(للبحرينيات) وين اتابعين و وين ناوية اتولدين ان شاء الله

هلا اختي ضي
اسم الله عليج عن المقابر والموت شلحجي بعد
الله انقلج اياه في تمامه وتقومين بصحه وسلامه
انا موعد ولادتي 15\5 والحين رحت موعدين معا الامريكي وشفت الكا خوش مره وسعت صدري كنت خايفه لان رايحه لها في الوقت الضايع
ومثل ماقلتي الغرف الفي اي بي احسن شي عندهم بس حسافه ما يشملنى البكج الي اخلي الغرفه اتصير ب600 دينار لان طفنا الاسبوع 32
اي تره سمعت انهم ما ايودون لبيبي لج اخلونه معاج واذا تبين تخلينه عندهم تدفعين 20 دينار اليوم يزعم ان نظام يديد علشان الم تتعلق في ولدها قلت معلي بتعلق فيه لي رحت البيت خل اولد انا بس وعقب اصير خير


بطه حلوه
عوالي وايد وايد وايد قديم جنج داخله القراشيه مريت على المختبر مالهم جنه مطبخ
الصراحه ماشفت الغرف ولا الدكتوره من عند الباب قالولي nonono فل
بس اسمع وايد بنات من اهلنه ولدو فيه


اختي الريح البارده
الكلام مافي اسهل منه لوكنتي معاي واهي تقولي لو طلع متخلف انتو السبب جان بيوقف قلبج اختي من كثر المرضى وكثر الناس الي ايونها خصوصا الي عندهم تأمين حست انها احسن شي ماتدري انهم عاجبهم المكان والاسم اكثر من الخبره وانا اقولها بصريح العباره انا رحت علشان المكان عجبني شرح ومريح والخدمه زينه مالت الغرف
انا ما امدح فيها ولا اذم لكن اهي تجربه مريت فيها الله لا يعودها

اما عن اخطاء العسكري حدث ولا حرج طرحت الدكتوره موزه مرت اخوي مرتين اول مره راحت لها توها حامل توها محلله الصبح وراحت لها لتقولها لا انتي مو حامل الا افحصج من تحت قالت لها لا مابي قالت لها لا ضروري لان ماشوف بيبي في الرحم وفحصتها وبعدين قالت لها روحي سوي فحص دم مره ثانيه باجر الصبح راحت البيت وياها نزيف وارجعت لهم فليل وسولها تحليل طلع مافي حمل تخيلي تحليل الصبح في حمل وتحليل فليلي مافي واهي متأكده انها حامل مسويه تحليل في البيت وتحليل بول وعقب تحليل دم يعني اكيد حامل
والمره الثانيه الله كتب واحملت ووصلت الي الشهر ال5 وياها التهاب وراحت حق موزه وعطتها تحميله وحده بس ولاشي زود معاها قالت لها هذي تكفي قالت لها اي ووصل اللتهاب الي المشيمه ونزل الماي عن البيبي كله وضطرو اطلعونه وتمو يتصلون فيها الين ما اعيزو واهي احقرتهم عقب ما اعرفت ان يبونها علشان هذي المريضه حسبي الله ونعم الوكيل
لكن قصصهم العسكري قمه في الفن اتطببون واتعلمون على الاوادم

اختي ام فاطمه الحمدالله على سلامتك وانتي صاجه الحكومه لهم اعيوب والخاص بعد لكن الواحد شسوي الحين لي طلع لج انج حامل تنسين البيبي والفرحه وتقولين وين باولد من اراجع عنده اي مستشفى اروح وخصوصا لي صار في الحمل شي او الله لا يقول صارت مشاكل

صاحبة الظل الخفي;9242408:
برجر مافهمت قصدج
يعني لو فتحت فايل في العسكري اولد بلاش؟

اي اهو فتح الفايل في العسكري لازم يكون الوالد عسكري او الزوج عسكري وكل شي بلاش
وهذي بشكل عام يعني الصبح والطوارئ والولادة بلاش ،، بس اذا طب الخاص بفلوس يمشي على العسكري والغير عسكري ،،


بس في ناس تروح الطب الخاص العصر بفلوس ووالوالد والزوج مو عسكرين بس عندهم فايل في الطب الخاص فقط ،، يكون كل شي بفلوس حتى الولادة

عن تجربتي مع عوالي فكرت مثل اختي ضي انه جريب وعن زحمة المنامه بس اول شي قالته الدكتوره انه مالي حجز عندهم مع اني في الشهر الاول مراجعه عندهم وعند الامريكي احتياط وماسو لي حجز للولاده هذه اول غلطه عليهم(n) ثانيا رحت اشوف جناح الولاده قالولي اوكي فيني اولد عندهم وشفت الغرف بالامانه احلى مافي غرفهم النظافة:D وايد انظاف(y) بس رحث الموعد للدكتوره انه بولنديه ماعرف ليش اول ماشافتني كشينا احنا الثنتين من بعض وبعدين قعدت ربع ساعه تشرح انه مالي حجز عندهم قالت على كل حال باسويلج سونار الحين طبعا واصله لي عندها لازم تبيج اتخرخشين وسوت السونار وهذه الكلام الي قالته البيبي وايد وايد اصغير بس القلب يدق خرررعتني وقالت اكلي وكثري من العسل وللعلم انه العسل مب زين وايد للحامل... طولت عليكم بس هذه تجربتي وساااامحوني

مرحبا بنات ديرتي .. !


لاحظت بردودكم تتكلمون عن المستشفى الامريكي ، قلت بقول لكم عن تجربتي هناك !


تابعت حملي الاول عندهم و خدمتهم كلش حلوة ، من ناحية الاستشارة و الفحوصات و متابعة حالة البيبي أول بأول !

انصحكم بالدكتورة بانو ، و ألكا .. لأنهم هم الوحيدتين هناك استشاريات مو بس دكتورة نساء عادية !

هناك قريبتي تشتغل و هي اللي مدحتهم لي و فعلا شفت الفرق بينهم و بين جولييت .. فرق شاسع !

حتى زوجي للحين يجيب لي اسم جولييت حتى اعصب هههه ، لأنها كلش مو شي .. !


سوزان الفلبينية بعد أوكي بس مثل ما قلت لكم مو استشارية !



عن فحوصات الدم كنت اخلي الدكتورة تعطيني الورقة اللي فيها الفحوصات المطلوبة و اروح اسويهم بالمركز عندنا ، لأني انصدمت من سعر المختبر عندهم ، كان بيكلفني 70 دينار .. ليش عاد و المركز يمي و بلوشي !


حبوب الفيتامينات اللي يوصفونها بعد ممتازة .. اتذكر عطت وجهي حلاوة .. للأسف نسيت اسم الحبوب كان اخذته بحملي الثاني .

أحلى شي في متابعة الحمل بالخاص انه اقدر اروح في الليل ، مو ملزمة بقعدة الصبح .. و بعد الالتراساوند واجد يسوون لي و اشوف البيبي استانس !


طبعا واجد اللي يغضون النظر عن متابعة الحمل في الامريكي بسبب انه المبنى قديم !!

مادري هم بيعيشون هناك ؟؟


و يفضلون العيادة الجديدة اللي ممكن ماتكون فيها دكتورة شاطرة بمستوى ألكا .. ! و طبعا السعر بيكون اكثر .. !

و كلما كان المستشفى قديم أفضل ، عشان انه فيه دكاترة متمرسين و شطار .. !

طولت عليكم << و للحديث بقية !

(f)انثى(f) اوافقج في كل كلامج :Dبس حبيت اعرف اش موقفك مع جوليت لانه كانت دكتورتي في المرتين الي راحو والله يشهد اني كنت مرتاح وايد لها بس بانو كانت اتابع معها في المراحل الاخيره كاستشاريه

اهلا اختي

جولييت كانت سيئة مقارنة ببانو و ألكا ، ممكن تكون مختلفة وياش .. !

اللي ما عجبني فيها انها مجرد ادخل تظل ساكته وبس !

اني اذا سألت تجاوبني و بس .. ابدا ما تقدم نصايح ..


قالت لي انه عندي الياف بالرحم .. و طلبت منها شرح و هي ساكته و لا ذكرت لي اذا كان هالشي خطير او عادي .. و من النت عرفت انه عادي و الالياف تطلع بالولادة !


يعني بشكل عام ما تصلح لزيارة شهرية !

بشركم الله بالخير
والله انا كنت متوتره ومتدودهه
بس بقه اخر سؤال وادري بتقول مصختها خخخخخخخخخخخخخخ
احد جرب القيصريه عندهم او ابراه الظهر
اقولي انا انطر تره لان انا ابي من اول بدايه اعراض الولاده اطق ابره الظهر وارتاح عن الاح والايح
بس هذي سؤالي
يالله يابنات اكسبو الاجر فيني خخخخخخخخخخخخخخخخخ

اني بعد كنت اتابع في الامريكي او ولادتي بعد كانت عندهم الصراحة مستشفى متخصص والدكاترة الي فيه شطار الي كنت اتابع معاها فلبينية اسمها سسليا رووووعة في التعامل وشاطرة بعد بس الي ولدتني دكتورة الكا ممتازة وكانت شاطرة الصراحة مستشفى العسكري زين مو لاني ولدت فيه او تابعت عندهم بس لان الدكتورات الي فيه ممتازين ومتخصصين واسعارة معقولة

كم اسعار العسكري وابن النفيس للولادة؟

لا والله ياخت ضي انه مش مريحه لا في التعامل ولا في اسلوب الكلامبس المستشفى امانه نظيف والغرف اصغار

للرفع

بنات عندي سؤال فرح جم تاخد على الزيارة الوحده ليحين 20 ؟ و الامريكي جم تكلف الاستشارة ؟ طبعا اقصد الفحص و الاتراساوند

الريح الباردة;9511363:
للرفع

بنات عندي سؤال فرح جم تاخد على الزيارة الوحده ليحين 20 ؟ و الامريكي جم تكلف الاستشارة ؟ طبعا اقصد الفحص و الاتراساوند

اني اتعالج في الفاتح عند د. زينب الجفيري
وبالصراحة معاملتها كلش ممتازة
وناوية اولد ادا شاء الله في السلمانية
سويت ثري دي عند د. فهيمة (عيادة البدر) واني في الشهر الرابع
كانت الرسوم 30 دينار
والحين بما اني بعد كم يوم بدخل الثامن
حبيت اسوي ثري دي مع سي دي
بس سمعت ان السعر اكثر من 45 دينار
من عندها فكرة عن دكتورة تسوي ثري دي في الشهر الثامن بأقل من هذا السعر؟

الريح الباردة;9511363:
للرفع

بنات عندي سؤال فرح جم تاخد على الزيارة الوحده ليحين 20 ؟ و الامريكي جم تكلف الاستشارة ؟ طبعا اقصد الفحص و الاتراساوند

فرح 26 مع الالتراسوند

والله شوفوا انه الحين دخلت الاسبوع التاسع والحمد لله بس انه الحين اتابع في مستشفى العسكري طبعا وارتاح وايد عند الدكتوره عابده وخالده واروح بعد عند الدكتوره منى الشرقي لان ولادتي ان شاء الله بتكون في مستشفى العسكري طبعا غرفه خاصه واهتمام يعني ارتاح عندهم وخبركم الواسطات بعد لها دور بس بعد ارتاحيت عند الدكتوره منى الشرقي واسعارها وايد حلوه والحين انه اتابع عند الصوبين

الموضوع بصراحة واايد عجبني
ل
انا ما خليت مستشفى ما رحته تقريبا رحت في الشهر الأول والثاني مستشفى الامريكي عند دكتورة لبنى كأني داخله مركز صحي بصراحة مو كأني في خاص

والشهر الثالث رحت مستشفى عوالي عند دكتورة آنا عجبتني بس خفت منها لأن كل الي اعرفه وولد عندها تولده عملية قيصرية وخفت منها وبعد وايد غالي

في الشهر الرابع والخامس رحت مستشفى البحرين التخصصي عند دكتورة فرح بصراحة خوووش دكتورة وارحت لها وااااااااايد وان شاء الله بولد عندها واجهزتها كلها حديثة ودقيقة وتعجبني في تعاملها ويايي واسعارهم بصراحة مو غالية غرفهم ماشاء الله كبيرة بالنسبة للمستشفيات الباقية ....

فأتمنى ان الكل يتابع عندها لأنها بصراحة دكتورة خبيرة وممتازة

وان شاء الله اولد عندها والله يسهل لي وما احتاج للعملية واولد طبيعي

:)الي عندها اي استفسار تسألني وانا بالخدمة حبيباتي

ربي يتمم على الجميع ويسهل حملنا وولادتنا ويقومنا بالسلامه

للرفع

انا اتابع عند الدكتوره بانو في الامريكي الصراحه حليوه ومعاملتها طيبه
وكل شي تقول وما تخرع الوحده لو فيها شي
و ما ادري وين اولد يا الامريكي او العسكري والله يسهل ع الجميع ياربي