(للبحرينيات) وين اتابعين و وين ناوية اتولدين ان شاء الله

سلام بنات
بسالكم شرايكم بدكتورة افتخار العجيمي اللي عيادتها في رويان على شارع البديع

انا رحت ليها مرتين و كل مرة تاخذ 45 دينار

Um Noor;9196321:
آنا كنت أتابع عند زينب الجفيري وكانت حبوبة وبشوشة يعني الواحد يرتاح لها وكانت تاخذ عشرين دينار في كل زيارة بس قريب الولادة صارت المواعيد كل اسبوعين فصارت تاخذ عشرة دينار وكل موعد تسوي لي التراساوند أو في الآخر عطتني سيدي فيه تصوير الجنين مال التراساوند من أول موعد رحت لها فيه أما الولادة ولدت في السلمانية

زينب الجفيري دكتورتي في المستشفى الحكومي واني اتابع بعد عند مستشفى الارسالية الاميركية فرع سار والولادة مادري في وين حزة الطلق مكان اللي يودوني قابلة هههههههه يعني اكيد اما جدحفص او السلمانية لاني بكر و ما اعرف لهسوالف

ملاك الغالي;9200293:
سلام بنات
بسالكم شرايكم بدكتورة افتخار العجيمي اللي عيادتها في رويان على شارع البديع

انا رحت ليها مرتين و كل مرة تاخذ 45 دينار

دكتورة افتخار لعجميي الصراحه عن تجربه ماديه لابعد حد كنت اراجع عندها عن الالتهابات فلستني كل سبوع 60 او 40 دينار غير التحاليل يعني كلش ما يسوى فيه وايد عيادات عندنا وشطار اخر مره طلعت من عندها قلت ما اعودها خلاص فقررت اني اراجع عند منى الشرقي بعد ما الله تمم لي على خير وحملت بالبيبي

reddish;9190797:
اختي ما انصحج تولدين عند كيرن .. بس اذا متابعة اشوة

بطة حلوة;9198683:
اني اتابع عند كيران وما عليها زود

اصلا اول ما تابعت عندها سقطت
بس هالمرة لا مثبتات ولا غيره
وتعجبني طريقتها وكلامها
ولما تقول كلام لازم تراويش في الدراسات اللي عندها والأوراق ان هذا الكلام صح
وهذا اللي يخليني واثقة فيها
كتاب متحرك ..

عن الولادة .. أمس رحت عوالي كان حلو والحجرة اللي دخلت فيها واسعة وجديدة
الظاهر هذا التوسعة الجديدة
ولا ما في الا وحده والدة
يعني أكيد أكيد راح تحصلين لج جانس في المستشفى
بس عن الاسعار ما ادري

وكنت افكر في العسكري
ولأني عندي تأمين وتأميني من النوع اللي يعطوني عليه حجرة خاصة
فما ادري وقت اللي اروح أولد .. بيعطوني الأولويه ولا لا ؟؟
أما عن السلمانية فأني حاطتنه أخر اوبشن
وأميل أزيد أني أروح العسكري
وما ادري عن ابن النفيس
متردده بين ذيلين الثلاثة والحين عوالي دش في خاطري بعد

انا من تجربتي بولادتي الاولى راجعت و ولدت على يد كيران ماحسيت بخوف ولا تعقيدات الولاده اللي اقراها هني

حتى يوم طلعت من التخصصي دار راسي قلت لو احمل مره ثانيه مااحس برتاح حق وحده ثانيه غيرها

و الحمد لله اكتشفت بعد فتره انها في ابن النفيس و كنت بوقتها حامل و على وجهه اجهاض يعني رحت لها و كان الجنين خلاص نزل بفضل السلمانيه بارك الله فيهم


و الاخت اللي تقول ان متابعه الحكومي زينه نفسها نفس الخاص مستحيل يكون الحكومي مثل الخاص انا كنت اتابع في الاثنين يعني التحاليل اخذها في الحكومي بس متابعه الجنين و تطور نموه في التخصصي

المركز كانو طول التسع اشهر بس تحط يدها تشبر على بطني وتقولي الحين صار حجمه 16 سم ... حشى سونار مو ايد هذي :rolleyes:

و بحملي الثاني رحت السلمانيه لان جايني نزيف بدايه الحمل ماكلفو عمرهم يعطوني مثبت أو حتى يحسسوني انهم مهتمين تميت ساعه واقفه .. واقفه و عندي نزيف الله لا يقويهم على اهمالهم :mad:

اهلين مقبلات على الولاده
ان اتابع مع الامريكي دايما عند جوليت بس للاسف سافرت من شهر وحولت على بانو لانه كم مره تشرف على المتابعه مع جوليت ابصراحه دكتوره شاطره ومريحه اكثر من غيرها لاني هذه المره درت على عوالي وماعجبتني الدكتورة(انا)بس الممرضات زينين والدولي الدكتوره زينه والله لايرويكم معاملة الممرضات والموظفين اما عن الغرف المريكي غرفهم قديمه بس العنايه عندي اهم

انا الامريكي صوب بيتنا و اختي تراجع عندهم و تقول زينين

بس مثل ماقلتي الغرفه صغار و قديمه من جذي ماحبيته جان زين يعدلون غرفهم

اهلين بنات حبيت ارفع الموضوع و شكرا للتفاعل

روضة الخلان;9205471:
اهلين مقبلات على الولاده
ان اتابع مع الامريكي دايما عند جوليت بس للاسف سافرت من شهر وحولت على بانو لانه كم مره تشرف على المتابعه مع جوليت ابصراحه دكتوره شاطره ومريحه اكثر من غيرها لاني هذه المره درت على عوالي وماعجبتني الدكتورة(انا)بس الممرضات زينين والدولي الدكتوره زينه والله لايرويكم معاملة الممرضات والموظفين اما عن الغرف المريكي غرفهم قديمه بس العنايه عندي اهم

هالمرة في حملي الثاني واجد تأذيت كل يوم تطلع ليي مشكلة

المهم نسوان اخواني ثنتينهم مدحوا ليي جوليت بالامريكي بس كان خلاص عندي موعد مع منى وخبرتني عن الحمل واجهضت للاسف ولا قدرت اروح لجوليت


يعني طلعت مسافرة ومابترجع يعني؟

اولاً الله يعوضج يارب
جوليت ما راح ترجع بس بانو موجوده وايد زينه وفي دكتوره فلبنيه جديده دخلت لها مره طيوبه

مراوي ضحكتيني على الدكتورة اللي في المستشفى الحكومي
من صجهم يعني بس باليد يعرفون حجم البيبي؟؟
هههههههه عجل مايحتاجون اجهزة في المراكز اذا فيه دكاترة بهالشطارة !!

اشوة عجل اني مفكرة تطلع نتيجة تحاليل المركز وارد اخذ موعد عند الدكتورة عشان تسوي لي سونار في العيادة

الحين بس باسال سؤال سريع خواتي
اي احسن دكتوره في الامريكي لان يوم الخميس عندي مو عد وقالولي بحطوني على لبني الي ماتفضى الكا وانا الصج ما اعرف اي احسن
فياليت الي تعرف تقولي شاسوي اي وحده اروح ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

مرحبا يا بنااااااااات بصراحة و منكم نستفيد

بس بسألكم لو بروح العسكري بولد هناك جم بيآخذون علي ّ ؟؟؟

ردوا عليّ

جويلا;9223744:
مرحبا يا بنااااااااات بصراحة و منكم نستفيد

بس بسألكم لو بروح العسكري بولد هناك جم بيآخذون علي ّ ؟؟؟

ردوا عليّ

هلا اختي


اذا بتولدين خاص 450 إلى 500 دينار طبيعي و القيصرية 1200 أظن هذي على كلام البنات بس تأكدي

اي وباقولج ايقولون مافي إلا 5 غرف خاصة و الحين توهم ثنتين والدين من معارفنا قطوهم في الجناح العادي لأن مافي مجال في الغرف الخاصة

ام ابراهيم 85;9221504:
الحين بس باسال سؤال سريع خواتي
اي احسن دكتوره في الامريكي لان يوم الخميس عندي مو عد وقالولي بحطوني على لبني الي ماتفضى الكا وانا الصج ما اعرف اي احسن
فياليت الي تعرف تقولي شاسوي اي وحده اروح ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

على كلام البنات ألكا احسن وحدة

بنات عندي سؤال بالنسبة اللي اتابع عند الخاص و التحاليل اتسويها خارج المستشفى وين احسن شي؟
اشلون عن السلمانية يعني وايد زحمة و اتنطرين؟ و اشلون عن العسكري اسعار المختبر اقل من الخاص؟

بالنسبة لي انه اول حملة رحت عند صباح بيغ كانت اوكي ووايد شطورة في السونار لما حملت ثاني مرة رحت لها في البداية بس واايد كانت تتاخر فرحت عند فرح في التخصصي وايد ارتحت لها هالمرة بغيت اروح لها هالمرة بس مواعيدها فل فرحت عند فهيمة المطوع بس ماارتحت لها فشكلي بروح حق فرح مرة ثانية

reddish;9223952:
هلا اختي


اذا بتولدين خاص 450 إلى 500 دينار طبيعي و القيصرية 1200 أظن هذي على كلام البنات بس تأكدي

اي وباقولج ايقولون مافي إلا 5 غرف خاصة و الحين توهم ثنتين والدين من معارفنا قطوهم في الجناح العادي لأن مافي مجال في الغرف الخاصة

اي صح هذي الاسعار
بس اذا عندج فايل هناك بلاش
و5 غرف الكبار هذي اللي سعرها ب 100 دينار الليليه حلوة وووسييييييعه واااايد وان شاء الله انا ناويه اول فيها باذن الله

في غير هذي الجناح غرف واااااااااااااااااايد اللي بو 15 دينار

reddish;9223952:
هلا اختي


اذا بتولدين خاص 450 إلى 500 دينار طبيعي و القيصرية 1200 أظن هذي على كلام البنات بس تأكدي

اي وباقولج ايقولون مافي إلا 5 غرف خاصة و الحين توهم ثنتين والدين من معارفنا قطوهم في الجناح العادي لأن مافي مجال في الغرف الخاصة

مشكورة حبيتي

مرحبا يا بنات ديرتي شخباركم عندي سؤال انه في الشهر السادس وللحين ما عرفت جنس المولود انه اتابع في الحكومة وسويت مرة سونار في الشهر الرابع في مستشفى الهلال على طاري اسعار المستشفيات الهلال الولادة الطبيعية 200 دينار والقيصرية 400 طبعا بالنسبة لي ارخص مستشفى جفته لحد الان بس عيبهم الغرف صغار وايد يعني حد الحد حق السرير بس طولت عليكم سؤالي ابي اعرف جنس المولود سمعت عن فهيمة لمطوع في عيادات البدر في سترة شرايكم فيها ؟؟