314جنيه مدفوع تبقى النقاط كام؟؟ وهتضاعف ولا ايه؟

لو النقاط ب 3 جنيه حتعملى حوالى 104 نقطة وحتتضاعف ل 200 نقطة ايه وليكى برنامج ترحيب عن اول شهر ليكى والهدايا حتكون للشهر ده على 150 نقطة حتاخدى اميتست فاتيل ولو كملتى نقطة 250 تاخدى برفام برشيوس وكل شهر على 150 نقطة ليكى هدية وده اسمه برنامج ترحيب مدتة 4 شهور

amatalrahman237;10293275:
بنات معلش انا حاولت كذا مرة مع اوريفليم بس التجربة مانجحتش اوي يمكن عشان مكنتش بركز اوي في اللي بجيبه
قولولي بقى 25 نقطة دول يعني كام تقريبا
كمان ان شاء الله احتمال فرحي يكون على شهر 3 الجاي باذن الله ( ادعولي)، اجيب ايه من دلوقتي عشان ميبوظش

لو النقطة ب 3 جنيه يبقى 75 جنيه ولو 3.5 زى ما قالتلك نوشا
هاتى اقلام الكحل والارواج والاسبريهات والبرفانات خلى الكريمات للجسم اوالبشرة والبودرات للاخر

أنوش;10293446:
العفو ياقمر ومرسيه جدا معلش تعبتك ياقمر
ربنا يكرمك يارب (f)(f):D
تعرفي انا كمان البلسمات اللي زي فيجنز بتنشفلي شفايفي وبتخليها تقشر زي لابيلو كله بيشكر فيها وبردو بتاعه افون ناتشورال البنات بتشكر فيها لكن الاتنين كانو معايا كارثة ومش نفعو معايا خااااالص وعشان كده بستخدم البلسمات الطرية اللي بتسيح في الحر لانها دي الوحيدة اللي بتكون حنينه على شفايفي وبردو التندر كير حلو اوي و هجيبه الشهر الجاي ان شاءالله لنفس الموضوع

جربى طيب ليب بلم الشفايف من اورفليم بيوتى حلو جدا وطرى

مي مسعد;10293672:
أنا جيت أعمل عضوية انهرده منفعش عشان الشحن أجازة لبعد العيد وكمان قالتلي ان مضاعفة النقاط خلصت من يوم الخميس بس العضوية الشهر ده مجانا
بس ياأنوش مفيش هدايا الا فوق ال150 نقطة والنقطة ب 3 جنيه يعني 450 جنيه ودا كتير أوي وطبعا الحاجات اللي أنا عوزاها أقل من كده بكتير فأكيد مش هاخد هدايا:confused:
وبتقولي لو الطلبية أكتر من 120جنيه هما بيخصموا 30 جنيه بتوع الشحن من الفاتورة يعني شحن ببلاش بس مش مصدقة لأن صحابي بيدفعوا شحن 30 جنيه وطلبيتهم بتكون كبيرة عن 120جنيه وقالت لو أقل من كده بيشيلوا نص الشحن بس مش مقتنعة بالكلام ده:ss:
عموما أنا هجيب البروشور والفلاير من المنسقة ف العريش وبعد العيد هطلب بس عرفيني يا أنوش كل حاجة عن العضوية بقا:)

خسارة بجد ان الشحن اجازة لان المفروض العرض لاخر يوم
هيه المشكلة غلت اوى وعايزة مبلغ محترم عشان تاخدى الهدايا
موضوع اسعار الشحن فعلا بتقل بس انا اعرف على 200 نقطة ولو عملتى اكترمن طلبية فى الاوردر اسعار الشحن بتقل
بس انتى لو تقدرى تشوفى ديراكتور عندك تاخدى منها اللى انتى عايزاه الشهر ده والمهم تستفيدى بالخصم وخلاص والشهر الجاى تبقى تبداى من بدرى وتجمعى اوردر مع اصحابك وقرابيك

الحب هو الحياة;10293728:
خسارة بجد ان الشحن اجازة لان المفروض العرض لاخر يوم
هيه المشكلة غلت اوى وعايزة مبلغ محترم عشان تاخدى الهدايا
موضوع اسعار الشحن فعلا بتقل بس انا اعرف على 200 نقطة ولو عملتى اكترمن طلبية فى الاوردر اسعار الشحن بتقل
بس انتى لو تقدرى تشوفى ديراكتور عندك تاخدى منها اللى انتى عايزاه الشهر ده والمهم تستفيدى بالخصم وخلاص والشهر الجاى تبقى تبداى من بدرى وتجمعى اوردر مع اصحابك وقرابيك

بس الشهر ده العضوية مجانا لكن بعد كده ب 30 جنيه

أنوش;10290106:
ربنا يكرمك يا لولا
طيب بالنسبة للروج ايه مميزاته
يعني بيثبت وطري وايه الفرق بينه وبين الكلاسيك ابو 19 ج او فيجنز
وكمان هو مط ولا لمعة
معلش اسألتي كتيرة بس انا نفسي في روج يكون لونه على موف نفس درجة الفابلس اللي في فيجنز في البروشور الجاي
ومنتظرين تشاركينا بخبراتك ياقمر

كل سنه و انتي طيبه يا انوش يا جميله

و الله عندك حق هنا كده احسن

بصي اي قمر انا اكتر حاجة عجباني فيه لمعته
تحسيه مصدف كده مش لمعه قوية و مش مط

انا عندي منه clover haze

هو روز على موف شوية

يبقى حلو لو مع واحدة بيضا


و ثباته كويس مش بيروح بسرعه و كمان روحي و جربية


لو قدرت هاصورهولك على ايدي


بس ممكن ميبانش

مي مسعد;10293743:
بس الشهر ده العضوية مجانا لكن بعد كده ب 30 جنيه

كل شهر بيكون فيه نظام مختلف وبرنامج ترحيب مختلف عن اللى قبله
ولو العضوية مش مجانا بتدفعى 30 جنيه

علي فكرة يا بنات انا اختي شفايفها كانت على طول مقشرة و كانت تعباها جدا


و كانت بتحط الجلوس بتاع فيجنز

طري شفايفها جدااااااااااااااا

و كانت سعيدة بيه اوي

هو صراحة لونه ضغيف

يعني يتحط فوق روج تاني

الشفاف بتاعه فوق الروج حلو او يو كمان الروز


اختي عندها الروز و انا عندي البيج

هو حلو بس لونه خفيف

السلام عليكم ورحمه الله وبركاته كل سنه وانتو طيبين


اولا انا اعتبر عضوة جديدة فى اورفليم نوعا ما فعشان كدة مجبتش منها حاجات كتير انا هقولكو ان شاء الله على الحاجات الى جبتها وعجبتنى والحاجات الى جبتها وومش عجبتنى


الحاجات الى عجبتنى


كريم اساس جوردانى ماشاء الله حلو بيتفرد بسهوله وناعم على البشره وبيدى لوك طبيعى بس مشكلتو انو بيغمقنى درجه مع انى جايبه اول درجه فى البورسلين بس مش مشكله بردو بيدى لوك حلو وطبيعى






وجربت الكرات البرونزيه بردو ماشاء الله جميله وبتدى لوك حلو بس عيبها انها كانت اللون الروز فيها قليل اوىىىىىىى مش عارفه دلوقتى ظبتو العلبه ولا لسه فيها سؤ توزيع



191_






وجربت كريم القدم بالافكادو ماشاء الله جميل وبيخلى ملمس الرجل زى ملمس الاطفال





وجربت لوشن الجسم للبشره الجافه وبرد ماشاء الله جميل اوى للبشره الجافه خصوصا فى الشتا بينعم البشره وبيطريها






وجربت كريم القدم الى نازل الشهر دة وماشاء الله حلوة وحساه مقارب اوى لمفعول الكريم الاخضر الى بالافكادو










وجربت بودرة لوشيا ماشاء الله رقيقه بس مش بتثبت كتير لكن ريحتها جميله ورقيقه اوى





وجربت برفان اير ريحتو حلوة بس مش بيثبت كبيرو ساعه





وجبت لخطيبى مجموعه سول عجبتو وجبتلو افتر شيف ميد سمر بس لسه مش جربو جبت لنفسى مجمعه فولار بس شايلاها للجواز فمش جربتها لسه بس هى ريحتها رقيقه ماشاء الله



الحاجات الى مش عجبتنى الايلينر






وتونر الورد حساه مش مناسبنى اوى هو بينور الوش بيدى نضارة بس بحس انو بيطلعلى حبوب تانى يوم الله اعلم منو ولا من حاجه تانيه بس انا مش ارتحتلو






هى دى الحاجات الى جربتها ولو افتكرت حاجه تانيه هقلكو عليها ان شاء الله

وموضوع حلو اى يانش عشان نعرف ايه الحلو وايه الوحش فى اورفليم

وجربت البلاشر الى شبه المانيكير وبيدى اضاءه بس لمعتو برونزى وكان فى منو درجتين فاتح وغامق وانا جبت الفاتح[

أنوش;10292068:
بوصو يا بنات اولا انا عضوة يعتبر جديدة في اوريفليم مشتركة فيها من شهر 3 اللي فات وكل شهر كنت بجرب حاجات جديدة و الحمدلله لحد دلوقت مش خيبت ظني في الحجات اللي جبتها وجربتها وانا هحكيلكم عن المنتجات وتقييمها بالنسبالي

المكياج

كريم اساس جيورداني (y)(y)











مظونش ان عليه اي اختلاف افضل كريم اساس جبته في حياتي ناعم طري مش بيجير ولا بيدهنن الوش ومش بيسيح في الحر وبيدي لوك ناتشورال الدرجة اللي جبتها هي البورسلين اول درجة فيه وهي بتناسب البشرة الابيضة والقمحاوية

لوس باودر اير سوفت (y)(y)(y)












اللوس دي ناعمة وخفيفة جدااا انا جبت منها الدرجة الكلير وهي شفافة ملهاش لون لما استخدمتها على اساس جيورداني ظبطت اللوك اوي وطفت اي لمعان ممكن يحصل حسيت ان بشرتي طبيعيه و جافة مش بتلمع والحلو فيها لا بتتكتل عالوش ولا بتعمل خطوط وكمان بستخدمها عالمرطب لوحدها من غير الاساس بتكون جميلة بردو

ماسكرا لاش اكستريم (n)(n)(n)












دي كارثة وحشة جدااااا اهم حاجه في الماسكرا هي الفرشة بتاعتها لانها هي اللي بتدي الشكل للرموش في فرشة بتدي طول وفي فرشة بتدي كثافة وهكذا يعني الموضوع كله بيقف على شكل الفرشة .. الماسكرا دي بئه انا مش عارفة هي فين الفرشة بتاعتها اصلا الشعر قصييييير وبعيد عن بعضه جداا لما استخدمتها الرموش لزقت في بعض واتملت ماسكرا وكانت وحشة جدا مش نفعتني خااااااالص

اقلام الكحل الكريمي (y)(y)(y)












القلم دا جبت منه الاسود والازرق والاخضر
وهو لونهم زي ما في الصورة تمام يعني مفيش اي اختلاف زي ما شايفينهم كده بيكون لونهم وشكلهم في العين لكن زي ما قلتلكم انا كانت عندي مشكلة في بري القلم والحمدلله اتحلت الكحل مش فحم لان في بنات بتحسب انه كريمي فا ممكن يهبب تحت العين لا خالص هو كريمي يعني ناعم وطري لكن الخامة بتاعته مش من النوع اللي بتسيح ولا بتهبب بالعكس دي ثابتة وواضحة في العين خصوصا الملون منها هتعرفو قيمتو كويس لما تجربو الالوان لان اغلب الكحل الملون بيكون اما ناشف او لونه مش واضح لكن دا ماشاءالله عليه ثابت ولونه قوي وطري جدا في الاستخدام

كونسيلر المصحح 2×1 (y)(y)(y)












انا جربت كونسيلر من انواع كتير ودا كان افضلهم بكل المقاييس اولا درجاته ملائمة وطبيعيه عن الانواع التانية انا جربت الدارك وهي اغمق حاجه ناسبتني جدا والكونسيلر رغم انه ستيك لكن ناعم وبيتفرد بسهولة انا بحط منه على هيئه نقط كده وبفرده بطريقة الطبطبة وبيمتزج بنعومة وعلى فكرة هو بيستخدم لاخفاء العيوب عموما يعني مش للهالات وبس ممكن على اثار الحبوب او اي مكان غامق في البشرة هيخفيها تماما


كونسيلر جيورداني جولد (n)












انا جبته على اساس كونسيلر خافي للهالات والكلام دا بس للاسف انا اختياري طلع غلط تماما والعيب مش في الكونسيلر العيب كان مني انا لان هو مش خافي للعيوب هو كونسيلر مضيء للبشرة والاماكن الباهته يعني المفروض اللي تستخدمه مش يكون عندها هالات اصلا لكن تحطه كا اضاءه يدي اشراق للعين مش اكتر من كده ولذلك انا مش استفدت منه ومركون عندي بس هو خفيف وكويس لكنه موفاش بالغرض اللي كنت عايزاه وعلى فكرة هو لونين والاتنين الوان فاتحة جدا لان زي ماقلت فوق هو اضاءة مش خافي عيوب

روج باور شاين (y)(y)(y)(y)












الروج دا لما نزل كنت نفسي اجربه لكن هما ظلموه بصورة الموديل اللي حطوها في البروشور جايبينه على انه روج بجليتر اوووووفر وكان شكله وحش اوي خصوصا ان انا كمان قمحاوية والجليتر الاوفر دا مش بيليق فيا فاصرفت عنه نظر . وبعد كده نوني كوكي قالت انها جربته وطلعت لمعته مش اوفر ولا حاجة وقررت ان اجربه انا كمان ولما نزل تاني كانت عينات قلت خير وبركة اهو اجرب في العينة الاول وجبت منها درجة السكسي بلام و درجة الدهبي اللي فوق دي وطلع روووووووووووعة لمعته كريستاليه بتدي شكل تحفة للشفايف اكنها شفايف بيبي ولونه رقيق مش اوفر واستحاله هتفكرو تستخدمو عليه ملمع لان لمعته تخبل من غير حاجه وناعم عالشفايف مش ناشف بصراحة روج مش ممكن اي بنت تفوته في جهازها وبعد كده جبت منه درجة الروز وكانت قمة الرقة والجمال وعشان اقربكلم الصورة انا جبت تست للروج دا في الحقيقة وهو دا الشكل بالظبط طبق الاصل للروج عالشفايف في الحقيقة ولاحظو اللمعه الكريستاليه اللي بقول عليها



















البيس كوت للنيل بوليش (y)(y)












انا جبته من وصف صوت العيون ربنا يكرمها .. عجبني اخر حاجه بيخلي المانيكير يتزحلق عالضوافر وانا بحطه وكمان بيخلي سطح الضفر مستاوي وناعم زي الحرير وممكن نستخدمه لوحده

مراية جيورداني جولد (y)











المراية لذيذه اوي وشيك فيها ناحيه مكبرة وناحيه عادية بس هي لو كانت تكبر سنه كانت بقت روعة لانها صغنونة

كده انا خلصت تجربتي مع الميك اب بس عندي ملاحظة صغيرة بخصوص العينات طبعا في حجات موجوده في الشركة نازلة عينات منها روج الباور شاين وبرفيومز وكريمات نصيحة محدش يجيبها كاستخدام يعني تجبوها كا تجربة اوك لكن تعتمدوها كاستخدام وتوفير فالا حرام دي مش موفره بالمره يعني الروج عينته ب 3.5 وصغيرة بغبااااء في حين ان الروج العبوة الاصليه مثلا ب 30 ولا 25 يبقى بالنسبالي الكبير اوفر 100 مرة اتمنى تكون فكرتي وضحت واكون افدتكم بتجربتي وانتظروني ان شاءالله بتجربتي مع منتجات العناية بالبشرة والجسم :D(f)

ما شاء الله يا انووووووووووووووووووووووووووووووووش الله اكبر عليكي(f)(f)
انا روج باور شاين خلاص عجبني موت كددده و الصورة دي اوضح كمان شفايف البنت حلوة اوي:D
هيا ددي الدرجه اللي انتي جيباها ولا واحده تانيه؟؟
على فكره جربت الكحل الازرق لما خطيبي جالي و طلع حلوووووووو و عجب خطيبي اووي:wink:

roslish;10292517:
طيب انا جربت اللب جلوس فيجنز و حلو جحدااا بس انا محتاجة الاي شدو بتاعه حد جربه؟ وكمان بيرفيوم ديفين حلو؟

ديفين الزرقا حلوووة

بنوتات حد فيكوا جرب كريم الاكسوجين من اوريفلام؟؟

انوش ماشاء الله عليكى انا كنت هموت على روج يدينى لمعة كدة بس قوليلى بجد شكله بيبقى كدة ولا دى اضائة؟؟

الحب هو الحياة;10293806:
كل شهر بيكون فيه نظام مختلف وبرنامج ترحيب مختلف عن اللى قبله
ولو العضوية مش مجانا بتدفعى 30 جنيه

أنا عملت بنصيحتك ياتوتي وطلبتهم من المنسقة اللي هنا وهتجيبهم بعد العيد مع أوردرها ودفعتلها تمنهم و10 جنيه للشحن

أنوش;10293446:
العفو ياقمر ومرسيه جدا معلش تعبتك ياقمر
ربنا يكرمك يارب (f)(f):D
تعرفي انا كمان البلسمات اللي زي فيجنز بتنشفلي شفايفي وبتخليها تقشر زي لابيلو كله بيشكر فيها وبردو بتاعه افون ناتشورال البنات بتشكر فيها لكن الاتنين كانو معايا كارثة ومش نفعو معايا خااااالص وعشان كده بستخدم البلسمات الطرية اللي بتسيح في الحر لانها دي الوحيدة اللي بتكون حنينه على شفايفي وبردو التندر كير حلو اوي و هجيبه الشهر الجاي ان شاءالله لنفس الموضوع

العفو يا أنوش(f)(f)(f)
لا أبدا لا تعب ولا حاجة

تصدقي انا كمان زيك
لابيلو ماناسبنيش
وحاسة انه بلسم عادي

انا نسيت اقول كمان عن كريم الايدين اللي
بالشيكولاته
انا لسه جايباه برده قريب ما جربتوش كتير
بس لما بحط منه البشرة بتمتصه بسرعة
وما بيسيبش اثر زي الكريمات العادية التانية
حتى بعد ما اغسل ايدي مش بالقي
الكريم نازل مع الميه زي الكريمات التانية

كمان مرة كنت جربت ماسك للشعر
مش فاكرة اسمه كان تقريبا بالقمح
كان كمية العبوة قليلة
وما حستش انه عمل حاجة
مش عارفة انا بحس ان الماركات اللي زي اورفلام وافون
بتكون في منتجات الشعر مش حلوة اوي زي البشرة

.* اميرة *.;10294457:
بنوتات حد فيكوا جرب كريم الاكسوجين من اوريفلام؟؟

انوش ماشاء الله عليكى انا كنت هموت على روج يدينى لمعة كدة بس قوليلى بجد شكله بيبقى كدة ولا دى اضائة؟؟

اه لمعة كريستالة حلوة اوى جربيه الاول فى عينة لحد ما ينزل عليه خصم حلو هاتيه

مي مسعد;10294634:
أنا عملت بنصيحتك ياتوتي وطلبتهم من المنسقة اللي هنا وهتجيبهم بعد العيد مع أوردرها ودفعتلها تمنهم و10 جنيه للشحن

طيب جدعة تمام كده ومبروك عليكى مقدما الاوردر

at2ota تجربتك حلوة الحمد لله بس اعتقد ان دايما نسبة الخسائر فى اورفليم مش بتعدى ال10% الحمد لله

فرح ناز;10294659:
العفو يا أنوش(f)(f)(f)
لا أبدا لا تعب ولا حاجة

تصدقي انا كمان زيك
لابيلو ماناسبنيش
وحاسة انه بلسم عادي

انا نسيت اقول كمان عن كريم الايدين اللي
بالشيكولاته
انا لسه جايباه برده قريب ما جربتوش كتير
بس لما بحط منه البشرة بتمتصه بسرعة
وما بيسيبش اثر زي الكريمات العادية التانية
حتى بعد ما اغسل ايدي مش بالقي
الكريم نازل مع الميه زي الكريمات التانية

كمان مرة كنت جربت ماسك للشعر
مش فاكرة اسمه كان تقريبا بالقمح
كان كمية العبوة قليلة
وما حستش انه عمل حاجة
مش عارفة انا بحس ان الماركات اللي زي اورفلام وافون
بتكون في منتجات الشعر مش حلوة اوي زي البشرة

طيب مجر بتيش الشاور جل اللى بالشيكولاتة ؟

انا جربت من ايفون حاجات للشعر لكن اورفليم لا وفعلا المنتجات اللى بره افضل منهم