كل ما تريدين معرفتة عن منتجات اوريفليم

انا كمان محبتش الايلينر انا جبت الاخضر ومش عاجبني
عاجبني كريم الاساس
ومزيل الميك اب
ومسكاره جورداني
ده في الحاجات اللي حطتيها وتجربتي معها

الحب هو الحياة;10299044:
اه ياقمر دى ميزة مهمة عندهم وحلوة اوى كمان لو المنتج مش موجود ولسه حيجى تقدرى تحجزيه ومدة الحجز 3 شهور ومعطم المنتجات بتجى فى خلال شهر من الحجز ده لو طولت او شهرين بالكتير وبتاخديه كمان بالسعر اللى انتى حجزته بيه ودى برضه ميزة حلوة

مبروك عليكى حاجات تتهنى بيهم ياقمر
كريم القدم نوشا بتشكر فيه بس انا مش جربته
كريم الايد جميل جدا حيعجبك
جل العين هو للترطيب مش اكتر بس شغال برضه
لوشن التفتيح والصابونة حلوين ياقمر
كريم اوبتمالز الليلى مش جربته بس المجموعة دى حلوة احلى مجموعات اوبتمالز
كريم الهالات اللى بالكولاجين اسمع انه حلو اوى وطالما مناسب ليها يبقى تمام

ربنا يطمنك ياتوتي ياقمر ولما توصلني الحاجات هقولكم رأيي فيهم
بالنسبة لجل العين الترطيب ف حد ذاته مفيد جدا للمنطقة اللي حوالين العين لأن ترطيبها مع النوم الكويس بيقضي عالهالات السودا اللي من أسبابها جفاف المنطقة وعلى فكرة الصبار مفيد جدا للبشرة

Warde;10301821:

بسم الله





أنا حبيت منتجات المكياج من أوريفليم أوى عن منتجات العنايه بالبشره والجسم، يمكن عشان النتيجه بتبان فى ساعتها وبتكون ملموسه !

ملحوظه بس صغيره: تجربتى مع المكياج لأول مره كانت مع منتجات أوريفليم، يعنى بمعنى أصح مجربتش غيرها لحد دلوقتى، قبل كده مكنتش بفهم فى الكلام ده خالص وكنت يادوب أعرف قلم الكحل أبو 2.5 ده وزبدة الكاكو اللى بالفراوله :D

يلا نبدأ:

1. مجموعة جوردانى جولد
(جلوس، كريم الأساس، ماسكرا)

Giordani Gold Deep Shine Gloss

- الحقيقه تحفه تحفه تحفه، بحبه أوى ،لونه شكله طعمه :D (y)(y)

- كريم الأساس بقى، طبعا ده لا خلاف عليه، خفيف كده وبيدى لوك طبيعى بس على فكره أنا عندى أثار حبوب فى وشى فهو مش بيغطيها أوى !!

- الماسكرا بقى، بصوا أنا فعلا مش بعرف أقيم الماسكرا:ss:
(ياريت حد يعلمنى إزاى أحكم على الماسكرا إذا كانت حلوه ولا وحشه ؟!)

2. روج

تحفه تحفه!! بحبه أوى عشان ناعم وطرى وكمان الدرجه ديه حلوه أوى معايا!
معلش مش عارفه الصوره طلعت مزغلله ليه!!

3. أيشادو كريمى

بصراحه مش حبيته ومش بستخدمه أصلا، بيبقى تقيل أوى فوق عينى وأنا بطبعى بحب الحاجه تكون خفيفه ورقيقه!

4. كونسلير للعين

حلو أوى ماشاء الله، بحس إن عينى فريش كده ، مش عارفه إذا كان مفيد للهالات السوداء القويه ولا لأ !! بس أنا عن نفسى عندى على خفيف كده وحلو معايا.
إن شاء الله هاكرره لما يخلص بإذن الله.

5. اللوس باودر الشفافه

حبيبة قلبى، بحبها أوى :D ديه بقى تحطيها بعد كريم الأساس تحسى إنها إديت ملمس ناعم للبشره وكمان لو فى مسام واضحه هتلاقيها إختفت مع البودره !! حلوه بجد محدش يفوتها !!

6. ماسكرا وتر برروف.

بصوا هو عيبها هى ميزتها :D يعنى هى ميزتها إنها ضد المايه ... حلو .. بس أنا بقى لما بجى أمسح الميكاب بتفضل الماسكرا ديه الوحيده اللى مش عارفه أشيلها !! بجد بضايق أوى منها !! وبتروح بقى على مدار يومين كده لما بجى أغسل وشى وكمان بلاقى رمش ولا رمشين بيقعوا :confused::confused:

بس الصراحه بتخلى شكل رموشى حلو عن بتاعة جوردانى جولد !

7. أقلام الكحل الكريمى
(أسود، رمادى، أزرق)

الأسود بتاع ماما، عجبها أوى.
القلم ياجماعه طرى وناعم وبيثبت وبجد حلو وكمان الأزرق بتاعه تحفه !!
أما الرمادى بقى محدش يجيبه أنا مش عارفه إيه اللى خلانى أجيب رمادى !!! :ss:

8. أىلينر أسود

وحش وحش ، سنه شبه قلم فلومستر أسود بالضبط !!! وكمان مش بعرف أحطه خااااااالص يمكن عشان كده مش بحبه .. ولما بحطه بحس إنه لونه أسود حاد أوى !!

9. كونسيلر

ديه أغمق درجه، حلوه بتدى تغطيه كويسه لأى بقع غامقه.

10. بلسم

على فكره بقى البلسم ده مبيعملش حاجه ، أول لما تحطيه تحسى إن شفايفك واو وبتلمع بس شوية صغيرين تلاقيه إختفى ! ومش بيرطب !!
غير بقى إنه خلص بسرعه أوى أوى !!! + كمان إنه غالى !!

11. مجموعة العناية بالأظافر


كداب :D معملش معايا كده !!


(y)(y)(y)(y)(y) ده بجد تحفه زى ما أنوش وصفته بالضبط.

12. مزيل المكياج (y)(y)(y)

13. مجموعة Visions

a. كريم الأساس (n)(n) أنا شاكه إنه السبب فى الحبوب اللى طلعتلى والله أعلم!

b. & c. ألوانهم حلوه وكل حاجه بس مش بيثبتوا وبعدين ملمسهم مش ناعم !

d. قلم أبيض كريمى، (y)(y)(y) بحطه عند مدمع العين بيدى إضاءه حلوه كده(y)

e. بلسم للشفاه (y)(y) بحبها أوى بتطرى وكمان الحلو فيها إن فيها عامل حمايه من الشمس وكنت جيباها تقريبا ب 14 جنيه بس والله ياجماعه مش راضيه تخلص :D ماشاء الله ، أحلى من البلسم التانى ده :mad:

f. قلم كحل أخضر، ده بقى إتظلم أوى أول لما الناس جبته :D وأنا برده من ضمن الناش اللى ظلمته، بصوا هو كان فى الأول ناشف أوى !!! ولونه خفيف أوى !! لكن سبحان الله لما سيبته فتره كده ورجعت أستخدمه لاقيته بقى طرى وكمان لونه بقى واضح !!

- - -
الجميل فى أوريفليم إن فعلا أسعارهم فى المتناول (لما بينزل عروض على الحاجه وبالذات العروض الداخليه!!) لكن طبعا السعر قبل العرض ده يبقى خيال :D
وكمان الحمد لله منتاجتهم بإذن الله مضمونه.

بس كده :) لو حد عنده إستفسار عن حاجه يسألنى مفيش مشكله :)
- - -

لا تنسونى من صالح دعائكم (f)

ممتاز يا وردي ماشاءالله
بس ليا سؤال الروج اللي في الصورة رقم 2 دا اللي هو كلاسيك ولا اسمو ايه؟؟
ومن خلال تجربتك ليه هو احلى ولا فيجنز؟

وتسلم اديكي ياقمر تستاهلي احلى تقييم ^_^

Warde;10301699:
ميرسى ياأنوش :)
أخبار إسكندريه إيه فى العيد ؟؟؟؟ لو تعرفى قد إيه نفسى أقضى ساعتين بس بس عالبحر وفى الشوارع عندكو :confused::confused: متتصوريش أنا بعشق إسكندريه قد إيه :15:ماشاء الله عليها :)

هههههههههههه
وحياتك يا اوختي ما نزلت من بيتنا من قبل العيد باسبوع اللهم ان روحت صليت العيد وطلعنا اعدنا عالبحر ساعة لان ساحة الصلاه كانت عالبحر مباشرة وروحنا البيت لا خرجت ولا روحت في اي مكان من الزحمة مونكن بوكرا اخرج هبئه اسلملك على البحر :D(f)(f)

أنوش;10301066:
تصوري اتصدمت يا شاكي لان افتكرته حاجه كويسة
طيب سيبك من موضوع الثبات لان كل برفيوم اوريفليم بتاخد تقييم صفر في الثبات
ريحته وحشة يعني او هي شبه ايه ؟؟

مش عارفة يا انوش بجد
بس دفين لوشيا امبرايس ميس اوة فعلا احلى منة بمراااااااااااااااااااحل

بنات حد جرب فيكو فريا؟؟

أنوش;10302314:
ممتاز يا وردي ماشاءالله
بس ليا سؤال الروج اللي في الصورة رقم 2 دا اللي هو كلاسيك ولا اسمو ايه؟؟
ومن خلال تجربتك ليه هو احلى ولا فيجنز؟

وتسلم اديكي ياقمر تستاهلي احلى تقييم ^_^

ميرسى ياأنوش :)(f)(f)

بصى هو اللى عندى إسمه بالضبط :

LIP Classic

Mystic Pink
15287

هو أعتقد نازل ب 19 جنيه فى كتالوج 9 - 09 صفحة 14

وطبعا طبعا أحلى من فيجنز !!

أنوش;10302321:
هههههههههههه
وحياتك يا اوختي ما نزلت من بيتنا من قبل العيد باسبوع اللهم ان روحت صليت العيد وطلعنا اعدنا عالبحر ساعة لان ساحة الصلاه كانت عالبحر مباشرة وروحنا البيت لا خرجت ولا روحت في اي مكان من الزحمة مونكن بوكرا اخرج هبئه اسلملك على البحر :D(f)(f)

:D:D
صليتوا صلاة العيد عالبحر !!! الله ... حقيقى يابختكوا :):15:

ربنا يكرمك عشان هتسلميلى عالبحر :)(f)(f)(f)(f)(f)(f)(f)(f)

Warde;10302777:
ميرسى ياأنوش :)(f)(f)

بصى هو اللى عندى إسمه بالضبط :

LIP Classic

Mystic Pink
15287

هو أعتقد نازل ب 19 جنيه فى كتالوج 9 - 09 صفحة 14

وطبعا طبعا أحلى من فيجنز !!



:D:D
صليتوا صلاة العيد عالبحر !!! الله ... حقيقى يابختكوا :):15:

ربنا يكرمك عشان هتسلميلى عالبحر :)(f)(f)(f)(f)(f)(f)(f)(f)

تعالي يا وردة تنورينا

قوليلي بقى، الروج اللي بتقولي عليه دة ايه الفرق بينه وبين كلر اتركشن، انهي احسن يعني؟

amatalrahman237;10302889:
تعالي يا وردة تنورينا

قوليلي بقى، الروج اللي بتقولي عليه دة ايه الفرق بينه وبين كلر اتركشن، انهي احسن يعني؟

ربنا يكرمك ويعزك ياقمر :)

هو مين "كلر اتركشن" ؟ أنا مستعملتوش يبقى أكيد مش هاعرف أقارن بينه وبين روج كلاسيك اللى بتكلم عنه ..

ممكن تلاقى حد هنا جربه إن شاء الله.

وردة وانوش تقارير ممتاز جزاكم الله خير للاسف ياوردة مش عارفة اقيمك

بصوا انا جربت اساس يوردانى بس كان هدية الترحيب بتاعى

بس حساه مش هو زى الاولانى؟؟؟ من صورته

هو حلو بورسلين بس حساه مغمق سنة اعمل ايه بقى
؟؟؟؟؟؟؟؟



ومزيل الميكب حساه بيحرق شوية



وصابونة التفتيح تحفةةةةةة


وتندر كير يشقق الشفايف شوية بس حلو لاى مكات تانى



ده تقرير ع السريع كده
ولى عودة ان شاء الله


وانوووش تستاهلى بوسة ع الموضوع ده

بنات انا جربت فريا عجبتني جداااااااااااااااااااااااااااااااا
و الكلر اتراكشن الفرق بينه و بين كلاسيك
لمعته
تحفه بموت فيها

الحب هو الحياة;10303047:
وردة وانوش تقارير ممتاز جزاكم الله خير للاسف ياوردة مش عارفة اقيمك

جزانا واياكم تسلمي توتي عالتقييم (f):)

Muslma;10303438:
بصوا انا جربت اساس يوردانى بس كان هدية الترحيب بتاعى

بس حساه مش هو زى الاولانى؟؟؟ من صورته

هو حلو بورسلين بس حساه مغمق سنة اعمل ايه بقى
؟؟؟؟؟؟؟؟



ومزيل الميكب حساه بيحرق شوية



وصابونة التفتيح تحفةةةةةة


وتندر كير يشقق الشفايف شوية بس حلو لاى مكات تانى



ده تقرير ع السريع كده
ولى عودة ان شاء الله


وانوووش تستاهلى بوسة ع الموضوع ده

ربنا يخليكي ياقمر
بوصي لو الكريم غامق شويه هاتي بودر افتح منه درجة او درجتين هتكون حلوة
بالنسبة لصابونة التفتيح ان شاءالله هجربها
والتندر كير مناسبني اوي لان انا شفايفي غير اللابيلو ذات نفسها مش نفعت معاها ماشيه عكس الشفايف هههههههههه (f):D

لولا صيدلانيه;10303481:
بنات انا جربت فريا عجبتني جداااااااااااااااااااااااااااااااا
و الكلر اتراكشن الفرق بينه و بين كلاسيك
لمعته
تحفه بموت فيها

ماشاءالله تتهني بيه انا نفسي اجرب حجات كتير بس الاولويات بتحكم :D(f)

Warde;10302777:
ميرسى ياأنوش :)(f)(f)

بصى هو اللى عندى إسمه بالضبط :

LIP Classic

Mystic Pink
15287

هو أعتقد نازل ب 19 جنيه فى كتالوج 9 - 09 صفحة 14

وطبعا طبعا أحلى من فيجنز !!

:D:D
صليتوا صلاة العيد عالبحر !!! الله ... حقيقى يابختكوا :):15:

ربنا يكرمك عشان هتسلميلى عالبحر :)(f)(f)(f)(f)(f)(f)(f)(f)

العفو ياقمر الشكر ليكي انتي
الصلاة اه كانت الساحة ادام البحر مباشرة لانه مكان واسع اوي وحتى يومها لسه الإمام بيقول الله اكبر والناس بتكبر وراه الا والدنيا فضلت تشتي بس نقط والتكبير فضل يعلى لان المنظر كان يخلي الجسم يأشعر حسينا ان ربنا بيقول انا موجود اهو ادعو كان حاجه تخوف وتفرح احساس عجيب
ويارب تيجي اليكس قريب هتنورينا والله :)(f)(f)

miko85;10298133:
جميل اوي الروج ده انا جايبه نفس الدرجه ال هي الروز وكنت في شهر ب28

بردو انا كمان حاجات بتاعه الشعر ماعجبتنيش..
ماسك البرتقال حلو موووت وبينضف بعمق

الازرق حلو بس الاحمر ماعجبتنيش تقيله اوي

جيورداني البورسلين هو كويس معايا يعني بيغطي العيوب بس انا لوني خمري علشان كده يمكن بيغمق وعلي فكره فيجنز بردو الوانها غامقه

هو برضو كريم اساس فيجنز الوانه غامقة؟ يعني افتح درجة منه زي جورداني البورسلين :eek:
و ياترى كان ايه نظامه معاكي

و مبروك عليكي حاجتك :)

maro;10293384:
انا جربت الكحل البنى والاسود حلوووين جدااا وماسك الطماطم تحفه ومجموعه بيور سكين حلوووه بودره فيجنز مش حلوه كريم اساس فيجنز حلو بس مش تغطيه جامده مجرتش خالص حاجه لشعر منها

معلش ممكن تقوليلي كريم اساس فبجنز كان حلو معاكي ازاي و ياترى بيكتل و لا ؟ و نوع بشرتك لو سمحتي و يا ترى غامق زي جورداني و لا :)

ميرسي لانوش و warde على التقارير الممتازة بتعتكم ربنا يرزقكم باللي تتمنوه :)

انوش على فكرة جل الترطيب ده مفيد اوي لانه الترطيب فحد ذاته للعين حلو و بيحمي و كمان المرطب لما بيكون جيل بيبقى احسن بكتير..انا حسيت انه من كتر استعمالي للكونسيلر ظهرت خطين كده تحت عيني عشان كده لازم الترطيب

و عايزة اسالك هو سائل التفتيح ينفع للبشرة الدهنية

warde ربنا يكرمك..حاجتك كلها جميلة ما شاء الله..بس معلش عايزة اسالك كام سؤال

اولا: كريم اساس فيجنز انا كان نفسي فيه..بس انا اصلا بتعالج من الحبوب دلوقتي.. تفتكري فعلا هو اللي طلعلك الحبوب.. هو كان مدهنن وشك ولا ايه
انا فكرت في جورداني بس لقيت معظمكم بيقول لازم بعده بودرة عشان تفتحه وانا مش بحط ميكب الا قليل اوي عشان كده كان نفسي في كريم اساس يبقى زي سائل اولاي كده سهل مش احط بعده حاجة

ثانيا:هو غسول شجرة الشاي كان بيهيج الحبوب عندك ؟ و نشف وشك اوي؟ و لو جربتي نيتروجينا تفتكري مين احسن فيهم؟

ثالثا:الكونسيلر السائل بتاعك كنتي بتحطيه بفرشاه ولا بايدك عادي؟ اصل في انواع لازم تتحط بفرشاه والا تكتل و بودرة اير سوفت معاها اسفنجه؟

معلش طولت عليكي في الاسئلة

بنات هو لوشن التفتيح اللي انوش كانت قايله عليه موجدود في شهر 9 وبكام ؟؟؟؟؟؟؟؟؟

masrya cute;10304391:
ميرسي لانوش و warde على التقارير الممتازة بتعتكم ربنا يرزقكم باللي تتمنوه :)

انوش على فكرة جل الترطيب ده مفيد اوي لانه الترطيب فحد ذاته للعين حلو و بيحمي و كمان المرطب لما بيكون جيل بيبقى احسن بكتير..انا حسيت انه من كتر استعمالي للكونسيلر ظهرت خطين كده تحت عيني عشان كده لازم الترطيب

و عايزة اسالك هو سائل التفتيح ينفع للبشرة الدهنية

العفو ياقمر
انا بشرتي دهنية وبستخدمه وهو خفيف مش تقيل
وكمان خدي بالك الخريف بدأ حتى لو بشرتك دهنية في الصيف فا دلوقتي هتحتاج عناية وترطيب والسائل دا هيكون مناسب جدا لانه خفيف وترطيبه مناسب للي بشرتهم دهنية زينا :)(f)

rosy2;10305518:
بنات هو لوشن التفتيح اللي انوش كانت قايله عليه موجدود في شهر 9 وبكام ؟؟؟؟؟؟؟؟؟

مش موجود للاسف بس اتوقع هينزل عروض داخليه ان شاءالله وهيكون باسعار رخيصه تابعينا يا قمر واكيد لو حصل جديد هقولكم اول باول (f)(f)(f)