كل ما تريدين معرفتة عن منتجات اوريفليم

أنوش;10305775:
العفو ياقمر
انا بشرتي دهنية وبستخدمه وهو خفيف مش تقيل
وكمان خدي بالك الخريف بدأ حتى لو بشرتك دهنية في الصيف فا دلوقتي هتحتاج عناية وترطيب والسائل دا هيكون مناسب جدا لانه خفيف وترطيبه مناسب للي بشرتهم دهنية زينا :)(f)



مش موجود للاسف بس اتوقع هينزل عروض داخليه ان شاءالله وهيكون باسعار رخيصه تابعينا يا قمر واكيد لو حصل جديد هقولكم اول باول (f)(f)(f)

زاي ياأنوش هوا في اتنين ولا ايه؟ أصل في واحد ف بروشور 9 ب24جنيه ف نفس صفحة صابونة التفتيح وأنا طلبته..هوا ده غير اللي تقصديه؟ ولو غيره ده حلو ولا وحش؟؟

الى طلبتيه يامى غير الى انوش تقصدو لكن حلو ولا لاء البنات يفيدوكى فيها اانا مجربتهوش

مي مسعد;10305882:
زاي ياأنوش هوا في اتنين ولا ايه؟ أصل في واحد ف بروشور 9 ب24جنيه ف نفس صفحة صابونة التفتيح وأنا طلبته..هوا ده غير اللي تقصديه؟ ولو غيره ده حلو ولا وحش؟؟

بتاعي من مجموعة اوبتمالز
لكن اللي معاه الصابونه دا مجموعة اسينشال
بس البنات بتشكر فيه بردو الاتنين كويسين ياقمر

at2ota;10305914:
الى طلبتيه يامى غير الى انوش تقصدو لكن حلو ولا لاء البنات يفيدوكى فيها اانا مجربتهوش

كلام سليم
والاتنين كويسين ان شاءالله :)

ميرسى على الموضوع الجميل

انا استخدمت حاجات كتير من اوريفلام وحاجاتهم كلها حلوة ما شاء الله

انا بس عندى استفسار
ممكن حد يقولى لما اجى اشترك فى اوريفلام لازم ابقى تحت عضوة ولا لأ؟؟؟ وممكن اعمله من البيت؟

قصة كبيرة;10306020:
ميرسى على الموضوع الجميل

انا استخدمت حاجات كتير من اوريفلام وحاجاتهم كلها حلوة ما شاء الله

انا بس عندى استفسار
ممكن حد يقولى لما اجى اشترك فى اوريفلام لازم ابقى تحت عضوة ولا لأ؟؟؟ وممكن اعمله من البيت؟

بوصي يا قمر
انتي لو روحتي من غير كود عضوة هما هيحطوكي تحت اي حد ... انتي لو مش عايزة حد يدايقك والكلام دا ممكن تدخلي تحت عضوة تعرفيها بحيث يبقى زيك زيها مش ديراكتور وكده واكدي على الشركة انها مش تطلع بياناتك لاي حد لان الدايركتور بياخدو ارقام التليفون وبيتصلو انا اتفاجأت لما لقيت الدايركتور بتتصل بيا في البيت وانا اصلا مش اعرفها انا كنت مشتركة تحت عضوة عاديه بس لما لقيتها هتغلس وعشان اجيب من الاخر قولتلها بذوق مش تتعبي نفسك انا بعرف كل العروض والاوفرز من النت فا مش في داعي تتصلي وانا لما هحتاجك هكلمك و بقت بعد كده تتواصل معايا بال sms

موضوع انك تعملي العضوية من البيت اه ينفع بالفاكس ولو هتعملي اوردر هيضفولك مصاريف العضوية على الشحن والاوردر .. اتصلي بيهم ياقمر هما رقمهم موحد وشغالين النهاردة 19662

ميرسى يا أنوش جزاكى الله خيرًا

أنوش;10306014:
بتاعي من مجموعة اوبتمالز
لكن اللي معاه الصابونه دا مجموعة اسينشال
بس البنات بتشكر فيه بردو الاتنين كويسين ياقمر

طيب ربنا يطمنك يأنوش عموما لما أجربه هقولكم الأخبار ولما ينزل اللي بتقولي عليه أجيبه برضه

أنوش;10305775:
العفو ياقمر
انا بشرتي دهنية وبستخدمه وهو خفيف مش تقيل
وكمان خدي بالك الخريف بدأ حتى لو بشرتك دهنية في الصيف فا دلوقتي هتحتاج عناية وترطيب والسائل دا هيكون مناسب جدا لانه خفيف وترطيبه مناسب للي بشرتهم دهنية زينا :)(f)



مش موجود للاسف بس اتوقع هينزل عروض داخليه ان شاءالله وهيكون باسعار رخيصه تابعينا يا قمر واكيد لو حصل جديد هقولكم اول باول (f)(f)(f)

ربنا يكرمك يا انوش يا مزبطانا :D
انا عارفة انك اتكلمتي قبل كده انه عاجبك اوي بس انا قولت اتاكد برضه عشان انا بشرتي دهنية و موسوسة من الحبوب اوي

ان شاء الله هاجيبة اول ما ينزل في العرض

طيب ربنا يطمنك يأنوش عموما لما أجربه هقولكم الأخبار ولما ينزل اللي بتقولي عليه أجيبه برضه

يا رب يطلع كويس معاكي

يارب يكون كويس زي بتاع أنوش لأني برضه بشرتي دهنية وبترعب من الحبوب
على فكرة في انهرده وبكره مضاعفة نقاط ف الشركة فقلت أقولكم

ميرسى يامى تسلمى

masrya cute;10304391:
ميرسي لانوش و warde على التقارير الممتازة بتعتكم ربنا يرزقكم باللي تتمنوه :)

انوش على فكرة جل الترطيب ده مفيد اوي لانه الترطيب فحد ذاته للعين حلو و بيحمي و كمان المرطب لما بيكون جيل بيبقى احسن بكتير..انا حسيت انه من كتر استعمالي للكونسيلر ظهرت خطين كده تحت عيني عشان كده لازم الترطيب

و عايزة اسالك هو سائل التفتيح ينفع للبشرة الدهنية

سائل التفتيح مناسب لكل انواع البشرة وانوش جربته وقالت انه خفيف على البشرة ومش مدهن

rosy2;10305518:
بنات هو لوشن التفتيح اللي انوش كانت قايله عليه موجدود في شهر 9 وبكام ؟؟؟؟؟؟؟؟؟

لو تقصدى لوشن التفتيح الخاص بمجموعة اسيتنال المناسب للبشرة الدهنيه هو نازل ب 24 سعر بروشور
لكن سائل التفتيح من مجموعة اوبتمالز وايت لا مش نازل فى بروشور شهر 9

قصة كبيرة;10306020:
ميرسى على الموضوع الجميل

انا استخدمت حاجات كتير من اوريفلام وحاجاتهم كلها حلوة ما شاء الله

انا بس عندى استفسار
ممكن حد يقولى لما اجى اشترك فى اوريفلام لازم ابقى تحت عضوة ولا لأ؟؟؟ وممكن اعمله من البيت؟

خدى بيانات اى عضوة من المنتدى وكودها واشتركى تحتها واحنا بنزل هنا كل الاخبار الجديدة ان شاء الله
ينفع تعملى عضوية فى البيت ابعتى بياناتك وصورة بطاقتك بالفاكس وممكن كمان من النت من خلال موقع اورفليم مصر

انوش الموضوع رائع زيك والله

وعايزه اسال عن فرشاه البشره 14 جنيه حد استعملها ايه رايكم فيها

وكمان ماسكارا
لود المزدوجة نازلة ب 44 جنية وسعرها الاصلي 69 جنية

دى تكثيف ولا تطويل وايه رايكم فيها برضوا




الماسكرا ريفيلاشن

دى تطويل ولا تكثيف وايه رايكم فيها

معلش طولت عليكم

عروض داخلية جديدة
النهاردة الاربعاء وبكره ان شاء الله الخميس فيه مضاعفة نقاط يعنى اللى عايز كمان يعمل عضوية جديدة ممكن يعمل ب 25 نقطة عضوية مجانا
وكده فاضل اسبوع لمانشوف ايه العروض الداخلية التانية

مواعيد العمل الجديدة
من الاحد للخميس من الساعة 10 صباحا وحتى 11:15 مساءا

السبت من 2 ظهرا الى 7 مساءا

يوم الجمعة الاجازة الاسبوعية

ماعدا اخر جمعة فى كل شهر المواعيد 10 صباحا وحتى 9 مساءا

masrya cute;10304393:
warde ربنا يكرمك..حاجتك كلها جميلة ما شاء الله..بس معلش عايزة اسالك كام سؤال

اولا: كريم اساس فيجنز انا كان نفسي فيه..بس انا اصلا بتعالج من الحبوب دلوقتي.. تفتكري فعلا هو اللي طلعلك الحبوب.. هو كان مدهنن وشك ولا ايه
انا فكرت في جورداني بس لقيت معظمكم بيقول لازم بعده بودرة عشان تفتحه وانا مش بحط ميكب الا قليل اوي عشان كده كان نفسي في كريم اساس يبقى زي سائل اولاي كده سهل مش احط بعده حاجة

ثانيا:هو غسول شجرة الشاي كان بيهيج الحبوب عندك ؟ و نشف وشك اوي؟ و لو جربتي نيتروجينا تفتكري مين احسن فيهم؟

ثالثا:الكونسيلر السائل بتاعك كنتي بتحطيه بفرشاه ولا بايدك عادي؟ اصل في انواع لازم تتحط بفرشاه والا تكتل و بودرة اير سوفت معاها اسفنجه؟

معلش طولت عليكي في الاسئلة

ربنا يكرمك، مرسيى :)

بصى معايا كريم أساس فجينز ده مكنش بحلاوة جوردانى كده، وبالنسبه للحبوب فهى إبتديت معايا مع إستخدامى لفجينز و صن بلوك إسمه "MASH" فالحقيقه مش عارفه هو تقريبا والله أعلم حد منهم بهدلى الدنيا، يابنتى ده أنا مكنتش بعانى من الحبوب خااالص :confused: ومن ساعتها حتى الأن وأنا بتعالج منها ومش عارفه أرجع زى الأول تانى .. الحمد لله على كل حال.

لو تعرفى حاجه لأثار الحبوب، قوليلى عليها ؟

بصى بالنسبة لأساس جوردانى فهو حلو وجميل لوحده، إحنا بس بنقول إن البودره اللوس بعديه ضافت ميزه جديده ، فهمانى ؟ لكن لوحده شغاااااااااال برده ماشاء الله (y)

غسول شجرة الشاى ده بقى أول مره جبته وإستعملته حسيت إن الحبوب هاجت كده وطبعا خوفت منه :ss: وركنته ومستعملتوش ، لكن من فتره كده قلت أستعمله فمعملش بقى الحركه ديه تانى وعندى إحساس إننا هنعمر مع بعض وهنحب بعض يارب إن شاء الله :D

كونسيلر العين ، بحطه بالطبطبه يعنى بحطه تحت عينى وبعدين أطبطب عليه كده ، فهمانى ؟:D

كونسيلر الأستيك بتاع البقع الغامقه برده بإيدى عادى أو ممكن بفرشاه بس مجربتش ديه.

بودره إير سوفت (اللوس باودر)، هى مكنش معاها أى حاجه، بس أنا بحطها بأسفنجه الكبيره ديه بتاعه البودره المائيه.

لا تنسينى من صالح دعائك بقى :)(f)(f)(f)(f)

بنات عايزة اسالكم عن حاجة غسول المنطقة فيمنال نازل نوعين ايهم افضل لو حد جربه ؟

الحب هو الحياة;10309071:
بنات عايزة اسالكم عن حاجة غسول المنطقة فيمنين نازل نوعين ايهم افضل لو حد جربه ؟

قصدك الانتمينت انا وصيت علي التاني اللي ب32 ده انا بجيبه علي طول وعاجبني اكتر من بتع ايفون

ساره افندي;10309335:
قصدك الانتمينت انا وصيت علي التاني اللي ب32 ده انا بجيبه علي طول وعاجبني اكتر من بتع ايفون

ايوة هو ده ياسارة
ميرسى لردك (f) طيب قولى نظامه ريحته حلوة وبينضف كويسو طريقة استخدامه وكام مرة ؟

التوقيع بتاعك كيوت موت (f)

الحب هو الحياة;10309487:
ايوة هو ده ياسارة
ميرسى لردك (f) طيب قولى نظامه ريحته حلوة وبينضف كويسو طريقة استخدامه وكام مرة ؟

التوقيع بتاعك كيوت موت (f)

بينظف وبيسب ريحه رقيقه وناعم خالص وعباره عن رغوه بتحطيها عادي وبعد كده شطف كام مره زي ماانتي عايزه لانه خارجي فامفيش مشاكل منه
مرسي ياقمر علي الراي الحلو (f)(f)

ساره افندي;10309554:
بينظف وبيسب ريحه رقيقه وناعم خالص وعباره عن رغوه بتحطيها عادي وبعد كده شطف كام مره زي ماانتي عايزه لانه خارجي فامفيش مشاكل منه
مرسي ياقمر علي الراي الحلو (f)(f)

ميرسى ياسارة على الرد والافادة (f) وان شاء الله اجيبه باذن الله